22/07/2026
Маркетинг хийхгүй байх нь ч бас стратеги байж болох уу?
Саяхан надад сонирхолтой нэгэн кэйс тохиолдлоо.
Өчигдөр би Gen Z үеийнхэн ажиллуулдаг нэгэн кофе шопын эзэнтэй уулзаж, сошиал медиа маркетинг болон Google Maps, SEO-гийн хөгжүүлэлтийн талаар санал тавихаар очсон юм.
Анхны ажиглалтаар тэднийг Google Maps болон олон нийтийн сүлжээнээс бараг олж болохгүй байсан. Үйлчилгээний бизнест хүний урсгал хамгийн чухал гэж боддог хүний хувьд энэ нь том боломж мэт санагдсан.
Гэвч миний төсөөлөөгүй хариултыг сонслоо.
> **"Манайх хүн багатай, нууцлаг байхыг хүсдэг. Тиймээс бид онлайн орчинд өөрсдийгөө идэвхтэй сурталчилдаггүй. Хүн цөөн байх нь одоогийн үйлчлүүлэгчдэдээ илүү тав тухтай, нам гүм орчин бүрдүүлэхэд тусалдаг."**
Энэ нь татгалзсан ч биш, зөвшөөрсөн ч биш. Харин бизнесийн зорилго нь миний төсөөлснөөс өөр байсныг ойлгуулсан хариулт байлаа.
Бид ихэвчлэн **"илүү олон хүнд хүрэх = илүү сайн бизнес"** гэж боддог. Гэвч бүх бизнесийн амжилтыг ижил хэмжүүрээр үнэлж болохгүй юм байна.
Зарим брэндийн хувьд өсөлт нь илүү олон үйлчлүүлэгч татахдаа биш, харин өөрийн хүссэн туршлага, уур амьсгалыг хадгалахад оршдог.
Энэ нь зөвхөн Gen Z бизнес эрхлэгчдийн онцлог уу, эсвэл шинэ үеийн хэрэглэгчдийн өөрчлөгдөж буй хандлагын илрэл үү?
**Таны бодлоор бизнес бүр өсөлтийг зорих ёстой юу, эсвэл заримдаа "бага боловч зөв" байх нь илүү оновчтой стратеги байж болох уу?**
