17/09/2025
Аж үйлдвэр, эрдэс баялгийн сайд Г.Дамдинням: Том багагүй заяагдмал нөөцийн АМНАТ төлдөг байя, энэ нь шударга ёсонд нийцнэ‼️
УИХ-ын гишүүн Х.Тэмүүжинтэй зуугаас дээш хувь санал нэг байна. Европын холбоо, АНУ, БНХАУ зэрэг томоохон улс орнууд эдийн засагт нь чухал хувь нэмэр оруулж буй бүтээгдэхүүнээ стратегийн бүтээгдэхүүн гэж зарлаж байна.
Стратегийн бүтээгдэхүүн гэдэг нь зөвхөн газрын ховор элементийг тооцдоггүй, тухайн улсын эдийн засагт томоохон хувь нэмэр оруулж буй бүтээгдэхүүнээр тодорхойлогддог.
Манай улс стратегийн орд гээд Үндсэн хуульдаа оруулснаар "гацаалтад" оруулчихсан.
Стратегийн орд гэдэг нэр өгчихөөр хайгуул судалгааны ажлыг хувийн хэвшлүүд айгаад явуулж чадахаа байсан. Иймд, том хэмжээний хөрөнгө оруулалт орж ирэхээ байсан. Яг одоогийн байдлаар явбал бидэнд дараагийн Оюутолгой, Тавантолгой гарч ирэхгүй.
Ашигт малтмалын тухай хуулийн нэмэлт өөрчлөлтийг удахгүй ЗГ-аар оруулна. АҮЭБЯ-нд бэлтгэгдэж байна. Олон нийтээр хэлэлцүүлнэ.
Стратегийн орд, бүтээгдэхүүнийг ойлгомжтойгоор тодорхойлоод “Том биетэй бол чамаас авна” гэж дайраад байхаас илүүтэй бүгдээрээ байгалийн заяагдмал нөөц ашиглаж байгаа учраас тэр заяагдмал нөөцөөс баялгийн сангийн тусгай АМНАТ авъя. Ингэснээр том жижиггүй бүгдээрээ баялгийн сангийн хувь нэмэр оруулагч болж хувирна.
