01/04/2024
Эрхэм АДУУЧИН МАЛЧИД АА.
Та бүхэнд МӨРӨӨДӨЛ БИЕЛСЭН баярт мөчийн мэндийг хүргэе.
Манай Хөх Үүр Группын хамт олны хичээл зүтгэл, монгол адууны сүүн шим, монгол малчдын уйгагүй хөдөлмөр, тал нутгийн таана хөмүүлийн үр шимээс бүтдэг АЙРАГ хэмээх амтат ундаа маань дэлхийн брэнд болон мэндэлсэн баярт мэдээг танд дуулгаж байна. Япон улсын нэр хүнд бүхий шинжлэх ухаан, судалгаа шинжилгээ, гоо сайхан, эрүүл мэндийн бүтээгдэхүүний үйлдвэрлэл эрхэлдэг BOLD BIO TECHNOLOGY LLC айрагнаас “үүдэл эс” гарган авах судалгааг амжилттай хийснээ 3 сарын өмнө бидэнд дуулгаж байсан бол дөнгөж өчигдөрхөн тэрхүү үүдэл эс найрлагад нь орсон “AIRAG exosome” бүтээгдэхүүний дээжийг манай компанид хүндэтгэлтэйгээр гардуулан өглөө. Энэхүү бүтээгдэхүүн нь үнэ цэнэтэй, өндөр үнэтэйгээр “amazon” худалдааны сүлжээгээр дэлхийн даяар худалдаалагдаж эхэлжээ. Үүний зэрэгцээ жил бүр 500 тонн айраг худалдан авах томоохон гэрээг ХӨХ ҮҮР АГРО ХХК-тай үзэглэлээ. Та бүхний тусламжтайгаар гүйцэтгэсэн бидний хичээл зүтгэл ийнхүү эхнээсээ үр дүнгээ өгч байна. Том зорилгын том эхлэл байлаа. Та бүхэнд чин сэтгэлээсээ талархал илэрхийлье. Баярлалаа.
