Mongol Film Group

31/12/2020

Монголфильм студийн хамт олноос шинэ оны мэнд хүргэе!
2020 онд бид эдгээр кинонуудад ажиллажээ.

31/01/2019

"Монгол хүү" кинонд Цэвээн шууд л "Засгийн газар хаа байна?" гээд давхиж ирээд сайдтай уулздаг шүү дээ. Тэр сайдад тоглосон хүн бол гавьяат жүжигчин Б.Жадамба билээ.
Балсандоржийн Жадамба 1900 онд Сэлэнгэ аймгийн Баруунбүрэн суманд төржээ. Санхүүгийн техникумд суралцаж байсан тэрээр 1930 оноос Улсын төв театрт жүжигчнээр ороод насан эцэслэтлээ театрт зүтгэжээ.
1936 он "Монгол хүү" сайд
1940 он "Анхдугаар хичээл" цэрэг
1941 он "Сүхбаатар" Гамингийн бага дарга
1942 он "Морин цэрэг, танкист" Цэрэн
1945 он "Цогт тайж" ордныг сүйтгэгчид тоглосоныг нь тогтоолоо.
"Сүхбаатар" кинонд тоглосон байж магад. Маргааш шалгана даа.
Б.Жадамбаа гуай 1953 онд нас барсан бололтой. Нөгөө "Цогт тайж"-аас хойш 9 жил уран сайхны кино хийгээгүй жилүүд таарсан нь харамсалтай. Тэгээгүй бол олон кинонд тоглох байсан байх даа.

24/01/2019

Монгол улсад кино урлагийг хөгжүүлэх үед тухайн үеийн сэхээтнүүдээс монгол кино найруулагчийг төрүүлэх шаардлага зүй ёсоор бий болжээ.
Т.Нацагдорж, М.Лувсанжамц, М.Болод, Б.Гомбо нарын цөөн найруулагчид зөвлөлтийн мэргэжилтнүүдээс суралцан анхны кинонуудыг бүтээлцэж байсан юм.
Минжүүрийн Лувсанжамц 1908 онд Төв аймгийн Мөнгөнморьт суманд төржээ. Бага сургууль төгсөөд мал эмнэлэгийн техникум төгсч малын эмч хийж байсан Лувсанжамц 30-аад оны эхээр хотод ирж Улсын төв театрт жүжигчин болсон байна. Төд удалгүй Москва хотын В.А.Луначарскийн нэрэмжит театр урлагийн сургуульд суралцсан явдал нь түүнд манай урлагийн анхны мэргэжлийн сэхээтэн болох аз тохиосон явдал болжээ.
1936 онд нээлтээ хийсэн "Монгол хүү" кинонд М.Лувсанжамц гуай цэргийн дүрд тоглож зэрвэсхэн гардаг хэсэгт тоглосон нь түүний болон монголын анхны кино байлаа. Цэвээн хотод ирээд "Засгийн газар хаа байна?" хэмээн давхиж явахад нэг цэрэг "Сүхбаатарын чөлөөний цаана. Том цагтай өндөр байшин" хэмээн зааж өгдөг цэрэг Лувсанжамц гуай юм шүү дээ.
1941 онд "Монгол кино" үйлдвэрт найруулагчаар томилогдон иржээ.
1942 он "Морин цэрэг танкист" М.Болодтой хамт
1942 он "Хил дээр гарсан хэрэг" М.Болодтой хамт
1942 он "Аймшиггүй эх оронч" бие даан найруулжээ.
1945 онд нээлтээ хийсэн "Цогт тайж" киноны найруулагчийн багт орж ажилласан төдийгүй хэд хэдэн жижиг дүрд тоглосон байна.
1936 он "Монгол хүү" цэрэг
1945 он "Цогт тайж" Аксакал өвгөн, Намчин Чойжин, лам хувцастай цэрэг
1965 он "Гэмшил зэмлэл" Доной
1965 он "Зэрэг нэмэхийн өмнө" харамч баян
1968 он "Өндөр ээж" жолооч
1968 он "Нийслэл хүү" тоо бүртгэгч эдгээр кинонуудад тоглосон нь тэмдэглэгджээ. Судлах явцад өөр дүрүүд гарч ирэх магадлалтай.
М.Лувсанжамц найруулагч "Тосгоны багш", "Ёстой хүний тууж", "Цэргийн эцэг" зэрэг олон сайхан кинонуудын орчуулгийн найруулагчаар ажиллажээ.
Мөн олон арван баримтат кинонуудыг найруулсан болно.

19/01/2019

Балбар вангийн бага хатнаас киноны гараагаа эхлэн Шагдарт хаягдсан эхнэр Должин болж "Шинэ халаадаа өмсөөрэй, ширээнийхээ бүтээлгийг солиорой" гэдэг үгээрээ олны танил болсон жүжигчин, найруулагч Ш.Цэцэг гуайн талаар тодотгоё гэсэн юм.
Монгол Улсын гавьяат жүжигчин Шатарын Цэцэг 1945 онд Улаанбаатар хотод төржээ.
1964 оноос УДБТ-т бүжигчин
1967-1971 онд УБДС-ийн кино драмын жүжигчний ангийг жүжигчин мэргэжлээр төгссөн,
1971 оноос Төмөр Замын Соёлын ордонд найруулагч, бүжгийн багш,
1975 оноос "Монгол кино" үйлдвэрийн жүжиг ангид жүжигчин,
1990 оноос Хүүхэд Залуучуудын Театр Киноны хүрээлэнд найруулагч,
1996 оноос өдий хүртэл КУДС-д багшилж байгаа билээ.
1971 он "Тэмцэл" хатан
1974 он "Уулзалт" гэр бүлийн найз
1974 он "Нэг ангийн хоёр" Төмөрхуягийн ээж
1976 он "Хүний төлөө" хурал дээр
1977 он "Зуслангийн найзууд" Цэцэгээгийн ээж
1977 он "Дэгдээхэй нас" цэцэрлэгийн эрхлэгч
1978 он "Хайрхан өндөр хаана байна" Дулмаа
1979 он "Тойрох хуудас" бригадын гишүүн
1983 он "Гарын таван хуруу" Должин
1984 он "Тань руу нүүж явна" дүү
1985 он "Ацаг шүдний зөрүү" хятад бүсгүй
1987 он "Ховор хүмүүс" буудлын эрхлэгч
1993 он "Ам цагаан хулгана"
1993 он "Нүгэлийн золиос"Бурмаа
1994 он "Еэ еэ шар Буд"
1998 он "Далд уянга" хорихын дарга
2000 он "Хааны сүүлчийн хатан" хатан зэрэг кинонуудад тогложээ.
Цэцэгээ гуай мөн орчуулгын олон кинонд дуу оруулж байсан юм.
Мөн тэрээр "Ам цагаан хулгана", "Еэ еэ шар Буд" кинонуудыг найруулсан билээ.
Ш.Цэцэг гуай Н.Нямдаваа найруулагчийн гэр бүлийн хүн юм. Хүү Н.Бадрал нь "Би чамд хайртай киноны Баяраад, Хүү Н.Бат-Амгалан нь "Дэгдээхэй нас" киноноос эхлэн олон кинонд тоглосон авъяаслаг гэр бүл юм шүү.

18/01/2019

БНМАУ-ын Хөдөлмөрийн баатар, Ардын жүжигчин Ц.Пүрэвдорж гуай цөөн хэдэн кинонд тоглож дүрээ мөнхөлжээ.
Цэвэгжавын Пүрэвдорж 1929 онд Хэнтий аймгийн Дадал суманд төржээ.
1945 оноос Улсын Хэвлэх үйлдвэрт зураач,
1947 оноос Улсын хөгжимт драмын театрт найрал дууны жүжигчин
1955-1960 онд ЗХУ-ын Свердловск хотын Хөгжмийн дээд сургуулийг дуурийн дуучин мэргэжлээр төгссөн.
1984 он "Ард Аюуш" Ла ван
1989 он "Алтан шонхор" Будан мэргэн"
1993 он "Учиртай гурван толгой" Балганы эцэг зэрэг кинонуудад тоглосон бөгөөд "Алтан соёмбын дуулал" кино концертод ая дуугаа өргөж байжээ.
1999 онд "Зууны мэдээ" сониноос ард түмний дунд санал асуулга явуулахад "Зууны шилдэг эрэгтэй дуурийн дуучин "-аар шалгарч байжээ.

18/01/2019

18/01/2019

Дэлхийн киног судладаг хүн маш олон. Монгол киногоо бид л судлаж гэмээ нь тэдний анхаарлыг татна.

16/01/2019

Урьд монгол бүсгүйн цэвэр ичимхий зан, намба төрх гэж их ярьдаг байлаа. Одоо ч тэр үг америк, солонгос киног их гаргадгаас домог болон үлдэж дээ.
Манай киноныхон чухам л тийм монгол төрхтэй, хөрслөг бор бүсгүйчүүдийг эрэн хайж кинондоо тоглуулахыг эрхэм болгодог байжээ. Яг л ийм хүн бол "Ирж яваа цаг" киноны Маралмаад тоглосон бүсгүй Гэрэлмаа гэдэгтэй та бүхэн санал нийлэх байх.
1969 онд Өмнөговь аймагт төрсөн Борхүүгийн Гэрэлмаа. Мэргэжлийн жүжигчин бус боловч хэд хэдэн кинонд гол болон туслах дүр бүтээжээ. Хожим буюу 2002 онд "Мюзик Холл" сургуулийг найруулагч мэргэжлээр төгссөн бөгөөд МҮОНТВ-д найруулагч хийж байсан.
1986 он "Ирж яваа цаг" Маралмаа
1986 он "Нандин эрдэнэ" Оюун
1987 он "Би нисэх дуртай" буудалд ярилцдаг бүсгүй
1988 он "Мандухай сэцэн хатан" Саахай
1991 он "Амин мөр" Насан
1993 он "Хүсэл хясал" Хажид эдгээр кинонуудад чадварлаг тоглосон юм.
Б.Гэрэлмаа найруулагч сүүлийн жилүүдэд гадаадад амьдарч байгаа сурагтай.

16/01/2019

https://youtu.be/mLwk7VcbbVM

«FILM, FILM, FILM» (film) 19 min. 36 sec. SOYUZMULTFILM, 1968 "For adults. It is a very ridiculous film about the process of how films are shot; it shows all...

15/01/2019

21/09/2017

“УЛААНБААТАР” олон улсын IX кино наадмын нээлтийн киногоор “ЧИНГИСИЙН ХҮҮХДҮҮД” МУСК шалгарлаа

Нийслэлийн Засаг Даргын Тамгын газар, Нийслэлийн Соёл, урлагийн газар, Монголын Урлагийн зөвлөл, Монголын Кино урлагийн зөвлөл хамтран кино урлагийн салбарын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой “Улаанбаатар” олон улсын IX кино наадмыг 2017 оны 10-р сарын 10-наас 15-ны хооронд Улаанбаатар хотноо зохион байгуулагдах гэж байна. Тус кино наадамд Монгол, Америк, Ази, Европын кино уран бүтээлчид болон олон улсын нэр хүндтэй кино наадмын зохион байгуулагчид уригдан оролцоно.

Энэ удаагийн наадмын хүрээнд Нийслэлийн Соёл, урлагийн газраас санаачлан Монгол киноны уралдааныг зарласан бөгөөд тус уралдаан нь “Уран сайханы кино”, “Баримтат кино”, “Хүүхдийн кино бүтээл”, “Нээлтийн кино” гэсэн дөрвөн төрөлд тус бүр нэг кино бүтээлийг шалгаруулж, цом, өргөмжлөл, мөнгөн шагналаар шагнах юм.

“Улаанбаатар” олон улсын IX кино наадмын “Нээлтийн кино”-ны төрлийн шалгаруулалтанд 2016 оны 1-р сарын 1-нээс 2017 оны 09-р сарын 15-ны дотор бүтээгдсэн болон нээлтээ хийгээгүй кинонууд оролцсон бөгөөд найруулагч Д.Золбаярын бүтээл “Чингисийн хүүхдүүд” уран сайхны кино шалгарлаа.

“Уран сайханы кино”, “Баримтат кино”, “Хүүхдийн кино бүтээл”-ийн шалгаруулалтын дүнг 2017 оны 10 сарын 10-ны өдөр танилцуулж шагнал гардуулах юм. Энэ ташрамд дуулгахад “Улаанбаатар” олон улсын IX кино наадмын “Нээлтийн кино”-оор шалгарсан “Чингисийн хүүхдүүд” уран сайхны кино 2017 оны 10 сарын 10-нд кино наадмын шагнал гардуулах ёслолын ажиллагааны үеэр албан ёсны нээлтээ хийж үзэгчдийн хүртээл болно.

08/09/2017

"The Children of Genghis"
ORIGINAL MOTION PICTURE SOUNDTRACK CONCERT

Монгол фильм групп, Монгол фильм хөгжлийн сан хөмрөг, Монгол фильм группын Лос-Анжелес салбарын бүтээл “ЧИНГИСИЙН ХҮҮХДҮҮД” уран сайхны киноны хөгжмийн концерт болох “ДЭЛХИЙН БОЛОН ЧИНГИСИЙН ХҮҮХДҮҮД КИНОНЫ КОНЦЕРТ” 2017 оны 10-р сарын 05-нд “The Corporate Hotel and Convention Centre”-ийн концертын танхимд 19:00 цагаас болно.
Концерт нийт хоёр хэсгээс бүрдэх ба 1-р хэсэгт дэлхийн болон Монголын шилдэг киноны хөгжмийг толилуулах бол 2-р хэсэгт “Чингисийн Хүүхдүүд” киноны хөгжмүүд тоглогдох болно.
Манай концерт өвөрмөц дуугаралт, гайхамшигтай сонгодог орчин, мэргэжлийн уран бүтээлчдийн хамт жинхэнэ сэтгэл сэргээм, тансаг хөг аялгууг мэдрүүлж, мартагдашгүй дурсамжийг танд үлдээх болно.
Тасалбарыг https://www.ticket.mn/event/337/