10/07/2025
Энэ хорвоо ертөнц дээр Монгол улсад Монгол хүн болж төрнө гэдэг бол хосгүй их хувь заяа билээ. Тийм ч утгаар бид өөрсдийн энэ их хувь заяаг хүлээн авч, улс орон, нийгэмдээ зөв шудрагыг эрэлхийлсэн сайн иргэн хүн байх нь бидний үүрэг хариуцлага юмаа. Тэгвэл Монгол эр хүний жудаг, ёс жаягыг хойч үедээ өвлөн үлдээсэн Монгол киноны алтан үеийн сор бүтээлүүдийн нэг бол яах аргагүй Гарьд Магнай уран сайхны кино билээ. Монгол үндэстний эрийн гурван наадмын нэг болох бөхийн барилдааны уламжлал, дэг жаяаг, ёс жудаг зэргийг харуулсан Гарьд Магнай кино бол зүгээр нэг бөхийн тухай гардаг кино биш юм. Харин ч Гарьд Магнай кино бол өнө удаан жил өвлөгдсөөр ирсэн Монгол эр хүний зан чанар, хийморь, жудаг ямар байдгийг харуулсан, нэг талаар залуу хойч үе бидэндээ өөрсдийн сургаалиа хайрласан суут бүтээлүүдийн нэг билээ. Тийм ч учраас өнөөдрийн бичлэгээр бид Үндэсний Их Баяр Наадмын баяр болж байгаатай холбогдуулан та хэддээ Гарьд Магнай киноны задланг хүргэхээр бэлтгэлээ. Наадам болж байна даа хуушуур сайхан урдаа тавиад like болон subscribe -аа дараад бичлэгээ эхлүүлээрэй. Та хэдийн үлдээсэн like болон subscribe -ийн хэрээр бид цаашид өшөө олон сэтгэлд хоногшсон кинонуудын задланг бэлтгэн үзүүлэх болноо.
