Эм, эмнэлгийн хэрэгслийн хяналт, зохицуулалтын газар-ЭЭХХЗГ

11/07/2025

Монгол түмний түүх уламжлал, эв нэгдэл, тусгаар тогтнолын билэг тэмдэг, үндэсний их баяр наадмын мэнд дэвшүүлье.

07/07/2025

📢 Монголын эм зүйн салбарын хөгжлийг дэмжсэн ХАМТЫН АЖИЛЛАГААНЫ ГЭРЭЭ байгууллаа!

Монголын Эм зүйн байгууллагуудын нэгдсэн "Эм" холбоо төрийн бус байгууллагатай хамтран эм зүйн салбарын хөгжлийг дэмжих, бодлогыг тодорхойлох, хэрэгжилтийг хангах зорилгоор 2025 оны 7-р сарын 7-ны өдөр хамтын ажиллагааны гэрээнд гарын үсэг зурж, албан ёсоор баталгаажууллаа. ✍️🤝

🔹 Хамтын ажиллагааны хүрээнд дараах чиглэлүүдэд хамтран ажиллана:
✅ Эм зүйн салбарын хууль, журам, стандартын боловсруулалт, оролцоог нэмэгдүүлэх
✅ Хөрөнгө оруулалт татах, хувийн хэвшлийн оролцоог дэмжих
✅ Эм зүйн тусламж үйлчилгээний чанар, хүртээмжийг сайжруулах
✅ Түншлэл, итгэлцэл, хамтын ажиллагааг бэхжүүлэх

Энэхүү хамтрал нь төр, хувийн хэвшил, мэргэжлийн байгууллагуудын үр дүнтэй хамтын ажиллагааг хөгжүүлэх, тогтвортой эрх зүйн орчин бүрдүүлэх, иргэдийн эмнэлгийн тусламж үйлчилгээний чанарыг сайжруулах зэрэг олон талын ач холбогдолтой юм.

📌 Цаашид талууд бодлогын хэрэгжилт, салбарын хөгжлийг урагшлуулах зорилгоор нээлттэй, ил тод, бодит үр дүнтэй харилцааг эрчимжүүлэх болно.

#эмхолбоо
https://mmra.gov.mn/?id=200008

04/07/2025

📢 ЧИГЛЭЛ ХҮРГҮҮЛЭХ ТУХАЙ
Эм, эмнэлгийн хэрэгсэл, эмнэлгийн тоног төхөөрөмж ханган нийлүүлэх байгууллагуудад

🇲🇳 Үндэсний их баяр наадам, Ардын хувьсгалын 104 жилийн ойг тэмдэглэхтэй холбогдуулан эрүүл мэндийн байгууллагын тусламж үйлчилгээний бэлэн байдлыг тасралтгүй хангах зорилгоор дараах арга хэмжээг авч хэрэгжүүлнэ үү:

📌 Үндэслэл:

Нийтээр тэмдэглэх баярын болон тэмдэглэлт өдрүүдийн тухай хуулийн 4.1.1

Хөдөлмөрийн тухай хуулийн 97.1.6

Эм, эмнэлгийн хэрэгслийн тухай хуулийн 11.1.1

Эрүүл мэндийн сайдын 2020 оны А/36 дугаар тушаал

Эрүүл мэндийн сайдын 2025 оны А/249 дугаар тушаал

Эрүүл мэндийн сайдын 2025 оны 04 дүгээр албан даалгавар

📋 Авах арга хэмжээ:
✅ “Бүх нийтээр тэмдэглэх баярын амралтын үед эрүүл мэндийн байгууллагын ажиллах журам”-ыг мөрдөх
✅ Шаардлагатай эм, эмнэлгийн хэрэгсэл, тоног төхөөрөмжийн нөөцийг бүрдүүлж, тасалдал, хомсдол үүсэхээс сэргийлэх
✅ Байгууллагын тасралтгүй үйл ажиллагааг ханган, хариуцлагатай жижүүр томилох
✅ Баярын үеэр ажиллах цагийн хуваарь, албан тушаалтны нэр, утасны дугаар бүхий мэдээллийг
📩 2025 оны 7-р сарын 7-ны өдрөөс өмнө дараах хаяг руу илгээнэ үү:
[email protected]

📌 Хамтдаа эрүүл мэндийн салбарын бэлэн байдлыг хангаж, ард иргэддээ найдвартай тусламж үзүүлье!

#эмхангамжийнбайгууллага
#эмхолбоо

30/06/2025

📢 Анхааруулга – Улаанбурхан өвчний дэгдэлтийн үед

Эрүүл мэндийн тухай хуулийн 13.7, Эм, эмнэлгийн хэрэгслийн тухай хуулийн 11.1.1-д заасны дагуу Улаанбурхан өвчний дэгдэлтийн үед шаардлагатай эм, эмнэлгийн хэрэгсэл, хувийн хамгаалах хэрэгсэл, тоног төхөөрөмж, ариутгал халдваргүйтгэлийн бодисын зохистой нөөцийг бүрдүүлж, хангалтыг тасралтгүй байлгах талаар холбогдох байгууллагууд, байгууллагын дарга, эм ханган нийлүүлэгчдэд үүрэг өгч байна.

📌 ЭМ-ийн сайдын:

2023 оны 06 сарын 14-ний өдрийн А/211 дүгээр тушаалын 1-р хавсралт,

2025 оны 03 сарын 18-ны өдрийн А/81 дүгээр тушаал ("Улаанбурхан өвчний эмнэлзүйн заавар батлах тухай")-ын дагуу эм, эмнэлгийн хэрэгслийн жагсаалтыг хавсаргав.

🛡️ Халдварт өвчнөөс сэргийлэх, хариу арга хэмжээний бэлэн байдлыг хангах нь хүн бүрийн эрүүл мэндийн эрхийг хамгаалах чухал алхам юм.

27/06/2025

📢 Ажлын байрны нээлттэй зар

Микробиологич шинжээч
Эмийн микробиологийн лабораторийн техник хариуцсан ахлах шинжээч
ажлын байрууд зарлагдлаа!

🧪 Хэрэв Та эрүүл мэндийн салбарт ажиллах, мэргэжлээ хөгжүүлэх хүсэлтэй бол бидэнтэй нэгдээрэй.

📩 Материалаа [email protected] цахим хаягаар илгээнэ үү
эсвэл өөрийн биеэр ирж өгөх боломжтой.

📍 Хаяг: Монгол Улс, 15160, Улаанбаатар хот, Чингэлтэй дүүрэг,
3-р хороо, Энхтайвны өргөн чөлөө,
Энхтайван найрамдалын ордон

📞 Холбоо барих утас: 51-260292

🧬 Мэргэжлийн чадвараа хөгжүүлж, салбартаа хувь нэмэр оруулаарай!

https://mmra.gov.mn/?id=201767
https://mmra.gov.mn/?id=201762

Эмийн микробиологийн лабораторийн техник хариуцсан ахлах шинжээчийн ажлын байр зарлагдлаа

27/06/2025

27/06/2025

26/06/2025

📍 Ээлжит хурал амжилттай боллоо

Эм, эмнэлгийн хэрэгслийн хяналт, зохицуулалтын газрын нийт албан хаагчдын ээлжит хурал 2025 оны 6-р сарын 26-нд зохион байгуулагдлаа.

📌 Газрын дарга Н.Эрдэнэбаяр GBT үнэлгээний явц, 2025 оны эхний хагас жилийн ажлын гүйцэтгэл, мэргэшлийн түвшний үнэлгээ, 2023–2025 оны статистик мэдээллийг танилцуулж, цаашдын зорилтыг онцлов.

🎉 Лицензийн газрын ахлах мэргэжилтэн О.Одончимэгт тэтгэвэрт гарсанд нь баяр хүргэж, хамт олны зүгээс дурсгалын зүйл гардуулав.

🏅 Ёс зүйн дэд хорооны шийдвэрээр “2025 оны 6-р сарын Ёс зүйтэй албан хаагч”-аар Х.Тунгалагтамир шалгарч, батламж, гарын бэлэг хүртлээ.

https://mmra.gov.mn/?id=201811

20/06/2025

🦠 Бичил биетний тэсвэржилтийн эсрэг хамтын ажиллагааг эрчимжүүлж байна

2025 оны 6-р сарын 20-ны өдөр “Бичил биетний тэсвэржилтээс сэргийлэх салбар дундын үйл ажиллагааны төлөвлөгөө (2022–2025)”–ний хэрэгжилтийг хангах орон тооны бус салбар зөвлөл хуралдлаа.

Хурлаар 2025 оны эхний хагас жилийн төлөвлөгөөний гүйцэтгэл, хэрэгжилтийн явцын үнэлгээний урьдчилсан дүнг хэлэлцэж, цаашид хийх ажлуудын талаар ярилцав.

🔹 Хуралд ДЭМБ-ын Монгол Улс дахь суурин төлөөлөгч Др. Сокорро Эскаланте болон олон улсын байгууллагуудын төлөөлөл оролцож, санал солилцлоо.

✅ Тус хурлын үеэр:

2026–2029 оны шинэ төлөвлөгөөний төслийг боловсруулах

Бичил биетний тэсвэржилтийн эсрэг үндэсний чуулганыг 2025 онд багтаан зохион байгуулах шийдвэр гаргалаа.

https://mmra.gov.mn/?id=201808

20/06/2025

📢 ЭМ ХАНГАН НИЙЛҮҮЛЭГЧ БАЙГУУЛЛАГУУДЫН АНХААРАЛД!

Эрүүл мэндийн байгууллагуудын эмийн нөөцийн судалгаагаар 2025 оны 6-р сарын 9-ний байдлаар Инсулин детемир 100ед/мл-3мл, Инсулин аспарт 100ОУН/мл-3мл тарилгын уусмалууд тасалдал үүсэх эрсдэлтэй байна.

Иймд Эм, эмнэлгийн хэрэгслийн тухай хуулийн 11.1.1 дэх заалт болон MNS 5530:2014 стандартын хүрээнд дээрх эмүүдийг зах зээлд яаралтай нийлүүлэх, бүртгүүлэх арга хэмжээг авч ажиллахыг хүсье.

⚠️ Тус эмүүдийг импортлох, бүртгэхэд холбогдох хууль, тогтоомжийн хүрээнд бид бүхий л талаар дэмжлэг үзүүлэн хамтран ажиллана.

📞 Хамтран ажиллах талаар дэлгэрэнгүй мэдээллийг манай байгууллагад хандан авна уу.

#эмхолбоо
#эмхангамжийнбайгууллага