Омогшил

21/04/2025

Эр хүн 40 хүрэх сайхаан
Иртэй хутганы мөр хотойж
Ирмэгтэй хөөрөгний бад мөлийж
Эргүү залуу нас ухаан сууж
Эргэх хорвоогийн цараа тодорч
Эр хүн 40 хүрэх сайхан.
Зууван харцанд зог тусахгүй
Зуусан шүдэнд зовлон бодохгүй
Зуурдын учиралд зүрх шаналахгүй
Зуун найз хайж явахгүй
Эр хүний нас тогтох сайхан
Шалиг зан
Шалихгүй хайр
Шалдан бацаан
Шалчгар охидыг
Таньдаг нас
Таахгүй
Тоохгүй
Таалахгүй
Тамираа гайхуулахгүй
Тамхиа хуваахгүй нас
Эмэгтэй хүнд итгэдэг нас
Эр хүнийг үнэлдэг нас
Эргэх хорвоог цэгнэдэг нас
Эргүү новшнуудыг хаядаг нас
Эцгийн оронд эцэг болж
Эхийн оронд эх болж
Намхан буурал толгод шиг
Намрийн зөөлөн нар шиг
Униартах уудам тал шиг
Урд голын эрэгт сүглийх мод шиг
Сайхан нас
Салтааны дон
Сархадын хор
Салаавчны хариу
Сэхээны өрөөг
Мэддэг болсон
Мэдэрсэн нас
Мээмэнд шунаж
Мөнгөнд сөхөрч
Мөрөөдөлд тэнэгэрч
Мөчөөрхөлд хэрэлдэж
Мөрөөрөө явахгүй
Зоргоороо амьдрахгүй
Золгүй амьтан шиг
Золбин жингэр шиг
Галзуурахгүй нас
Гандахгүй тавилан
Эр хүний хараа тависан
Эр хуурын эгшиг чангарсан
Эрхий хурууны хээ бүдгэрсэн
Элсний ширхэг шиг сор суусан
Сайхан нас
Самуурахгүй
Санаа алдаж гунихгүй
Сачий хүрэхгүй юманд шунахгүй
Сартай шөнийн учиралд яарахгүй
Хөнжилийн сэжүүр ухахгүй
Хүний хүүхэнд шүлэнгэтэхгүй
Хөлсний бузарт хиртэхгүй
Хөлийн чимээ хүлээхгүй
Тогтсон мөрний мандал шиг
Тогоон доторх өрөм шиг
Тооноор харагдах тэнгэр шиг
Тоолохгүй орхих одод шиг
Сайхан нас
Тэнэг залуусыг сургахгүй орхиж
Тэмц дараа нь амьдрал хэлнэ гэж
Тэмээн чинээ зовлонг нь сонсоод
Тэрүүхэндээ инээж
Залуу нас сайхаан
Замбараагүй л битгий өнгөрөө гэж
Завжиндах тамхиа сороод
Захгүй алсыг ширтдэг нас
Замлингын амьдралаа дурсдаг нас
Заяаныхаа ханиа хайрладаг нас
Урууланд тэмүүлэхгүй
Уужирч сайхан үнэрлээд
Ухаантайдаа миний хань гэж
Өгсөж байгаа олон жилийн ард
Үнэхээр хайрласанаа мэдэрсэн нас
Өтөлж бга хүний энэ орчлонд
Өөрт ирсэн жаргалаа үнэлдэг нас
Эр хүний 40 нас сайхаан.

16/04/2025

Чингис Хааны Алтан Ургийн бичиг Японоос олдсоныг өнөөдөр зарлав.

Японы Нара мужийн Тэнри хотын нэгэн музейд хадгалагдаж буй ургийн бичгийг шинжлэн үзэхэд уг Монголын эзэнт гүрний анхны эзэн Чингис хааны үр садаас эхлээд 14 үеийн 12000 орчим хүний ​​нэр бичигдсэн байдаг.

Уг ургийн бичиг нь Нара мужийн Тэнри хотын Тэнри их сургуулийн дэргэдэх Тэнригийн лавлах музейд хадгалагддаг бөгөөд ойролцоогоор 5.5 метр диаметртэй дугуй хэлбэртэй даавуу юм.

Дайны өмнө музейд авчирсан бөгөөд удмын ургийн мод гэж бодож байсан ч агуулгынх нь нарийн ширийн зүйл тодорхойгүй байв.

Тус музейгээс саяхан хийсэн шинжилгээний үр дүнд 13-р зуунд Монголын эзэнт гүрний анхны эзэн хаан болсон Чингис хааны удмын хүн болох зүүн Монголд үйл ажиллагаа явуулж байсан овгийн ахлагч эрэгтэйгээс эхлээд 14 үеийн 12 мянга орчим хүний ​​нэрс бичигдсэн болох нь тогтоогджээ.

Ургийн модны голд овгийн ахлагч эрэгтэйн нэрийг гадна талд нь түүний үр удмын нэрийг бичсэн байна.

Тэнригийн лавлагаа музейн эрхлэгч Акинори Умедани “Ард нь олон үр удмаа үлдээсэн гэгддэг Чингис хааны асар том цар хүрээг та үнэхээр мэдэрч чадна” гэж хэлэв.

Уг ургийн модыг 16-ны өдрөөс эхлэн Тэнригийн лавлах музейд дэлгэх болно.

Эх сурвалж: https://www3.nhk.or.jp/lnews/nara/20250416/2050018089.html

09/04/2025

Германы нэгэн судалгаан дээр ээж хүний нөлөөнөөс аав хүний нөлөө тав дахин биш, 50 дахин их нөлөөтэй гэсэн байдаг.
Хоёр жишээгээр тайлбарлая. Britney Spears-ийн бодит амьдралаас сэдэвлэсэн нэгэн дуу байдаг. Тухайн дуу түүний өгсөн ярилцлага дээр тулгуурласан юм. Хүүхэд байхдаа платье өмсөөд аав дээрээ очоод “ааваа би хөөрөн харагдаж байна уу” гэхэд аав нь сонин уншиж байгаад нээх анзаарахгүй “тийм байна” гээд тоогоогүй. Харин тэр дахин өөр платье өмсөөд ирэхэд аав нь тоогоогүй байдаг. Тэрээр амжилтад хүрээд нэгэн ярилцлагадаа “хүүхэд насандаа ааваараа хүлээн зөвшөөрөгдөж чадаагүй нь миний сэтгэл зүйд маш их гэмтлийг учруулсан. Үүнээс хойш миний амьдралын зорилго бүх эрчүүдэд хүлээн зөвшөөрөгдөх болж хувирсан. Аавын тэр хандлага миний амьдралыг маш ихээр нураасан” гэсэн байдаг.
Мөн 1980 оны эхэн үед төрсөн эрэгтэй үйлчлүүлэгчдийн дунд ийм асуудал байна. Согтуу байгаа аавыгаа хүлж унтуулдаг байсан өсвөр насаа дурсаж ярихад “аав ээжийг хүчирхийлж байх үед би хэзээ ч архи уудаггүй хүн болно гэж бодож байсан. Харин одоо би архи уудаг. Учир нь үүнээс илүү амьдрал байдаг гэдгийг харах үлгэр жишээ надад байгаагүй” гэдэг. Иймээс аав хүн, эр хүн ямар байх ёстой вэ гэдгийг хөвгүүддээ харуулдаг бол, охидууддаа эр хүнээс юуг хүсэх вэ, ямар хайр, хүндэтгэлийг авах ёстой вэ гэдгийг харуулдаг.
Аав хүний нөлөө гэр бүлд гайхамшигтай юм. Түүний байгаа байдал, үг хэл, үйлдэл шууд утгаараа хүүхдэд нөлөөлдөг. Үр хүүхдийнхээ дэргэд үгээ захирч чадахгүй бол тэр эр хүнийг нас нэмсэн банди гэж нэрлэнэ. Жишээлбэл, 2012 онд манай нэг үйлчлүүлэгч “манай хүү айхтар худлаа ярих юм. Та манай гэрт ирээд хүүтэй минь уулзаад өгөөч” гэсэн. Тэгээд гэрт нь байж байтал коридорт утас дуугарахад нөхөр нь “эхнэртээ би хүнтэй юм ярьж байна. Намайг байхгүй байна гээд хэлчих” гэхэд эхнэр утас аваад түүнийг байхгүй байна гэж хэлсэн. Хүүхэд зөвхөн үгээр хүмүүждэггүй, эцэг эхийн хэлсэн үг үйлдлээсээ зөрж байвал энэ нь хүүхдийн хүмүүжилд шууд нөлөөлж байдаг. Мянга сайхан юм яриад, гудамжинд гараад өөр зүйл хийж байгаа бол хүүхэд яг тэрийг дуурайдаг.
Хүүхэд зөвхөн үгээр хүмүүждэггүй, эцэг эхийн үйлдлээр хүмүүждэг
Sony” корпорацийг үүсгэн байгуулагчийн бичсэн номыг уншиж байхад “Аав хүүхдийнхээ нүдэнд бүгдийг чадагч, бүх дэлхий нь болж харагддаг” гэж тайлбарласан байдаг. Эр хүн бусад хүний нүдээр Батаа, Баяраа гэх энгийн нэгэн залуу байлаа ч, хүүхдийнхээ нүдэнд дэлхий ертөнц болж харагдаж байгаа юм. Энэ дэлхий ертөнцийг хүүхэд ааваараа төсөөлж харж байдаг. Германы нэгэн судалгаан дээр ээж хүний нөлөөнөөс аав хүний нөлөө тав дахин биш, 50 дахин их нөлөөтэй гэсэн байдаг.
Энэ ярилцлагыг уншиж байгаа эр хүн та анх гэр бүл болж байхад аав ээжээсээ хэрхэн гэр бүл болох талаар зааварчилгааг авч байсан уу. Хэрвээ үгүй бол хүүхдээ ч гэсэн тэр амьдралаараа битгий амьдруул. Хүүхдэдээ гэр бүл ямар чухал вэ гэдгийг багаас ойлгуулах нь манай нийгэмд хамгийн их дутагдаж байна. Чингис хаан “эхлээд биеэ засаад, гэрээ зас тэгээд төрөө зас гэдэг учраас эр хүн өөрийгөө хөгжүүлж, төлөвшүүлэх ёстой. Төлөвшил нь хүний насаар хэмжигдэхгүй, тухайн хүн өөрийгөө хэр сайн хөгжүүлсэн бэ гэдгээр хэмжигдэнэ. Энэ ярилцлагыг уншиж байгаа эр хүн Та хэзээ хамгийн сүүлд үсчинд орсон бэ, хэзээ үнэртэй ус цацсан бэ. Хүн өөрийнхөө гоо сайханд анхаарч болж байгаа юм. Тэгвэл хүүхдийнхээ төлөө жилд ганц удаа сэтгэл зүйн ном уншиж байна уу. Хэрвээ үгүй бол гадаад гоо сайхандаа анхаарал хандуулаад, гэр бүлийнхээ гоо сайханд анхаарал хандуулахгүй байна гэсэн үг.

03/04/2025

Монгол улсын Хятадын шүтээнээр дүүрчээ

26/03/2025

Эхнэртээ_цалингаа_хураалгадаг_эрчүүдэд
Таны цалин эдгээр зүйлүүдэд зарцуулагдах болон хураагддаг..!!!
ЭХОАТ – Эхнэр хүний онцгой албан татвар
ХГӨАТ – Хүүхэд гаргаж өгсний албан татвар
НХАТ – Нөхрөө халамжилсны албан татвар
ХХХ – Хүүхдүүдээ халамжилсны хураамж
ХХГОЦЦБХ – Хоол хийж гэр орноо цэвэр цэмцгэр байлгасны хураамж
Үлдсэн цалингаараа дараах торгуулиудыг өгнө:
ГЦБХӨТТ- Гэр цэвэрлэж байхад хөлөө өргөж туслаагүй торгууль
ПХВХХТ - Пиво халбагадах Визны хугацаа хэтэрүүлсний торгууль
ОИХХДИТ - оройтож ирээд хоолоо халуун дээр нь идээгүй торгууль
УБӨҮСТ - уурласан байхад өөдөөс үг сөрсөний торгууль
Эдгээр бүх татвар хураамжинд НӨАТ-н баримт өгөх бөгөөд НӨАТ-н урамшууллаа жилд 1 удаа төрсөн өдрөөрөө бэлэг хэлбэрээр авна.😜
Цалингаа нуун дарагдуулах гэж оролдох болон Татвараас ямар нэг байдлаас зугтах гэж оролдвол маш хатуу шийтгэл хүлээлгэж 9н аяга эрүүний шөл уулгана. Нөхрүүд #Офшор данстай байхыг хориглоно.
Хайрт эхнэрээс нь❤❤❤

25/03/2025

Сэтгэл зүйч Елена Макаренко хүүхэд гэр орондоо аз жаргалтай өсөж торниход шаардлагатай 6 өгүүлбэрийг жагсаажээ. Ээж аавууд эдгээр үгсийг хүүхэддээ байнга хэлж байвал хүүхэд эцэг эхийн хайрыг илүү гүн мэдэрч, өөртөө итгэлтэй болж, баяр баясгалантай амьдарч, бусдыг баярлуулдаг болох гэнэ.

1️⃣.Байнга хэлж байх үгс:

Би чамд хайртай.

Юу ч болж байсан ээж нь (аав нь) чамайг л хайрлана.

Чамд уурлалаа гээд хайрлахаа болихгүй.

Чамайг хол байсан ч хайрладаг. Их санадаг шүү.

Хүүхдээ сонгож авдаг байсан бол ээж нь (аав нь) чамайг л авах байсан.

Баярлалаа.

Өнөөдөр хоёулаа ёстой сайхан тоглолоо.

Миний амьдралын хамгийн сайхан мөчүүдийн нэг байлаа.

2️⃣. Ярьж өгөх зүйлс:

Төрсөн (үрчилсэн) тухай түүхийг

Жаахан байхад нь хэрхэн арчилж, өсгөж байснаа

Нэр өгсөн түүхийг

Өөрсдөө жаахан байхдаа хэрхэн амьдарч байснаа

Өвөө эмээ нар нь хэрхэн учирсныг

Дуртай өнгөнийхөө тухай

Өөрийг чинь заримдаа юу зовоодог тухай

Гарыг нь бариад 3 удаа атгах нь “хайртай шүү” гэсэн нууц үг гэх мэтээр тохиролцох

Ойрын төлөвлөгөөгөө хуваалцах

Хийдэг ажлынхаа тухай ярьж өгөх

3️⃣. Сонсох зүйлс:

Машинд явж байхдаа хүүхэд чинь юу ярьж байгааг сонс.

Тоглоом бол маш чухал зүйл тул тоглоомоо таалж, сонирхож буй эсэхийг сонсож мэд.

Хүүхдэд чинь тулгарсан асуудлыг сонс.

Тэвчээрийн дээд хэмжээн дээрээ ганц секунд нэмчихээрэй.

Хүүхдийн чинь үгний ард нуугдаж байгаа санааг ойлгож сур.

4️⃣. Асуух зүйлс:
Яагаад ийм юм болсон гэж чи бодож байна?

Хэрвээ....яахав?

Хоёлаа яаж үүнийг зөвөөр тайлбарлах вэ?

Чи юуны тухай бодож байна?

Өнөөдөр сонин сайхан юм юу болов доо?

Энэ ямар амттай бол?

5️⃣. Үзүүлэх зүйлс:

Ямар нэгэн зүйл хийхийг хориглохын оронд яаж хийдгийг нь харуулах

Өвсөөр шүгэл үлээхийг зааж өгөх

Хөзөр тоглох, байшин барихыг зааж өгөх

Талх зүсэхийг

Хувцсаа эвхэхийг

Мэдээлэл хайхыг зааж өгөх

Эхнэрээ (нөхрөө) хүндэлж хайрладгаа харуулж байх

Өөртөө үйлчлэх хөдөлмөрт сургах

6️⃣. Цаг гаргах зүйлс:

Хамтдаа барилгын ажлыг харах

Шувуудыг ажиглах

Хоол хийхдээ туслуулах

Аялалд буюу аль нэг тийшээ хамт явах

Хамт шавар шавхай туучих

Ажлыг хүүхдийнхээ хурдад тохируулж хийх

Хүүхдээ тоглож байх зуур дэргэд нь харж суух

19/03/2025

31/01/2025

ХҮҮР ГЭЖ ХАРААДГИЙН УЧИР

Алтай нутгийнханыг хүмүүс "Хүүр" гэж хараадаг гэдэг. Хүүр гэдэг нь ХАРААЛ биш ЕРӨӨЛ юм гэдгийг яруу найрагч зохиолч Тоомойн Очирхүү гуай ийнхүү өгүүлжээ. Үүнийг сийрүүлбэл:

Хүүрийн тухай дууль

Тэнгэр дээдсээс улирсан
Цадиг домгийн оронд гэнэ
Тэнгис далай шиг шуурсан
Цаст өвлийн дайдад гэнэ
Ууртай догшин эрлэгийн элч
Уулын хойт айлд ирж гэнэ
Зудтай тэр жилдээ аваачих
Зургаан хүний тоо хэлж гэнэ
Хүн гэж тэднийг нэрлэхгүй
Хүүр гэж үүнээс хойш тооцно
Хэнийг нь чухам хэлэхгүй
Хэнгэрэг цохиод л дуудна
Аяндаа та нар нэрийг нь мэднэ
Амандаа тэгээд хүүр гэж хэлнэ
Өнөөх элч ингэж хэлчихээд
Өөв гэхийн хооронд арилаад өгчээ.
Айж сандарсан Уулынхан
Алга хавсран мөргөж
Арга чарга байна уу гэж
Ахмад буурлууддаа ханджээ
Өөрийн эцгийн ертэйд
Өвөө ааваас эцэг нь зуутайд төрсөн
Ерэнтэй мэргэн өвөө тэдэнд
Ерийн биш сургаал ингэж айлджээ
Амь аврах ганц арга
Алтайхан минь цөм энэ хараалыг сур
Маргааш өглөөнөөс эхлээд
Маань мэгзим шиг цээжил
Зүүдлээд сэрэхдээ ч ХҮҮР гэж бай
Зүгээр суухдаа ч ХҮҮР гэж бай
Уулга алдахдаа ч ХҮҮР гэж бай
Уурлаж загнахдаа ч ХҮҮР гэж бай
Хүүр гэдэг үгийг
Амны уншлага болгож чадвал
Хүүхдүүд та нар минь
Амьд мэнд гарч чадна
Амтай бүхэн урдаас нь
Энэ үгийг хэлээд байвал
Авах гэснээ Эрлэг лав олохгүй
Аливаа юманд хэмжээ бий
Ажаагийнхаа үгэнд та нар орвол
Амь нас чинь аварагдана уу гэхээс
Лав буруудахгүй гэж хэлжээ
Энэ цаг мөчөөс энэ үгийг хэлж
Эрлэг ч ирж зургаан хүнээ авах гэтэл
Эрээд ердөө олохгүй
Энд чинь дандаа ХҮҮР байгаа юм байна гээд буцжээ.

Эвгүй энэ хараалын үгийг хэлж тоог гүйцээх гэж
Эдүгээ хүртэл уулынхан ХҮҮР гэж хэлж яваагийн домог ийм гэнэ.
Хараалыг ЕРӨӨЛ болгосон ухаант өвгөдтэй
Хан Алтайхан урт насалдагийн нууц бас гэнэ.
copy

26/01/2025

Маш ховор бараа шүү. Өндөр үнэ хэлсэнд нь зарна.

22/01/2025

Завхан аймгийн Тосонцэнгэл сумын бүсгүй говийн аймагт ирээд нутгаа санасан гэнэ.