https://www.facebook.com/464638293705154/

Shuuder production, Ulaanbaatar (2025)

20/08/2025

#НҮҮДЭЛЧИН наадамд #ШҮҮДЭР оролцоно

Нүүдэлчин соёлын наадмаар #Шүүдэр асарт үндэсний хувцасны прокат, зураг авч угаах, 20-30% хямдралтай номууд, монгол сувенир байх болно.
Нүүдэлчид очиж аймаг бүрийн өв тээгчдийн гэрүүд, соёл урлагийн үнэгүй тоглолт, зан заншлын үзүүлбэр, гар урлал, соёлын барааны худалдаа, монгол хоол зоог сонирхож агаар салхинд наадаарай!
Налайх дүүрэг, Тайж хайрханы бэлд энэ баасан гаригт буюу 8.22-нд нээлтээ хийж, 24,24-нд болно.
Бороо зогсож нартай сайхан өдрүүд тохиох юм билээ.
#Нүшдэлчин наадам энэ жилийн отгон наадам болж байна.
Зочлон очоорой 🙏

17/08/2025

Хар дарсан зүүд буюу хиймэл оюун...

Хоёр жилийн өмнө хиймэл оюунаар хайртай хүмүүсийнхээ зургийг зуруулах трэнд Монголд ид давалгаалж байхад #УлаанМогой-2 романаа бичиж дуусгаж таарав. Тэнгэрт одсон ээж аав, элэг зүрхэнд мөнхөрсөн нэгэнтэйгээ хамт авахуулж амжаагүй зургаа AI-р зуруулж, Богд хаан, Эх дагиныг ч хиймэл оюунаар дүрсэлсэн хөрөг сошлд хөвөрч байх тэр үед шинэ номынхоо хавтсыг хиймэл тархиар хийлгэх бодол гэнэт надад орж ирэв. Учир нь "Улаан могой" романд далд ертөнц, лусын орон, сүнс шилжих, цаг хугацааны аялал гэх мэт санаанд оромгүй зүйлс их гардаг уран сэтгэмжийн зохиол. Тиймээс хавтсыг нь хиймэл оюунаар зуруулбал ер бусын өвөрмөц болох байх гэж бодсон хэрэг.
Зохиолынхоо гол баатар их зурхайчийн ихэр охидын нэг, эрдэм билэгт Номундара бүсгүйг зуруулахаар хэд хэдэн студид хандсан ч миний дотроо амилуулан бичсэн үзэсгэлэн гоо, оюун ухаан төгөлдөр агаад зурхайн эрдэмтэй Номундарагийн дүрийг сэтгэлд хүртэл дүрслэхгүй л байв.
Тэгсээр, Хан хиймэл оюуны зурсан Номундара санаанд бүрэн нийцэж, Монголдоо хиймэл оюунаар зурсан хавтастай анхны ном маань мэндэлсэн.
Ном эрдэмтэй хүний ухаалаг харцтай зоримог нүд нь бүр гоё болсон байсан. "Улаан монлй-2" номын хавтас ч гоё болж, хүүхдүүд аймшгийн зохиол юм уу гэцгээнэ. Хавтсыг нь хараад л шууд авсан уншигч олон бий. Энэ зун Хүй долоон худагт ажилласан Day book номын дэлгүүрийн худалдаанаас нэг турк жуулчин эмэгтэй "Улаан могой" романыг шохоорхсоор байгаад авсан байна лээ. Монголоор бичсэн ном шдээ гэхээр зүгээр ээ, энийг би үнэхээр сонирхож байгаа болохоор хэсэгчлээд орчуулгын апп-р хөрвүүлээд уншчихнаа гээд авчихсан гэсэн🙏📖
Гэтэл өнгөрсөн хоёр жилд хиймэл оюун ухаан буюу AI бүр ч гэрлийн хурдаар хөгжиж, хүний зургийг хөдөлгөж, өөрийнх нь хоолойгоор яриулж бн. Сая хиймэл оюун ухааны технологиор Увсын 100 жилийн ойн нээлтэнд Ю.Цэдэнбал даргын зургийг хөдөлгөж яриулж ойн мэндчилгээ хүртэл хийсэн байсан даа.
Гэтжл, Terminator киноны найруулагч Жеймс Камерон шүүлтийн өдөр буюу хүн төрөлхтөн хиймэл оюун ухаанд ялагдах тэр цаг ойрхон ирсэн байгаад түгшиж буйгаа
ярьсан байна лээ. Терминатор кинонд цөмийн техникийг хянах зорилгоор бүтээсэн хиймэл оюун буюу роботууд эцэст нь өөрийгөө удирдах болж хүн төрөлхтний эсрэг цөмийн дайн дэгдээдэг.
Өдгөө үнэхээр хүний бүтээсэн хиймэл оюун ухаан гэгч бүтээгчээ давж өөрөө сэтгэдэг болох нь цаг хугацааны асуудал болж дээ. Нээрээ л ээж AI гэгч нь цаашдаа хүн төрөлхтөнд дийлдэхээ болиод ёстой л хар дарсан зүүд болох вий дээ.
АI-н чадварыг номынхоо хавтасны зургийг бүтээхэд ашиглаад олзуурхаж байсан минь хар дарсан зүүдний эхлэл юм гэж үү?
2 дахь зураг дээр #УлаанМогой-2-н хавтасны зургийг зурсан Хан хиймэл оюун ухаан студийн artist бид хоёр.

12/08/2025

#Шэйр-лээд дэмжээрэй намайг😘
Хайр гээч нь ...❤️
/ Ганц товч дарахад яахав дээ, тэ? Та нар ингээд ус тосоороо ялгарна даа нтр🫢/
Хайр гээч нь...❤️📖
Хайр гээч нь "Үүлэн зардас" сударт бичсэн шиг хүсээд олдошгүй цэнгэлийн амтат бал ч биш, ерөөс зүрх сэтгэлийн хөндүүр өвчин юм гэдгийг Бадрах ухаарчээ...Хайраар цогцолсон эр эмийн амьдрал нь ямархуу юм байхыг тэр урьд нь төсөөлж ч байсангүй.
Түүний мэдэхээр монгол хүн голдуу эцэг эхийнхээ зааж өгсөн, лам багш заяа төөргийг нь харж, од гаригийг нь нийлүүлсэн, зэрэг зиндаа дөхүү нэгэнтэй л толгой холбодог. Хэзээ байтлаа Хулангоо тэр хоёр шиг тэсгэл алдан тэмүүлсэн хайрын эзэнтэйгээ
гэррлэж бараалж байлаа.
Хайр гэдэг ерөөс сохор мухар, жолоо цулбуур гэж үгүй, үзэх хэлбэр дүрсгүй, барих бие гэж үгүй, үнэхээрийн захиргаа замбараагүй эд болохыг л залуу биеэр амсчээ.Хайр дурлал гээч энэхүү ад адбины хүчийг Бурхан юуны тулд хүнд эдлүүлдэг юм бол хэмээн бодоод бодоод учрыг тайлшгүй санагдах аж.
Хайр гээч нь хайртай хүндээ буй бүхнээ барих өргөл юм болов уу? Тэгвэл Хулангоо ч түүнд өргөл барих учиртай. Хайр бол зүрхийг шаналгагч, оюун тархийг дарангуйлагч, хүсэл зорилгод саад тотгорлогч аж. Бадрах гэдэргээ эргэж хариап, Хулангоог аргадах гэснээ, "Төвөг. Ингэж хошуу дэвссээр байх аваас, хөрөнгө чинээ, зэрэг хэргэмгүй намайг Хулангоо дарласаар тархин дээр гарч, мөрөн дээр суух бололтой" гэсэн шазруун бодол төрөхөд, садангийн Нансал эмгэнийд очиж амрыг нь эрэхээр шийдэж мориндоо ташуур өгчээ...
#ХүйлэнОгторгуйнЗаадас роман 366-р тал
#ҮүлэнХээтэйОрчлон романы Хулангоо, Бадрах 2-ын хуримын дараах амьдрал Эх дагины тухай энэхүү зохиолд үргэлжилдэг юм.
Энэ хоёр хоорондоо холбоотой хоёр роман болой🙏
#ҮүлэнХээтэйОрчлон романы уншигчид өнөө гайхал Дамдин хаа яваа сургийг ч -аас олж уншина шөө📖

10/08/2025

Сүүлчийн Түшээт хан Дашнямын Доржсүрэнхоролжав.
Эцэг Дашням нь 27 насандаа бие барахад хүү нь 1912 онд 4-тэйдээ Түшээт ханы ор залгажээ. Хоёр дахь дахь зурагт жаахан Түшээт хан хиад тэврүүлж, ард нь яваа хатан түүний эх Дашпэлжид ахайтан.
Халхын 4 ханыг Түшээт хан ахалдаг байв. Гэтэл соц үед Түшээт хан эрэмбээрээ Халхын дөрвөн ханыг ахалдаг гэснийг ахмад нь гэж ташааран, Түшээт хан Дашням хамгийн настай нь бсан мэтээр ойлгож хэд 2-н түүхэн романд 60-70 гарсан хөгшин Түшээт хан Дашням гэхчлэн бичсэн байдаг. Гэтэл 4 ханы хамгийн залуу нь, бас хамгийн эхэлж таалал болсон нь Дашням хан юм.
Хүү Доржсүрэнхоролжав нь хан цол хэргэмээ ардын хувьсгалын дараа эвдэж энгийн иргэн болж амьдарсаар 1937 онд 29-хөн насандаа хилс хэргээр яллагдагч буудуулсан байдаг😰 Архивт бичсэнээр Халхын сүүлчийн Түшээт ханыг 1937 оны 12-р сарын 30-ны өдөр Улаанбаатарт цаазалжээ.
Түшээт ханы эдэлж явсан хэт хутга эдүгээ музейд хадгалагдаж буй.
Халхын дөрвөн хан эгнэж зогсоход Түшээт хан хамгийн эхэнд залардаг бсан агаад Богдод түрүүлж мөргөдөг байсан гэдэг
байж. Миний #ХүйлэнОгторгуйнЗаадас романд энэ тухай:
Халхын дөрвөн ханыг тэргүүлэн Түшээт хан Дашнямын ор залгасан хөвүүн найман настай Доржсүрэнхоролжав хантнаас эхлэн золгуут үргэлжилдэг бүлгээ.
Богд эзэн энэ жилээс мөрөө үзэх нь ч муудсан тул би зүүн талаас нь дэмнэж
Эх Дашпэлжид хатан Эрх дара цолтой
байж. Миний #ХүйлэнОгторгуйнЗаадас романд энэ тухай:
Халхын дөрвөн ханыг тэргүүлэн Түшээт хан Дашнямын ор залгасан хөвүүн найман настай Доржсүрэнхоролжав хантнаас эхлэн золгуут үргэлжилдэг бүлгээ.
Богд эзэн энэ жилээс мөрөө үзэх нь ч муудсан тул би зүүн талаас нь дэмнэж
"Гэгээнтээн, Түшээт хантан Доржсүрэнхоролжав бээр танд мөргөж байна шүү" хэмээн шивнэхэд, хүүгийнхээ ард зогсох залуухан жавхаа төгс Эрх дара Дашпэлжид хатан сөгдсөөр байв" ... гэхчлэн бичсэн байдаг.
Энэ романыхаа хавсралт болгон түүхэн хүмүүсийн бодит намтрынх нь товчийг гэрэл зураг сэлтийн хамт оруулсан юм.
Б.Шүүдэрцэцэг

04/08/2025

Их говийн цээлд нов ногоон...
Өмнийн цэнхэр говьд Цогтцэций суманд эмэгтэй зохиолч биднийг хэдэн жилийн өмнө "Энержи ресурс"-ээс урьж уулзалт хийсэн юм сан.
Говь нутгийн хавар гэж ногоо ургах яагаа ч үгүй, тарчигдуухан цаг ч алсад морин зэрэглээ жирэлзээд нэг л гоёхон.
Хаврын туниагүйхэн байгалийг сакура шиг хээнцэр ягаан цэцэгс дэлгэсэн өтгөн өтгөн бут чимж байсан нь ёстой хараа булаам байв.
Эмэгтэйчүүд л болсон хойно, говийн шогч цэнхэр салхинд үс гэзгээ хийсгэн байж Төрийн шагналт зохиолч найрагч С.Оюун, УГЗ зохиолч Б.Пүрэвдорж эгч бид гурав говийн сакура гэх буйлсын хээнцэр цэцэгстэй зураг татуулж байлаа.
"Энэржи ресурс"-ын Ухаа худагийн уурхайн байгаль нөхөн сэргээх багийнхан говийн буйлсын бутны суулгац үржүүлж тарьсаар тэр хавь нь анхилуун хээнцэр үнэр түгээгч гоёхон буйлс дэлгэрсэн байсан нь тэр.
Харин өнөөдөр нүүр ном ухаж суутал аль нэг амралтын гольфын талбай юм уу, Швейцарийн хөдөөх нутгаар үзэж байсан нов ногоон ширэг юмуу гэмээр цэл ногоорсон газар нүд булаав.
Тэгтэл тэр ногоон ширэг маань гольфын талбай ч биш, юун Швейцари байхав.
Их говийн цээл, Цогтцэцийд Энержи ресурсынхны тарьсан зүлэг болж таарав.
Зарим уурхайнууд сэрүүн сайхан хангай нутгийг шороон там болгоод нөхөн сэргээхгүй хаядаг бол, Ухаа худгийн нөхөн сэргээх баг их говийн байгалийг хангай нутаг шиг болгон ногооруулжээ.
Оюун, Пүрэвдорж эгч бид хэд тэр жил Цогтцэций суман дахь яг "Орчлон" сургуулийн жишгээр барьсан тохь тухтай сургууль, цэцэрлэг, монгол инженерүүдийн гараар цогцолсон анхны дулааны цахилгаан станц, Ухаа худгийн уурхайн нөхөн сэргээлтийн ойн зурвас, буйлсын цэцэг дэлгэрсэн төглийг үзэн, говь нутаг уул уурхайн өгөөжөөр цэцэглэж байна даа гэж ярилцсаар хот руу буцаж билээ.

01/08/2025

Цөцгий нь гоожсон даргар өрөм үмхлээд ...
Шинэ өрөмтэй боорцог захиж аваад , айргийн тос самарсан сүүтэй цай чаналаа.
Миний #ҮүлэнХээтэйОрчлон-г уншиж байсан нэг уншигч шөнө болсон хойно хонины нуруу чанаж идэж хорхойгоо дарж байсан гэсэн. Энэ номд маань монгол ахуй, зоог гүнцэг их гарнаа. Тэгээд уншиж буй хүнд монгол хоол зоог хүртэх мах чанаж идэх хорхойг нь их хүргэдэг юм шиг байгаа юм.
"...Лхам гэж гав шувхийсэн эхнэр галаа сэргээж, шар тос самарсан будаатай цай чанаж, өчигдрийн чанасан үхрийн хавирга гарган, цагаан тос хагалан таваглаж дайлав..." 308-р тал
Би айргийн тос огтоос амсаж үзээгүй байхдаа л, "Домогт Ану хатан" романд ойрадын ахуйг бичээд байсан бнлээ.
Ойрадууд өрөм загсаадаггүй, харин айргийн тос гаргаж хэрэглэдэг юм билээ. Хожим нь нэгэн дотны уншигч маань Ховдоос айргийн тос ирүүлж, шар тосноос арай исгэлэндүү агаад илүү амтлаг энэ идээг би нэгэнт хэрэглэж заншсан юм сан.
Сүүтэй цайнд чигчийн чинээ айргийн тос самрахад л хийцэлсний дайтай сайхан амт орж, ааг нэмэгдэнэ дээ.
Эх дагины тухай #ХүйлэнОгторгуйнЗаадас романд ч бас монгол идээ гүнцэг овоо гарна.
"...Богд, залуухан соёгийн оруулж ирсэн цагаан бөсөөр бүтээсэн мөнгөн цартай өглөөний манзыг хараад явган ширээнд суув.
Цасан цагаан бүтээлгийг нь сөхөн харвал, уур савссан бурамтай еэвэн, шинэхэн даргар зузаан өрөм, шар тостой үзэмтэй тутарга, сайхан үнэрт замбаа, зүссэн дин гуай жимс сэлтийг өрж, мөнгөн домбонд шар тос самарсан ааштай сайхан цай дүүргэж тавьжээ. Эдгээрийн хажууд хавхлагт мөнгөн савтай элсэн чихэр бас тавьдаг юм.
Гэгээнтэн бурамтай еэвэн дээр цөцгий нь гоожсон өрөм тавьж үмхэлснээ, сүү болсон аагтай сайхан цайнаас оочлов...
#ХүйлэнОгторгуйнЗаадас романаас
87-88-р тал

10/07/2025

#Шүүдэр студио Төв цэнгэлдэхэд
7.11,12-нд үндэсний хувцасны асар ажиллуулна. Ном 20% хямдралтай

04/07/2025

Ки хатан-4
Тогоонтөмөр хааны эмгэнэл буюу #КиХатан подкастын 4-р хэсэг shuudertsetseg.b сувагт орсон шүү!
Солонгосоос Юань гүрний хааны ордны зардас боол болж ирээд Хуан тайху их хатан болсон цор ганц харь холын бүсгүй Ки овогт Өлзийхутаг хатны оньсого мэт төгсгөл...

https://youtu.be/1lAm46UjK-g?si=f6ZPZoo-gBEOzk_C

Тогоонтөмөр хааны эмгэнэл буюу #КиХатан подкастын 4-р хэсэг shuudertsetseg.b сувагт орсон шүү!
Солонгосоос Юань гүрний хааны ордны зардас боол болж ирээд Хуан тайху их хатан болсон цор ганц харь холын бүсгүй Ки овогт Өлзийхутаг хатны оньсого мэт төгсгөл...

27/06/2025

Солонгос шивэгчнээс Юань гүрний их хаан Тогоонтөмөр ийн их хатны сэнтийд заларсан #КиХатан-3 подкаст shuudertsetseg.b сувагт орлоо.

19/06/2025

Тогоонтөмөр хааны Солонгос хатан

Юань гүрний сүүлчийн хаан Тогоонтөмөр 3 удаа их хатан өргөмжилсөн байдаг. Эхлээд 13-хан насандаа хаан сууринд залрахад нь, Элтөмөр сайдын охин Данаширыг их хатан өргөмжилжээ.
Тэр үед л Тогоонтөмөр хоол цай зөөдөг Солонгос шивэгчин Км бүсгүйд хэдийнээ ээнэгшин сэтгэл алдсан байв. Гэсэн ч, шицу хаан Хубилайн цааз зарлигаар Монгол үндэстнээс өөр угсааны бүсгүйг хатан өргөмжлөх нь хориотой байсан тул өөрөөс нь эгчмэд өндөр дээд угсааны Данашир бүсгүйг хатан өргөмжилсөн хэрэг.
Данашир хаан ширээний эсрэг хуйвалдаанд оролцсон хэргээр цаазаар авахуулжээ.
Дахиад л Ки бүсгүйг их хатан өргөмжлөх гээд сайд түшмэдүүдийн эсэргүүцэлтэй тулгарч, эртний уламжлалаар Хонгирад угсааны Баянхутаг бүсгүй их хатанд өргөмжлөгджээ. Баянхутаг хатныг төрүүлсэн Чингим хүү нь хоёрхон насандаа хорлогдож, хатан ч дараа нь таалал болжээ.
Эцэст нь Тогоонтөмөр хааны санасандаа хүрч эхлээд бага хатанд өргөмжлөөд байсан Ки бүсгүйд Өлзийхутаг нэр өгч их хатанд өргөмжилсөн юм.
Дээдсийн цааз зарлигийг аймшиггүйгээр зөрчин өндөр дээд сэнтийд өргөмжилсөн харь угсааны шивэгчин байсан хатан нь төрийн хэрэгт хутгалдан орж, өөх өгсөн хүнтэй өглөө босоход маргалдана гэгчээр өөрийг нь устгаж хүү Аюушридараг хаан ширээнд залах хуйвалдаан зохиож байжээ.
#КиХатан -2 подкаст shuudertsetseg.b сувагт орлоо!
🫰🙏📖

Shuuder production

20/08/2025

17/08/2025

12/08/2025

10/08/2025

04/08/2025

01/08/2025

10/07/2025

04/07/2025

27/06/2025

19/06/2025

Address

Website

Alerts

Shortcuts

Share

Category