01/01/2026
Б. Шүүдэрцэцэг #Хагацашгүй романыг уншсан нь.
Наймдугаар сарын бороо группээс. Шинэ жилийн үдэш миний зохиолын тухай тэмдэглэл хөтлөөд суух хүн байх юмаа ❤️❤️❤️
Хагас жилийн өмнө кафед суунгаа нулимсаа уух шахуу уншиж дуусгасан С. Эрдэнэ гуайн "Хойт насандаа учирна" романтай тун төстэй ч юм шиг. Мөн л үгийн чимэгтэй гэж жигтэйхэн бичигдсэн эд байх юм.
Шар эрвээхий нисэлдсэн зуны цагаар тугалаа шаварт оруулчхаад ноцолдож зогсоход нь ирж тус хүргэсэн дэслэгч Чулуун гэх залууд анхны харцаар сэтгэлээ өгч, эцсээ хүртэл тэрхүү хайраа бодож амьдарсан турьхан бүсгүйн насан туршийн мэдрэмжийг уншиж дууслаа. Өгсөн чихрийнх нь цаасыг эвхэж хадгалаад, намар болуут л дотроо хоосруулж хархүүгээ санадаг нь их л дотно жимээр сэтгэлд хүрэв ээ.
Хайр гэж яалтачгүй нандин, насан туршийн намтар шүү дээ. Орчин үед үнэгүйдээд, жил тойроогүй өөр хүнээр солихдоо хий дэмий ухаарлын үгсээр өөрийгөө өмөөрч зогсох шинэ үеийн залуусын огт ойлгохгүй сэдэв бичигдсэн байгаа нь олзуурхмаар. Уншаасай, мэдрээсэй.
Тэгэхээр дээрх бичигдсэнээр зун цагаар учирч, зүсийг нь л таних дурлалт хүнээ үгүйлж явсаар арван наймхан настай охин товлогдсон хуримаасаа хүртэл зугтаж их хотыг зориод хувь тавилангийн зөвшөөрснөөр анхны хайр нь бүтэж, аз жаргалтайгаар албан ёсны эхнэр нь болсон ч өнөөх л хэлмэгдүүлэлтийн хар сүүдэр хос хоёрыг минь ч тойролгүй дайрч өнгөрснөөс эр нөхөр нь хэлмэгдүүлэлтээр хоригдож хагацлын үйл явдал нь зүрх зүсмээр өрнөх аж. Өөрөө гэм хоргүй, маш өгөөмөр дүр учраас эргэн тойронд нь нутгийн гэлтгүй харийн сайн хүмүүс ч таарч, тусалж дэмнэн оросын Эрхүү хот руу хүртэл нөхрөө хайж явахдаа сүүлийн удаа түүнээсээ захиа авч чадсан ч мөн л золгүй явдал тохиож уулзаж чадалгүй хагацаад, тэр битгий хэл нутаг буцах эрхгүй болж Эрхүү хотдоо насыг барав аа. Хорин долоохон насандаа хорвоог орхиж, хорин долоотой төрхөө л бүдэг зургаар үлдээсэн Чулуунаа эмгэн болтлоо марталгүй дурссан ч хүний ертөнцийн бичигдээгүй хуулиар орос хүний эхнэр болсон нь ч өрөвдмөөр.
Чулууныг баригдаад явахад "Би таныг газрын гаваар орсон ч олоод, хүрээд очно оо" хэмээн амласныхаа дагуу тавин жилийн дараа Оросын Приморскийн эзгүйрсэн тосгоны орхигдсон оршуулгын газраас булшийг нь олж очоод "Яг л ийм шар эрвээхийн зунаар тантайгаа учирч билээ" гэсээр л төгссөн байна.
Чулууны сүүлийн захиа: "Сайн явж байна уу. Миний зоригт тугалчин охин минь! Энэ хол газар миний хойноос яаж ирээ вэ? Дулаан хувцас, идэх юм авлаа. Нөгөөдөр эндээс бух тэргээр цааш явах гэнэ. Чи минь эртхэн нутагтаа харь. Сайн хүнтэй гэрлэж, сайхан амьдраарай. Зүрхнээс "хагацашгүй" чамдаа Чулуунаас."
Дотор хоосроод хачин байгаа тул та нартайгаа хурдан хуваалцахыг хүслээ.
2025 оны 12-р сарын 31-ны шөнө дундаар.
#Шэйр хийж өгөөрэй❤️🎁
Б. Шүүдэрцэцэг #Хагацашгүй романыг уншсан нь.
Наймдугаар сарын бороо группээс. Шинэ жилийн үдэш миний зохиолын тухай тэмдэглэл хөтлөөд суух хүн байх юмаа ❤️❤️❤️
Хагас жилийн өмнө кафед суунгаа нулимсаа уух шахуу уншиж дуусгасан С. Эрдэнэ гуайн "Хойт насандаа учирна" романтай тун төстэй ч юм шиг. Мөн л үгийн чимэгтэй гэж жигтэйхэн бичигдсэн эд байх юм.
Шар эрвээхий нисэлдсэн зуны цагаар тугалаа шаварт оруулчихаад ноцолдож зогсоход нь ирж тус хүргэсэн дэслэгч Чулуун гэх царайлаг гоё залууд анхны харцаар сэтгэлээ өгч, эцсээ хүртэл тэрхүү хайраа бодож амьдарсан турьхан бүсгүйн насан туршийн мэдрэмжийг уншиж дууслаа. Өгсөн чихрийнх нь цаасыг эвхэж хадгалаад, намар болуут л дотроо хоосруулж хархүүгээ санадаг нь их л дотно жимээр сэтгэлд хүрэв ээ.
Хайр гэж яалтачгүй нандин, насан туршийн намтар шүү дээ. Орчин үед үнэгүйдээд, жил тойроогүй өөр хүнээр солихдоо хий дэмий ухаарлын үгсээр өөрийгөө өмөөрч зогсох шинэ үеийн залуусын огт ойлгохгүй сэдэв бичигдсэн байгаа нь олзуурхмаар. Уншаасай, мэдрээсэй.
Тэгэхээр дээрх бичигдсэнээр зун цагаар учирч, зүсийг нь л таних дурлалт хүнээ үгүйлж явсаар арван наймхан настай охин товлогдсон хуримаасаа хүртэл зугтаж их хотыг зориод хувь тавилангийн зөвшөөрснөөр анхны хайр нь бүтэж, аз жаргалтайгаар албан ёсны эхнэр нь болсон ч, өнөөх л хэлмэгдүүлэлтийн хар сүүдэр хос хоёрыг минь ч тойролгүй дайрч өнгөрснөөс эр нөхөр нь хилс хэргээр хоригдож хагацлын үйл явдал нь зүрх зүсмээр өрнөх аж.
Өөрөө хэнд ч гэм хоргүй, маш өгөөмөр дүр учраас эргэн тойронд нь нутгийн гэлтгүй харийн сайн хүмүүс ч таарч, тусалж дэмнэн оросын Эрхүү хот руу хүртэл нөхрөө хайж явахдаа сүүлчийн удаа түүнээсээ захиа авч чадсан ч мөн л золгүй явдал тохиож уулзаж чадалгүй хагацаад, тэр битгий хэл нутаг буцах эрхгүй болж Эрхүү хотдоо насыг барав аа. Хорин долоохон насандаа хорвоог орхиж, хорин долоотой төрхөө л бүдэгхэн ганц зургаар үлдээсэн хайртай амраг Чулууныгаа эмгэн болтлоо марталгүй дурссан ч, хүний ертөнцийн бичигдээгүй хуулиар орос хүний эхнэр болсон нь ч өрөвдмөөр.
Чулууныг баригдаад явахад "Би таныг газрын гаваар орсон ч олоод, хүрээд очно оо" хэмээн амласныхаа дагуу тавин жилийн дараа Оросын Приморскийн эзгүйрсэн тосгоны орхигдсон оршуулгын газраас хайртынхаа булшийг нь олж очоод "Яг л ийм шар эрвээхийн зунаар тантайгаа учирч билээ" гэсээр л төгссөн байна.
Чулууны сүүлийн захиа: "Сайн явж байна уу. Миний зоригт тугалчин охин минь! Энэ хол газар миний хойноос яаж ирээ вэ? Дулаан хувцас, идэх юм авлаа. Нөгөөдөр эндээс бух тэргээр цааш явах гэнэ. Чи минь эртхэн нутагтаа харь. Сайн хүнтэй гэрлэж, сайхан амьдраарай. Зүрхнээс "хагацашгүй" чамдаа Чулуунаас."
Дотор хоосроод хачин байгаа тул та нартайгаа хурдан хуваалцахыг хүслээ.
2025 оны 12-р сарын 31-ны шөнө дундаар.
