МОНГОЛ НЕКСТЖЕН ХӨДӨЛГӨӨН НЬ
Улс орныхоо хөгжилд хувь нэмрээ оруулж буй залуу мэргэжилтнүүдийг нэгтгэн санал бодлоо улс төрийн болон шашны нөлөөллөөс чөлөөтэй илэрхийлж ирээдүйгээ өөрсдөө бүтээхээр дуу хоолойгоо тодоор сонсгоцгооё гэсэн уриалга юм.
Бид бүгд эх орондоо ажиллаж амьдран гэр бүлээ өсгөн өрнүүлэн гэрэл гэгээтэй амьдралыг зохиох зорилго тээж энэ бүхэнд нөлөөлөх эх орныхоо ирээдүй бо
лон хөгжилд туйлаар анхааран санаа тавьдаг билээ. Учир нь бид бүгд Монголын залуу үе, шинэ үе, ирээдүй үе мөн. Тиймээс ч бид дуу хоолойгоо нэгтгэн Монгол улсынхаа гэрэлт ирээдүй ба зөв хөгжилд өөрсдийн дуу хоолойгоо сонсгож санаа бодлоо хуваалцах нь нэн чухал юм.
Монголын Бизнесийн Хөгжлийн Холбооноос санаачилж буй Монгол НекстЖен хөдөлгөөнөөрөө нэгдэцгээе, залуус аа!
Мөн бид энэхүү нээлттэй хөдөлгөөний хүрээнд нетворкинг уулзалтууд, лекцийн цуврал болон дижитал ба сошиал медиагаар дамжуулан Монголын шинэ үеийн төлөөлөл болсон одоогийн залуу мэргэжилтнүүдийг хооронд нь холбох сүлжээ байгуулж байна. Ингэснээр бид бүгд төрөл бүрийн мэргэжил бүхий санаа нэгт залуусыг холбож санал бодлоо улс төр, нам бүлгэм, шашин шүтлэг ба бусад гадны нөлөөгүйгээр чөлөөтэй хуваалцах талбар бий болгохоос гадна тэрхүү санал бодлоо нэгтгэж дуу хоолойгоо чангаар нийтэд хүргэх боломжийг олгох болно. Та бүгд дэмжин нэгдэнэ үү.
