Mongal Film Production

18/08/2025

🎬Баримтат уран сайхны киноны гол болон туслах дүрийн сонгон шалгаруулалт зарлагдлаа!

/Жүжиглэх ур чадвартай, жүжигчний мэргэжил эзэмшсэн бол давуу тал болно/

Сонгон шалгаруулалт: 2025.08.21-22
/11:00-19:00/

Хаана: Хан-Уул дүүрэг, 11-р хороо, Их Монголын Гудамж Sky garden residence 716

☎️Дэлгэрэнгүй мэдээллийг: 8807-3024, 8905-0117, 8902-6563

/Жүжиглэх ур чадвартай, жүжигчний мэргэжил эзэмшсэн бол давуу тал болно /

05/02/2025

"Бүсгүй" уран сайхны киноны гол дүр, Мөнхгэрэлийн дүрд жүжигчин Гансүхийн Ариунболор
---------------------------------------
БҮХ КИНО ТЕАТРУУДЫН ДЭЛГЭЦНЭЭ ӨДӨР БҮР ГАРЧ БАЙНА.

05/02/2025

05/02/2025

"Бүсгүй"-ийн нийгэм рүү дугарсан эерэг мессеж /Спойлер агуулагдав/.

Амьдрал дээр гэр бүлийн харилцаанд, хосын харилцаанд туйлын зөв, туйлын буруу үйлдэл, туйлын муу эсвэл сайн хүн гэж байдаггүй. Юм бүхэн олон талтай байдаг. Хэн нэгнийх нь гаргасан үйлдэлд үргэлж жижиг том шалтгаан нуугдаж байдаг.
Гэрэлээгийн нөхөр бол муу хүн биш. Хайртай эхнэрийнхээ сонсголыг эмчлүүлэх төлбөрийг олохын тулд шаргуу хөдөлмөрлөж завгүй явсан хүний сайн хань. Гэвч цаг наргүй амьдралын хэв маягийнх нь нөгөө талд түүний эхнэр сэтгэлээ онгойтол ярилцах хүнгүй, хайр халамжаар дутагдсан, хэн нэгнийг хүлээж бэтгэрсэн нэгэн болж хувирч байсан.
Хөрсөн харилцааны үр дагавраар гуравдагч хүн гарч ирэх тохиолдол олон бий. Ийм үед хажууд байгаа хүнээсээ авч чадахгүй байгаа хүчтэй мэдрэмжийг хэн нэгнээс аваад эхлэхээр олон хүн сэтгэл хөдлөлдөө захирагдаж өнөөдрийг хүртэл бүтээсэн зүйлээ нураах шийдвэрийг гаргадаг шүү дээ.
Бүсгүй кинон дээр Гэрэлээ эцсийн мөчид нөхөртэйгөө үлдэх шийдвэрийг гаргадаг бол түүний сэтгэл хоёрдчихсон үед Чинбаа би гэр бүл сүйтгэж чадахгүй гэж хэн хэн нь зөв үедээ сэтгэлийнхээ цулбуураас татаж чадсанаар Гэрэлээ бүтэн амьдралтайгаа үлддэг.
Ямар ч харилцаа эхлэх үедээ сэтгэл хөдлөл ихтэй, бүх зүйл нь шинэ байдаг ч тэр байдлаа хосууд тэр бүр удаан хугацаанд хадгалж чаддаггүй ба анхных шиг нь мэдрэмж төрүүлсэн хэн нэгнийг өөрийнх нь хүнээс илүү өөрийг нь хайрлах ч юм шиг, өөрт нь илүү тохирох ч юм шиг санагдсанаас тухайн үедээ хурдан, хөнгөн шийдвэр гаргаж алдаа хийх гээд байдаг тал олон хүмүүст ажиглагддаг.
Хамтын амьдрал гэдэг маш удаан хугацаанд үргэлжилдэг зүйл бөгөөд харилцааны туршид нэг нэгэндээ анхаарал тавих нь багасах, болзоо нь цөөрөх гэдэг ч юм уу ярилцаад засаад явах ёстой зүйл олон гардаг нь хэвийн үзэгдэл байхад үнэхээр олон талаас нь бодоход бие биедээ тохирохооргүй хүн гэж санагдаагүй л бол түр зуурын хүчин зүйлсээс болж харилцаагаа дуусгах шийдвэр гаргах нь буруу зүйл юм.
Кинон дээр энэ талаар их эергээр харуулсан. Хэн хэндээ цаг гаргаж чадахгүй байгаа бол, хэн нэгэн нь анхаарал халамжаар дутагдсан бол, хэн нэгэндээ таалагдахгүй үйлдэл хийгээд байгаа бол ярилцаад засах л хэрэгтэй. Өөр хүнээс халамж, хайрыг, догдлолыг мэдрэх нь хэвийн л зүйл. Харин тэр түр зуурын мэдрэмжээс болж бүтээсэн зүйлээ нураах гэж яарах хэрэггүй.

05/02/2025

“Хурд” хамтлагийн 30 жилийн ойдоо зориулан “Бүсгүй” дуунаасаа сэдэвлэн бүтээсэн “Бүсгүй уран сайхны кино энэ сарын 16-нд нээлтээ хийж, Улаанбаатар хот дахь бүх ки...

05/02/2025

Хайр сэтгэл байгаад хувь тавилан дутсан хэр олон хайрын түүх байдаг бол?

2000 оноос хойших хамгийн их таалагдсан хайрын кино чинь юу вэ гэдэг асуултад миний толгойд шууд тэр гэж хэлэх кино байдаггүй. Харин одоо “Бүсгүй” гэх киног хэлэхээр боллоо.

Учир нь миний мэдэх өмнөх бүх Монгол хайрын кино хэн нэгний буруу, араар тавилт, хэрүүл маргаанаас болж салдаг заавал хэн нэгэнд бурууг өгч дуусгадаг эсвэл зовж2 эцэст нь нэг юм жаргадаг байсан бол энэ кинонд бүх зүйл болж бүтээд бие биеэ гэх асар их хайр байвч хамт байх хувь тавилангүй дуусаж байгаа нь харамсмаар, хайрламаар олон мэдрэмжийг өглөө. Монголдоо л La La Land юм уу даа…

Илүү дутуу, текст байхгүй зөвхөн харцаараа л тэр их хайрыг өгүүлж байгаа нь үнэхээр Монгол кино бил үү л гэхээр. Зохиол сайтай л бол уг нь Монгол жүжигчид ямар их потенциал сайтай вэ гэдгийг дахин нэг харуулсан кино байлаа. Ариунбямба ахыг хүмүүс тоглосон дүр болгоноо амилуулдаг гэдэг ч миний хувьд цөөн кинонд тоглосон төдийлөн олон гол дүргүй гэж үздэг болохоор бусад шиг өндөр үнэлдэггүй байсан бол энэ удаагийн киноноос үнэхээр шүтлээ. Ариунболор эгчийн хувьд бол угаасаа л дутуу үнэлэгдсэн жүжигчин харин Хосбаяр ахын дүр бол надад хамгийн их таалагдсан. Өөр кино байсан бол тийм нөхцөл байдалд зодоон цохион, хэрүүл маргаан л болох байсан болов уу харин энэ кинон дээр магадгүй гол дүрийн хоёр жүжигчнээс ч илүү хайрыг харуулж байгаа тэр хэсэг бол үнэхээр сэтгэл хөдөлгөлөө.

Манайд ер нь түүхэн, баримтат кино хийх гэхээр тухайн хүнээ л мөнхөд харуулах гээд хамаг амьдралыг нь эхнээс нь дуустал өгүүлсээр дуусдаг. Харин энэ кинонд нэгэн бүсгүйгээр Хурд хамтлагийг харуулж байгаа нь улам илүү энэ хамтлагийн утга учир, тэдний уран бүтээлийг ч илүү ойлгуулж, ухааруулж өгөх шиг боллоо. Нулимсаа тэвчье дууг би өмнө нь зүгээр л утга учиргүй сонсоод эмордог байсан бол энэ удаа үйл явдлыг нь хараад кинон дээр дуулахад өөрийн эрхгүй мэлмэрлээ…

Ийм байгаль, ийм хайрыг Монгол кинон дээрээс харна гэж хувьдаа бодож байсангүй ээ. Өгүүлж байгаа санаа, сонгуулиар ажиллаж байсан зэргээс нь л Фантастикт дургүй байдаг байсан ч тэдний кинонуудаас Гүеэ ахын зураг авалтыг үнэлдэг байсан бол энэ кинон дээрээс бүр бахархлаа.

Хурд хамтлагийн гишүүдийн дүрүүд, нэмээд Ариунболор эгчийн дүр сонголтууд бол ярих зүйлгүй. Мэр сэр жижиг зүйл дээр тийм санагдсан ч Монгол кинон дээрээс эдгээр зүйлсийг харах сэтгэлд үнэхээр өег байна.

Баргийн юманд уярдаггүй бяцхан зүрх минь ингэж догдлох гэж IPTV-д орох үед дахиад заавал үзнэ ээ❤️

05/02/2025