01/05/2026
#дурсамж Францаас ирсэн хос, хоёр нохойтойгоо Шарга морьтод манайд зуссан юм. Тэд төмөр хайлуулан бүтээл хийдэг уран бүтээлчид， аялалын чиргүүлтэй дэлхийг тойрч яваад манайд сар болсон юм. Бидний талаар тэдний сэтгэгдэлээс сийрүүлбэл; Та нар маш азтай хүмүүс юм улсаас газар зүгээр авах эрхтэй, зуслангын хашааны иймэрхүү хэмжээний газар бид Францад авахын тулд дор хаяаад 250.000 евро төлнө. Та нарыг өглөө унтаж байхад сүү аваарай тараг аваарай гэсээр дуудаж сэрээх юм, бүр литрээр нь авч хэрэглэх юмаа. Манай дэлгүүрт иймэрхүү чанартай бүтээгдэхүүн "био" гэдэг тодотголтой маш өндөр үнээр зардаг. Бид мах их хэрэглэдэггүй л дээ, гэхдээ энд ирсэнээс хойш хэрэглэж эхэлсэн, "Бэлхи зах"-аас бидэнд (Админ)мах авч өгсөн маш амттай чанартай мах иддэг юм байна лээ. Бас бидэнд өөрсдийн тарисан шуудай төмс, ногоо байцаагаа авга ах нь авчирч өгсөн, үнэхээр амттай ногоонууд байсан.
Монголчуудын амьдралыг жуулчны нүдээр биш, яг дотор нь ороод ойроос харах боломжтой болж Монголчуудийн тусч чанарыг хараад биширсэн. Хашааний найгасан модыг тогтоох гээд алхаар цохиж зогстол замаар явсан залуу шууд ирээд хамжилцаад тусалсан, үүнд нь бид маш ихээр гайхсан шүү. Монголчууд шууд харьцдаг халуун дулаан хүмүүс юм. Хааяа хажуу айл сонгино биднээс асууна, Монголчууд бие биендээ тусладаг хөршийн холбоо маш сайтай хүмүүс санагддаг.
Оройд манай урд хөршийнхөн "Боним" хөгжимийн аяан дээр хааяа гадаа дискоддог, бид харж баясдаг үнэхээр эрч хүчтэй амьдарч чаддаг хүмүүс шүү.
Биднээс гадна ноход маань аз жаргалтай зуныг өнгөрүүлсэн. Учир нь Францад нохой оройд хуцуул торгууль төлөх, хөршүүд цагдаа дуудах гэх мэт асуудал байнга гардаг. Харин энд орой 21, 22 цагийн алдад ойр хавийн ноход дуу дуугаа авалцаад хуцалдах энэ мөчид манай хоёрт хамгийн аз жаргалтай мөч болон хувирдаг. Тэд хэзээ ч дураараа хуцах ийм эрх чөлөө, мөн хөрш нохдын олуулаа дуу авалцан хуцах чимээг урьд хожид сонсож байгаагүй юм. Зуслан дээр байгалийн үзэгдэл их сайхан болж өрнөдөг, бороо орсоны дараа маш сайхан үнэртэй, солонго татаж, мөндөр гэнэт орох тоолонд бид үүдэнд гарч харж зогсдог байлаа.
Маш сайхан зуныг өнгөрүүллээ эцэст нь хэлхэд та нар маш азтай хүмүүс шүү.. гэж дахин давтан хэлдэг байв. Тэд өглөөд сүү тарганы машин ирэхлээр “ очер”- лож зогсох дуртай. Тэд ч мөн миний нүдийг ч нээж, хүн ер нь зоригтой аялаж байх ёстойм байнаа гэдгийг мэдрүүлсэн юм. Нидерланд, Австрали, Франц, Герман тойрон аялагчид лагерийн хуучин муу байшинд маань тойрч суугаад дараагийн аялал Владивостокоос голдуу Австрали, Япон, Африкруу усан замаар орох талаараа ярилцах нь хол замд онгоц, галт тэрэгнээс өөрийг мэдэхгүй надад үлгэрийн юм шиг л сонсогддог байж билээ…
