16/09/2026
Цаг уурын өөрчлөлтөөс болж зэрлэг амьтад өөрсдийн нутгаас дайжин хүмүүстэй зам огтлолцох болжээ. Гэвч бид л энэ дэлхий дээр эрхшээгч нь гэж өөрсдийгөө андуурсан үйлдлээс болж хангайн хамаг л сайхан амьтадыг хөөж туух, агнах нь элбэгшсэн үед ойн баавгай болон хүмүүсийн дунд байгаль хамгаалагчид хэрхэн гүүр болж буйг “The Valley of the Bears” баримтат кинонд харуулжээ.
Эндээс хүмүүс амьтадыг ан агнуур, малын дайсан, ашиг хонжоо, арьс үс бус хангайн эзэн гэж хардаг болсныг, хүүхдүүд өөрсдийн чихэр печениэс өнчирч үлдсэн бамбаруушид илүүчилж байгааг, хүн байгалийг эрхшээж биш зохицож амьдрах ёстойг харуулна.
Энэ киног үзээд уур амьсгалын өөрчлөлт зөвхөн хүмүүст биш зэрлэг амьтадад ч гэсэн хэрхэн нөлөөлж байгааг, тэр өөрчлөлтийн эсрэг юу хийж чадах вэ гэдгийг бодно гэдэгт найдаж байна.
Машинаар хүрэх боломжгүй тайгын жим бүрийг мориор эргүүл хийнэ нэг талаараа бэрх. Байгаль хамгаалагчдад дрон дулаан мэдрэгч камер ууланд авиралтын тусгай багаж хэрэгсэл дутмаг байдаг санагдлаа.
Англи хадмал орчуулгыг нь уншвал кинон дээр гарч буй үндсэн харилцан ярианаас ихээхэн ялгаатай, үзэгчдэдээ нэлээн зажилж өгсөн байсан. Хүүхдүүд үзнэ гэж тооцон хүнд үг агуулгыг хялбаршуулсан нь тэр биз.
https://www.youtube.com/watch?v=XVm_IqiLvFM&t=1198s
#уурамьсгалынөөрчлөлт #баавгай
