Оюуны дархлаа

27/10/2025

Сайхан мэдээ дуулгая.
👨‍👩‍👧‍👦 Анх ямар нэгэн будаг, цавуугүй цэвэр модоор хийж байсан “Монхүүгийн найзууд” тоглоомоо байгаль орчинд ээлтэй, эрүүл мэндэд сөрөг нөлөөгүй, хүүхэд өөрөө дуртай өнгөөрөө будах боломжтой сайн чанарын шахмал модон материалаар хийж хүүхдийн баяраар хүүхдүүддээ бэлэглэсэн юм. Өнгөрсөн 5 сарын хугацаанд хүүхдүүд маань санаснаас олон янзаар ашиглаж, шимтэн тоглохыг хараад илүү олон хүүхдэд хүргэхээр пэйждээ мэдээлэл оруулж байна.
🌲 Цэвэр модон загвар нь эвлүүлж, байрлуулдаг л байсан бол энэхүү шахмал модон загвар нь эвлүүлэхээс гадна дүрс бүрийг анх байсан тохирох сууринд нь багтааж хийх, өнгө өнгөөр ялгаж будах, цаасан дээр хэв болгон зурах гэх мэтээр хүүхэд өөрөө олон янзын бүтээлч үйлдэл хийж болдогоороо давуу талтай.
Оюунлаг Монголын төлөө эх орондоо бүтээв.🇲🇳
Та бүхэн манай пэйжд like, follow дарж Монгол ахуй, өв соёлоо таниулж түгээн дэлгэрүүлэх үйлсд нэгдээрэй, баярлалаа.🙂

24/10/2025

Хүний папиллома вирус /ХПВ/-ийн эсрэг дархлаажуулалтын ач холбогдлын талаар Анагаах ухааны доктор, дэд профессор Н.Эрдэнэхүүтэй ярилцлаа.

22/10/2025

21/10/2025

Цэцэрлэгийн эмч ямар гоё гээч. Хүмүүс л цэцэрлэгийн эмч хийж байгаа эмчийг хийцгүйрсэн, мэдлэггүй гэж боддог юм шиг байгаа юм. Манай салбарынхан ч тэгж боддог. Яг үнэндээ би цэцэрлэгийн эмчийн ажлаа үнэхээр дурлаж хийсэн. Надад хамгийн чухал ажлын байр юм шиг санагдсан. Хийх зүйл маш их байгааг олж харсан.

2-5 хүртэлх насны бүх хүүхдүүд цэцэрлэгт явж байгаа. Хэрвээ цэцэрлэгийн эмчийн цалин мөнгийг хангалттай төсөвлөөд анхан шатны үзлэг оношилгоо хийх боломжоор нь хангаад, нарийн мэргэжлийн хүүхдийн эмчийг ажиллуулаад ӨЭМТ-тэй нь уялдаа холбоотой ажиллуулвал 5 хүртэлх насны хүүхдийн хяналт сайжирч өвчлөл буурах бүрэн боломжтой. Суурь өвчлөлтэй хүүхдийг илрүүлэх, хүүхдийн өсөлт хөгжлийг үнэлэх, дархлаажуулалтыг хянах, сүрьеэгийн соривжилтыг шалгах, шүдний өвчлөлийг хянах, хүүхэд бүрийн хооллолтын байдлыг үнэлэх бүр А аминдэмээ уусан эсэх, витамин Д-ээ уудаг эсэх гээд ӨЭМТ-ийн эмчээс илүү хүүхэд, эцэг эхтэй ойр ажиллах бүрэн боломжтой байдаг. Харшилтай, өтгөн хаталттай, цус багадалттай, жин багатай, тарган, дауны синдром, аутизмтай гэх мэт олон янзын хүүхэд байна. Ер нь л 2 настай цэцэрлэгт орсон хүүхдийг 5 нас хүртэл нь хянах бүрэн боломжтой гэж харсан. Бүр хяналтын дэвтэртэй байсан ч болохгүй юм байхгүй. Би бүр тийм дэвтэр боловсруулж ч үзсэн ккк. Даан ч цэцэрлэгийн эмчийн ажлын байрны тодорхойлолт нь эрүүл ахуй, зөвхөн сургалтан дээр л суурилсан байдаг нь учир дутагдал их.

Тэр нэг цэцэрлэгийн 200 гаруй хүүхдийг хянаад үзээд эмчлээд чөлөөгөө өгөөд явахад болохгүй юмгүй байгаа байхгүй юу. ӨЭМТ-ийн ачаалал, эцэг эхийн цаг заванд маш их нэмэртэй биз дээ тэ. Даанч туслах багшийн өглөө оройны цэвэрлэгээ үйлчилгээг шалгаад л үндсэн эмчийн ажлыг нь хийлгэдэггүй юм билээ. Яагаад эмчээс гадна эрүүл ахуйчийн орон тоо байж болдоггүй юм бол доо🤔 эмч чинь цэвэрлэгээ үйлчилгээ шалгах гэж Анагаахын сургуулийг хүний их эмчээр төгсөөгүй биз дээ…

Наад зах нь хүүхэд түлэгдэх, гэмтэж бэртэх тохиолдол маш их гардаг. Мэргэжлийн эмч цаг алдалгүй зөв арга хэмжээг авснаар хүндрэлээс урьдчилан сэргийлдэг юм. Амьлуулах суурь тусламжийн ур чадварыг багш нарт эзэмшүүлэх гээд хийх зүйл их байдаг аа.

Dr. Mom