Ulzii tovchoo

16/07/2025

Мэс засал хийлгэсэн 7 сартай ковидтой хүүг асарч буй сувилагч ❤
2021.07.16

16/07/2025

Наадам сайхан боллоо

Бөх, морь, сураар хотол түмнээрээ амьсгалж , тэднийхээ унаа даваа, уяа хурдаар бахархсан, яг энэ мөчид тэс ондоо мэдээ нэгийг оруулъя.

Баяр наадмын өмнөх өдөр ЭНЭШТ-ийн эмч нартайгаа хамтран хийсэн, баруун дунд чөмөгний доод хэсэгтээ, хорт хавдартай 8 настай хүүгийн хагалгаа амжилттай болж өнөөдрөөс босч дасгал хийж, эмч, ар гэрийнхнийгээ дэнж хотойтол цэнгүүлсэн сайхан Наадам боллоо.

Мэдээж мөч хадгалах энэ хагалгааг Монголд хийдэг болоод нэлээд удаж байгаа ч 8 настай хүүхэд орж байсан тохиолдол урьд нь бидэнд тохиолдож байсангүй.

Хагалгаа ч өвөрмөц болсон учир нь: Хүүгийн шилбэний өсөлтийн зоныг хадгалахын тулд дунд чөмөгний доод 3/1 хэсгийг тайрч, зөвхөн түүнд зориулж захиалсан имплантийг суулгасан ба шилбэний өсөлт гүйцэхэд, доод хэсгийн имплантийг суулгаж бүтэн үетэй болно. 2 шаттай хагалгаа.

Хүү цаашид хэд хэдэн хими эмчилгээг давах шаардлагатай!!!

Хамтран ажилласан
ЭНЭШТ -ийн ерөнхий мэс засал, эрчимт эмчилгээ - мэдээгүйжүүлэлт, цус-хими эмчилгээний тасгийн хамт олон Хүний гавьяат эмч А. Цэнджав, Л.Ганбаяр, тасгийн эрхлэгч В.Ганхуяг эмч Э.Эрдэнэбат, Анестезлоги эмч Ганболд, Одгэрэл, Цус-Химийн эмч Сэржмядаг нартаа мөн УНТЭ-ХҮСҮСТ хамт олон сувилагч Түмэнжаргал, Өнөрболд нартаа үнэхээр их баярлалаа.

Ирэх жилийн Наадмаар та бүхнийгээ бүгдийг нэг, нэг хониор шагнана аа!

Чадахаа л амлалаа!

Зураг тавих зөвшөөрлийг ээжээс нь авсан болно.

2025-07-16
Otgonbayar Maidar

16/07/2025

МУГЖ И.Одончимэг: Би уул нь энэ уригдсан улсаас нэг нь ч болтугай Карма эгчийг дурсаад, ярьчихаасай гэж хүсэж хүлээсэн юм. Гэтэл нэг ч өгүүлбэр байдаггүй, тэр нь жаахан гомдолтой санагдаад, ер нь хүн бусдынхаа талаар сайн сайхан зүйлийг нь хэлж ярьдаг байх хэрэгтэй л дээ. Гэтэл оролцсон хүмүүс дуу нэгтэйгээр Карма эгчийн талаар огт үг цухуйлгасангүй 😲. Дургүй байцгаадаг байлаа гэж бодоход хүний авьяас чадварыг үнэлэх үнэлэмжээ тэр чигээр нь цоожиллоо гэж үү.. Энэ нь харин ахмад жүжигчдийг маань эв нэгдэлгүй, хувь хувиа бодсон тийм нэг өрөвдөлтэй дүр зургууд болон харагдуулж байна. Тэрнээс биш хоёр хүний хооронд зан чанар таардаг, таардаггүй тухайд биш!

16/07/2025

Баруун тайгын цаатан Цэцэгмаа 66настай, маш хүнд эмчилгээгүй гэж ирээд Б.Болдсайхан эмчээр зүрхний 2 хавхлаг солиулж, 3 хавхлаг засуулжээ🙂 Одоо цоо эрүүл цаагаа маллаад гялалзаж явна🙂

16/07/2025

Б.Батжав: Монголд ирж амарна гэж байсан солонгос танилууд маань Өвөрмонголд очих болжээ. 1.5 сая воноор Монголд 5 хоног аялах байтал Өвөрмонголд 1 саяаар 7 хоног аялах гэнэ. Бас Монголд аялсан танилууд нь үйлчилгээ, хоол, тохь тух муутай гэж хэлжээ. Бид ганцхан Монгол байдаг юм шиг бодох юм. Гадныхны хувьд Өвөрмонгол үндэс угсаа, түүх, соёл, мал аж ахуй гээд ялгаагүй л Монгол. Аялал жуулчлалын салбарт бидэнд хүчтэй өрсөлдөгч аль хэдийн бий болжээ. Сураг сонсоход манайхаас адуучин залуучуудыг хөлслөн авч морь уургалуулж, эмнэг сургаж үзүүлдэг болсон гэнэ.

16/07/2025

Жүжигчин Б.Эрдэнэцэцэг: Хүмүүсийн хүндлэл хайр талархлыг хүлээж хүлээн зөвшөөрөгдөнө гэдэг юутай сайхан бэ?
Ядахдаа нүүр бардам алхах юм даа.
Нэр төрийн хойноос биш нижгээд бүтээлийн ард гарчихаад сэтгэл тэнүүн гүнзгий амьсгаа авч үзэгчдийн алга ташилтаас аз жаргалыг мэдрэх тэр мэдрэмж олж авсан мэргэжлээрээ бахдан бахархах юутай ч зүйрлэшгүй билээ.
Бүтээсэн дүр бүхэн дандаа гайхалтай. байгаагүй алдаа мадаггүй биш л дээ, заримдаа алдана заримдаа ононо, дүрээ гаргаж чадахгүй шантрана хор шарандаа босоод алхахыг хүснэ өөрийгөө голж уйлна.
Чадахгүй байгаадаа өөрийгөө зүхнэ.
Найруулагчид нартаа загнуулна аль эсвэл өө яг наадах чинь шүү Эрка гэж тоогдох үе
Дүрээ Урлаж хийх гэж будилна мунгинана гээд жүжигчин хүний туулж барах бартаатай гүвээ даваагаар мацан уулсын оргилын дунд хавьд л туучиж явна даа.
Оргилд нь гарчихлаа гэж бодвол ахиад л гүн ангал руу унах болно. Тиймээс өөрийгөө урлая гэвэл ахин дахин суралцах, эд эсээ шатаан дүрэлзэн асах дүүлэн нисэх хэрэгтэй болж байгаа биз. Гэхдээ тэр дүүлэн нисэх далавч маань заримдаа цуцаж хүрэх газартаа эс очиж чадахгүй байх үе зөндөө.
Дүүлэн нисэж байхдаа л сайн хүмүүсийг гомдоохгүй, хүн байх сэтгэлээ гээж хаяхгүй байх, замын дундаас найз нөхөд өө хаяхгүй дөрөө харшуулан хамтдаа амьдралын богинохон цаг хугацааг харамсахааргүй элээхсэн дээ гэсэн алс холын бодолд дараатай л яваа шүү.
Хорвоо дэлхии уужим шиг хүмүүний сэтгэл түүн лугаа адил байг ээ.
Хүсэл мөрөөдөлд хязгаар үгүй харин мөрөөдөлдөө хүрэх бартаат замыг сэтгэлийн хүчээр даван туулах л үлдлээ.
Зорилготой учир утгатай зөв амьдрана гэдэг бас л хүнээс ухаан шаардсан том даваа.
Ухаанаараа л энэ амьдралыг туулах ёстой юм билээ гэхдээ амьдрал ямар томъёотойгоо ирэх биш дээ. Тэр томьёоллыг өөрсдөө л бодож зурж зөв гаргалгаа гаргах болохоос хууран мэхлэх зальжин аргаар амьдарна гэвэл тэр нь шиг үйлийн үр байхгүй шүү гэдгийг олон хүний амьдралаас харлаа.
Тиймийн учир зөв сайхан сэтгэлийг өөртөө дадуулахыг хичээж яваа мөхөс нэгэн билээ. Би гэхдээ далавчаа дэвээд дүүлэн нисмээр байна

16/07/2025

16/07/2025

Шагнал нүдээ олно гэж энэ
1965 онд "Монголкино" үйлдвэрийн босгыг алхаж, "Төөрсөөр төрөлдөө" киноны туслах зураглаачаар ажлын гараагаа эхэлж,1966 оноос Пленк боловсруулах цехийн дүрс тодруулагч техникч, ээлжийн даргаар тасралтгүй 40 гаруй жил ажилласан, нэгэн цаг /1970-1976 он/-т ээлжийн 2 дарга хэмээн нэрлэгдэж, хүндлэгдсэн Мөнхбатын Эрдэнэбаатар 80 насандаа төрийн дээд Алтангадас одон хүртжээ.

16/07/2025

Б. Явуухулан "Би хаана төрөө вэ?"

Хөх манхан тэнгэрийг эзэгнэнхэн төрлөө би
Хөмсгөн сарны аялах алсын алс тойрогт
Холын хоёр одны тохиох бяцхан чөлөөнд
Хоёр нүдний үзүүрт цэнхэрлэх төдий тэртээд
Хөх манхан тэнгэрийг эзэгнэнхэн төрлөө би.

Цаст цагаан уулыг эзэгнэнхэн төрлөө би,
Цан хүүрэг савсаж уулс ороох оргилд,
Цасан ширхэг царцаж мөс болох халилд,
Царгиа хүйтэн өвөл сарлагын бух дошсон
Цаст цагаан уулыг эзэгнэнхэн төрлөө би.

Онгон цэнхэр талыг эзэгнэнхэн төрлөө би,
Орог саарал зэрэглээ хавар сүүмэлзэх хөндийд
Орсон буурын шүд өвөл хангинах хоолойд
Үлэг гүрвэлийн мөрийг өдий хүртэл хадгалсан
Онгон цэнхэр талыг эзэгнэнхэн төрлөө би.

Мөрөн голын усыг эзэгнэнхэн төрлөө би
Мөнгөн сарны сүүдэр толиорон хөвөх долгионд
Миний өвөг дээдсийн морин туурайд наалдсан
Хүний нутгийн шороог ариун усаараа угаасан
Мөрөн голын усыг эзэгнэнхэн төрлөө би.

Үнэр ялдам агь гангыг эзэгнэнхэн төрлөө би,
Үүр шөнийн завсар шүүдэр буух навчинд,
Үрэл усан шүүдэрт нь одод гялалзах дэлбээнд,
Үхэлгүй мөнхийн бэлгэдэл цагаан уул цэцгэнд,
Үнэр ялдам агь гангыг эзэгнэнхэн төрлөө би.

Зүүрмэглэгч хун шиг гэрийг эзэгнэнхэн төрлөө би,
Зүүдэлгүй цагаан өрхний хоймсож томсон оосорт
Зүрхэн улаан галтай ган тулганы тотгонд
Зуун түмэн үед монгол хүний идээшсэн
Зүүрмэглэгч хун шиг гэрийг эзэгнэнхэн төрлөө би

Сайхан бүсгүйн сэтгэлийг эзэгнэнхэн төрлөө би,
Сормосон дундаа талимаарах алаг нүдний мэлмэрээнд
Саалийн үнэр ханхалсан дээлийн хормойн нугалаасанд
Санан санан уярах цэвэр ичимтгий аашанд
Сайхан бүсгүйн сэтгэлийг эзэгнэнхэн төрлөө би.

Тэнхээт хүлгийн дөрөөг эзэгнэнхэн төрлөө би,
Тэлмэн жороо морины шанхны үзүүрийн чичиргээнд
Тэнгэрийн салхинаас бусдыг дээрээ гаргаж үзээгүй
Тэнэгэр говийн сүрэг онгон хулангийн нуруунд
Тэнхээт хүлгийн дөрөөг эзэгнэхэн төрлөө би.

Аадар хур бороог эзэгнэнхэн төрлөө би
Амгалан тэнгэрийг цочоох аянгын догшин гялбаанд
Ариун агаарт шүхэрлэх мөндөрийн цагаан ширхэгт
Алтан талд татах солонгын долоон өнгөнд
Аадар хур бороог эзэгнэнхэн төрлөө би.

Цээлхэн дууны эгшгийг эзэгнэнхэн төрлөө би,
Цэнхэр хадган дээрх мөнгөн аягатай сархаданд
Цээл сайхан дуутай уртын дууны аянд
Цэнгэх зовох хослосон хүний хувь заяанд
Цээлхэн дууны эгшгийг эзэгнэнхэн төрлөө би.

Авхаалжит хүний биеийг эзэгнэнхэн төрлөө бий
Амь нэгтэй олныхоо монголоо гэсэн сэтгэлд
Үүрийн таван жингээр хүдэр нэхэн улалзах
Үйлдвэрийн өндөр яндагийн хилэн улаан галанд
Авхаалжит хүний биеийг эзэгнэнхэн төрлөө би.

Хөх тэнгэрийн орныг эзэгнэнхэн төрлөө би
Хөх Монгол алдаршсны үе дамжсан домогт
Хүчирхэг дээдсийн нутагт мандсан хувьсгалын дөлөнд
Хөрст алтан дэлхийн үрчлээт магнай болсон
Хөх тэнгэрийн орныг эзэгнэнхэн төрлөө би.
****************************************

Жич: Я.Баатарын "Б.Явуулхулангийн "Би хаана төрөө вэ?" шүлгийн судалгаа"-наас иш татвал энэхүү шүлэг нь
- 365 үгтэй (нэг жилийн хоногийн тоо),
- 12 бадагтай (сарын тоо),
- Бадаг бүр 30 үгтэй (сарын хоногийн тоо),
- Нэг бадаг таван шадтай (таван өнгө, таван махбод),
- Нийт 60 шадтай (нэгэн жаран),
- "эзэгнэнхэн" хэмээх гол үг нийт 24 удаа давтагдсан (билгийн тооллын 24 улирал, 25 нас) байдаг ажээ...
Завхан аймгийн Улиастай суманд Явуухулангийн нэрэмжит гудамж,номын сан бий. Харин уг гудамжинд “Арт нүүдэл” төслийн хүрээнд “Mongo Hustle crew”-ийн хамт олон түүний хөргийг зуржээ.