安播體育傳媒 M Plus Sports Media

16/12/2025

【法甲熱話】格連活特——曼聯的痛 | 2025-12-16 [聲音報導: Trisha]
#法甲 #馬賽 #美臣格連活特 #曼聯
#安播直播 #安播體育傳媒有限公司

16/12/2025

【曼聯戰和般茅 連破多項尷尬紀錄】
曼聯今輪英超主場同般尼茅夫踢成4比4，仲連環創（撞）出多個數據紀錄，真係球迷見到都搖頭…

1. 剋星纏身
曼聯已經連續 5場 對般尼茅夫拎唔到勝利，呢隊「中型班」近年居然變成紅魔剋星！

2. 主場領先都失守
雖然曼聯今場半場領先，而根據歷史數據，佢哋過去 328次 英超主場半場領先，最終戰績係 302勝26和——即係話，今場係史上 首次 半場領先下最終輸唔到但和波收場，不敗金身雖然未破，但已失兩分。

3. 12年罕見罰球對決
馬古斯·泰華尼亞同般奴·費南迪斯今場 各自射入直接罰球，原來英超對上一次兩隊都有球員直接罰球入波，已經要數到 2012年1月，足足超過12年未出現過！

4. 領隊勝率新低
自魯賓·艾摩廉上任後，曼聯踢咗 43場英超，只贏得 14場，勝率低見 33%，成為球會歷來 所有領隊中英超勝率最低 嘅一位… 數字唔會講大話，紅魔重建之路似乎仲有排捱。

#曼聯 #般尼茅夫 #英超紀錄 #數據分析 #主場失分 #罰球對決 #領隊勝率新低 #英超亂局 #曼聯重建 #足球數據

16/12/2025

【荷盃強弱懸殊！ NEC尼美根作客照「炒」起】
聽日凌晨荷蘭盃有場實力差天共地嘅對決，荷丙仔阿姆斯特丹FC主場迎戰荷甲勁旅NEC尼美根。唔使多講，呢場真係強弱懸殊，阿姆斯特丹FC想爆冷？難過登天啦！

先講主隊，阿姆斯特丹FC喺自己組別（荷丙）都踢得麻麻，17場得6勝排中游，入21球失28球，攻守都唔掂。上圈盃賽贏支荷丁球隊VV安迪耶克都要驚險贏2-1，防線鬆到咁，點頂NEC尼美根啲狂攻？再睇近況，主場近4場輸足3場，真係未踢先輸氣勢。

反觀NEC尼美根，今季荷甲踢到風生水起，16場贏8場排前列，場均入成2.56球，火力超猛！近5場各項賽事4勝1和保持不敗，場場最少入2球，白賴仁·連臣、鹽貝健人、奧艾沙個個識入波，攻勢多點開花。上圈盃賽對住列積斯堡男孩，上半場已經輕鬆轟入3球，就算玩玩下放鬆都贏到。以佢哋嘅狀態同級數，作客炒起支丙組仔根本冇難度！

#荷蘭盃第二圈 #強弱懸殊 #荷甲對荷丙 #作客照贏 #火力全開 #盃賽攻略 #足球分析 #讓球客勝

12/12/2025

#意甲深夜場
#萊切主場復甦
#比薩客場腳軟

週六凌晨，意甲第15輪打頭陣，萊切會主場迎戰比薩。萊切近期主場表現有起色，今鋪對住今季作客未贏過嘅比薩，肯定想乘勢搶分。M直播會為大家現場直擊呢場波！

萊切目前排喺意甲尾二，得失球差同後面嘅升班馬比薩一模一樣，單論攻防表現真係半斤八両。不過萊切近排見到啲曙光，近2輪主場賽事取得1勝1和不敗戰績，上輪主場更以2比1擊敗拖連奴，拉沙拿·高列巴尼同拉美克賓達都有進賬。值得一提，呢場亦係萊切今季意甲主場首勝，球員士氣即刻返晒嚟。翻查往績，兩隊對上一次交手已經係2022年意乙，當時萊切主場2比0輕鬆贏波。雖然依家萊切口人腳已經唔同晒，但考慮到比薩近況比佢哋更差，萊切今輪絕對有機會全取3分。

同萊切相比，比薩今場幾乎冇任何優勢。踢到而家，比薩今季意甲只係贏過1場（1勝7和6負），唯一勝仗就係主場1比0小勝另一支升班馬克雷莫納，即係話佢哋今季作客仲未開齋。其實比薩作客唔係冇機會贏，近3輪作客賽事都係同對手打和2比2，攻力算唔錯，但問題係佢哋今季6輪作客場場都有失波，當中5場更加係失2球或以上。同萊切時好時壞嘅防守唔同，比薩幾乎場場作客防守都穿窿。更慘係，比薩近排已經連輸2場，期間1球都入唔到之餘仲失咗3球，士氣跌到谷底，今次作客真係凶多吉少。陣容方面，麥巴拉·尼蘇拿上輪拎紅牌要停賽；湯馬斯·艾斯迪維斯同加雲·史登斯等人都因傷缺陣。

#萊切 #比薩 #意甲 #升班馬對決 #護級大戰 #足球分析

10/12/2025

廣島三箭辣手摧「花」
星期三晚，亞冠精英聯分組賽有場大戰，上海申花會飛去日本硬撼廣島三箭，M直播到時有現場直播。主隊近期攞到兩連勝，狀態唔錯，今次對住近況飄忽嘅上海申花，廣島三箭值得睇好。

上週日職完咗季，廣島三箭踢咗38場，攞到20勝8和10負，累積68分排第四。雖然同冠軍鹿島鹿角差8分，但對賽成績有優勢，攞到1勝1和。球隊有咁好成績，木下康介功勞最大，今季聯賽入咗9球，係隊中神射手。日職收咧之後，廣島三箭而家最緊要就係踢好亞冠精英聯。分組賽踢咗5輪，佢哋攞到2勝2和1負，雖然只係入咗5球，但只失3球，防守係B組最好。賽制係每組頭八名晉級，廣島三箭一定要搏盡。加上佢哋近3場主場全勝，入6球只失1球，今場主場出擊，贏波信心十足。

上海申花今季中超又同冠軍擦身而過，已經連續兩年輸俾同市死敵上海海港，真係可惜。中超爭冠球隊實力唔差，但係中超球隊似乎唔太重視亞冠精英聯。好似上海申花咁，分組賽5場波之後，只係得1勝1和3負，入5球失8球，明顯入不敷出。仲有，三支踢亞冠精英聯嘅中超球隊，而家都排緊B組尾幾位。老實講，近年中超整體水平一般，外援質素又跌咗，同日本、南韓聯賽比已經有距離。再加埋近年中超球隊對日職球隊勝率唔高，上海申花今次作客日本，好難有運行（近2場亞冠精英聯作客都輸波）。

#亞冠精英聯 #廣島三箭 #上海申花 #中日對決 #日本足球 #中超 #足球預測 #作客難踢 #睇好主隊

03/12/2025

【西甲深夜直播】周四凌晨，畢爾包主場硬撼皇馬！⚽

主隊畢爾包近年對住皇馬戰績輸蝕，加上今季聯賽主場表現時好時壞，皇馬今場梗係想趁機搶分，重返勝軌啦！M直播會全程直擊，球迷記住瞓身支持！🔥

畢爾包上仗對利雲特靠阿歷斯·比倫古亞交出兩次助攻，幫羅拔·拿華路（今場上陣成疑）同尼古拉斯·威廉士入波，輕鬆贏2比0。不過球隊近6場各項賽事2勝1和3負，攻守都唔穩定，唔係場場都好似上仗咁好㗎！今季西甲14個入波但失咗17球，攻守失衡係最大問題。對住皇馬往績又差，近6次交手只贏過1次，仲有4次輸波兼零入球……主場近7次對皇馬更輸足5次，今場心態難免怯一怯。陣容方面，奧漢·辛斯特、馬羅安·辛拿迪等缺陣。

皇馬上輪同傑羅納打和1比1，竟然係自2019年以來首次連續3場西甲和波！教練沙比阿朗素頭都大埋，而家積分榜已經落後巴塞，再失分就大鑊。球隊近3場都係先失波，打破僵局能力要急急提升。關鍵人物當然係麥巴比啦，球隊最近一次聯賽客勝就靠佢入波，今季西甲客場已經入咗8球，佢嘅表現直接影響賽果！傷兵方面，丹尼·卡華積同費蘭特·文迪繼續缺陣。

【數據對比】📊
畢爾包今季平均控球率49%，傳球成功率81.3%，爭頂贏14.6次，成功過人7.7次；
皇馬平均控球率60%，傳球成功率89.4%，爭頂贏11次，成功過人10.6次。

#西甲 #畢爾包對皇馬 #深夜波 #皇馬作客 #麥巴比關鍵 #數據比拼 #足球預測 #香港球迷 #撐場時間

11/11/2025

史托港必定擊敗韋根
週三凌晨，英錦賽分組賽繼續有好戲上演，A組會上演一場英甲內戰，史托港會主場迎戰韋根。韋根近排真係冇咩爭勝本錢，球隊連續3場法定時間內都和波收場，加上佢哋作客戰績認真曳，今次出征睇怕都係凶多吉少。

史托港頭兩場英錦賽攞到1勝1負，暫時排緊分組第二，同狼隊U21同積3分，想確保出線今場一定要搏盡搶分。值得開心嘅係，史托港今季聯賽表現相當搶眼，過去15輪攞到8勝4和3負，仲要排緊聯賽榜首！重點提提基利禾頓同羅活呢對攻擊組合，兩個人今季聯賽夾埋入咗10球，係球隊數一數二嘅入球來源，有佢哋孭飛，今場贏波機會高唱入雲。

至於韋根就慘情啲，頭兩場英錦賽全輸，期間得失球差係1比4，家陣排緊小組包尾，晉級機會渺茫，成隊狀態都係沉低沉底。再加上韋根今季聯賽表現平平無奇，15輪只得4勝6和5負，排緊英甲中下游，同今場對手史托港相差成10分咁多！更要留意嘅係，韋根今季聯賽作客特別腳軟，8場作客聯賽錄得5和3負，場均入得1球但失成1.75球，攻守完全失衡。今次作客挑戰史托港，以韋根咁差嘅狀態，真係好難有運行。

#英錦賽 #英甲內戰 #史托港 #韋根 #足球預測 #主場威力 #作客蟲 #晉級形勢 #著數攻略

07/11/2025

🎉 2025 NBA全年通推廣活動 火熱來襲！ 🎉
首20位客戶購買「美國職業籃球聯賽(澳門)-全年通計劃」即送 全套NBA官方禮品！
數量有限，手慢就冇！🔥
🎁 搶先睇！超豪華禮品套裝 🎁
（禮品球隊隨機，驚喜不斷！）
✅ 三號籃球一個
✅ 2024/25 NBA總決賽Tee (L碼) 一件
✅ NBA毛絨手機掛繩一個
✅ 太陽隊襟章一個
✅ 籃網隊襟章一個
✅ 2025 NBA China Games 襟章一個

📅 活動日期： 即日起至 2025年12月31日

🔥 快啲Mark低日子，搶做頭20位！唔好錯過啦！🔥

***此活動受條款約束***
https://sites.google.com/view/2025-nba-promotion?usp=sharing

立即下載 www.mplus-live.com 🔥

#限量優惠 #送完即止 #安播體育 #安播

06/11/2025

阿德萊德聯靜候流浪者
週五下午，澳職率先有場好戲上演，阿德萊德聯會主場迎戰西悉尼流浪者，M直播屆時會為大家即場直播。兩隊開季都未上力，邊個都冇必勝把握，今場和波收場皆大歡喜。

阿德萊德聯上季常規賽排第6，勉強躋身季後賽，可惜最後輸俾西部聯出局。今季踢咗3場，只係贏得1場輸2場，排緊聯賽尾幾。佢哋今季發揮得最好嗰場就係揭幕戰對悉尼FC，靠R.基圖同E.艾拿治入波贏2比1。不過之後連輸兩場，狀態急跌。雖然進攻唔算太差，3場都有波入，但後防穿窿先係死症——3場失足5球，場場都失波。其實防守不穩係阿德萊德聯多年問題，前季場均失1.96球，上季更差場均失2.12球。加上近3次主場對西悉尼流浪者都未贏過（1和2負），今場目標攞1分已經唔錯。陣容方面，克華達亞同加路斯奧今場缺陣。

西悉尼流浪者都係同病相憐，上季排第4入到季後賽，但一樣提早出局。今季開局更慘，3場波2和1負未贏過，同珀斯光輝一齊成為聯賽唯二未開齋嘅球隊。其實佢哋踢成咁都情有可原，頭兩場對墨爾本城同奧克蘭FC都係硬仗，攞到1和1負算係交到功課。同阿德萊德聯相反，西悉尼流浪者最大問題係進攻乏力，以巴巴路薩斯為首嘅前線要諗諗計。對賽往績方面，近6次交手通常都係大手交易，最近2次對碰西悉尼流浪者每場至少入3球；而且6次交手只係輸過1次，心理上有著數。就算近況唔算好，今場作客都有力搶分。

#澳職 #阿德萊德聯對西悉尼流浪者 #開局不順 #和波格 #對攻大戰 #西悉尼往績佔優 #足球預測

24/10/2025

22/10/2025

2025/10/22-25 M Plus 會喺30th MIF 展會場Q56同大家見面🥰，凡喺會場下載M直播APP或關注M Plus任何一個社交媒體📲，即可獲取精美禮品任一份🎁，咁荀😍!!!快啲過嚟啦!!!數量有限，送完即止。

另外，凡喺展會現場購買M直播APP內的美國職業籃球聯賽(澳門)-全年通 MOP799🛒，即可獲取以下禮品各一份👇:
🔴NBA三號籃球一個
🟠2024/25 NBA總決賽 Tee L碼一件
🟡NBA毛絨手機掛繩一個
🟢太陽襟章一個
🔵籃網襟章一個
🟣2025 NBA China Games襟章一個
禮品數量有限，送完即止。

🕰MIF展會開放時間:
2025年10月22日(專業觀眾) 12:00-18:00
2025年10月23日(對外開放) 10:00-18:00
2025年10月24日(對外開放) 10:00-18:00
2025年10月25日(對外開放) 10:00-18:00

📍地點: 澳門威尼斯人金光會展

#安播體育傳媒有限公司 #安播

22/10/2025

【亞冠盃預測：上海申花主場硬撼FC首爾！】 #亞冠盃 #上海申花

週三晚亞冠精英賽B組有場硬仗，上海申花會主場迎戰FC首爾，M直播繼續同大家一齊追實賽事！講真兩隊近況都唔多掂水，申花頭兩輪分組賽踢到立立亂，FC首爾亦都腳風唔順，今場隨時悶和收場！

• 申花上輪中超贏波止血，但聯賽爭冠追住上海海港嚟咬，隨時要喺亞冠戰場留力。頭兩輪亞冠得1和1負，仲要試過領先都被蔚山現代逼和，防守真係要執執佢。今場能夠守和都算交到功課！

• FC首爾靠大炒武里南聯威過一輪，點知之後聯賽腳軟，4場波只贏得1場。好在亞冠表現叫做交到功課，1勝1和跟住神戶勝利船個尾，今仗作客點都搏命攞分！

兩隊都未上力，和波格十足！ #悶戰成和 #亞冠預測 #足球分析