https://www.facebook.com/109445460445785/

Faabo Afrique men, Nouakchot (2025)

17/07/2025

Jam mbaal-ɗon yiɗɓe tedduɓe .
Jeeri-Hisriire 17 Morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Hanki lannda laamu Insav mawnini duuɓi 60 jokkondiral leydi men e ndi Chine ɗum waɗaa ko to nokku jewtirɗo inniraaɗo M . O. Daddah . wejooji e jewte ko feewti heen njuɓɓinaama toon .

Humpito boowal ngenndi men .

Togo : hannde ɓe ngootata ngam suɓaade ardotooɓe guree (meruuji), ɓe mbayrii ɗum yuɓɓin'de ko e hitaande 2019, ngol laawol lunndo tawtoraama, hay sinno ina waɗii faɗeende seeɗe hakuunde poliseeji kam e seppooɓe .

To RDC : funnaange leydi ndi nanngondiral waɗii toon hakkunde M23 e fark en wonɓe toon , ɓe keddiima e nanondiral jam ciifanoongal to leyɗeele dennduɗe Amerik .

To Gabon: hooreejo leydi Oligi Nguema o wiyii e hitaande 2026 hay etudiant gooto hokketaake burse Amerik maa Kanada, adii ɗum ko njoɓdi ndi ina tiiɗi, kadi jaahɗo toon janngoyde fof ko toon heddo too artata e ngenndi ngam gollonaade ɗum .

Humpito caggal duunde men .

To Syrie : haa jooni Israel ina jokki toon piyanɗe mum, to Soueïda fotde yimɓe 350 mbasii toon pittaali mum hanki, hay honinkooɓe maɓɓe wonnooɓe toon njaltii nokku o .

To Chine : hanki Japonnajo gooto jahroowo e duuɓi 60 ñawaama sokeede duuɓi 3 e feccere, nde wonno ko o takkaaɗo won'de ñukintooɗo leydi makko .
Ko ɗum joɗaniiɗo toon ngenndi maɓɓe wiyii yo ɓe ndeento no feewi .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

15/07/2025

Jam mbaal-ɗon yiɗɓe tedduɓe .
Jagrafiire 15 Morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Gardiiɗo jaagorɗe O. Njaay o joɗodiima hanki e fedde remooɓe ngam hirjin'de ɓe ko hooreejo leydi fadi e maɓɓe . kamɓe joɗodaaɓ, ɓe mbeltiima heen no feewi, kadi ɓe nganndinii gardiiɗo jaagorɗe o, kampañ ndemaka ina moƴƴi no feewi .

Humpito boowal ngenndi men .

To Kamerun : Paul Biyal hollitii e kompte mum won'de ko ƴamtoow ardaade leydi ndi, o mbo yahra e duuɓi 92 o ardiima ngenndi ndi fotde duuɓi 43, ko ɗum addani heewɓe ina naamno holno waɗirtu kampañ makko . Heewɓe njadaani heen haa teŋti e lunndo ngo .

To Mali : hanki honinkooɓe maɓɓe nanngondirii e fedde Azawad en yiɗɓe heɓde jeytaare mum en to Kidal, e no ɓe kollitrii haa jooni nanngondiral ngal ina jokki toon . Ko no ɓe teŋtin'de barmuɓe e saŋkiiɓe heen...

Humpito caggal duunde men .

To leyɗeele dennduɗe Amerik : Donald Trump wiyii hokkii leydi Rissi balɗe 50 mbele a ɓe gartira jam hakkunde maɓɓe e Ikren, o wiyii so Putine jaɓaani maa o ɓittu ɗum to bannge taxuuji .

Palestine : to Gaza pelle daraniiɗe toon wallude yimɓe ɓe ñiŋii ko Israel fellata nokkuuji ɗo ndiyam njaratee ɗam ummoto .

To Frayse : hannde François Bayrou gardiiɗo jaagorɗe maɓɓe maa o jooɗo yeeso depiteeji maɓɓe e yonta 16h ngam hollitde njuɓɓudi bidget maɓɓe feewde hitaande 2026 .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

13/07/2025

Jam mbe-ɗon yiɗɓe tedduɓe.
Geniire 13 morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani.

Ɗo e leydi men Muritani:

To seraaji Barkeol toɓɓooji baɗɗii toon , suko gooto saŋkiima heen, geɗe keewɗe mbaasaama heen .
Fotde galleeji 185 ndañii faaɗeende, CSA wallitiiɓe ñaɓɓeele, maaro ,sukaaɓe, nebam..

Jaagorgal men cellal fuɗɗiima kampañ dokkirgol harkilaaji ngam riiwtude pawle paludisme .
O wiyii lebbi tati battindiiɗi hitaande yawtunde nde ɓowɗi ina ɓeydiinoo .

Hooreejo men yottima haŋki to Malabo laamorgo Gine Equatoriale ngam tawtoreede batu jeetaɓiijo mbo leyɗeele dentuɗe Afrik njuɓɓinta toon...

Gardiiɗo jaagorɗe men wiyii leege joñiiɗe e nder laamorgo ngo ina kaan'di e waɗaneede cafrorɗe ɓalliiɗe ɓe , tawa kadi ko moƴƴe...

Jaagorgal men jaŋde yowii sukaaɓe 221 waɗannooɓe bac nanngiraaɓe telephonaaji .
O wiyii kadi o mbo yuɓɓina heɓlo wanan'de 1568 korizooɓe bac ngam ɓeydan'de ɗum en humpito e oon bannge, ñalnde
18 e19 ndu lewru ...

Caggal leydi:

Nizeriya yimɓe 44 ñaawaama toon ngam finasde Bokku haran .

Senegal e nder 156 050 sukaaɓe waɗnooɓe bac , ko les 33 000 keɓii e session gadano o .
Yahruɓe jaŋde mbiyii ɗum ina famɗi .

Kamerun ñalnde 12 jolal, ɓe njuɓɓinata wooteeji ngam suɓaade hooreejo leydi maɓɓe . Paul Biya hollitaani so maa jeye e ƴamooɓe ɓe tawa .

L'Elyse wiyii Macron maa yeewtu hannde geɗe teeŋtuɗe...

Trump wiyii Fawii 30 % njoɓdi duwañ e geɗe leydi Mexique e dental leyɗeele Orop ngittata to maɓɓe...
Dental leyɗeele Orop mbiyii maa ƴettu peeje .

Kim Jong-Un gardiiɗo Kore bannge rewo wiyii Serguei Lavrov gardiiɗo diplomati Russi maa o walluɓe e wolde hakkunde maɓɓe e Ikren .

On njettaama .

09/07/2025

Jam mbaal-ɗon yiɗɓe tedduɓe .
Jaaltaɓiire 09 Morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Hooreejo leydi men yottiima to leyɗeele dennduɗe Amerik hannde, ma o yiyoondir e Donald Trump to galle daneejo, caggal ɗum ma ɓe kirtoɗo . Njillu ngu feewti ko e golle .

Humpito boowal ngenndi men .

Tchad : Olivier Monodji ko jaayndiyanke nannganooɗo fotde lebbi 5 kam e won'diiɓe mum, ko ɓe takkanooɓe gollondirde e leydi Rissie . Ko no hannde ɓe ɗaccitaama kamɓe fof, ñaawirdu maɓɓe mawndu ndu hollitii ko fawa e maɓɓe ko wodaani .

To Keña : hanki 08 morso yimɓe seppii toon ngam mawnin'de duuɓi 35 ñalngu Saba Saba ko ñalnde yimɓe njaltii e laabi ngam wiyde nattii yiɗde laamu Daniel arap Moi, nde wonno laamu makko ina hiiɗi ɓe .
Fotde yimɓe 31 mbaraama toon, kadi 107 neɗɗo ɓeen ne ko barmuɓe .

Humpito caggal duunde men .

To Qatar :
yewtere hakkunde Israel e Palestine ngam deeƴre dañee hakkunde maɓɓe e jeyliɗiikadi ndarto, jaagorgal leydi ndi ko feewti e caggal ngenni maɓɓe wiyii yewtere nde ina leeli, ko no Trump wiyii ko e laawol wonaa ina yahri no foti yahrude niih, nde wonnoo Palestin naaɓe njiiɗii jam arta toon hantii .

To Angletere: hanki Makron arii toon njillu, e yeeso depiteeji leydi ndi o wiyii Orop seerata e nanngan'de leydi Ikren junngo .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

07/07/2025

Jam kii-ɗon yiɗɓe tedduɓe !
Arɗiire 07 morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani.

Ɗo e leydi men Muritani:

Kawgel bac fuɗɗiima hannde e nder leydi men, fotde kan'didaaji 53 117 mbaɗii, ɓe peccii ko e nokkuuji 161, heen nokkuuji 70 ko e nder Nuwasot .
Sukaaɓe rewɓe ko 56,37%...
Renannooɓe waɗooɓe bac to Basikunu ko jookinooɓe e ndiyam toɓooji baɗnooɗi toon ...

Gardiiɗo jaagorɗe men wiyii prozeeji ngam waylude wuro Nuwasot ina njahrii yeeso , a ɓe njiɗii ɗum jokka .

Ñaawirdu men Nuwasot bannge hirnange taƴanii sokde duubi noogas e joy wonan'de ofisiyeeji 25 . Addii ɗum ko ɓe dogɓe golle maɓɓe . Ɓe kuccinii e maɓɓe mandat d'arret e ustude Graduuji maɓɓe...

Leydi men heɓii ballal fotde milyoŋaaji cappanɗe tate e kaalis Dolaar ngam riiwtude Tule e ceene...

Gooto e aastotooɓe kaŋŋe saŋkiima haŋki to Chekat ...

Vatimetu K gardiiɗo CSA ardiima dokkirgol kaalisaaji e ñaɓɓeele ko ina ɓura teemedere ujuneere galle .
O wiyii ɓe ngudditii nokkuuji noddirteeɗi banque cereale ngam ustude cogguuji ñaɓɓeele .

Polis mbo leydi men sarii etijaaji ceppunooɗi ngam hollitde dokkirgol buursiiji mum en rewani laawol, kadi ɓe keɓanii fotde maɓɓe...

Polis mbo leydi Españ nanngii Muritaninaajo jogiiɗo laɓi ina hulɓina yimɓe e boli e wonɓe e otooji...

Caggal leydi :

Algerie , Tayeb Louh gonnooɗo jaagorgal ndeenka taƴanaama sokeede duubi Bay e kaɗo e yoɓde amende 200 000 e kaalis maɓɓe .

Texas yimɓe saŋkiiɓe e waameeji baɗɗii toon ngonii 82 e woɗɓe njiytaama tawa . Trump wiyii wonaani hay huunde e nde boomaare, ko o ngustuɗo njobdeele yimɓe heerorinooɓe ndeen faaɗeende .

Batu des Brics fuɗɗiima hannde to Rio de Janeiro, caggal nde Trump wiyii ina ɓeyda njobdeele duwañ ...

Jappon leydi yerɓii to hirnange worgo leydi to tolno o yottiima 5,4 magnitude...

On njettaama yiɗɓe tedduɓe !

02/07/2025

Jam mbaal-ɗon yiɗɓe tedduɓe .
Jaaltaɓiire 02 Morso hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

O. Maguet gardiiɗo suudu ngenndi men o artii ɗo hanki o mbo ummorii to Dakar laamorgo leydi Senegal, to o yahno tawtoro yeede uddugol suudu ngenndi maɓɓe . Ɓ njewtidii ko feewti e jokkondire hakkunde men ɗee .

Humpito boowal ngenndi men .

To Mali : hanki 01 Morso waɗ boniiɓe muslimaaɓe njanii e nder guree 7 e nder leydi he, heen gure ngonii ko sera keeri Mauritani kam e Senegal . Waɗii waasɓe heen pittaali mum en, e barmuɓe fof, ko no ɓe cuwa anndunde no foti limoore mɓɓe tawoo .

To Senegal : booñ Barclays mbo leydi Angletere wiyii ñamaale maɓɓe e hitaande 2024 yottiima 119% du PIB maɓɓe, hannde o ko kamɓe ngonii leydi ɓurndi heewde ñamaale e nder Afrik .

Tchad : Succès Masra ko lunndiiɗo laamu nanngaaɗo hannde ko ina abboo e lewru e balɗe 20, gila ñalnde 24 lewru korse ko o dartiinooɗo ñaamde, ngam wiyde o nanngaa ko e waawnere .

Humpito caggal duunde men .

To Ikren : hannde a ɓe kulii hade maɓɓe jogaade faɗeende ko feewti e dartorɗe, nde wonno Amerik gila Trump arii, nattii wallude ɓe e dartorɗe .

To Frayse : hanki Makro yewtidii e hooreejo leydi Rissi fotde yontaaji ɗiɗi, ko feewtii e faɗeende wonnde hakkunde maɓɓe e Ikren kadi e nikleer Iran . Ko ɓe mbayrii yewtidde wonii duuɓi tati, kadi haa jooni a ɓe ceertii jiyanɗe .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

30/06/2025

Jam mbaal-ɗon yiɗɓe tedduɓe .
Arɗiire 30 Korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Hooreejo leydi men hanki o tawtoraama hiraande nde laamɗo leydi Españ noddunooɓe, caggal nde o yahno batu e nder wuro Seville ko feewti e njaltin'gol kaalis ngam ƴellitaare .

Humpito boowal ngenndi men .

To Ugannda : hooreejo leydi ndi hono Yoweri Museveni wiyii ko o jeyeteeɗo e suɓngooji maɓɓe payɗi, hannde o mbo yahra e duuɓi 80 tee o laamiima fotde duuɓi 40 . lunndo ngo hollitaanii heen weltaare mum .

To Senegal : Bachir Fofana ko o jaayndiyanke nanngaaɗo caggal nde gardiiɗo suudu ngenndi maɓɓe El Malik wullitii mbo to ñawooɓe e jaaynude ko wodaani, ko feewti e soodan'de depiteeji werlaaji .
Jaayndiyankooɓe heewɓe kollitii heen mettere mum en .

Humpito caggal duunde men .

To Españ : e nder wuro Seville hannde maa batu fuɗɗo toon ko yowitii e njaltin'gol kaalis ngam ƴellitaare, caggal nde ɓe tinii b***e ko feewti e ɓamtaare ina ustii no feewi, ardiiɓe leyɗeele heewɓe tawtoraama batu ngu, gasata ko ñalnde Jeeri-hisriire .

To Kanada : jaagorgal maɓɓe ko feewti e faggudu wiyii ɓe kaytii fawde taxuuji e geɗe nimerik ummotooɗe to leyɗeele dennduɗe Amerik .

To leyɗeele dennduɗe Amerik : e nder wuro Idaho pompiyeeji mbaasii toon pittaali mum en, ɓe ngonno ko e ñippude cumu e wiyde maɓɓe ndeke won tufiiɓe ɓe .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

26/06/2025

Jam mbaal-ɗon yiɗɓe tedduɓe .
Jeeri-Hisriire 26 Korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Jaagorgal men ko feewti e cellal artiiɗo hanki o mbo ummorii to leydi Egypte to o yahno tawtoroyeede batu leyɗeele rewo, o yewtidii toon e cukko jaagorgal maɓɓe ko yowitii e jokkondiral moƴƴal gonngal hakkunde leyɗeele men ɗe .

Humpito boowal ngenndi men .

To Afrik hakkundeejo : pelɓondiral waɗii e nder duɗal Barthélémy Boganda ɗo elevaaji ngonnoo ina mbaɗa kawgel Bac, tan haa ndooyam fettii toon e ɓittondiral he, yimɓe caŋkiima heen kadii heewɓe heen ko barmuɓe .

To Keña : laamu ngu haɗiino ayaawo ngo yaltin'de seppooji won heen siñal mum en ko ko taƴanoo . Ñaawirdu maɓɓe mowndu, ndu ittii ɗum, ngam wiyde ko ɗum yaɓɓude golle e fotde jaayndiyankooɓe .

To Madagaskar : ko hannde 26 korse ɓe mawninta duuɓi 65 jeytaare ngenndi maɓɓe, ma ɓe njuɓɓin toon pijirlooji, heewɓe ngummiima nokkuuji mum en ngam yeeɓoyde defile honinkooɓe maɓɓe .

Humpito caggal duunde men .

Ikren : ngol laawol batu OTAN ko feewti e Ikren yewtaaka toon, nde wonno Trump addii ko jaɓɓal gonngal .
Jooni ɓe njowitii ko e batu dental leyɗeele Orope baɗowal hannde to Brixelle leydi Belgik .

To Allemañ : laamu ngu wiyii dartinii b***e ɗe pelle danndannooje yimɓe e nder maaje he keɓanno . Ɓe mbiyii ɗum jeya e riiwtude e ɗanne suuɗ suɗoo ndu .

To Israel : caggal dartagol nanngondiral hakkunde maɓɓe e Iran hol kuccam Natanyahu, ma ɓe njokku yilaade no jeyli dartorii to Gaza . wonne wiyooɓe kadi o woni ko e kampañ e wooteeji maɓɓe baɗoyooji e lewru jolal e hitaande aroyoore nde .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

25/06/2025

Jam mbaal-ɗon yiɗɓe tedduɓe .
Jaaltaɓiire 25 Korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

O. Sidebe guverneer mbo wuro Rosso o yilliima hanki e nder jeehre he e wuro ngo fof ngam ƴeewde ɗo golle fittooɓe ɓe njahrata, nde wonno ko e ndunngu fayaa .

Humpito boowal ngenndi men .

To Keña : e hitaande yawtunde nde ñalnde 24 korse 2024 laamu ngu yaltiniino loi de finance ɓesngu ngu yahdaano heen, ɓe njaltii ngam seppude waɗii ngar-mi ngara hakkunde poliseeji e seppooɓe, fotde yimɓe 60 mbara heen . Hanki waɗii hitaande, hannde noon koreeji ɓeen waraanooɓe noddii seppo mawngo tawa ina won'dii e deƴre ngam naamnaade ñawoore e innde waraaɓe ɓe .

To Kamerun : jaagorgal maɓɓe ko feewti e golle hono
Issa Tchiroma Bakary o ɓoriima e golle makko, o wiyii o ɓooyii won'dude e Paul Biya ko no hay ndiga waɗanaani nokku maɓɓe to rewo leydi ndi . Ko ɗum waɗii o wiyii yimɓe makko yo nattu wootan'de e laamu ngu, ina waawi o jeye e suɓngooji maɓɓe payɗi .

Humpito caggal duunde men .

To Pays-Bas : gila hanki feewde hannde ko e batu Otan ɓe ngonii ngam ƴeewde no ɓe ɓeydirii kaalis fedde nde, jooni wiyaama leydi fof yo waɗ 5% e nder temedere fof .

To Rissie : hanki jamma ɓe pettinii to wuro Dnipro e nder leydi Iken, fotde yimɓe 19 mbaasii heen pittaali mum en, e heewɓe mbarmii heen .

To Chine : hanki e nder falnde Guizhou fotde 80 000 neɗɗo egginaama toon, nde wonnoo nokku o ina heewi waame tee ina toɓa gila hanki e wiyde maɓɓe .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

24/06/2025

Jam mbaal-ɗon yiɗɓe tedduɓe .
Jagrafiire 24 Korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito boowal ngenndi men .

To Afrik hakkundeejo : Faustin-Archange Touadéra hooreejo leydi ndi yahdu makko to Belgik ina heewi yewtere heen e lutndo ngo wiyii ko o sellaani ɓe nawi mbo ko e laana diwoow keriika feewde Belgik ngam safroyaade . Ko yimɓe makko mbiyii won pottial nawi mbo toon, kadi o ƴewtoroo heen cellal ɓanndu makko .

To Keña : prokireer maɓɓe wiyii yo polisseji takkaadi jeyeede e warngo
Albert Ojwang e nder dummbirndu mum, yo ɓe nanŋee .

To Konngo Brazzaville : hannde batu nan toon njowitiingu e ƴeewde no dulɗi ɗii ndeenirte . Nde wonno leydi maɓɓe ina waɗi dulndu mawndu, ina haani reneede .

Humpito caggal duunde men .

To leyɗeele dennduɗe Amerik : hanki jamma feewde hannde Trump wiyii yo nanngondiral hakkunde Israel e Iran yo darto fotde yontaaji 12 haa ɓe ƴeewan ɗum peeje .

To Syrie : hanki atanta waɗii e nder Eglise to Damas laamorgo leydi ndi fotde yimɓe 25 mbaasii heen pittaali mum en . Ɓe pelii laamu ngu no feewi e yebaade ɓe .

To Chine : ɓe kollitii ñalnde 3 leewru Siilto e ndeeɗo hitaande ma ɓe mbaɗde delife honinkooɓe ngam mawnin'de duuɓi 80 dartagol wolde winndere yankoore ɗimmere . Ko Xi Jinping hooreejo leydi ndi ardoyotoo ɗum .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

23/06/2025

Jam kiirl-ɗon yiɗɓe tedduɓe.
Arɗiire 23 korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani.

Ɗo e leydi men Muritani:

Aksida waɗii to wuro Segar , neɗɗo gooto saŋkiima heen, ɗiɗo woɗɓe mbarmii . Ko oto mercedes e korola mbuɓɓondiri...

Renooɓe maaje men ndanndii ɗanniyankooɓe 150 umminooɓe port Tanit bannge rewo Nuwasot feewde Espan, caggal nde laana maɓɓe paanii...

Polis leydi men nanngii juwnooɗo gorko laɓi to leegal Melah ( Tujinin).

Caggal leydi:

Iran weddiima misilaaji baaz Amerik gonɗo to Doha laamorgo Katar .
Katar uddino weeyo mum en " espace aerienne" .
Katar wiyii hay fittandu wooturu wasaks heen waraani , kadi hay gooto barnanii heen e yonta ɓe njeewtata o...

Somali honinkooɓe Uganndanaaɓe njeeɗiɗo jeyaaɓe e misiyoŋ dental leyɗeele Afrik yahnooɓe ngam wallude ɓe dartaade seɓɓitiiɓe jeyaaɓe e Sebab en, ɓe mbaraama e nanngondire hakkunde maɓɓe e seɓɓitiiɓe ɓe...

Nizer to wuro Manda yimɓe rentunooɓe e jama ko ɗoon yimɓe jogitiiɓe njanii e maɓɓe , mbarii yimɓe 71 , mbarminii woɗɓe...

Njanngu waɗii e eglise to Damas , yimɓe noogas e njoyo mbaasii heen pittaali mum en . Yimɓe heewɓe nanngaama...

Fedde CEDEAO toɗɗiima Julius Maaɗa Boo hoorerjo leydi Sierra Leone yo ɗow fedde nde .
O limtii ko Bola A.Tinubu hooreejo Nizeriya, oon wiyii waɗii peeje fof ngam leydi Mali, Burkina
kam e Nizer nde ngartaa e CEDEAO...

On njettaama yiɗɓe tedduɓe.

22/06/2025

Jam mbal-ɗon yiɗɓe tedduɓe.
Geniire 22 korse hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani.

Ɗo e leydi men Muritani:

Jaagorgal men awo wiyii awo ɓooyngo ngo ko ñalnde 27 ndu lewru ɓamtata,won'ngo ko ñalnde 30 , 01 e 07 lewru fayndu...

Sosiyete SNIM fuɗɗiima rokkirde teemede jeegom nokku leyɗeele koɗateeɗe to wuro Nuwadibu wonan'de gollotooɓe mum en .
Ɓe ndokkiriino Kono ɗum wonɓe to Zuwoyrat...

Ndooyam taƴƴii e nokkuuji keewɗi e leege Nuwasot . Somelec hollitii won ko bonii e Systeme maɓɓe Manantali...

Polis mbo leydi men nanngii yimɓe nayo jogitinooɓe laɓɓe mbarminii neɗɗo keɓti ko o joginoo fof...

Gardiiɗo jaagorɗe men wiyii ƴettateeɓe e golle laamu fof yo tuuŋno e ko ɓeydata geɗe laamu ngu . O wiyii ko e mbaawka tan ƴettugol fawo to, wonan'de ɓurɓe yiɗeede .
Bidje on ina teddini njoɓdeele ɗe potano won'de...

Leydi Tirki nanondirii e jaagorgal men jaŋde ngam jokkitde mahdi nokku trchnologie ɗo e lebbi tate .

Caggal leydi :

Trump teeŋtinii ɓe mbommbardii situuji nikler Iran tati, site Fordo, Natanz e Ispahan . O wiyii kadi feewi laawol, o wiyii yontii Iran yiiloo jam so ɗum woɗaani ɓe ɓeyda pigle...Iran ñiŋii ɗum .

Fedde CEDEAO njooɗiima hannde batu to Abuja laamorgo Nizeriya ngam ƴeewde poofirɗe kese caggal duubi cappanɗe joy ko nde sosaano...

Riisi e Burkina Faso ciifondirii nanondiral ngam mahde nikler to Burkina...

Tinizi Moncef Marxouki gonnooɗo hooreejo leydi maɓɓe taƴanaama sokeede duubi noogas e ɗiɗe . O tuuma ko krime ko feewtii e cebɓitaagol...

Kod divar lannda Watara "RHDP ” cuɓii mbo yo o ƴam ardaade leydi ndi e wooteeji ɓe njogorii yuɓɓin'de e lewru yarkons 2025 .

Nigeria honinkooɓe 34 mbaraama e 14 mbarmii e njanngu milice en seɓɓitiiɓe antijihadistuuji...

Batu keñorangu ngu jaagorɗe geɗe caggal leyɗeele Arabe

Faabo Afrique men

17/07/2025

15/07/2025

13/07/2025

09/07/2025

07/07/2025

02/07/2025

30/06/2025

26/06/2025

25/06/2025

24/06/2025

23/06/2025

22/06/2025

Address

Website

Alerts

Shortcuts

Share

Category