Faabo Afrique men

10/04/2026

Jaltaɓiire 26 Morso 2020.
Jam weeti e mon banndiraaɓe.
Faabo Afrik men 🇲🇷🇲🇷🇲🇷🇲🇷🇲🇷
Addanii on toɓɓere.

Hannde eɗen njiɗi yeewtude ko fewti e innirgol laawol ɗo e laamorgo men "El haj Mamadu Bah"
Elhaj Mamadu Bah ko gorko pullo, Muritaninaajo jeyaaɗo to wuro Jowol .
Ko kanko wonii gadiiɗo udditde duɗe(école) (1941), o innirii ɗum "Al Falah" tawa ko arabe e quraan janngetee heen .
Faandaare makko wonnoo ko riiwtude humanbinnaagal e kadi waylude mbaydi no duɗe ɓooyɗe ɗe jannginiranno quuraan nih tawa ina yaadi e winndere nde .
Yeru e duɗe makko janngooɓe quraan njeloytonooko .
O udditii duɗe keewɗe e nder leydi ndi haa e nder leyɗeele Afrik, kadi yimɓe mawɓe hannde ko to makko ɗo ndewi .
Ɗum noon so laamu ƴettii pellital innirde mbo laawol ko huunde haande tigi .

Heddi tan ko eɗen nganndi geɗe bayɗe nii kewaani waɗde ɗo e nder leydi ndi .

Ɗum noon on ñaagaama jiyanɗe mon e o gorko, kadi e laamu ngu holi koɓe njiɗii wiyde men e ngalɗo baɗal ?

05/04/2026

09/01/2026

Jam mbaal-ɗon yiɗɓe tedduɓe .
Kumeere 09 Siilo hitaande 2026
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

O. Njaay gardiiɗo jaagorɗe men ko o jahɗo njillu to Senegal fotde balɗe ɗiɗe, gooto herŋen fof yettii goɗɗo hollitii kadi weltaare mum, kadi ma ɓe ciifondir nanondire keewɗe .
Hanki jamma noon Sonko jaɓɓii teddinirii mbo hiraande kanko e ɓe o ardi ɓe fof .

Humpito boowal ngenndi men .

To Konngo kinshasa : E nder park ɗo kulle 99 kulanaaɗe nattugol mum neha, renooɓe nokku mbiyii baaɗii biyateeɗi gorille ɗii heen wooturo funii ɓikkon ɗiɗon ko huunde nde hewaani yiyeede . Park o wonii ko e falnde Kivu bannge rewo .

To Kamerun : hanki fotde yimɓe 140 ñawaama toon, tawa ko nannganooɓe e yonta jaltugol resiltaaji woote cubogol h***eejo leydi maɓɓe, e no ɓe mbiyrii heewɓe e maɓɓe njogaaki ɗereeji kollooji ko e ngenndi he ɓe njeyaa . Kadi ñawoow o saliima ɗaccitde ɓe .

To Mali : Bamako laamorgo ngenndi ndi hoɗɓe toon ɓe mbiyii ndonkii humpitaade hannde maa won yontere ndoyam kuppat tan, heewɓe ina paayi no feewi to batte ndeenka mum en .

Humpito caggal duunde men .

To Frayse : hanki to galle laamorgo maɓɓe to Makron waɗdii batu e ammbasaderuuji mum rewɓe e worɓe wonɓe nder duunde Afrik ngam hollitde ɓe kuccam maɓɓe e hitaande 2026 . Haa teeŋki ko feewti e gollondirde tawa leydi fof ina yiitoo heen h***e mum . Hollirta ko ɓe yiɗɓe waylude jaɓɓal e yiyannde ko feewti e Afrik .

To Syrie : jaagorgal maɓɓe ko feewti e ndeenka wiyii hannde yo nanngondiral hakkunde honinkooɓe leydi ndi e kurde en yo darto ko ɓuri yawde .

To Iran : haa jooni yimɓe ina njokki seppude toon, kadi ɓe mbiyii internet kuppaama toon e nder ngenndi he fof, nde wonnoo Trump hollitiino so tawii laamu ngu warii toon yimɓe, ko janoow e maɓɓe . Wonɓe pelle daraniiɗe fotde neɗɗo mbiyii yimɓe 45 mbaraama toon e seppooji ɗi .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

07/01/2026

Jam mbaal-ɗon yiɗɓe tedduɓe .
Jaaltaɓiire 07 Siilo hitaande 2026
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito boowal ngenndi men .

To Gine konakri : prokrireur maɓɓe wiyii kolonel Claude Pivi saŋkiima hanki to safrirde honinkooɓe to . Ko cokanooɗo nde wonno o mbo jeyanoo e honinkooɓe warnooɓe yimɓe e hitaande 2009 to stade mbo Gine e laamu Dadis Kamara .

To Mali : e nder laamorgo Bamako ŋakkugol gazluwal ustiima toon, hay sinno ina waɗii nokkuuji udduɗi haa jooni ko yowitii e jeygol essence . Haa teeŋti e nokkuuji goɗuɗiɗi, ko wayno regionŋaaji ɗi .

To Bene : ko e gaɓagol ɓe ngoni ko ñalnde 12 nduuɗo lewru ɓe ngootata ngam suɓaade depiteeji maɓɓe kam e ardotooɓe gure, ko e lewru Duuƴal ɓe ngotoyta ngam suɓaade h***eejo ngenndi . Lunndo ngo weltaaki heen nde wonno lanndaaji mawɗii kadaɗaama jeyeede e suɓngooji ɗi .

Humpito caggal duunde men .

To leyɗeele dennduɗe Amerik : caggal nde Donald Trump yanii e Venezuela haa nanngii laamɗo leydi ndi hono Maduro, heewɓe ina naamnoo mbele o yaɓɓaani doosgal leydi maɓɓe, nde wonno o mbo fotnoo naamnaade suudu ngenndi leydi Amerik ko adii o mbo yana e ngenndi njananndi .

To Venezuela : ñawooɓe mbiyii yo Amerik naaɓe nganndu ɓe njogaaki mbaaeka waawde ñaawde laamɗo maɓɓe . Hay ONU yadaani e golle Trump ko no ko ɗoon tan mbaawka maɓɓe haaɗi .

On njettaama yiɗɓe tedduɓe yillotooɓe Faabo Afriki men yo jam ñallu ñallen heen .

05/01/2026

Jam mbaal-ɗon yiɗɓe tedduɓe .
Arɗiire 05 Siilo hitaande 2026
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Hooreejo leydi men Ghazwaani weltaniima M Dummbiya e toɗɗeede ɗum yo ardo leydi Gine, kadi o yilaniima ɗum moƴƴere e golle mum .

Humpito boowal ngenndi men .

To Gine Konakri : ñawirdu maɓɓe toowndu laawɗinii poolgu M. Dummbiya o dañii ko 86,72%, kanko toɗɗaaɗo, o yettii Gine naaɓe fof, o noddii nde ɓe ndeentata ngam gollonaade ngenndi maɓɓe .

To Sudan bannge rewo : safrooɓe wonɓe toon kollitii kulihuli mum en e faɗeende wonnde toon nde, dadiiɓe nana nguddii wuro b***e natataq toon . Ɗum noon wonɓe toon ɓe so pabaaka tampat no haano feewi .

To Nigeria : fotde yimɓe 30 baraama e jehre Kasuwan-Daji, ɓe kollitii ko jogitiiɓe njanii e nokku o, ɓe ƴettii ko weliiɓe, ko heddii ko ɓe nduppii .

Humpito caggal duunde men .

To Venezuela : ko cukko h***eejo leydi ndi lomtii e wiyde jaajorgal maɓɓe ko feewti e ndeenka . Kadi ko hannde Nikola Maduro e jom suudu mum daroto e yeeso ñawoow hettaade ko ɓe takka ko .

To Frayse : hannde safrooɓe heewɓe maa kof toon juuɗe mum en . Nde wonnoo laamu ko ko yiiɗii haɗde ɓe won geɗe peewtuɗe e golle maɓɓe, ɗum noon ɓe njaɓataa, kofgol juuɗe ngol ina waawi yahde fotde balɗe sappo .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

02/01/2026

Jam mbaal-ɗon yiɗɓe tedduɓe .
Kumeere 02 Siilo hitaande 2026
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

Jaagorgal men ko feewti e njulaagu M . Ahmednah waɗdii batu e fedde julankooɓe wonɓe e nder leydi he e tawtoreede diisnodiijo gardiiɗo jaajorɗe, ngam ƴeewtaade cogguuji ɗi ɗo njahrata .

Humpito boowal ngenndi men .

To Gabon : Brice Clotaire Oligui Nguema h***eejo leydi ndi hanki o toɗɗiima cukko makko kam e jaagorɗe, ɗowngu ngu waɗii ko 31 jaagorgal, sappo rewɓe e nogaas e goo gorko .

To Madagaskar : jaagorgal maɓɓe ko feewti e cellal teeŋtinii won'de rafi Mpox feeñi toon e nder wuro Majunga wonngo daande maayo, ɓe kollitii yiitiraaɓe ɗum puɗɗiima seɓorde .

To Gambie : jaagorgal maɓɓe ko feewti e ndeenka wiyii ñalnde 31 lewru bowte laana ndiyam njolnunooka fotde yimɓe 200 yuwii toon e nder maayo toon, yimɓe 7 mbaasi heen pittaali mum en heen 97 keɓii danndeede, hediiɓe cuwa yiteede taw .

Humpito caggal duunde men .

To Iran : ummaade hecci hanki feewde hanki yimɓe heewɓe njaltii e laaɓi e nder gure keewɗe ngam hollitde mette mum en e ngurndam musɗam, ɗum addii ngarmi-ngara hakkunde maɓɓe e dadiiɓe haa yimɓe 6 baraama heen .

To Suisse : jamma 31 bowte bar sumii toon e nder wuro Crans-Montana yimɓe 40 caŋkiima heen e fotde yimɓe 115 ne ko barmuɓe .

To Rissi : haa jooni nanondiral heɓaaka hakkunde maɓɓe e Ikren mbele jeyli ina ndartoo toon, kadi Putine wiyii Ikren neldiino drone ngam yoo yan gooto e galleeji makko . Ko no CIA hollitii ɗum wodaani tee yettinii ɗum Donal Trump .

On njettaama yiɗɓe tedduɓe yillotooɓe Faabo Afrik men, yo jam ñallu ñallen heen .

01/01/2026

Jam mbaal-ɗon yiɗɓe tedduɓe .
Jeeri-Hisriire 01 Siilo hitaande 2026
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani .

Humpito e nder leydi men .

O. Njaay gardiiɗo jaagorɗe hanki o waɗdii batu e ɓe o ardii, ngam hirjin'de ɓe, haa teeŋtii noon e jaagorgal ndema nde tinnoto e remooɓe mbele maaro moƴƴo ina dañee yonta fof e nder leydi he, kadi tawa ina waawa yeyoyeede banngeeji goɗɗi .

Humpito boowal ngenndi men .

To Koddi Vaar : Alassan Watara yettii Koddi Varnaaɓe e holaare njogii nde ɓee njogii e makko, o yilanimaa ma ɓe moƴƴere.

To Madagaskar : Michaël Randrianirina h***eejo leydi ndi, hollitii ko o fuɗɗii gollaade e nder lebbi tati ɗii o ardiidi ngenndi ndi, haa teeŋtii e wallondirde e sukaaɓe .

To Senegal : h***eejo leydi ndi Bassiiru Jomay Fay o wiyii hanki peeje ƴettaama ngam ustude depensuuji publik kadi e waylude ñawooje e nder leydi he, kadi o yilaniima ɓesngu maɓɓe fof moƴƴere e hitaande hesere nde .

Humpito caggal duunde men .

To Bresil : hanki fotde yimɓe milliyonŋaaji 2,5 ngonnoo ko to daande maayo ina njaɓɓo hitaande hesere nde, kadi e yiide pettugol petaluuji .

To Frayse : Makron h***eejo nhenndi ndi, o wiyii ko geɗe tate o yiiɗi e nder hitaande 2026 he : dental, semmbe kam e njoorto moƴƴo, caggal nde o yiilanii leydi makko moƴƴere .

On njettaama yidɓe tedduɓe yillotooɓe Faabo Afrik men, yo jam ñallu ñallen heen .

31/12/2025

Faabo Afrique yilaniima on hitaand 2026 yo nde wonan en yamyamre . 🙏🏾🙏🏾🙏🏾

30/12/2025

Jolal:

Macron yilliima to ile maurice , Afrik du sud, Angola e Gabon.

To Senegal: jomay wiy faaɗeende wonaani hakkunde mum e sonko.

To Nigeria: 315 jaŋnginoowo e jaŋngoowo ndiiftaama.

To bresil: Bolsonaro naŋngaama .

To Afrik du sud: batu G20 addiinngo waɗde afrik waɗaama toon.

To cameroun: Issa tchiroma wiyii haygooto hoto yaltu golloyaade.
Gine Bissau honinkooɓe pollii Embalo.

To Amerik: Afghanistanaajo fellii 2 e reenannooɓe galle daneejo to o wariiɓe.

To leydi inde: yimɓe 85 caŋkiima e waameeje.

To Ginee bisao: fedde CEDEAO nuldii Ambalo avion ngam yaha hedde Senegal.

Bowte:

To Burkina faso: ɓe ɓamii pellital artirde ñaawore warngo wonan'de ownooɓe beeli, janfotooɓe ekn...

RDC e Ruwanda ciifondirii artirde deeƴre hakkunde leyɗeele maɓɓe to Amerik.

Benin: chabi Yayi ɓiy Yayi Boni nanngaama tuuma follude.

To Frayse: Macron udditii commisariat keso to marseille ngam riiwtude njeeygu drogue.

To Frayse: ministre de l'interieur wiyii dossierji maɓɓe pirataama.

Amerik: Trump feewtii bilan mum nde hitaande, o wiy Badden bonnii ko heewi.

On njettaama yiɗɓe tedduɓe.

30/12/2025

Jam mbal-ɗon yiɗɓe tedduɓe.
Jagrafiire 30 bowte hitaande 2025
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷🇲🇷🇲🇷🇲🇷🇲🇷🇲🇷🇲🇷
🇲🇷🇲🇷🇲🇷 🇲🇷🇲🇷🇲🇷🇲🇷🇲🇷🇲🇷
Humpito Faabo Afrique men e ɗemngal fulfulde, ɗo e laamorgo men Nuwasoot e nder leydi men Muritani.

REWINDO GEƊE ƁURƊE TEEŊTUDE E NDE HITAANDE FAABU AFRIK MEN ADANI EN.

Ñalnde gow siilo 2025 ,
to leyɗeele dentuɗe( Nouvelle -Orleans) , gorko ferii yimɓe , 10 mbaasii pittaali mum en , 35 woɗɓe mbarmii...

Hooreeɓe leydi Senegal e Kod divar mbiyi honinkooɓe Frayse yo njaltu leyɗeele maɓɓe.

Mnie Aziz jaɓaani jooɗodaade e safrooɓe arɓe yillade mbo kaso.

Canada gardiiɗo jaagorɗe maɓɓe Justin Trudeau ɓooriima e golle mum.

07 siilo Jean-Marie Le Pen saŋkiima , ko duubi 96 o yahri.

09 Caad piyanɗe to Njamena , yimɓe 19 caŋkiima heen.

Liban toɗɗiima komanda Joseph Aoun yo Ardo leydi ndi.

Meɗnooɓe ardaade leyɗeele dentuɗe heewɓe tawtoraama birnugol Jimmy Karter.

Sonko arii Mnie njillu.

Kore worgo gardiiɗo maɓɓe yowaa e golle mum.

20 siilo Donald Trump filaama ardaade leyɗeele dentuɗe.
Kaŋko wonii h***eejo 47ɓiijo gardiiɗo toon , o woondii waɗde golle makko...

Trump siifii ɗereeji keewɗi , o woppitii yimɓe makko nannganooɓe...

Tirki yimɓe 76 caŋkiima e cumu.

Mali, Nizer ,Burkina mbiyii ma njaltu e fedde CEDEAO.

Washington laana ndiwoowo e elikopte ɓuɓɓondirii, yimɓe 67 caŋkiima heen.

Colte

Trump wiyii ma taksu geɗe gummotooɗe Kanada, Mexique e Siin.

Frayse Fransois Bayru huutoriima kuugal 49,3 ngam wootde bidje maɓɓe.

ONU wiyii yimɓe 3000 mbarama to Goma e nder yontere wootere.

Mnie to Nema henndu haɗii laana juuraade ko maa ruttii to Kiffa.

ONU holliti ko Amerik dartini b***e e won e leyɗeele milyoŋaaji won'dunooɓe e rafi sida ko ko caŋkoto.

Ghazuwani rokkitii ngardiigu dental leyɗeele Afrik Josao Lourenso laamɗo Angola.

Kore bannge worgo ñawoore Yoon-Suk fuɗɗiima.

Mohamed Amra narco trafiquant Fraysenaajo ɓurɗo yiileede nanngaama to Rumani.

Senegal Sonko siifondirii e Kazamas ngam artirde toon deƴre.

04 mbooy Embalo wiyii maa ƴam ardaade leydi ndi laawol ɗiɗaɓol.

Trump wiyii ɓe mbawata jokku de won'de e fedde OTAN, waɗanani ɓe ngartam.

Ñalnde jeeɗiɗe seeɗto gorko caŋkinooɗo ubbita to Selibabi, laamu men ɓoorii ardinooɓe toon e golle mum en.

15 seeɗto Algerie riiwii diplomate Fraysenaaɓe ,ɓeene njoftiima Kono ɗum.

21 seeɗto Pape Fransois saŋkiima,duubi 88 o yahri.

08 duuƴal cardinal Robert Francis Prevost lollirɗo Leon xiv toɗɗaama.

Ñalnde 29 duuƴal suko debbo jahroowo e duubi 18 tawaama ina wara e laamorgo men.

PSG hawii ligue des champions ñalnde gow korse.

Ñalnde 12 korse laana ndiwoowo Ennde yanii, fotde yimɓe teemeɗɗe ɗiɗe pawɗe mbaasii heen pittaali mum en.

Ñalnde jeenay morso Trump jaɓɓiima to galle dañeejo to ardiiɓe leydi men Muritani , Senegal , Liberia, Gine , Ghana

15 juko Trump e Putine njooɗodiima to Alaska.

18 juko Trump jooɗodiima e Zelesky to Amerik.