Broadcasting Authority Malta

29/09/2025

Tislima lis-Sur Joe Vella, ex editur ta' It-Torċa li għal xi żmien ta kontribut fl-Awtorità tax-Xandir f'sotto kumitat dwar ir-regoli marbuta mar-rappurtaġġ tal-aħbarijiet. L-Awtorità tax-Xandir tgħaddi l-kondoljanzi lill-familjari.

16/08/2025

L-Awtorità ssellem il-memorja tas-Sur Charles Stroud li ta kontribut siewi lix-xandir f'Malta partikolarment fil-qasam tad-drama. Xi snin ilu, l-Awtorità kienet għażlet ukoll lis-Sur Stroud bħala membru fil-kumitat li analizza l-kwalità tax-xandir f'Malta. Inwasslu l-kondoljanzi lill-familja f'dan il-mument.

24/07/2025

L-Awtoritá tax-Xandir tesprimi l-kondoljanzi sinċiera lill-Eċċellenza l-President ta’ Malta, Myriam Spiteri Debono, għat-telfa ta’ żewġha n-Nutar Anthony Spiteri Debono. Filwaqt li nsellmu l-memorja tiegħu, nestendu l-kondoljanzi lill-familarji tiegħu f’dan il-mument diffiċli.

The Broadcasting Authority express its condolences to Her Excellency the President of Malta, Myriam Spiteri Debono, on the passing of her husband, Notary Anthony Spiteri Debono. As we remember his memory, we extend condolonces to his family in this difficult moment.

10/06/2025

📢 Join the Mediterranean Digital Media Observatory (MedDMO) and the Broadcasting Authority of Malta for a webinar on June 17, 2025, from 13:00–14:00 (Malta Time). Explore the challenges of misinformation, media literacy, and fact-checking in Malta with insights from local experts. Whether you're a media professional or simply interested in the topic, your voice matters!

🔗 Register here: https://meddmo.eu/webinar-disinformation-in-malta/

21/04/2025

Proprju ftit sigħat wara li tħabbret il-mewt ta’ Papa Franġisku, f’Malta tħabbret il-mewt tal-Aġent President, Dr Francis Zammit Dimech. L-Awtorità tax-Xandir issellem il-memorja ta’ Dr Zammit Dimech. L-Awtorità tagħti l-kondoljanzi sinċiera lill-qraba u ħbieb ta’ Francis Zammit Dimech f’dan il-mument diffiċli.

31/03/2025

L-Awtorità ssellem il-memorja ta’ Rose Sciberras li għal diversi snin kienet tifforma parti mill-Bord tal-Awtorità. Is-Sinjura Rose Sciberras kienet dedikata fuq xogħolha, intelliġenti u dejjem tat kontirbut kbir fid-deċiżjonijiet tal-Bord. L-Awtorità tagħti l-kondoljanzi sinċiera lil uliedha f’dan il-mument diffiċli.

21/03/2025

The Broadcasting Authority sadly remembers the memory of Alan Meadows. The Authority extends sincere condolences to his family at this difficult time.

27/02/2025

Jekk tuża l-Malti fix-xandir (televiżjoni, radju, gazzetta online jew stampata) u tixtieq kors qasir li jgħinek fil-kitba, fil-qari u fil-preżentazzjoni, applika sas-7 ta' Marzu (id-data estiża).

https://forms.gle/nxJVwbLJ9rMPyRkF9

Disa' sessjonijiet ta' sagħtejn il-waħda, darba fil-ġimgħa.

14/02/2025

L-Awtorità tax-Xandir issellem il-memorja ta' Tony Terribile, li kien ukoll kontributur regolari fuq it-televiżjoni lokali.
Inwasslu l-kondoljanzi lill-familjari tiegħu.

13/02/2025

Ċirkulari 02/25

Lill-istazzjonijiet kollha tax-xandir

Kors għal dawk li jużaw il-Malti fix-Xandir

Bi pjaċir ninfurmakom li, bejn Marzu u Mejju li ġej, l-Awtorità tax-Xandir bi sħab mal-Kunsill Nazzjonali tal-Ilsien Malti se ttella’ kors ieħor għal dawk li jużaw il-Malti fix-xandir (televiżjoni, radju, internet u gazzetti).

Il-kors se jkun mifrux fuq disa’ ġimgħat kif indikat hawn taħt, min-12:30pm sas-2:30pm l-Awtorità tax-Xandir il-Ħamrun, għajr is-sessjoni tas-17 ta’ April li se ssir online.

Dan il-kors hu maħsub għall-ġurnalisti tal-aħbarijiet u tal-isport (TV, radju, internet u gazzetti), impjegati li jieħdu ħsieb il-grafika, impjegati ta’ aġenziji privati tal-produzzjoni tal-programmi, u kittieba tal-iskripts u r-reklami.

L-applikazzjonijiet fetħu u qed jintlaqgħu sal-Ġimgħa 28 ta’ Frar 2025. Il-formola tal-applikazzjoni tista’ tiġi aċċessata minn fuq is-sit tal-Awtorità tax-Xandir permezz ta' din il-ħolqa:
https://ba.org.mt/file.aspx?f=665

Din l-applikazzjoni għandha timtela u tintbagħat b’email lis-Sur Jean-Pierre Caligari, Senior Programme Monitor, fuq [email protected].

Inħeġġiġkom tibagħtu lill-impjegati tagħkom ħalli, bl-għajnuna ta’ xulxin, inkomplu naħdmu biex intejbu l-livell tal-Malti fix-xandir. Napprezza jekk ikollna rappreżentant/a minn kull stazzjon u aġenzija tal-produzzjoni u li tagħmlu l-arranġamenti meħtieġa biex dawn ikunu jistgħu jattendu 9 sessjonijiet b’kollox ta’ sagħtejn, darba fil-ġimgħa.

Dr Joanna Spiteri
Kap Eżekuttiv
13 ta’ Frar 2025
Ref : 73/01

06/01/2025

L-Awtorità tax-Xandir issellem il-memorja ta' Vanni Riolo li ta kontribut fuq ix-xandir.
Inwasslu l-kondoljanzi lill-familjari tiegħu.

06/01/2025