17/09/2025
01) الأغاني و الشرك
كاين واحد الأغنية ضاربة الملايين ديال المشاهدات وشحال من مرة كانسمع بنادم كايرددها بلا مايعرف شنو كاتعني
و المشكلة ماشي أغنية عادية.. ولكن lyrics ديالها عامر شرك بالله
المهم خليني ننقل لك الكلمات ديالها:
"عبدالقادر يا بوعلام ضاق الحال علي
داوي حالي يا بوعلام سيدي روف علي
**
سيدي عبدالرحمن دير مجهودك و تحزم
وأنت راجل قايم خديمك دير مزية
**
يا سيدي بومدين و أنا في أرضك نتأمن
**
يا سيدي الهواري سلطان غالي
واشفيني عبدالله سلطان الأولياء"
راه يكون عندك غير شوية ديال العقيدة و تسمع هاد الهضرة غاتعرف أنها شرك
_إلى ضاق بيك الحال كاتقصد الله و تدعيه محيت هو لي كايستاجب الدعاء ماشي عبدالقادر بوعلام
{وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ...}
_ إلى كنتي مريض كاتدعي الله يشافيك و تدير الأسباب المادية
ماشي بدا تدعي الهواري
فراه دعاء غير الله شرك أكبر
يقول سبحانه: وَلا تَدْعُ مِنْ دُونِ اللَّهِ مَا لا يَنْفَعُكَ وَلا يَضُرُّكَ فَإِنْ فَعَلْتَ فَإِنَّكَ إِذًا مِنَ الظَّالِمِينَ [يونس:106]
