03/07/2019
Ki resamblance enan ant Brexit et Rodrigues?
Kan bann Anglais ti enan pou vote pour ou kont Brexit, setadir pou kit l'Union europeenne ou pas, enan certains politicien anglais dem agogue ki ti fer tou pou fer lepep anglais per. Zot ti dir ki l'Angleterre ape paye tro bocou larzan l'Union europeenne (ape pre Rs400 million Euros), et ki si zot vote Brexit, pou capav fer lekonomi sa larzan la et servi li pou securite sociale et aide bann retraites! Letan ban anglais fini vot pou Brexit, bann politiciens demagogue la, couman Michael Farage ek so bann complices, dir menti sa! zot dir zot ti servi sa taktik la zis pou fer ban anglais vote Brexit.
Akoz samem zordi, bocou ban anglais ape arazer et pe demann enn nouveau referendum! Akoz samem ousi ki Premier minis Theresa May ape trouve sept zekler pou fer ban parlementaire britannique vote so prozet d'accord lor Brexit pou li ale presant sa l'Union Europeenne! Enan enn grand probabilite ki mazorite bann parlementaires pa pou vote so l'accord la encor. Dan sa ka la,kikfwa pou bizin al fer enn nouveau referendum lor brexit. Sa ousi nou preske sire ki lepep anglais, sa fwa la, pa pou laisse li couyonner en cor, et li pou vot KONT BREXIT.
Akoz samem nou dir ki enn mensonz gagn letan fer letour du monde pendan ki laverite encor ape mett so kalson lor li!
Dan Rodrigues, preske mem zafer fin passer pendan dernier election! Ler MR ek Nicolas Von-Mally ti koz pou agrandi le port et kass sa trwa corail (Outcrop) ki pe bousse nou lapasse principale devan Grand Pate la ( en fait, trois corail la forme parti Grand Pate ki pe contign pousser), Ti Serz ek so ban suiveres ti dir: 'Si kass sa trwa corail la, Port Mathurin pou noyer, Rodrigues pou couler!' Bocou dimoun ti krwar li et fin vot pou li.
Zordi,ti Serz mem ape dir li pou fer kass sa trwa corail la pou agrandi leport. Rodriguais ape demann zot: 'Eski Rodrigues pa pou kouler zordi? Eski Port Mathurin pa pou noyer zordi?!' Mem avek retar, dimoun Rodrigues fin decouver mensonz la!
Kan ti pou agrandi laeroport, Ti Serz ek so bann suivere ti dir: 'pa pou kapav servi Option 4, (c'est a dire, fer enn nouvo lapiste couman MR ti proposer!)bizin servi Option 3, setadir fer laeropor la lor pilotis!' Zordi letan ban letid fin confirmer ki so option 3 pou coute preske Rs13 milliards, comparer a Rs3 milliards pou option 4, li oblizer accepter Option 4 lamem. Me, pou li pa perdi point, li deklar ki enan cavernes kot Option 4 la (couma dir li pe pran sa ban experts ki fin fer letid la pou enn bann gopia) et li redepense larzan encore pou refer letid! La fin gagn 6 options. Olier pou fer sa nouvo la piste la 3 ou 4 km couman MR ti pe dir, Ti Serz ape vini avek enn lapiste de 2.1 km (pou comparaison, li bon ou koner ki laeroport Agalega ki ban Indien ape construire actuelman la, li pou 3 km). Guet lorgueil enn dirizan pay kot kapav amen ou! Zis pou li pa aksepter l'idee MR, li prefer fer enn ta koustik pou fer developman Rodrigues retarder! Rodriguais ape decouver mensonz Ti Serz ek OPR tigit tigit!
Kan MR ti propoz pou fer l'aquakiltir dan Rodrigues, Ti Serz ek so ban suiveres ti dir: 'Pa kapav fer sa dan Rodrigues parski bann poissons, bambara, kono kono, crabes, zuitres, etc, pou gagn gout KK!'Zordi,Ti Serz ek OPR ape sey kous kousser pou coumance fer l'aquakiltir la dan Rodrigues. Zot penser Rodriguais fin fini blier seki zot ti dir!
Kan Nicolas Von-Mally ti propose pou connekter Rodrigues avek Kab optik, ki nou pa ti tander venant de la part de Ti Serz ek so ban suiveres? Pa zot mem ki ti dir si pou gagn delo la dan? Pa zot mem ki ti dir zot pou coupe li ek cisaille? Zordi, pa zot mem ape dir :"Sa se extraordinaire! Se enn grand developman pou Rodrigues!
Bocou Rodriguais pou gagn travay avek sa!' Donc, nou kapav conclure ki Ti Serz ek so ban suiveres fin pran plis ki 20 ans pou compran seki MR ti proposer plis ki 20 ans de cela! Me, la verite li couman la fumee li. ferme li couman ou contan, dan batiman ki ou contan, li pou trouv moyen pou li sorti. Zordi, samem ki ape ariver!
La Verite, se samem base pli solide lor laquelle ou kapav batir enn politik durable pou ou pays. Le mensonge ek la demagogie li couman disab mouvant. Tou parti politik ki enan sa comme base, zot pa tini lontan!L'Angleterre finn fer sa l'experience la avek Brexit, Rodrigues ousi fin fer mem l'experience avek sa ban lexemple ki nou fin donner la!
Truvklernet
