26/07/2025
🚨 މަކަރާއި ހީލަތުން ރައީސް ޔާމިންގެ ނަން ވިއްކައިގެން ހައްގު ނޫން ވެރިކަމެއް ފޭރިގަތް ބީދައިން, ދެ ރައީސެއްގެ ބުރަ މަސައްކަތުން ބިނާ ކުރި އެއަރޕޯޓަކީ ތިމާގެ އަމިއްލަ ބުރަ މަސައްކަތުގެ ކާމިޔާބީކަމަށް މޭރުންކޮށް, 6.5 މިލިއަން ޑޮލަރު ޚަރަދު ކޮށްގެން ޑްރޯން ޝޯއެއް ބާއްވާ ޖައްވުގައި އަމިއްލަ ނަން ފަވާލަން މުއިއްޒު ލަދެއްވެސް ނުގަތެވެ.
🔶 އެއަރޕޯޓު ހުޅުވުމުގެ ރަސްމިއްޔާތުގައި އެމްއޭސީއެލްއިން ގެނައި ރިޕޯޓުގައި ރައީސް ޔާމިންއާއި ރައީސް ސާލިހުގެ ނަންވެސް ގެނެސްފައެއް ނުވެއެވެ.
🔶 އެރިޕޯޓުގައި ބުނެފައިވަނީ މުއިއްޒު ވެރިކަމާ ހަވާލުވިއިރު އެއަރޕޯޓުގެ ނިންމާފައި ހުރީ އެންމެ %40 ކަމަށެވެ. މިއީ މުޡުލަގަށް ބޮޑު ދޮގެކެވެ. ރައީސް ސާލިހުގެ ވެރިކަން ނިމި ދިޔައިރު އެއަރޕޯޓުގެ އާ ޓާމިނަލްގެ %90 ވަނީ ނިމިފައެވެ.
🔶 މިރޭގެ ހަފްލާގައި އެމްއޭސީއެލްއިން ތައްޔާރުކުރި ރިޕޯޓުގައި ބުނެފައިވާ ގޮތުގައި އެއަރޕޯޓުގެ ގިނަ މަސައްކަތް އެކަށީގެންވާ ގޮތުގައި ކުރެވިފައިވަނީ މުއިއްޒުގެ ހައުސިން މިނިސްޓަރު ކަމުގައި ކަމަށެވެ.
🔶 ރައީސް ޔާމިންގެ ވެރިކަމުގައި އެއަރޕޯޓުގެ މަސައްކަތަކީ އޭރުގެ ހައުސިން މިނިސްޓްރީއާ ބޭހޭވެސް ކަމަކަށް ނުވާއިރު, އެ މަސައްކަތްތަކާއި ގުޅޭގޮތުންވެސް ރައީސް ޔާމިންގެ ނަންވެސް އެމްއޭސީއެލްއިން ގެނެސްފައެއް ނުވެއެވެ.
🔶 އެހެން ރައީސުންގެ ދުރު ވިސްނުމާއި ޙިކުމަތު އަމަލީން ކޮށްފައިވާ ބުރަ މަސައްކަތްތަކުގެ ހައްގު ޖިޒީ އެރައީސުންނަށް ނާރުވާ, ވިސްނުމެއް ފިކުރެއް ތަސައްވުރެއް ނެތް މުއިއްޒުއަށް އެކަންކަމުގެ ޝަރަފް ނުހައްގުން ނިގުޅައިގަންނަން ކެރިވަޑައިގަތީ, މުއިއްޒުގެ ހާދަހާ ގޮތެއް ނެތުނީމައެވެ.
