Amazing Art Network

Amazing Art Network News| Arts | Entertainment |Storytelling | Graphic design |Digital media to inform, inspire, and empower. |Talent That Transforms Lives

Talent that Transforms Lives

Bring Your Ideas to Life with Stunning Graphic Design!At Amazing Art Network, we turn your concepts into visuals that sp...
15/11/2025

Bring Your Ideas to Life with Stunning Graphic Design!
At Amazing Art Network, we turn your concepts into visuals that speak, connect, and inspire. From branding to campaigns and social media designs, we create eye-catching graphics that tell your story with impact.
Contact us on 0883 75 12 44

ANATOMY OF BETRAYAL CHAPTER 2"Fatsani? Fatsani! Fatsani! Adakuwa uku akuyesa kumugwedeza. Adali kutuluka thovu kukamwa n...
08/11/2025

ANATOMY OF BETRAYAL
CHAPTER 2

"Fatsani? Fatsani! Fatsani! Adakuwa uku akuyesa kumugwedeza. Adali kutuluka thovu kukamwa ndinso thukuta lochuluka zedi.
"Uli kuti?Bwanji lamya yako yakhala ili yozimitsa? Kunyumba yako udachoka liti?" Adalandira mafusowo motsatana dere Dr Christina.
"Ndiri kuchipatala, komano phumali bwanji? Uli kuchipatala konkuno eti?" Adafusa pomva phokoso lomwe linkamveka palamyapo.
"Eya tatuluka tikambitsane" adatero Fatsani nkudula lamyayo. Christina yemwe kamvekedwe kaphuma la Fatsani kanamudabwitsa sadachitire mwina koma kuthamangira panja pachipatalacho. Chapatali amaona gulu la anthu litaima mozungulira thupi lamunthu wina yemwe adali atagwa pansi ndipo amathamangira komweko.
"Fatsani? Fatsani! Fatsani! Adakuwa uku akuyesa kumugwedeza. Adali kutuluka thovu kukamwa ndinso thukuta lochuluka zedi.

THE UNSHAKABLE LOVE
EPISODE 2.

Adasokonezeka. Kumuona bwenzi lake ali mu condition yotere sichinthu chomwe ankayembekeza. Nkhawa ndimantha nkuti zitamufungatira panthawi imodzi ndipo zoti achite ngakhale alankhule nkuti zikumusowa. Ndithudi zilipo zinthu zina zomwe angakhale timadziwa kuti zikhoza kuchitika, malingaliro athu amatiuza kuti zimenezo sizoyenera kugwera ife angakhale okondedwa athu.
Koma ndife ndani kuti tikaganize chomwecho pakati pamavuto omwe adalizungulira dziko lapansiri? Zina zimayenera zichitike kuti tikhale anthu olimba ndinso opirira pomwe tikudutsa munyengo yosakhala bwino.
Chimwemwe chokwaniritsa kuchita operation Tim nkuti chitagwera nkati tsopano. Malingaliro ake ankayenera kuchokako kuchokwaniritsa chake ndipo chilichonse chinkayenera chiime nkumaganiza za bwenzi lake.
"Am Dr Stella Zimba, I and my friend Dr Blessings Mambo will take over. Am sorry I know he is your boyfriend, but we have to follow protocol" adalankhula dere m'modzi mwamadotolo apachipatalacho. Pokhala bwenzi lake sikunkayeneradi kuti akhale nawo mugulu lom***andiza Fatsani munthawiyi. Sipankayenera kuperekedwa treatment yokondera polingalira kuti ndibwenzi lake komanso sipankafunika papangidwe ziganizo zomwe sizikadachitika chikhala kuti sibwenzi lake. Ndithudi Dr Christina ankadziwa zonsezo ndipo ndipo padalibe kutsutsa akadachita munyengoyi. Adali malamulo achipatala ndipo kuwaphwanya kukadasokoneza zinthu.
Mafuso osasimbika nkuti akuyenda m'mutu mwadotolo wachichepereyu, kutuluka thovu nkamwa kwa bwenzi lakeli kudamupatsa zolingalira zingapo munthawi imodzi. Amazifunsa kuti; ngati zimachitika chifukwa cha poison, adamumwetsayo ndani? Pazifukwa ziti? Ndipo adayambana naye chani? Nanga ngati adamwa yekha poison yo ankamwera zifukwa zake ziti? N'chiyani chidamukhumudwitsa mpaka kufuna kuzichotsera moyo?
Mafuso onsewatu nkuti akusowa mayankho ake. Iye owayankha nkuti ali gone m'chipinda chomwe ankakanizidwa kulowacho ndipo chomwe chidali chaphindu kuchita kudali kudekha namayembekeza kudzuka kwake.
Panthawiyi munthu yemwe ankadziwa zakudwala kwa bwenzi lakeli adali Elias mzake yemwe ankagwira naye ntchito. Mumphindi zomwe ankalankhulanazo adali atamuwuza kuti amupeza kuchipatala komweku ndipo patangotha mphindi 15 nkuti atafika. M'mene amafikamo nkuti Dr Zimba ndi Dr Mambo akutulukamo m'chipinda mudali patient wawoyo ndipo ankadza ndi uthenga omwe udali oChristinanezanso zedi.
"Titafufuza bwino lomwe, tapeza kuti ndi food poisoning. Zaononga liver yake mowopsa zedi ndipo palibe tingachite kuti tiyisinthe condition yake. Dr Mambo" adayamba kulankhula dere Dr Stella Zimba nkuperekera kwa dotolo mzakeyo.
"Ndim'mene alili, ndizotheka kukhala kwamasiku atatu mwina kufikira asanu. Koma pali chiyembekezo maka ngati patapezeka liver wina oti nkumupatsa masiku amenewa asadathe. Titha kupanga surgery and everything is gonna be fine" adapereka uthenga wachilimbikitsowu Dr Mambo kenako nkumachokapo pamalowa. Adalibe kufusa zambiri, adali dotolo ndipo ankadziwa chenicheni chomwe chinkachitika.

Elias yemwe ankamvetsera nawo zokambidwazo nkuti mutu wake ukukula tsopano, sadayembekeze zowuzidwa uthenga oti mzake wapamtima angamakhale akukhala ndimoyo ochotsera masiku odziwikiratu dere. Chinachake chinkayenera kuchitidwa mwansanga apo bii kutha kwamasiku adatchulidwawo kumatanthauza kusazamuonanso mzakeyu.
"Mayi ake wawafotokozera?" Adafusa Elias.
"Ayi, ndidasokonezeka. Ungawauzeko?" Adalankhula mopempha dere Dr Christina. Amanjenjemera kwakukulu zedi ndipo kuyimba lamyayo nkulankhulapo zomveka kukadavuta. Mzake wa Fatsani amagwedezera mutu kuchita adapemphedwazo ndipo zimatero ndithu.
"Adakadya kuti ndipo ndindani?" Adafusa Christina uku akuzikakamiza kuika chidwi chake bwino lomwe pokhazikitsa mtima wake pansi.
"Wafusiranji?"
"Wangomva kuti its food poisoning, nde ukundifusaso kuti ndafusiranji? Or ndiyambe kuganiza zina?"
"Oh no, ndingapangirenji zimenezo? I wouldn't be here if I did that, nane ndikuganiza kuti zakhala bwanji kuti zifike apa. Hold on a sec" amalankhula uku akutulutsa lamya yake m'nthumba.
"Hey bro, Abigail wandiyitana kuti nkadye nkhomaliro kunyumba kwake. Anything up between you two?" Udawerengedwa dere uthangawo omwe udachokera kwa Fatsani mphindi pafupifupi 45 zapitazo.
Abigail ankanenedwayo adali bwenzi lake la Elias. Tsopano amazifusa, Abigail angapange zimenezo? Chifukwa chani? Mafunso onsewa ndiomwe adamupangitsa kuti achoke pachipatalapo mwavoko ndipo adathamangira nsanga kunyumba ya bwenzi lakero komwe adakamupeza akugona.
"Abigail, Abigail!" Adayitana mofuula Elias ndipo bwenzi lakero limadzizimuka.
"What's up? Basi kumangobwera opanda notice?" Adafusa Abigail. Ubwenzi wawo sudali bwino kwenikweni, kufusidwa mosakhala bwino chomwechi sichidali chachilendo ndipo Elias amazitaya.
"Fatsani adali pano?" Adafusa Elias.
"Yes, is there a problem?"
"Sikuti pali vuto kwenikweni. Nkhomaliro yanu idali yanji?" Adafusa Elias.
"Mafuso onsewa bwanji? I asked if there is a problem koma ukungopitirirabe kufusa zakozo. Nsanje kapena njala?" Adafusa Abigail.
"Fatsani siopepera kuti akapange zinthu zondiyambitsa nsanje. Ndiodekha m'mene alili. Mlendo nthawi zonse amasiya zakudya. Ziri kuti zomwe amadya Fatsani naye tiphakeko"
"Hoho, koma mukakhala m'maluzi simusowa. You always come for the lunch, ntchito ikuyenda bwanji anyway?" Adafusaso zowonetsako kuti ngakhale ubwenzi sudali olongosoka amasamalako.
"Ili bwino, kutilekanitsa ma department athu kwapangitsa tizisowana ngati sitigwira ntchito malo amodzi" adayankha dere Elias uku akumutsatira Abigail yemwe amalowera ku kitchen.
"Sorry, zakudya zidatsaladi ndizomwe amadya Fatsani, am just tired, I could have cooked for you" adalankhula dere Abigail uku akumwetulira.
"Where is Kitty?" Adafusa Elias uku maso ali mwamwamwa kufunafuna komwe kudali mphaka wa Abigail.
Chinachake chidali kuyenda m'mutu mwake, samafuna achidye chakudyacho asadayesere kumupatsako mphaka wa Abigail. Mwamwayi mphakayo amatulukira ndipo amachita zimene zimayenda m'mutu mwake.
"Ukadati uzindikonda ngati m'mene uchitira ndimphakayu bwenzi ndikumakukonda koopsa kuposa m'mene umaganizira" Abigail adalankhula akumveka mokhumudwirako.
"You mean limeneri ndiye vuto langa? Ndikulephera sichomcho?"
"Yes! I told Fatsani kuti akulankhuleko. You're all about work! Work! Work! Business! And I don't like it. I need your time" adamvekaso modandaula Abigail uku timisozi tikutuluka.
"Hold on, mphakayu tiziti akutuluka thovu kukamwa chifukwa cha mpunga ndamupatsawu?" Adafusa ngati sakuzindikira chomwe chinkachitika Elias.
"Zikutanthauza chani?" Adafusa motutumuka Abigail.
"Sukudziwa? Anyway, mumpungamo m***a kukhala muli poison, unathiramo chani Abigail?" Adafusa fuso lomwe lidamudzizimutsa.
"What are you trying to say? Kuti I might have poisoned Fatsani as well? Are you crazy? How could I do that?"
"How? Komanso ukuoneka waphuma ndimantha bwanji? What did you do?" Adafusa motengera ndizomwe Abigail ankalankhula komanso kuonetsa pankhope yake.
"Palibe ndachita, I just invited him for luch, that's all"
"Fatsani wagonekedwa kuchipatala. Ukudziwa reason yake? Food poisoning, wangotsala ndimasiku atatu okha. Ukudziwa zomwe ndikuganiza panopa? You did it" adatero Elias uku ali tobwatobwa palamya yake kuyimbira apolisi.
M'mene amatha kulankhulamo nkuti palamya yake patabweraso uthenga kuchokera kwa Christina yemwe munthawiyo adali kuona mauthenga omwe bwenzi lake Fatsani adali kutumiza kwa amzake.
"Achimwene, Mukumudziwa Abigail? The workmate that invited my Fatsani for lunch. I think she's connected to the food poisoning. Ngati nkotheka find out kuti adadyako chani. The doctors here are saying it was mpunga wanyama" udalembedwa dere uthengawo omwe udapangitsa Elias kupumira m'mwamba.
Chimvano chake ndi mzakeyu chidali chokonzeka kuyendetsa chilungamo angakhale zitafika popereka bwenzi lakeyu. Munthawiyi Abigail nkuti asakusonyeza kututumuka kulikonse ngakhale adauzidwa kuti polisi ili munjira. Kunena mosabisa kanthu ankadziwa bwino chomwe chinkachitika. Koma fuso lomwe linkakula lidali loti, ankapangiranji zimenezi?
Kuchedwa kwa apolisiwo kufika chidali chinthu chomupatsa mpata Abigail kufotokoza zimene zidabisidwa kuseri kwa lunch adamuitanira Fatsani ndipo amafotokoza.
"Adali konda ine osati poison" adalankhula mawu omwe adadzizimutsa Elias.
"What? Wangoti konda ine?" Adafusa ngati sadamvetse.
"Yes! Wandimva bwinobwino"
"Chifukwa chani? Sumandikonda? And ubale wa ine ndi Fatsani ulibe nawo ntchito?" Adafusa Elias yemwe adatsala pang'ono kupereka khofi kwa Abigail.
"Yes! I don't love you and I have never loved you. The reason am pretending to be with you, mchifukwa choti ndimafuna ndizimuona Fatsani pafupi pafupi. Suyenda popanda iyeyo nthawi zambiri and that gives me a chance to see him"
"Koma chifukwa chani? Basi nthawi yonseyi it was just...
"Whatever you may call it. I love him, I have always loved him. I don’t understand why he doesn’t see it"
"Why, ndiye nthawi yonseyi timatani?"
"We used to date. Fatsani was my everything"
"Basi chimenecho nde chifukwa chake? Eish koma this gender"
"You know last time nditakumana naye adandiuza ali ndi mkazi? And that he is getting married soon? I shouldn’t have introduced him to my best friend. Sibwezi atandilanda Mamuna pano ndikumakhala chonchi" adagundika kukamba nkhani zakezo Abigail.
"Sankanama, Fatsani ali ndi fiancée. Akwatirana chaka chamawa ngati angakhale ndimoyo. This poisoning thing is real ndipo apolisi ndayimbira aja akubwera tsompano" adatsindika dere Elias kwa Abigail yemwe ankakaikira.
Posakhalitsa palamya pake panabweraso uthenga wina kuchokera kwa Christina ndipo atawuwerenga adampatsira lamyayo Abigail mwachangu.
"Hey mumu, it seem this Abigail ndi girlfriend wako right? Ndikukhulupira momwe wachokera ndiphuma kuno muja uli ndi iyeyo panopa. Usadabwe kwambiri kuti ndadziwa bwanji. Ndaona ma message omwe mudatumizirana ndi Fatsani. Ngati uli naye limodzi chonde mpatse lamyayo ndilankhule naye" adawerenga dere Abigail uthengawo.
"Hmm, ndiye dzinali mwati Dr Christina?" Adafusa Abigail.
"Yes, ndida saver chomcho ponyadira ntchito yomwe amagwira"
"Hmm, she is the friend am talking about"
"Chani? Wow! It's too bad but its getting exciting" adalankhula Elias ndipo mosayembekezera amaona chitseko chikutsekulidwa. Amalowawo adali apolisi.

08/11/2025

Good Morning

ANATOMY OF BETRAYAL Chapter 1__________________________________Kwa masiku awiri adali atachezera kulingalira m'mene akad...
03/11/2025

ANATOMY OF BETRAYAL
Chapter 1
__________________________________
Kwa masiku awiri adali atachezera kulingalira m'mene akadathandizira mwana wamtsogoleri wadzikoyo. Adali yekhayo mwana yemwe ankawabweretsera chimwemwe nthawi zonse akamakhala. Ndale zikawazunguza mutu adali munthu yemwe ankawachotsa nkhawa ndipo kumuluza sichikadakhala chinthu chophweka.

Madotolo 15 pa St Jose International Hospital nkuti atayima mitu kusowa kuti ayambira pati kum***andiza, mikumano yoposera 20 nkuti itachitika m'maola 48 okha omwe madotolowo adali kalikiliki kusakasaka njira yomwe akadam***andizira mwanayo kuti akhalenso bwino.
Timothy Gregory Gundani ndilo lidali dzina lake ndipo dziko lonse lidali litatekeseka ndikudwala kwake. Sichifukwatu choti adali mwana wa a president ayi koma chifukwa chamtima wake wachifundo komanso kuzichepetsa. Adali mlalakatuli, ankachita zisudzo pakanema komanso ankachita nthabwala.

Mwina ena nkumafunsa kuti chidavuta m'chani kuti angomutengera kunja kuti akathandizidwe? Tiziti a president adalibe mphamvu ndinso ndalama zomutumizira kunja kuti akalandire thandizo?
Zonse zidalipo, koma nkunena kwake Gregory adali atakambapo kuti sangalole kupita kunja kukalandira thandizo pomwe zipatala zakumudzi kuno zikadalipo. Iye ankati amayenera azitengedwa ngati mzika iliyonse yosauka yomwe singakwanitse kukapeza thandizo m'maiko akunja. Madotolo pa St Jose nkuti ataneneratu kwa bwana President m'mene kudalili kovuta kum***andiza Tim, koma mtsogoleri wadzikoyo nkuti atanenetsa kuti sangapange zosemphana ndizimene mwana wake ankakhala akunena.

"Muyesetse kum***andiza mwana wanga. Ngati m'mazitcha kuti chipatala chanu ndicha international, onetsani luso lanulo pamwana wangayu. Kaya mufuna dotolo wakunja ndiuzeni ayitanitsidwe nabola athandizidwe pachipatala pompano ndinso m'dziko lomwe lino"

Pafupifupi dotolo aliyense adali nkati mwachipatalayo ankayenera kukumbukira mawuwo. Aliyense mwamadotolowo ankadziwa bwino lomwe kuti sizinkafunika dotolo wakunja koma vuto lidali loti thandizo lomwe linkafuna liperekedwelo ndiye lidali lovuta kutero.

"Alipo ali ndimaganizo aliwonse ngati?" Chief of Surgery Dr Eleanor Mwadini adafusa madotolo adali nkati mwachipinda ankagawana maganizocho. Pafupifupi maganizo oposera 50 amomwe akadachitira operation yochotsera zitsulo zomwe zidali pamtsempha olumikiza ubongo ndi thupi lonse lamunthu nkuti atakanidwa ndi dotoloyu. Sikuti idali nsanje, koma zonsezo zikafotokozedwa mathero ake amakhala kutaya moyo wa mwana yekhayo wa a president.
"Akulu akulu, ndikufunsaso. Alipo ali ndimaganizo aliwonse?" Adafusaso Dr Mwadini.
"Eya" mawu ochokera kumapeto kwa tebulo yomwe madotolo onsewa adakhala adamveka ndipo aliyense adadzizimuka.
"Dr Christina Soko? Mwakhala muli chete kuchokera pomwe tidayamba kukambirana za operation imeneyi, ngati mumalankhula ndiye kuti popereka maganizo anu pazomwe amzanu akambako. Mukufuna mutiuze chani tsopano mumphindi yotsiriza?" Adafusa Dr Eleanor Mwadini.
"Pepani kuti sindidakhale ndikukambako zambiri, pepani kuti ndachedwanso kupereka maganizo angawa" adayamba kufotokoza chomwecho Dr Soko.
"Ndili ku America ndisadasamukire kuno ndi mayi anga, ndinkagwira ntchito kuchipatala cha asirikali"
"Tikudziwa, tidaziwerenga mu profile yanu. Zitithandiza chani?" Adafusa Dr Mwadini omwe chidwi chawo chidagona payankho lothetsera vuto adali nalo munthawiyo.
"Chomwe ndimafuna ndinene ndichoti ndidaonerapo video ya operation yamtundu ngati umenewu ndipo titayigwiritsa ntchito itha kutheka"
"Basi?" Adafusa Dr Mwadini ndipo madotolo onse adali m'chipindacho ankangomuyang'ana. Adali wachichepere pagulu lamadotolo omwe adali atagwira ntchito kwazaka zoposera 25 ndipo adali yekhawo wam'bado osiyana ndimadotolo ena onsewo.
"Ndili ndi video yake yamomwe ankachitira operation yo ndipo dongosolo lake ndidaliwerenga kangapo konse, ndizotheka kuchita operation imeneyi pachipatala pano"
"Idachitika liti operation yamtunduwo?" M'modzi mwa madotolowo adafusa.
"1989, galimoto adakwera nsilikaliyo lidachita ngozi ndipo kuvulala kwake sikukusiyana ndi mwana wa a President yu" adayankha uku akuyimirira nkukapereka laptop yake kwa Dr Mwadini kuti azionere okha.
"Operation ya 1989 mwati? Hmm, follow me to the President's office" adalankhula dere uku akulowera Ku ofesi la President wachipatalacho a Dr Olivia Jere kuti akafotokoze maganizo akewo komaso momwe adachitira operation yo muchaka ankatchulacho.

Kuchoka kwake ndi a Chief of Surgery kudabweretsa timanong'onong'o muchipinda chimene adasiyamo madotolo amzake chija. Kukambirana kwawo kunkaoneka kuti kudali kwansanje ndimomwe dotolo wachichepereyu ankachitira zinthu zake.
"Kodi tiziti pakakhala vuto lalikulu iyeyu ndiye azipeza njira? Who does she think she is?" M'modzi mwa madotolowo adafusa.
"Ndipo zikudabwitsadi Dr Gayesi, enafe maganizo athu akhalira kukanidwa wina kungobwera ndika video kake ali basi katiye kwa President, like seriously?"
"Ndipo sadavutike nkufusa maganizo athu. Kumukhulupirira kumeneko? Monga inuyo Dr Chiwaya, tiziti you ain't a genius?" Adaikokomeza nkhaniyo Dr Gayesi.
"Inenso ndikuona kuti zikunyanya" dotolo wina adaikaponso mulomo uku akuyang'ana komwe kudali madotolo ena atatu omwe nkhaniyo sankayankhira nawo.
"Mumatha bwanji kumamujeda mwana ngati amene uja? Mumapindula nazo chani?" Adafusa m'modzi mwa madotolo adangoti chete aja.
"Inu amenewo? Dr Kumzinda, simuona kuti mwana amakhala akukupondani pamutu? Inu ndi Dr Tambula komanso Dr Gabriel zanu ndizimodzi, kumuikira kumbuyo mtsikana wama selfie yu basi" adatero Dr Gayesi.
"Sikuti nkumuyikira kumbuyo, koma tiyeni tivomereze kuti sitikulimbika mokwanira pofufuza mayankho azinthu zovuta kuntchito yathu" Dr Tambula adayankhapo uku akuyang'ana kuchitseko cholowera m'chipinda adalichi.
"Mwamaliza zokambirana zanu?" Chief of Surgery Dr Eleanor Mwadini amafusa akulowanso m'chipindacho.
"A President achipatala chino ayivomereza surgery imeneyi ndipo ndi omwe atsogolere mothandizana ndi Dr Christina Soko. Dr Olivia Jere akhala akufika muno kuzakuwuzani m'mene zichitikire ndipo Dr Gayesi, Dr Kumzinda ndi Dr Tambula komanso Dr Gabriel ndi omwe mwasankhidwa kutenga nawo gawo pa operation imeneyi limodzi ndi ine ndemwe" adafotokoza dere Dr Eleanor Mwadini ndipo madotolo ena onsewo amayang'anizana.
"Bwanji mfundo ya Dr Soko simudaipereke kuti tiyikambirane?" Adafusa Dr Chiwaya.
"Fuso labwino, ndiri Ku ofesi la a president athu pachipatala chino adandiuza maganizo awo omwe adafanana ndizomwe Dr Soko adapereka. Kuonjezera apo, Dr Jere nkuti akulankhulaso ndi madotolo amzawo ku South Africa, Italy komanso France ndi Britain omwe adapanga recommend njira yomwe Dr Soko adapanga suggest. Pali fuso lina?
Anyway surgery ikuyamba mumphindi 30 zikudzazi ndipo yayerekezedwa kutenga ola limodzi ndi mphindi 45" adayankha dere Dr Mwadini uku madotolo enawo akutulukamo m'chipindacho.

Zonse zofunika kuti operation ya mwana wa a President wo ichitike nkuti zitakonzekeredwa bwino lomwe ndipo mosataya nthawi amakalowa mu operating room kukagwira ntchito imene mtsogoleri wadziko adayikamo chiyembekezo chake. Mosayembekezera kwamadotolo adali kugwira ntchitoyo zonse zinkayenda mwa myaa kufikira pomwe ankatsiriza zonse.
Kwanthawi yoyamba Dr Soko adali kuyatsa lamya yake yomwe idali itakhala masiku awiri ili yozimitsa pofuna kukhala ndichidwi kuntchito yopulumutsa mwana wa a Presidential yo.
Kuyatsa lamyayo chinthu choyamba kulandira idali lamya kuchokera kwa bwenzi lake Fatsani yemwe ankamveka mwaphuma zedi.
"Uli kuti?Bwanji lamya yako yakhala ili yozimitsa? Kunyumba yako udachoka liti?" Adalandira mafusowo motsatana dere Dr Soko.
"Ndiri kuchipatala, komano phumali bwanji? Uli kuchipatala konkuno eti?" Adafusa pomva phokoso lomwe linkamveka palamyapo.
"Eya tatuluka tikambitsane" adatero Fatsani nkudula lamyayo. Christina yemwe kamvekedwe kaphuma la Fatsani kanamudabwitsa sadachitire mwina koma kuthamangira panja pachipatalacho. Chapatali amaona gulu la anthu litaima mozungulira thupi lamunthu wina yemwe adali atagwa pansi ndipo amathamangira komweko.
"Fatsani? Fatsani! Fatsani! Adakuwa uku akuyesa kumugwedeza. Adali kutuluka thovu kukamwa ndinso thukuta lochuluka zedi.

Title: ANATOMY OF BETRAYAL
CHAPTER: ONE
Writer: Redson Kandozi

03/11/2025

Protect your ambitions from negativity by surrounding yourself with those who inspire, challenge, and believe in possibilities. Remember, great visions thrive in the company of great minds, not fearful ones.

ANATOMY OF BETRAYAL...SEE YOU AT 9 O'CLOCK Good morning.
03/11/2025

ANATOMY OF BETRAYAL...
SEE YOU AT 9 O'CLOCK
Good morning.

02/11/2025

Yamikani Kumzinda wakhala akulemba nkhani yotchedwa Heavy Love. Munkhaniyi, anthu 9 akuimbidwa mlandu okupha mkazi woyembekezera.

02/11/2025

Amazing Art Network yakhala ikudziwa mathero a nkhani ya Nkhondo Ya Chikaiko kuchokera 2019.

02/11/2025

Amazing Art Network yakhala ikudziwa mathero a nkhani ya Mphatso Ya Chikondi kwa zaka 5 tsopano

18/10/2025

We had just passed Linthipe 1, when everything changed. One moment, I was humming along to a song on the radio, and nex, there was a flash of headlights, a sharp turn, and silence.

When I opened my eyes, I thought I was sure I was dreaming.
The car was upside down, smoke curling from the engine. My hands were still on the steering wheel, but I didn’t feel the weight of my body. I turned to check on the others.
The young man, the woman and her husband, none of them was moving.

An hour later is when I saw the police arrive. They didn’t see me. They looked right through me as they pulled our bodies from the wreck. One officer said, “Four dead. No survivors.” I was shocked.

I did shout, “I’m here! I’m fine!” but my voice never reached them. I watched as they covered my face with a white sheet. My ID card slipped from my pocket, landing in the dirt beside the road.

That’s when it hit me. I wasn’t standing there—I was hovering. Watching.

I was dead.

Address

Blantyre

Telephone

+265993818673

Website

Alerts

Be the first to know and let us send you an email when Amazing Art Network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category