Radio Dinosaur 107.6 FM - Karonga Community Radio Station

Radio Dinosaur 107.6 FM - Karonga Community Radio Station ISYU LYABANDU The Karonga Community Trust (KCT) is an Organisation whose main goal is to implement and manage the Radio Dinosaur 107.6 FM.
(1)

Its main focus is to educate, entertain, inform, and address the Karonga District masses about different issues that are affecting them. The KCT was registered as a non-profit NGO under the Office of the President and Cabinet (OPC) on 28th January 2013. The Radio Station was awarded its broadcasting license in June 2013 and thereafter it was gazetted by the members of parliament allowing it to sta

rt broadcasting. The organization`s main responsibility is to see that the communities in Karonga District are well informed on issues affecting their welfare. The Community’s Radio Station shall facilitate an easy flow of information from public and private sector institutions to the entire general masses of the Karonga Community. The Radio will enable the people of Karonga to have a more diversified source of information, education, and entertainment. Karonga Community Trust was established to support and sustain the activities of the community radio station. The Radio Station is known as:- Radio Dinosaur FM and its frequency is 107.6 Mega Hertz FM. Radio Dinosaur FM started way back in 2003 as a general concern to address some social and economic issues that were affecting the district at large. The idea was derived after getting reports from different research materials that took place in the district that indicated high illiteracy levels. This hatched a formulation of Radio Dinosaur FM which is at Karonga Old Town (Old MRA buildings) and it provides a suitable place for interaction with diverse kinds of people. The area is rich in history with its Kya-Ngonde tradition, the beauty of the Cultural diversity, and also the palaeontological, and archaeological heritage and precious stones like Uranium and Coal, these hoards are very important stories worth celebrating, treasuring, and indeed sharing with the Community. The fauna is similar to that discovered in South Africa. The area has also proved to be the home of a dinosaur world. Evidence of dinosaurs in the district has made a Radio to derive its name.

Ikibughatila ikya Malawi Energy Regulatory Authority -MERA kimisye imbombo iya kubika amafuta agha maghali ku kampani i...
07/08/2025


Ikibughatila ikya Malawi Energy Regulatory Authority -MERA kimisye imbombo iya kubika amafuta agha maghali ku kampani ikya SIMSO Oil and Transport nongwa iya kwaghiwa ikuti yikufisa amafuta agha luko ulwa petrol amalita ghakufwana 200,000.

Ukufwana ni kilatasi iki ikibughatila ikya Malawi Energy Regulatory Authority -MERA kisosisye kitile kisyaghile isi ukufwana nulweneso ulu kyabombile pa 6 August 2025 apa kyasyaghile ukuti ikampani iyi yikufisa amafuta agha pa nongwa isi sitikupilikiwa umma.

Ikibughatil ikya Malawi Energy Regulatory Authority -MERA kitile isi yibombile ikampani ikya SIMSO Oil and Transport kokughomokesya ku nyuma imbombo iya kulwana ni ndamyo iya kuyonga ukwa mafuta iyi kisu iki yikwaghana nayo nukuti kiyibulile ikampani iyi ukuti yitumisye mafuta agha ku buyo ubwa bwake uku bikunwesyela amafuta ukuti abandu bakaghule.

Malawi Energy Regulatory Authority -MERA kighabulile kangi ama kampani agha ghikubika amafuta kisu muno bati ghatikabikagha kangi amafuta ku kampani iya SIMSO Oil and Transport ukufikila yisalinganie kanunu isya kabombelo kabo ka mbombo.

Uwakusimba-Austin Sute

Ikibughatila ikya kwenesya ifisalo kisu muno ikya Malawi Electoral Commission-MEC kitikisye abalongosi 17 ukuti bo aba ...
07/08/2025


Ikibughatila ikya kwenesya ifisalo kisu muno ikya Malawi Electoral Commission-MEC kitikisye abalongosi 17 ukuti bo aba bisakulwana pa kikota ikya dongosi uwa kisu iki pa fisalo ifya pa 16 September 2025.

Ukufwana ni kikalatasi ikya kibughatila iki kisosisye iki atikitile uwapakikota uwa wake Justice Annabel Mtalimanja atile ikibughatila iki kyalayambilile ifikalatasi ukufumila ku balongosi bakufwana 20 aba balondagha ukulwana nabo pakikota iki.

Loli bati ukufwana nulwenesyo lwake ukufwana ni ndaghilo isya kibughatila iki kisyaghile ukuti abalongosi bakufwana 17 bo aba bafwanisye imbatiko syosa isya kulondiwa.

Ifikalata ifya balongosi batatu bo David Mbewe uwa kipani ikya Liberation for Economic Freedom (LEEP),udongosi uwa kipani ikya Nationalist Patriotic(NPP) Danile Dube na uyu alondagha ukwima pa mwene Reveland Hardwick Kaliya fyo ifi fikaniwe ni kibughatila iki.

Uwakusimba-Austin Sute Kayisi

Abandu mwi boma lya Karonga basumiwe ukuya nulutengano nukumasya ukulwana pa ndyela ukupalamasya abayuba mu ndyale apa ...
07/08/2025


Abandu mwi boma lya Karonga basumiwe ukuya nulutengano nukumasya ukulwana pa ndyela ukupalamasya abayuba mu ndyale apa ikisu iki kikulabila ukuya ni fisalo pa 16 September 2025.

Isi siyobiwe pa fimanyilo ifya masiku mabili ifi fyatendekesiwe mwi boma lya Karonga ni kibughatila ikya UN Women.

Pakuyobapo unkulumba uwakwenesya isya kuti pasite ukuleghana pakati pa batata na bayuba mwi boma lya Karonga Ireen Mwenelupembe atile ukudelela abayuba, ukulwana pa ndyale ni nyiho fyo fimo fikufulungania abayuba ukuti baleke ukweghangapo kaghaba fikota ifya kukindana kindana pa ndyale mwi boma ili.

Umwene atile ukwisa ukwa fimanyilo ifi kangi nubutuli ubu ikibughatila ikya UN Women kikubika ku bayuba sikuya pakutula fiyo ukuti abayuha baleleke ukubombeliwa ifipahu kabalilo kakuhaha bandu nikyolondiwa ikya kuti bafisye ifi bope bikulonda.

Pakuyobapo bamo mwa bayuba aba balipo pa fimanyilo ifi Gloria Singini uyu ukuya pakwimila pakikota ikya bukasalala ku kighaba ikya Uliwa ku kipani ikya UDF atile ifimanyilo ifi fyabatula fiyo ukwikasya na muno bangipokela ku fipahu ifi sikuhomokesya abayuba ukweghapo kaghaba fikota ifya kukindana kindana.

Uwakusimba-Austin Sute Kayisi

Ikomiti iya kwenesya ikipatala ikya Kaporo yitilile yili nulusubilo ukuti inyumba iya kitima (mortuary) iyi yiyengiwe p...
06/08/2025


Ikomiti iya kwenesya ikipatala ikya Kaporo yitilile yili nulusubilo ukuti inyumba iya kitima (mortuary) iyi yiyengiwe pa kipatala iki yikusubiliwa ukwanda ukubomba imbombo mwalulu.

Ayobile isi yo wapakikota uwa komiti iya kwenesya ikipatala ikya Kaporo Elias Phiri na Radio Dinosaur FM.

Phiri atile inyumba iya kitima (mortuary) iyi yiyengiwe pa kipatala ikya Kaporo nu mwimilili uwa ku nyumba iya ndaghilo kulubafu ulu Mungasulwa Mwambande ni ndalama isya munyambi iya CDF yikabile ukwighuka nongwa iya ndamyo iya mundu uyu ayengagha(contractor) uyu akamalisisye fimo bo ukubikako ifya kwighalila kangi kusita kubika amisi ifi umwene loli atighi amalile ukubomba imbombo iyi.

Umwene atile umwimilili uwa ku nyumba iya ndaghilo kulubafu ulu Mungasulwa Mwambande abikile kangi ubutuli ubwa ndalama ukuti ifya kwighalilila fyuliwe kangi na misi ghabikiwe mu nyumba iya kitima (mortuary) iyi isi bati syo syapela ulusubilo ukuti yikuya pakwanda ukubombo imbombo bo mwalululu.

Phiri atile kangi linga inyumba iya kitima (mortuary) yiwike pa kipatala iki sikuya pakutula fiyo ku bandu abakulubafu ulu ukupungula ukwenda ubwendo ubutali ukufika ku kipatala ikinywamu iya Karonga.

Wakulemba-Austin Sute Kayisi

Pali kusita ukupilikana pakati pa bandu aba kwa mwalafyale Mwangalaba na contractor uwa Ufulu uyu ikubomba imbombo iya ...
01/08/2025


Pali kusita ukupilikana pakati pa bandu aba kwa mwalafyale Mwangalaba na contractor uwa Ufulu uyu ikubomba imbombo iya magesi nkaya.

Pakuyobapo mbuyo ubwa bandu aba Lasili Mkandawire uyu kangi yo wa pakikota uwa komiti iya VDC ukwisa ukwa Ufulu Contrator ni mbombo iya magesi bati apilikene na bandu aba nkaya ka Mwangalaba ukuti bo bakumbeghe imina iya magesi ukufuma pa koloti ilya Ngerenge ukwa kufika kwa Fwira nukuti isakubabikila amagesi nyumba syabo papo bati bapeliwe amapolo 60 loli bati contractor akuti apeliwe amapolo 34 isi abene bati bitikukulelna nasyo umma.

Nukuti umwene bati ukuya bandu aba nkaya ka Mwangalaba aba bakabombagha imbombo iyi bakanisye Contractor uyu ukukindilila imbombo iya kwasya amagesi agha mpaka bati aba twalile ama polo.

Pakwamulapo John Adreya ukufuma ku Ufulu Contrators atile syamomumo naloli papo bati bo bikwanda imbombo kulubafu ulu baliyipile ukuti babombe bene imbombo iya kukumba imina nukuti bati buyo ubwa kuti bapeliwe indalama batile basafikiliwe na mapolo gha magesi isi naloli bati syo bapilikene.

Nukuti loli isi sitamisye papo iboma libikile amapolo manandi ukuleghanisya na muno syayilile pa mwandilo isi umwene atile abandu aba abapeko indalama pa mbombo iyi babombile loli bati abene bikukana kangi bakaghile ukuti aleke ukubomba imbombo iyi.

Pakuyobapo umwimilili uwa ku nyumba iya ndaghilo kuluba ulu Mungasulwa Mwambande atile apalamasiwe fiyo papo mu mbafu syosa isi amagesi ghafikile mulubatiko ulu ghikwaka loli bati kubuyo ubu ghitikiwaka umma nongwa iya kusita ukupilikana pakati pa bandu aba nkaya ka Mwangalaba na Contrator.

Nukuti atile ukuya pakweghapo akaghaba ukufikila ku bukambala ubwa fya magesi ukuti indamyo iyi yamlike nukuti asumile kangi abandu aba nkaya ukuti baye bandu bakulalusya tasi linga ifitukuko fipeliwa nkaya.

Uwakusimba-Austin Sute Kayisi

Yumo mwa bandu uyu apa kwima pamwene pakikota ikya wimilili uwakunyumba iya ndaghalo kulubafu lwa Lufilya Constituency...
01/08/2025


Yumo mwa bandu uyu apa kwima pamwene pakikota ikya wimilili uwakunyumba iya ndaghalo kulubafu lwa Lufilya Constituency Jonathan Mwambande atile itendekisye ukuti atwale ubufyuki kukighaba iki linga asaliwe pa 16 September 2025

Jonathan Mwambande atile linga bansalire mwene bo basalire ifitukuko nongwa yakuti indamyo isi abapapi bisakundingania syo asotwalagha ku nyumba iya ndaghilo.

Jonathan Mwambande atile ubulongosi ghomahala agha umundu agha kyala ampele sitakwendera ukuti umwana nandi

Paumaliro Jonathan Mwambande asumile abandu ukuti akabalilo aka Campaign aka unko paye ukukolelana pangayangapo ubwite umma nikyolondiwa ikya kuti ifisalo fisende kanunu.

Uwakusimba-Tamandani Kasuka Mboma

Golaz Matatizo Mpeketuka wati vyakukhumbikwa chomene kuvwilana pakati pa wa Christ na wa Islam pa nkhani ya vitukuko.Wa...
01/08/2025


Golaz Matatizo Mpeketuka wati vyakukhumbikwa chomene kuvwilana pakati pa wa Christ na wa Islam pa nkhani ya vitukuko.

Wa Golaz Matatizo Mpeketuka uyu wamililenge pa yekha pa visola vya pa 16 September 2025 nge mwimilili wa mphala ya malango ku chigawa cha Karonga Town waphala makani aya pa muziki wa Karonga apo wanguwa na mulimo wa kuchezga na Islam wa pa muzikiti uwu.

Iwo wati nyengo zinandi wa Islam wakulekeka ku ma nyuma pa kuwavwilapo pa nkhani ya vitukuko kweniso kuwendela.

Iwo wapelekanso mathumba yakukwana 10 ya cement kuti yivwile vitukuko vya vimbuzi pa muzikiti uwu na chakulata chakuwa na ukhondo pa malo aya.

Pakuyowoyapo na wa Kevas Malenga uyu ni wa pa chitengo wa chitukuko pa muziki wa Karonga wati mbakukondwa chomene na ivi wachita wa Golaz Matatizo Mpeketuka kuzawendela kweniso ku wapasa ovwili wa cement kuti wa maliziskile vimbuzi pa muzikiti uwu.

Iwo wati ivi vikulongola kuti mwa Golaz Matatizo Mpeketuka muli ulongozi wambula sankho,wa chitukuko kweniso wakujipepula nakuti pala angasoleka kuwa mwimilili wa mphala ya malango ku chigawa cha Karonga Town pa 16 September 2025 vingavwila chomene.

Wakulemba-Austin Sute Kayisi.

Iboma lya Malawi ukwendela ku bukambala ubwa fyabumi bwikakikisye ulubatiko ulwa kubika katemela ku bana abalindwana ab...
31/07/2025


Iboma lya Malawi ukwendela ku bukambala ubwa fyabumi bwikakikisye ulubatiko ulwa kubika katemela ku bana abalindwana abafinja 10 mpaka 19 kangi na katemela uwa joka isya ndwanda ku bana aba finja fihano(5) mpaka 14 kisu muno muno.

Pakuyobapo nu manyisi uwa kwenesya isya kalyelo akanunu ni mbungo iya AIDS kwi kaselo iya boma lya Karonga Hamilton Gondwe asimikisye isya masyo agha nukuti atile ukubikiwa ukwa katemela ku bana abalindwana abafinja 10 mpaka 19 sikuya pakutula fiyo ukuti ikifighililo kyabo ikya mu bili kiye kanunu apa katemela uwa joka isya ndwanda ku bana aba finja 5 mpaka 14 uyu ikuya pakutula ukupungusya indamyo pa bumi ubwa bana bo ukuyegheyala nu kwaghila ukwa ilopa mu bili.

Gondwe asumile abalongosi abakukindana kindana bo ifibughatila,aba makomiti kangi na banyafyale ukumanyisya abandu ubununu ubwa katemela uyu papo kabalilo kingi abandu bikutoliwa ukwambilila katemela nongwa iya kwambilila ubufumusi ubu bukaya bwabwanaloli ubwa katemela papo ukuya ba kipatala bikuya pakweghapo akagahaba ukumanyisya abalongosi aba isya katemela uyu.

Uwakusimba-Austin Sute Kayisi

Ikibughatila ikya ubwanaloli nulutengano ikya Cathoric Commission for Justice and Peace-CCJP kikakikisye ulubatiko ulwa...
31/07/2025


Ikibughatila ikya ubwanaloli nulutengano ikya Cathoric Commission for Justice and Peace-CCJP kikakikisye ulubatiko ulwa kumanysia abandu ukweghapo kaghaba pa kisalo ikya 16 September 2025.

Pakuyobapo nu nkulumba uwa kibughatila ikya ubwanaloli nulutengano ikya Cathoric Commission for Justice and Peace-CCJP kikakikisye pasi pa Diocese iya Karonga Obert Mkandawire atile ukwisa nulubatiko ulu nongwa iyakuti abandu bingi bitikweghapo akaghaba umma ukuti pakablilo akakuvota nongwa iyakuti bikwilamwa nubulongosi ubu linga basalile namuno bikwendesyela ikisu.

Umwene atile bikuya pakubamanyisya abandu ubununu ubwa kweghapo kaghaba pa fisalo kangi ni ndaghilo isya kwendesyela ifisalo ifya pa 16 September 2025.

Nukuti atile ali nulusubilo ukuti ukwendela mulubatiko ulu abandu bikuya pakumanyisiwa imbatiko isya kavotelo kangi nukusita ukuya na mahongo pi siku lya fisalo .

Ikibughatila ikya ubwanaloli nulutengano ikya Cathoric Commission for Justice and Peace-CCJP kikubomba ulubatiko ulu kwa myesi mitatu mwi boma lya Karonga,Chitipa na Rumphi nubutuli ubwa ndalama ukufumila ku Diocese iya Muster kisu ikya Germany

Uwakusimba-Austin Sute Kayisi

Syaghiwe ukuti abana bingi mwi boma lya Karonga bikubombesiwa imbombo kabalilo aka sukulu.Ayobile isi yo Mike Munthali...
30/07/2025


Syaghiwe ukuti abana bingi mwi boma lya Karonga bikubombesiwa imbombo kabalilo aka sukulu.

Ayobile isi yo Mike Munthali uyu yo nkulumba uwakwenesya utubombo ku kibughatila ikya kufighilila aba ikya Future Planning for the Child pa umalikisyo ubwa fyanyangalo ifya mpira ifi batendekisye pakati pa timu iya Ngerenge FC na Benga FC ifi fyakiniliwagha pa kibanja ikya Ngerenge primary sukulu.

Munthali atile abapapi babaghile ukweghapo akaghaba ukufighilila ubwabuke ubwa bana pa kusita ukubabombesya imbombo kabalilo aka sukulu papo sikufulungania ifimanyilo ifya bana.

Umwene atile akayilo aka kabaghile ukuti kamalike nikyolondiwa ikya kuti abana bamanyile kanunu ifimanyilo fyabo ukuti bayeghe bandu bakwiyimila pabene.

Pakuyobapo umwalafyale VH Mwamkamba andaghisye fiyo ikibughatila ikya Future Planning for the Child ukuya nulubatiko ulu nukuti atile ikuya pakwenesya ukuti abapapi bikweghapo akaghaba ukumasya akayilo akakubombesya abana imbombo akabalilo aka sukulu.

Uwakusimba-Tamandani Kasuka Mboma

Yumo mwa bandu uyu ikuya pakwimba pamwene(Independent ) pakikota ikya mwimilili uwa ku nyumba iya ndaghilo kulubafu ulw...
29/07/2025


Yumo mwa bandu uyu ikuya pakwimba pamwene(Independent ) pakikota ikya mwimilili uwa ku nyumba iya ndaghilo kulubafu ulwa Karonga Town Golaz Matatizo Mpeketuka atile itendekisye ukwandula ikighaba iki linga asaliwe pa 16 September 2025.

Golaz Matatizo Mpeketuka ayobile amasyo agha pa umalikisyo ubwa kubika ifikalatasi ku kibughatila ikya Malawi Electoral Commission -MEC ifyakwitikisiwa ukwima nabo pa fisalo ifya pa 16 September ikinja iki pa Ipyana Tally Center.

Umwene atile ikitughele fiyo kisu ikya United States uku bati isile nubupakasi ubwa kwandula ulubafu ulu bo pa masyo agha bulimi ubwa upakasi.

Nukuti ali mbatiko isya ukutwala ma factories mwi boma ili ukuti linga abalimi bafunjile ufunjo wabo ukuti abandu bakabeghe pa bulimi bwabo.

Mpeketuka atile kangi abandu abakulubafu ulu baghulile kangi ifitukuko ifya musebo nifitukuko ifingi kangi nukufyusya ubumi ubwa ba yuba linga asaliwe pa 16 September ikinja ukuya mwimilili wa ku nyumba iya ndaghilo kulubafu ulwa Karonga Town

Nukuti asumile abandu ukusita ukuya nifyingo nkabalilo aka kuhaha abandu ( Campaign) nikyolondiwa ikya kuti ikisalo iki kisende kanunu.

Abandu batatu bo aba bikulwana pakikota ikya mwimilili uwa ku nyumba iya ndaghilo kulubafu ulwa Karonga Town.

Uwakusimba-Austin Sute Kayisi

Address

Musyunguti House, Old Town
Karonga

Telephone

+2651362688

Website

Alerts

Be the first to know and let us send you an email when Radio Dinosaur 107.6 FM - Karonga Community Radio Station posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Dinosaur 107.6 FM - Karonga Community Radio Station:

Shortcuts

Share

Category