Radio Dinosaur 107.6 FM - Karonga Community Radio Station

Radio Dinosaur 107.6 FM - Karonga Community Radio Station ISYU LYABANDU The Karonga Community Trust (KCT) is an Organisation whose main goal is to implement and manage the Radio Dinosaur 107.6 FM.
(1)

Its main focus is to educate, entertain, inform, and address the Karonga District masses about different issues that are affecting them. The KCT was registered as a non-profit NGO under the Office of the President and Cabinet (OPC) on 28th January 2013. The Radio Station was awarded its broadcasting license in June 2013 and thereafter it was gazetted by the members of parliament allowing it to sta

rt broadcasting. The organization`s main responsibility is to see that the communities in Karonga District are well informed on issues affecting their welfare. The Community’s Radio Station shall facilitate an easy flow of information from public and private sector institutions to the entire general masses of the Karonga Community. The Radio will enable the people of Karonga to have a more diversified source of information, education, and entertainment. Karonga Community Trust was established to support and sustain the activities of the community radio station. The Radio Station is known as:- Radio Dinosaur FM and its frequency is 107.6 Mega Hertz FM. Radio Dinosaur FM started way back in 2003 as a general concern to address some social and economic issues that were affecting the district at large. The idea was derived after getting reports from different research materials that took place in the district that indicated high illiteracy levels. This hatched a formulation of Radio Dinosaur FM which is at Karonga Old Town (Old MRA buildings) and it provides a suitable place for interaction with diverse kinds of people. The area is rich in history with its Kya-Ngonde tradition, the beauty of the Cultural diversity, and also the palaeontological, and archaeological heritage and precious stones like Uranium and Coal, these hoards are very important stories worth celebrating, treasuring, and indeed sharing with the Community. The fauna is similar to that discovered in South Africa. The area has also proved to be the home of a dinosaur world. Evidence of dinosaurs in the district has made a Radio to derive its name.

Inyumba iya ndaghilo yimalile imbombo iya kulumbilisya abimilili aba ku nyumba iya ndaghilo aba basaliwe pa kisalo iky...
28/10/2025


Inyumba iya ndaghilo yimalile imbombo iya kulumbilisya abimilili aba ku nyumba iya ndaghilo aba basaliwe pa kisalo ikya pa 16 September 2025 kisu muno.

Ulubatiko ulwa kulumbilisya abimilili aba lubombiwe kwa masiku mabili ukwanda pa 27 October na pa 28 Oct 2025 nukuti abimilili ba kunyumba iya ndaghilo bakufwana 224 bo aba balumbilisiwe pa lubatiko ulu lwabombeliwa ku nyumba iya ndaghilo.

Nukuti bamo mwa bimilili ba ku nyumba iya ndaghilo mwi boma lya Karonga aba balumbilisiwe yo Mungasulwa Mwambande, Frank Tumpale Mweinifumbo, Abraham Mwankhwaba na Kenneth Ndaovi.

Nukuti ulubatiko ulu lwendesiwe nu wakili ku balongi Justice Love more Chikopa SC.

Nukuti ulubatiko ulwa kulumbulisya abimililiaba lukubombiwa nikyolondiwa ikya ba ba manye indaghilo nukutikitila bo bali pakwanda imbombo ukufwa ni ndagha isya kwendesyela ikisu iki.

Uwakusimba-Austin Sute Kayisi

Abimilili aba ku nyumba iya ndaghilo abakufwana 111 aba basaliwe pa kisalo ikya pa 16 September 2025 kisu muno mwisyugh...
27/10/2025


Abimilili aba ku nyumba iya ndaghilo abakufwana 111 aba basaliwe pa kisalo ikya pa 16 September 2025 kisu muno mwisyughu pa 27 October 2025 balumbilisiwe ukwanda imbombo yabo.

Ulubatiko ulu lubombeliwe ku nyumba iya ndaghilo nikyolondiwa ikya kuti abimilili aba babalumbilisye nukutikitikila indaghilo ukufwana ni mbombo yabo.

Nukuti yumo mwabilili aba balumbilisiwe mwisyughu yo Daniel Chitonya wa kighaba ikya Karonga Town

Nukuti ulubatiko ulu lwendesiwe nu wakili ku balongi Justice Love more Chikopa SC.

Nukuti ulubatiko ulwa kulumbilisya lukukindilila kilabo pa 28 October 2025 apa abimilili aba kufwana 113 bikuya pakulumbilisiwa.

Uwakusimba-Austin Sute Kayisi

Ikibughatila ikya Malawi Human Rights Resource Centre-MHRRC kitile syakulondiwa fiyo ukuti siyepo imbatiko isya kufwana...
25/10/2025


Ikibughatila ikya Malawi Human Rights Resource Centre-MHRRC kitile syakulondiwa fiyo ukuti siyepo imbatiko isya kufwana isya kufighilila abayuba na abana pa ifibahu ifi bikwaghana nafyo pa bumi bwabo.

Ayobile isi yo nkulumba uwa kibughatila ikya Malawi Human Rights Resource Centre-MHRRC Emma Kaliya pa ngomano isya kuyobesania (Community dialogue) isya kuyobesania ukufwan ni fibahu ifi fikubombiwa pa yuba na bana isi batemile ku ntemi Kilupula na ku ntemi Wasambo mwi boma lya Karonga.

Umwene atile syaghiwe ukuti ifibahu ku bayuba na bana fitikumalika umma mwi boma lya Karonga bo ku ntemi Kilupula apa abana abalindwana bingi bikulekelesya isukulu pa njila bikubuka ku Tanzania ukwakubomba imbombo uku bikubombeliwagha ifibahu bo ukubapa Inyanda ni mbungo kangi nukweghiwa bo bakali bakeke nukuti kulubafu ulwa kuntemi Wasambo bati bana bingi bikubopela kwa sumbi uku kope abalobaswi bikwegha abana abakeke isi bati syakulondiwa ubukolelenisi ukumasya akayilo aka.

Kaliya atile ukwisa ni syakuyobesania isi nikyolondiwa ikya kuti paye imbatiko isyakufwana isya kufighilila abayuba na bana pa fipahu ifi bikwaghana nafyo.

Nukuti pa isya kuyobesania isi (Community dialogue) pali abanyafyale,abatimi,abanyela na ba women forum.

Pakuyobapo na Marther Mwangomba uwa kakundi ka Mwenitete Women Forum wa nkaya ka mwalafyale Mwakighonja na Hiluda Kayira uwa kakundi ka Unenesyo Women Forum kwa mwalafyale GVH Gweleweta batile syabwanaloli ukuti ifibahu filiko naloli ku bayuba na bana nukuti abene bikughela pa mbombo yabo bo ukubegheko abana ku Tanzania na kunyeghe loli bati bitukutuliwa na ba papi ababana kangi na banyafyale.

Nukuti pakuyobapo untemi STA Kilupula atile ifibahu kulubafu lwake fikukindilila nongwa iya kuti indaghilo isya palubafu isi bikupinya sitikubomba imbombo umma papo sikenesiwa umma ni kaselo iya boma lya Karonga ukuti syande ukubomba imbombo.

Nukuti andaghisye fiyo ikibughatila ikya Malawi Human Rights Resource Center -MHRRC ukwisa nulubatiko ulu kulubafu lqake nukuti asumile ukuti bakindilile ukwisa pipipipi kulubafu ulu nikyolondiwa ikya kuti ifipahu fipunguke.

Uwakusimba-Austin Sute Kayisi

22/10/2025


Udumyana uwa finja 17, Francis Msiska afwile bo akomiwe nikokiwa na bandu abakalale nongwa iya kwinong'oneliwa ukuti alibile inguku nkaya ka Mwalafyale Mwanganda mwi boma lya Karonga.

Unjobeli uwa ba polisi mwi boma lya Karonga Margret Msiska atile dubunju ubwa pa 20 October 2025 udumyana uyu abukile nabinake babili ukwakwiba inguku nkaya ka Mwalafyale Mwanganda nukuti abanine bafwanisye ukubopa apa uyu akoliwe nukwanda ukukomiwa.

Nukuti bati akomiwe fiyo nukugoha uyu balidambalike pa mu sebo uwa Karonga-Chitipa nukusyila ni mindu nukukosya nu moto.

Nukuti simanyikwe kangi ukuti udumyana uyu ali mwana pina nukuti bati alyandile akayilo aka bo mwana keke.

Msiska atile aba Lusubilo Orphan Care bafwanisye ukuswila umwana uyu ukwanda imyesi mitatu mpaka ifinja 10 apa baye kubika ku mwipwa wake bo bamanya ukuti ali nakayilo akakwiba uyu yope asokileko ku mwipwa nukwanda ikwitughala mwene.

Nukuti aba polisi basokile abandu aba mwi boma lya Karonga ukusita kweghela indaghilo maboko ghabo.

Umpisi Francis Msiska afumilagha nkaya ka Mwalafyale Kayaghala ku ntemi Mwilang'ombe mwi boma lya Karonga.

Uwakusimba-Austin Sute Kayisi

Abandu aba nkaya kwa Mwalafyale GVH Mwenekambwe mwi boma ilya Karonga, batile I sukulu isya bana banandi ma CBC singa...
11/10/2025


Abandu aba nkaya kwa Mwalafyale GVH Mwenekambwe mwi boma ilya Karonga, batile I sukulu isya bana banandi ma CBC singatula fiyo pafimanyiro ifya bana.

Isi siyobiwe palubatiko ulwa kwighulira I Sukulu iya bana iya Lusekero CBCC.

Pakuyobapo na uyu alimwimilire GVH Mwenekabwe atile ukuya ni sukulu isya ma CBC sikuya pakutula fiyo abana pamasyo agha fimanyilo nukuti andaghisye ikibughatila ikya Focus ukweghapo akaghaba ukutwala ifyombo ifya bana pa sukulu.

Umwene atile ukufwana ni fyombo ifi ikibughatila iki tkitulile babatulire bikuya pakufipakikisya kanunu ukwendela mu ndaghilo isya palubafu isi bapinyile nkaya kake.

Poyobapo uwa pakikota uwa wa Kakoma Community Based Organisation -CBO Lughano Mwakhwawa atile ali nubuhobofu fiyo nubutuli ubu bibikiwen nikibughatila ikya FOCUS bo ifya kupiyila,ifya kulera abana,ifya kwangalapo abana,isopo, ifyakwitughalila abana ni fingi papo bapupwikeko indamyo simo isi syalipo pa sukulu iyi.

Nukuti unkulumba uwa kibughatila ikya FOCUS Cossam Munthali atile ukuya kibughatila beghilepo aghaba akakubika ubutuli ubu nikyolondiwa ikya kuti abana abanandi babuke pamkyeni nifimanyilo .

Umwene atile bikuya pakukindilila ukubika ubutuli bo ubu ku masukulu agha bana abanandi (CBCC) kulubafu ulu.

Uwakusimba-Tamandani Kasuka Mboma

Nikyolondiwa ikya kutula abanyela ukubwagha ubutuli fipatala ikibughatila ikya Pamoza Tingakwaniska Youth kimanyisye ab...
10/10/2025


Nikyolondiwa ikya kutula abanyela ukubwagha ubutuli fipatala ikibughatila ikya Pamoza Tingakwaniska Youth kimanyisye abandu abakubomba imbombo fipatala nikyolondiwa ikya kuti abanyela batuliweghe mwakufwana fipatala.

Pakuyobapo paumalikisyo ubwa fimanyilo ifya masiku maghano unkulumba uwakwenesya imbatiko ku ikibughatila ikya Pamoza Tingakwaniska Youth Gomezgani Mhango atile syakulondiwa ukuti abandu abakubomba imbombo fipatala fiyo aba bikutula abanyela babaghile ukuti bamanyisiwe pa mbombo yabo nikyolondiwa ikya kuti abanyela babwagheghe ubutuli ifipatala kisita indamyo yiliyosa.

Umwene atile syaghiwe ukuti kabalilo kingi abanyela bikutoliwa ukwitughala kabalilo akatali ukughulila ubutuli pa kipatala kyokimo iki kyapelile abene batendekesye ifimanyilo ukuti abandu aba bikubomba imbombo fipatala bamanyisiwe namuno bangabambilila abanyela kangi na muno bangabatulila pakabombelo kabo kambombo ukuleghanisya na mubo babombelagha bwila.

Pakuyobapo na yumo mwa bakubomba imbombo ku kipatala uyu alyaghilepo akaghaba pa fimanyilo ifi Danstain Phiri atile ifimanyilo ifi fikuya pakutula fiyo pakabombelo kabo ka mbombo iya kutula abanyela ukuti babwagheghe ubutuli fipatala bo ubwa bufyele ubununu kangi nu bwakupalamasya isya mbungo iya HIV/AIDS

Paumalikisyo mbuyo ubwa kipatala ikya Karonga unkulumba uwa akwenesya isya banyela Maclean Theu atile ukuya kipatala ikya boma lya Karonga andaghisye fiyo ikibughatila ikya Pamoza Tingakwaniska Youth ukwisa ni fimanyilo ifi papo abandu abakubomba imbommbo fipatala bikuya pakutula fiyo pakabombelo kabo kabomb isi kangi sipepwileko indamyo ku banyela.

Ikibughatila ikya Pamoza Tingakwaniska Youth kyatendekisye ifimanyilo ifi nubutuli ubwa ndalama ukufumila ku Breuckmann Foundation and German Government Federal Ministry for Economic Cooperation and Development.

Austin Sute Kayisi

Ofesi iya fya bumi mwi boma lya Karonga yitile yikuya pakwanda ukubika katemera uwa mbungo iya Mpox ukwanda pakihano ud...
10/10/2025


Ofesi iya fya bumi mwi boma lya Karonga yitile yikuya pakwanda ukubika katemera uwa mbungo iya Mpox ukwanda pakihano udungu wakilabo mwi boma lya Karonga.

Unkulumba uwa kwenesya isya katemera mwi boma lya Karonga Elias Phiri yo uyu asimikisyile isya magho agha palukomano ulwa bapelelesi ulu atemile pa kipatala ok ikya Karonga.

Phiiri atile ikya kulondiwa ikya katemera uyu ko kufighilila abandu aba mwi boma lya Karonga ku mbungo iya Mpox.

Umwene atile abandu bakufwana 486 bo aba bikuya pakwambilila katemera uyu mulubatiko ulwa ukwanda nukuti aba bo bandu aba bikubomba imbombo fipatala kangi na bakikulu aba bikubomba ubukyulusi ubwa akulisya ibili yabo papo bo aba bali pa bogha fiyo ubwa kupalamasya imbungo iyi.

Nukuti kwali ulu abandu bakufwana batatu bo aba bakuloliwepo ni mbungo iyi mwi boma lya Karonga nukuti babili mwa bandu aba babumbulwike apa yumoywene akali ali kipatala ikwambilila ubutuli ubwa mikota.

Uwakusimba-Austin Sute Kayisi

Ifipanga ifya mwi boma lya Karonga fisumiwe ukweghapo kaghaba ukuya ni nyiputo ku nyololo uwa boma ilya Karonga nikyolo...
05/10/2025


Ifipanga ifya mwi boma lya Karonga fisumiwe ukweghapo kaghaba ukuya ni nyiputo ku nyololo uwa boma ilya Karonga nikyolondiwa ikyakuti abandu abapinyiwa bope bayeghe bandu bakubombela kyala.

Ayobile isi yo njobeli uwa nyololo uwa Karonga Samson Chavunguma pakabalilo aka I choir iya Rukuru Youth pasi pa kipanga iya Rukuru Luthern kyatendekisye inyiputo pa nyololo uwa boma lya Karonga.

Pakuyobapo Samson Chavunguma atile syakulondiwa fiyo ukuti ifipanga ifya kukindana kindana mwi boma lya Karonga fibaghile ukuti fiseghe na masyo agha kyala pa nyololo namuno babombile I choir iya Rukuru Youth pasi pa kipanga iya Rukuru Luthern papo yo njila yimo iya kutula abapinyiwa aba ku bili naku mbepo isi kangi bati sikutula linga abapinyiwa aba basokile ku nyololo.

Nukuti asumile abandu abakulondela ifinunu ukutulapo indamyo isya pa nyololo ughu bo ifyakubombela imbombo ifya kukindana kindana ukuti abapinyiwa aba bayeghe nikyakubomba.

Nukuti yumo mwa membala uwa kwaya iya Rukuru Youth Agry Mwaipaya atile ukwisa ku buyo ubu kindu kyakulondiwa fiyo isi yope andaghisye fiyo untimi uwa pikanga iki na banine aba kwaya ukwimwikisya ukuti babuke kubuyo ubu papo yo uyu alinongwine ukuti isya lubatiko ulu

Paumalikisyo untimi uwa kipanga ikya Rukuru Luthern uyu kangi yo Acting Bishop wa Evangelical Luthern Church pa Karonga Diocese Peter Vinkhumbo atile ulubatiko ulu lununu fiyo nukuti syakulondiwa fiyo ukuti abapinyiwa ku nyololo bope bapeliweghe amasyo agha kyala kabalilo kosa.

Nukuti atile ukuya kipanga ikya Ruthern bikuya pakwitughala pasi ukuti bakindilile ukwisa ni nyiputo ku nyololo uwa Karonga kangi yope asumile ifipanga ifya kukindana ukwisa ni nyiputo isi andaghisye abana bake ubwa kwaya iya Rukuru Youth ukuya nulubatiko ulu.

Paumalikisyo ubwa nyiputo isi ikwaya iya Rukuru Youth babikile kangi ubutuli ubwa soya pieces, sopo, umunyu ni ndalama pa nyololo ughu.

Uwakusimba-Austin Sute Kayisi

Abakyulusi aba mwi boma lya Karonga basimikisiwe ukuti basubileghe ikifighililo ikyakufwana pa bukyulusi bwabo ukwenda...
05/10/2025


Abakyulusi aba mwi boma lya Karonga basimikisiwe ukuti basubileghe ikifighililo ikyakufwana pa bukyulusi bwabo ukwenda ku polosi iya boma lya Karonga.

Isi siyobiwe pa lubatiko ulwa kwighulila ubuyo ubwa kughonako aba hesya ubwa Karonga Dream Lodge mwi boma ilya Karonga.

Pakayubapo yumo mwa bene buyo ubu Lenzo Lenard Kiyombo atile umwene ni nine uwa kisu ikya India bapilikene ukubombela ubukyulusi ubu palikimo ni kyolondiwa ikya kufyusya ubukyulusi mwi boma lya Karonga.

Umwene atile ukuya nubukyulusi bo ubu sikuya pakutula fiyo ukufyusya ikaselo iya boma lya Karonga nukuti asumile abandu aba bali mbutali kangi na kufisu ifya panja ukwisa nu bukyulusi bwabo ubwa kukindana kindana mwi boma lya Karonga ukuti iboma ili lifyuke.

Lenzo Kiyombo atile kangi pa buyo ubwa Karonga Dream Lodge pali kangi ubuyo ubwa kunwelapo ubwalwa (bar) ubuyo ubwa kulyepapo(Restaurant) kangi nubuyo ubwa kubombelapo isya nyegha(ubukwati) isi asumile abandu aba mwi boma ili ukwisa mbwingi bwabo pa buyo ubu.

Pakuyobapo na Station Office ku polisi iya boma lya Karonga Robert Ngwala asimikisyele abandu bosa aba bikwanda ubukyulusi mwi boma ili ukuti abene ukuya ba polisi bandu bakwiyipa ukubika ifighililo buyo bosa ubwa bukyulusi.

Nkuti asumile kangi aba poliis aba nkaya (community polisi) kangi na bandu bosa ukubombela palikimo imbombo iya kifighilo bo ukuyoba ku polisi linga baketile ifisyo ifya kihesya kulubafu lwabo.

Uwakusimba-Austin Sute Kayisi

Aba polisi mwi boma lya Karonga bapinyile tata uwa finja 28 Enock Mwakasoko nongwa iya kwinong’oneliwa ukwaghiwa na ma...
01/10/2025


Aba polisi mwi boma lya Karonga bapinyile tata uwa finja 28 Enock Mwakasoko nongwa iya kwinong’oneliwa ukwaghiwa na mafuta agha luko ulwa petrol agha bwingi ubwa kufwana 280 litres kisita fikalatasi ifya kwitikiwa.

Unjobeli uwa polisi iya Karonga Magret Msiska atile Enock Mwakasoko apinyiwe pa 29 September 2025 nakabalilo ka 11 koloko ku lubunju.

Umwene atile Mwakasoko apinyiwe ukufwana na bandu abakulondela ifinunu aba baye kuyoba ku polisi ukuti Mwakasoko ikusunga mafuta agha luko ulwa petrol nyumba yake.

Nukuti bati Enock Mwakasoko alyaghiwe nkaya ka mwalafyale Mwambuli ni fidumu ifya mafuta ifyakufwana ilongo limo na madumu buna(14) ifya busito ubwa kufwana 20 litres.

Enock Mwakasoko ikwakubonekela kabalilo kalikosa ukwakwamula inongwa iya kwaghiwa na mafuta kisita fikalatasi ukufwana ni ndaghilo isya kisu iki.

Uwakusimba-Austin Sute Kayisi

Aba polisi mwi boma lya Karonga bapinyile tata uwa finja 26 Undule Mwakikunga nongwa iya kughonana nu mwana udindwana u...
01/10/2025


Aba polisi mwi boma lya Karonga bapinyile tata uwa finja 26 Undule Mwakikunga nongwa iya kughonana nu mwana udindwana uwa finja 9 uyu yo mwana wa bapamalani nkaya ka mwalafyale Mwambuli mwi boma ili.

Ukufwana nu nobeli uwa polisi mwi boma lya Karonga Magret Msiska atile yuba uwa mwana uyu ikibomba ubukyulusi ubwa kupiya piya mu town isi syosyapelile ukuti yuba uyu atangaghiwagha fiyo pakaya isi syapelile ukuti tata uyu alwaghilepo ulusako nukupa kangi umwana indalama ukuti atingisa ukuyobagha isya masyo.

Pa 26 September 2025 mwakwisibila Mwakikunga alimwingisye umwana uyu nyumba yake nukuti abene mwana balyandile ukudonda ukufikila nubunju ubwa pa 27 September po apa asokwike nukuti ayobile kubapapi bake ukuti aghonile ku nyumba iya Mwakikunga bo alalusiwe.

Nukuti isya kupima isya kipatala syanangisye ukuti umwana uyu aghoniwe kakufwana kahano nakamo (6).

Undule Mwakikunga ikufumila kaya ka mwalafyale Mwambuli ku ntemi Kyungu mwi boma lya Karonga ukwakubonekela kwi koloti kabalilo kalikosa ukwakwamula inongwa iya kughona umwana uandi ukufwana ni ndaghilo isya kwendesyela ikisu iki pa kaghaba ka 138.

Uwakusimba-Austin Sute Kayisi

Address

Musyunguti House, Old Town
Karonga

Telephone

+2651362688

Website

Alerts

Be the first to know and let us send you an email when Radio Dinosaur 107.6 FM - Karonga Community Radio Station posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Dinosaur 107.6 FM - Karonga Community Radio Station:

Shortcuts

Share

Category