NOB- Radio

NOB- Radio Informing the mass

Timu ya Barcelona yomwe ikutsogola mu ligi yaku Spain, Laliga yalephera kungonjetsa New Castle United yaku England mu UE...
11/03/2026

Timu ya Barcelona yomwe ikutsogola mu ligi yaku Spain, Laliga yalephera kungonjetsa New Castle United yaku England mu UEFA Champions League pamasewero omwe adali pa St James Park usiku wathawu.

Newcastle United idatsogola mu mphindi 86 kudzera mwa Harvey Barnes ndipo Barcelona idadalira penate yomwe adagoletsa Lamine Yamal pa 90+6.

Matimuwa abwerezana sabata ya mawa ku Spain pabwalo la Camp Nou ndipo wazigoli zambiri adzafika mundime ya matimu 8.

Mumasewero ena Tottenham HotSpurs yagonja 5-2 ndi Atletico Madrid, Atalanta yagonja 6-1 ndi Bayern Munich

Lero masewero apitilira pamene Chelsea isewere ndi PSG, Arsenal ndi Bayern Leverkusen pamene Bodo ndi Sporting FC.

NOB- Radio 11/3/26

Usiku wapitawu timu ya Manchester United yawonetsedwa nsana wanjira mu mchikho cha Carabao itavuvutidwa ndi ana osadziwi...
28/08/2025

Usiku wapitawu timu ya Manchester United yawonetsedwa nsana wanjira mu mchikho cha Carabao itavuvutidwa ndi ana osadziwika kochokera, Grimbsy Town, 12 kwa 11 pa mapenate.

Timu ya Gllimbsy imasewera ligi yaing’ono, 4th Division, kwathu kuno titha kufanizira ndi Chiphaliwali FC yaku Mwanza kwa Tulonkkhondo.

Monga mwachikhalidwe, United idatsegula golo pa mphindi 22 kuti Vernam atsogoze Grimbsy koma Andre Onana adona kuti timu yake ikuluza ndi zigoli zochepa ndipo pa mphindi 30 adapanga zodziwa yekha pomwe adafupa chigoli anyamata a Gllimbsy Town kuti adzitsogola 2-0 mu nusu yoyamba m'masewerowa.

Muchigawo chachiwiri, Mr 70 million paunzi, Bryan Mbeumo adagwetseramo kuika masewero pa 2-1 ndipo Atchamani Harry Maguire ndiomwe adatsendera zonse pa mphindi 88. Masewero atafika kumapenate, Onana adalephera kuchotsa mipira 12 pamene 70 million Paunzi idaphonya penate yofunikira ndipo pakutha pa zonse United yapwetekedwa.

Kusapota Manchester United kwasandukano chinthu chochititsa manyazi komanso chowawa chifukwa timuyi sikupeza zipambano kwa masewero atatu otsogozana omwe yasewera mmwenzi wa August chaka chino ndipo oichemerera ake akulavula moto kwa mphunzitsi wa timuyi posiya osewera ena omwe adakatha kumaithandiza kuchita bwino. United ikhala ikusewera ndi Burnley mu English Premier League kumapeto kwa sabatayi asadasewere ndi Man City pa 14 September.

Timu ya FCB Nyasa Big Bullets yafafantha Songwe Boarder United ndi zigoli zitatu kwa chimodzi pa masewero omwe adali pa ...
27/08/2025

Timu ya FCB Nyasa Big Bullets yafafantha Songwe Boarder United ndi zigoli zitatu kwa chimodzi pa masewero omwe adali pa Karonga Stadium masana alero Lachitatu.

Songwe ndiyomwe idayambitsa ndewu yomwe idavuta kuimaliza pa mphindi 40 atagoletsa kudzera pa penate. Koma Babatunde Adeboju adati ayi pa mphindi 44 za m'chigawo choyamba chomwechi.

Madala Baba adabweranso kudzakhoma msomali wachiwiri asadamalizitse Chikumbutso Salima kudzakhoma wachitatu.

Ndipo mbali inayi, madzi adavuta kumwa ku Balaka Stadium pomwe Wanderers ndi Creck adangopatsana basopu ndipo kuneneku adachotsa magolo.

Kutsatira ndi zotsatira zalero, Mapale ali pa nthodyo pa TNM Super League ndi mapointsi 40 pomwe Nyerere pano ndi ma 'running mate' pomwe achotsedwa pa upulezidenti ndipo iwowa ali ndi mapointsi 39.

Silver Strikers yakong'ontha Chitipa United 1-0 kuti isungebe nambala yachitatu pamene Ekhaya yaotcha mafuta ulendo waku Lilongwe komwe yaswedwa 1-0 ndi Civo Service.

Matimu a Songwe, Mzuzu City Hammers ndi Mighty Tigers adakathandizirabe amfumu kuledzera pomwe ali pansi penipeni pa m'ndandanda wamatimu onse 16.

Olemba : Robin Sammey Saulos

TNM Super League Results:Songwe Border United 1-3 FCB Nyasa Big Bullets Silver Strikers 1-0 Chitipa United Civil Service...
27/08/2025

TNM Super League Results:

Songwe Border United 1-3 FCB Nyasa Big Bullets

Silver Strikers 1-0 Chitipa United

Civil Service United 1-0 Ekhaya FC

Mighty Wanderers 0-0 Creck Sporting Club

Dzuwa la lero likamalowa, FCB Nyasa Big Bullets ikuyenera kukhala itakang'antha Songwe Boarder United kuti ikhale pa n...
27/08/2025



Dzuwa la lero likamalowa, FCB Nyasa Big Bullets ikuyenera kukhala itakang'antha Songwe Boarder United kuti ikhale pa nthodyo pa TNM Super League mumasewero omwe azuzitse udzu wa pa bwalo la Karonga.

Bullets yomwe ndi azibambo m'masewerowa, ikupita itasenza chikwama chama mapointsi 37 pomwe neba wawo, Wanderers ili ndi mapointsi 38 omwe akolola m'masewero 16 aliyense pomwe wina akutsogola wina n'kuthamangira.

Komabe pomwe Bullets ili m'bwalo ikhala itaimika makutu kumvetsera ku Balaka Stadium kuti zikutha bwanji pomwe Wanderers ikhale ikugogodana ndi Creck Sporting. Nayo Silver itha kudetsa madzi ngati itapambadza Chitipa United pa bwalo la Silver masanawa.

Mumasewero ena, Civo Service ikhala ikuthambitsans ndi Ekhaya FC pa Civo Stadium. Ekhaya ikuima pa nambala yachisanu ndi mapointsi 26 pomwe Civo pa 7 ndi 24 pointsi.

Matimu akhala akupitirirabe kuchotsana chimbenene mu ligi ya TNM kumathero asabatayi pomwe matimu omwe alibe masewero lero adzakhale ali m'bwalo.

Olemba: Robin Sammey Saulos

Mphunzitsi wa timu ya Flames, Calisto Pasuwa watulutsa mayina a osewera omwe atumikire mu masewero a mu World Cup sabata...
26/08/2025

Mphunzitsi wa timu ya Flames, Calisto Pasuwa watulutsa mayina a osewera omwe atumikire mu masewero a mu World Cup sabata yamawa. Mu ndandawu, Pasuwa waitana anyamata monga William Thole, Mayere Malango, Henri Kumwenda, Gandinho Mhango ndi Robert Saizi ndi ena omwe akutumikiranso kumatimu akunja kwa dziko lino.

Uwu ndi ndandanda onse

WEEK 17 MU TNM SUPER LEAGUE LACHITATU PA 27 AUGUST 2025Silver Strikers 🆚 Chitipa United 🕝02:30pm🏟️Silver Stadium Mighty ...
26/08/2025

WEEK 17 MU TNM SUPER LEAGUE

LACHITATU PA 27 AUGUST 2025

Silver Strikers 🆚 Chitipa United

🕝02:30pm
🏟️Silver Stadium

Mighty Wanderers 🆚 Creck Sporting

🕝02:30pm
🏟️Kamuzu Stadium

Songwe Boarder 🆚 FCB Nyasa Big Bullets

🕝02:30pm
🏟️Karonga Stadium

Civil Service United 🆚 Ekhaya

🕝02:30pm
🏟️Civo Stadium

LOWELUKA PA 30 AUGUST 2025

Mzuzu City Hammers 🆚5 Blue Eagles

🕝02:30pm
🏟️Rumphi Stadium

LASABATA PA 31 AUGUST 2025

Mighty Tigers 🆚 Karonga United

🕝02:30pm
🏟️Kamuzu Stadium

Moyale Barracks 🆚 Mafco

🕝02:30pm
🏟️Rumphi Stadium

Premier Bet Dedza Dynamos 🆚 Kamuzu Barracks

🕝02:30pm
🏟️Dedza Stadium

Pabuka zoyankhula pakati pa a Malawi kutsatira ndizomwe adayankhula a Vitumbiko Mumba yemwe ndi wachiwiri kwa mtsogoleri...
25/08/2025

Pabuka zoyankhula pakati pa a Malawi kutsatira ndizomwe adayankhula a Vitumbiko Mumba yemwe ndi wachiwiri kwa mtsogoleri pa chisankho ku chipani cha MCP pomwe adati chipani chawo sichidalonjeze zodzagulitsa feteleza otsika mtengo kwa a Malawi ngati atawavotera mu zisankho za 2020.

A Mumba adayankhula izi ku Karonga masiku apitawa pomwe amachititsa msonkhano wa ndale. Iwo adati sizidali mu manifesto yawo zodzagulitsa fetereza wa K4,500 koma kuti chipani cha UTM motsogozedwa ndi a Chilima ndiomwe adalonjeza zimenezo.

A Mumba adamvekanso akuyankhula ndi atolankhani kuti ngati mtsogoleri wa MCP, Lazarus Chakwera adayankhula za lonjezoli, zidali zifukwa za ndale kuti angovoteredwa koma iwo amadziwa kuti kulibe fetereza otsika mtengo chotere.

Koma poyankhapo pa zomwe a Mumba adayankhula, mtsogoleri wa chipani cha AFORD a Enoch Chihana ati a Mumba sakudziwa chilichonse chifukwa momwe kumapangidwa mgwirizano wa Tonse Alliance pakati pa a Chilima ndi a Chakwera iwo padalibepo. A Chihana adati, malonjezo a fetereza otsika mtengo adali a Tonse Alliance osati UTM yokha. Iwo adatsindika kuti padalinso mfundo zina zomwe mgwirizano wa Tonse unkayang'ana monga kupanga a Malawi kumakhala ndi chakudya chokwanira kuti adzidya katatu pa tsiku.

Izi zadzetsa zoyankhula zambiri pakati pa mzika za dziko lino maka kumakhulupira zomwe andale amalonjeza mu nyengo ino ya kampeni.

Komabe, zipani zosiyanasiyana zikupitirirabe kumema a Malawi kuti akawavotere pa 16 September polonjeza zosiyanasiyana monga maphunziro awulere kusekondale, kupereka K500, 000 kwa mwana obadwa kumene komanso kuchotsa ndalama ya mayeso yomwe ophunzira amalipira ku pulayimale ndi sekondale.

Olemba : Robin Sammey Saulos.

Mfuti ndi zipolopolo 207 zapezeka ndi Youngstone Kaunda ku Nanthenje mzinda wa Lilongwe.Izi zili malingana ndi Inspector...
22/03/2025

Mfuti ndi zipolopolo 207 zapezeka ndi Youngstone Kaunda ku Nanthenje mzinda wa Lilongwe.

Izi zili malingana ndi Inspector Hastings Chigalu yemwe ndi mneneri wa apolisi ya Lilongwe.

A Chigalu ati amanga Kaunda atalandira dandaulo pa zomwe iye amachita ndi mfutiyi usiku monga kuwombera m'mwamba ndi kuopsheza makolo ena omwe amati ana awo amakamubera mbatata m'munda mwake.

Momwe zimachitika izi, ndikuti Kaunda ali ndi mlandu wina okhapa munthu ndipo adali akuthawathawa. Iye amachokera m'mudzi Reuben, kwa Kalumbu m'bomali ndipo akhala akukaonekera ku bwalo posachedwapa.

Olemba : Sammey Saulos

Anthu oposera 35 afa pa ngozi.....Miyoyo ya anthu pafupipafupi makumi atatu ndi asanu( 35) yaluzika kutsatira ndi ngozi ...
23/08/2024

Anthu oposera 35 afa pa ngozi.....

Miyoyo ya anthu pafupipafupi makumi atatu ndi asanu( 35) yaluzika kutsatira ndi ngozi zikuluzikulu zomwe zachitika m'maboma a Thyolo, Neno, Kasungu ndi Zomba.

Loweruka sabata yathayi, m'boma la Thyolo, galimoto lidasempha msewu ndikulowa mbali yochitira malonda komwe idavulaza ndikupha anthu asanu ndi anayi ndipo ena adavulalala modetsa nkhawa ndipo Lachiwiri lake madzulo, minibasi ina yomwe inkachokera mtunda wa Blantyre kulowera ku Mwanza, idaphulika teyala ndikugudubuzika. Anthu atatu omwe adali ku mpando wa kutsogolo adafera pomwepo ndipo ena ochuluka adavulalala modetsa nkhawa.

Dzulo pa 21, m'boma la Kasungu anthu makumi awiri ndi asanu afa minibasi yomwe adakwera itayaka kutsatira kuombedwa ndi galimoto lina lonyamula mafuta. Pa ngoziyi, galimoto yaikuluyi idaombanso wakapalasa wina pomwe imayesera kumuzemba.

Ndipo ngozi ina yoophsanso yachitika dzulo lomweli m'boma la Zomba pomwe anthu anayi afa pa ngozi ya minibasi.

Kupatula ngozi izi, dziko lino lalembetsa ngozi zochuluka m'masabata apitawa m'maboma a Dedza, Ntcheu ndi Mzimba pomwe anthu asanu ndi atatu adafa pa ngozi ya ndege m'khalango ya Chikangawa.

Olemba: Robin Samuel Saulos

Hope Chisanu yemwe masiku ambuyowa amagwira ku wailesi ya MBC, wamwalira. Malingana ndi lipoti lomwe wailesi ya MBC yatu...
01/06/2024

Hope Chisanu yemwe masiku ambuyowa amagwira ku wailesi ya MBC, wamwalira. Malingana ndi lipoti lomwe wailesi ya MBC yatulutsa, Chisanu wamwalira ali mdziko la America ndipo nsuwani wake, Sharon Bakali Machinjiri ndiye wadzimikiza za izi.

Tikupatsirani zambiri mmaripoti ena.

Muchithunzi: Hope Chisanu

Kuchitika zoophsa.....Aphunzitsi a IPTE 14-17 awophseza....Gulu la aphunzitsi a ndondomeko ya IPTE 14 mpaka 17 alembera...
21/03/2024



Kuchitika zoophsa.....

Aphunzitsi a IPTE 14-17 awophseza....

Gulu la aphunzitsi a ndondomeko ya IPTE 14 mpaka 17 alembera kalata yodzudzula ma unduna a Zamaphunziro, Zachuma ndi Maboma a ng'ono kamba kogwira ntchito mosalabadira aphunzitsiwa powalemba ntchito pomwe ena athano zaka zisanu chimalizireni maphunziro awo a ntchitoyi.

Malingana ndi chikalata chomwe chasaininidwa ndi mtsogoleri wagululi, Onesmus Banda, chopita ku ma undunawa kudzera ku Nyumba ya Malamulo, chaloza mkhalidwe wawo olowetsa ndale ku maphunziro pomwe akufuna kulemba ntchito aphunzitsiwa zomwe ati ndizosapindulira nsanamira yomwe imati 'maphunziro ndi gwero la zonse' [education is a key to success].

Chikalatachi chapitiririza kudzudzulanso unduna wa maphunziro pomwe chati undunawu ukupitiriza kusula aphunzitsi mmakoleji osiyanasiyana pomwe ulibe dongosolo lowalembera ntchito, ukulephera kulondoloza ndalama zomwe zikumaikidwa m'makhosolo pa ntchito yolemba aphunzitsi ngati zagwira ntchito yake yoyenera komanso kusowekera utsogoleri wa cholinga pa ndondomeko yolemba ntchito aphunzitsiwa mwa zina . Kalatayi yadzudzulanso mneneri waku undunawu a Mphatso Mkuonera omwe ati akumayankhula zipongwe aphunzitsiwa akafuna kudziwa zinthu zina malingana ndi dongosolo lawo lowalemba ntchito. Adati a Mkuonera amaiwala kuti ali pa udindo umenewo chifukwa cha anthu omwe amadulidwa misonkho ndipo mmalo mwake akumadzimva ngati ndi oyamba kukhala pa udindo ngati umenewo.

Pomaliza, kalatayi yaophseza kuti aphunzitsi pafupipafupi 10,000 omwe afuna kulembedwa ntchitowa, achita zionetsero zoophsa ngati ma undunawa apitirize kusalabadira zowalemba ntchito mu bajeti ya 2024-2025 yomwe ikhale ikuvomerezedwa ndi nyumba ya malamulo posachedwapa.

Boma kudzera mu thandizo lochokera ku World Bank, chaka chathachi lidalemba ntchito aphunzitsi a msukulu za pulaimale osapyola 2500 dziko lonse la Malawi kudzera m'makhosolo a maboma ena.

Olemba: Sammey Saulos

Address

Lilongwe
NOTHING

Telephone

+265992747685

Website

Alerts

Be the first to know and let us send you an email when NOB- Radio posts news and promotions. Your email address will not be used for any other purpose, and you can unsubscribe at any time.

Shortcuts

Share

Category