We Can Media Online

Call Directions Website Contact the business

We Can Media Online "The Voice of The Voiceless"

10/10/2026




Katswiri ochita zisudzo m'dziko muno Sam Magwira yemwe amadziwikaso ndi dzina loti S Bizzo, anachititsa phwando la Titseke Season Futali Party ku Katcom Garden, m’dera la Chilinde 2, mumzinda wa Lilongwe Loweruka pa 10 October 2026, pofuna kulimbikitsa amalawi kukonda zakudya za chikhalidwe chawo.

S Bizzo wati lingaliro lokonza mwambowu linabwera atazindikira kuti amalawi ambiri amakonda zakudya za chizungu zokhala ndi mafuta ambiri komanso zokometsera zosiyanasiyana, kusiyana ndi zakudya za chikhalidwe chawo. Katswiriyu wati amalawi akuyenera kuzindikiraso zakudya za chilokolo monga futali ndi chigodo, zomwe zimakhala ndi mafuta achilengedwe.

Pakadalipano, a Magwira ati akufunikira thandizo kuti mwambo ngati uwu uzichitika kawirikawiri. Iwo athokoza oyimba Nepman yemwe amakhala ku America kaamba kothandiza gululi ndi ndalama.

Pa mwambowu panalinso katswiri pa nkhani ya madyedwe, Spanner Malawi, yemwe wati anaona kuti ndi chinthu chamtengo wapatali kupezeka pamwambowu ngakhale akukonzekera kupita ku Blantyre kukachita nawo mpikisano wodya piza yolemera makilogalamu 4.5.

Zina zomwe zinaliko ku mwambowu ndi kuphatikizapo zakudya, nthabwala, nyimbo, ndakatulo, kuvina komanso mpikisano wa madyedwe. Kupatula Spanner Malawi, ku mwambowu kunaliso akatswiri azisudzo monga Mr Jefu ndi Uncle Kile.

Wolemba: Jane Chirwa – Lilongwe

Timu ya mpira wamiyendo ya dziko lino osewera ake atsikana ya Scorchers yapambana masewero amu gawo loyamba itagonjetsa...
09/10/2026



Timu ya mpira wamiyendo ya dziko lino osewera ake atsikana ya Scorchers yapambana masewero amu gawo loyamba itagonjetsa timu ya Zimbabwe 2-0 mu ndime yodzigulira malo mu mpikisano wa Olympics omwe udzachitikire ku Los Angeles m'dziko la United States of America.

Masewerowa anachitikira pa bwalo la Bingu mu mzinda wa Lilongwe masana a lachisanu ndipo zigoli za Malawi anagoletsa ndi Temwa Chawinga komaso Tabitha Chawinga. Masewero achibwereza adzachitika pa 13 October m'dziko la Zimbabwe.

Timu ya Malawi ikufunitsitsa itapeza mwai okatenga nawo gawo mu mpikisano wa Olympics kwa nthawi yoyamba pamene timu ya Zimbabwe ngati ingapotilire kadzakhala kachiwiri kamba koti timuyi idapitapo ku mpikisanowu ngati omwewu mchaka cha 2016.

Wolemba: Amos Kadazi KD - Lilongwe (Correspondent)

‘Chimtambala’ Pair Arrested Over K4.4m Robbery Two men have been arrested for allegedly using a ‘chimtambala’ trick to ...
08/10/2026



‘Chimtambala’ Pair Arrested Over K4.4m Robbery

Two men have been arrested for allegedly using a ‘chimtambala’ trick to rob a man of K4.4 million, comprising K4 million cash and property worth K400,000, at Lingadzi Forest in Lilongwe on October 1, 2026.

According to Lilongwe Police Station Deputy Public Relations Officer Sergeant Khumbo Sanyiwa, the suspects are Shadrick Kampira, 42, and Lameck Mitawa, 38, arrested by Shire Police Unit officers on October 8.

Sanyiwa said the victim had travelled from Dowa to Lilongwe to buy motorcycle spare parts but found the hardware shop closed. While returning, he allegedly saw one of the suspects picking up a bundle of K5,000 notes and was persuaded to accompany him to share the money.

The victim boarded a motorcycle with the suspect from Wullian Shopping Complex to Lingadzi Forest, where an accomplice was allegedly waiting.

The suspects then allegedly attacked him and stole K4 million cash, a black laptop bag worth K50,000 and a Tecno Pop 8C phone valued at K350,000.

The suspects are expected to appear in court soon to face robbery charges.

Mitawa hails from Mitawa Village, Traditional Authority Nazombe in Phalombe, District, while Kampira is from Phate Village, Traditional Authority Makwangwala in Ntcheu District.

Reported by Jane Chirwa -Lilongwe

Temwa Chawinga wafika mdziko muno ndipo lero wakwanitsa kuchita nawo zokonzekera masewero a Scorchers ndi Zimbabwe. Mase...
07/10/2026

Temwa Chawinga wafika mdziko muno ndipo lero wakwanitsa kuchita nawo zokonzekera masewero a Scorchers ndi Zimbabwe.

Masewerowa alipo lachisanu lino pa bwalo la Bingu mu mzinda wa Lilongwe.

Chawinga ndi mmodzi mwa osewera ofunika kwambiri ku timuyi.

Naye osewera pakati ku timuyi Rose Kadzere wafika mdziko muno ndipo apezeka pa masewerowa.

Bungwe la akatswiri omwe anatumikirapo timu ya dziko lino ya Flames la Football Legends Association of Malawi lapereka ...
06/10/2026



Bungwe la akatswiri omwe anatumikirapo timu ya dziko lino ya Flames la Football Legends Association of Malawi lapereka thandizo la ndalama ku bungwe la atolankhani omwe amalemba nkhani zamasewero la Sports Writers Association (SWAM) zokwana 2miliyoni Kwacha.

Ndalamazi zithandizira kukozekera msonkhano womwe bungwe la SWAM likukozekera kuchititsa mmwezi wa November.

Popereka thandizoli mmodzi mwa akuluakulu ku bungwe la FLA a Noel Lipipa ati amalemekeza ubale womwe ulipo pakati pa bungwe lao ndi atolankhani.

Lucy Kadzongwe wachiwiri kwa mtsogoleri wa SWAM wathokoza ponena kuti ndalamazi zithandiza kwakukulu pa kukozekera kwa msonkhano womwe ukubwerawu.

Bungwe la SWAM likuyembekezeka kuchititsa msonkha wake wawukulu pa 13 mpaka 14 November 2026 m'boma la Salima.

Wolemba:Noel Mtanga-Lilongwe (6/10/2026).

Mtsogoleri wa dziko lino Professor Peter Mutharika wanyamuka lero lachiwiri pa 06 October kupita mdziko la South Africa...
06/10/2026



Mtsogoleri wa dziko lino Professor Peter Mutharika wanyamuka lero lachiwiri pa 06 October kupita mdziko la South Africa.

Malinga ndi kalata yomwe wasaina ndi mlembi wa mkulu wa boma a Justin Saidi yati mtsogoleriyu wanyamuka kudzera pabwalo la ndenge la Kamuzu International ku Lilongwe ndipo ulendowu si wa boma (Private visit).

Women from Kasungu and surrounding areas are expected to come together on 15 October for a special music celebration ai...
06/10/2026



Women from Kasungu and surrounding areas are expected to come together on 15 October for a special music celebration aimed at honouring their contribution to society.

The event, to be hosted by gospel musician Favoured Martha, will use music as a platform to appreciate mothers and women from different backgrounds.

Martha says the celebration is intended not only to entertain people but also to recognise the important role women play in families, communities and society.

She says the gathering will also give people an opportunity to unite, interact and celebrate through gospel music.

Among the gospel artists expected to perform are Skeffa Chimoto and Pastor Evance Meleka, who will join Martha in providing entertainment for the audience.

Organisers expect the celebration to attract women and other members of the community from Kasungu and beyond.

The event is therefore being presented as an opportunity to combine music, appreciation and community togetherness while putting women and mothers at the centre of the celebration.

Reported by Staff Reporter: 6/10/2026

Phungu wa Nyumba ya Malamulo wa dera la Dedza Phunzi, Emmanuel Mawindo, wayamika aphunzitsi chifukwa cha ntchito yawo y...
06/10/2026



Phungu wa Nyumba ya Malamulo wa dera la Dedza Phunzi, Emmanuel Mawindo, wayamika aphunzitsi chifukwa cha ntchito yawo yotamandika yomwe amagwira pothandiza kumanga tsogolo la dziko kudzera mu maphunziro.

Mawindo wanena izi pamwambo wokumbukira tsiku la Aphunzitsi Padziko lonse, womwe unachitikira ku Thete Primary School mboma la Dedza.

Pa mwambowu panbwela aphunzitsi ochokera ku sukulu za pulayimale ndi sekondale za m’derali, mafumu, apolisi, makolo komanso ophunzira.

Mawindo anati cholinga choyitanira aphunzitsiwo ku mwambowu chinali chowayamikira chifukwa cha khama lawo pophunzitsa ndi kulera ana kuti adzakhale nzika zodalirika komanso akatswiri osiyanasiyana m’tsogolo.

Iye anati ntchito ya aphunzitsi ndi yofunika kwambiri chifukwa anthu omwe akuthandiza dziko lino monga mainjiniya, madokotala komanso aphungu a Nyumba ya Malamulo amadutsa m’manja mwa aphunzitsi.

Mmodzi mwa aphunzitsi omwe anatenga nawo mbali pamwambowu, Mphatso Mbetayasamba wa Mkwinda Primary School, anayamikila Mawindo chifukwa cha zomwe wachita powakumbukira ndi kuwalimbikitsa aphunzitsi.

Mbetayasamba anati uwu ndi mwambo wapadera kwambiri kwa iye chifukwa, kwa nthawi yoyamba pa nthawi yake ya uphunzitsi, waona aphunzitsi akuyamikiridwa motere.

"Zomwe zachitika lerozi, kwa ine ndi koyamba m’biri yanga ya uphunzitsi. Ife ngati aphunzitsi talimbikitsidwa, ndipo sitimafuna zambiri koma kuyamikiridwa pa ntchito yathu,” anatero Mbetayasamba.

Aphunzitsi anati kuyamikiridwa kotereku kungawathandize kupitiriza kugwira ntchito yawo molimbika komanso kudzipereka pophunzitsa ana a dziko.

Wolemba: Staff Reporter

Timu ya mpira wamiyendo ya dziko lino ya Flames itha kufika pamwamba mu Gulu B ngati ingagonjetse timu ya Angola usiku ...
06/10/2026



Timu ya mpira wamiyendo ya dziko lino ya Flames itha kufika pamwamba mu Gulu B ngati ingagonjetse timu ya Angola usiku wa lero mu ndime yofuna kudzigulira malo mu mpikisano wa Africa Cup of Nations.

Malawi ikumana ndi timu ya Angola pa bwalo la zamasewero lotchedwa Estadio 11 De Novembro mu m'zinda wa Luanda ku Angola. Masewerowa ayambe nthawi ya 9 koloko usiku.

Flames idapambana masewero oyamba mu gululi itagonjetsa South Sudan 2-1 pa bwalo la Bingu ku Lilongwe. Ngati timu ya Malawi ingagonjetse Angola lero, timuyi itha kufika pamwamba mu Gulu B ndima pointi 6 kudutsa timu ya Egypt yomwe ilindi mapointi anayi (4).

Angola idalephetana ndi timu ya Egypt m'masewero awo oyamba ndipo Egypt idagonetsa South Sudan 5-0 m'masewero achiwiri zomwe zidachititsa kuti timuyi ifike pamwamba mu Gulu B.

M'masewero ena, timu ya mpira wamiyendo ya dziko lino osewera ake achisodzera osadutsa zaka 23 ili m'dziko la Eswatini komwe ikumane ndi timu ya Eswatini U-23 masanawa kuyambira nthawi ya 3 koloko pa bwalo la zamasewero la Somhlolo.

M'masewero oyamba timu ya Malawi U-23 idagonja ndi chigoli chimodzi kwa chilowere pa bwalo la Bingu mu mzinda wa Lilongwe. Iyi ndi ndime yofuna kudzigulira malo mu mpikisano wa CAF Under 23 Africa Cup of Nations.

Wolemba: Amos Kadazi KD - Lilongwe (Correspondent)

Pambuyo pa zaka 16 zoyimba komanso zaka ziwiri za zovuta, kwaya ya Chipasula ya mpingo wa Seventh-day Adventist pa 4 Oc...
05/10/2026



Pambuyo pa zaka 16 zoyimba komanso zaka ziwiri za zovuta, kwaya ya Chipasula ya mpingo wa Seventh-day Adventist pa 4 October, 2026, yakhazikitsa abamu yake yoyamba ya nyimbo 10 yotchedwa "Thanthwe".

Mwambo wokhazikitsa abamuyi unachitikira ku Lilongwe ku Blemat mult-pulpose hall kumchesi ndipo unakongoletsedwa ndi magulu ena oyimba monga Area 25 Church Choir komanso Zenengeya family kwaya kungotchulapo ochepa chabe.

Polankhula ndi wailesi ya Mitundu, wachiwiri kwa wapampando wa Chipasula Church Choir, Evasi Dinesi, anati dzina la abamuyi likuimira uthenga waukulu wa gululi kuti Yesu Khristu ndiye thanthwe ndi chitetezo cha okhulupirira pa nthawi ya mavuto.

Iye anati nyimbo zonse 10 zomwe zili mu abamuyi ndi zolimbikitsa ndipo cholinga chake ndi kutonthoza anthu omwe ali osungulumwa komanso kuwabweretsa pafupi ndi Mulungu.

Dinesi anaulula kuti zinatenga zaka pafupifupi ziwiri kuti amalize abamuyi chifukwa cha mavuto a chuma omwe iwo ngati gulu akukumana nawo.

Mmau ake mkulu oona za kayimbidwe m'gululi, Muonjeza Nankhwende, anati izi zatheka chifukwa cha chidwi chomwe anthu mu kwayayi alinacho.

Iye anati nyimbo ya "Thanthwe" payokha ndiye yasenza uthenga wa nyimbo zonse ndipo ikukamba za Yesu ngati thanthwe malinga ndi zovuta zomwe anthu akukumana nazo m'thupi komanso mu uzimu.

Nankhwende anati paulendo wawo anakumana ndi mavuto ambiri monga kukhumudwitsidwa, kunyozedwa, kusowa kwa chuma ndi kugwetsedwa mphwayi, zomwe iye anati ndi mizinga ya satana yofuna kulepheretsa utumiki wawo zomwe iye anati sizinawalepheletse kupita chitsogolo.

Kumbali yake mkulu woona za mapemphero ndi uthenga wabwino mu kwayayi, Mbusa Macmilan Godfry Mgwira, anati "Thanthwe" likuyimira Yesu khristu" ndipo abamuyi ibweretsa kusintha kwakukulu pa miyoyo ya anthu mu uzimu.

Kwaya ya Chipasula yomwenso ikuchokera kudela la Chipasula mu mpingo wa Chipasula Seventh day Adventist inayamba mchaka cha 2010 ndipo kufika pano yatha zaka 16 ikutumikira.

Wolemba: Staff Reporter

Address

Area 24
Lilongwe

Telephone

+265883209757

Website

Alerts

Be the first to know and let us send you an email when We Can Media Online posts news and promotions. Your email address will not be used for any other purpose, and you can unsubscribe at any time.

Contact The Business

Send a message to We Can Media Online:

Shortcuts

Share

Category