Chirundu FM

05/09/2026

Wakumiya wanthu ku nyumba ya malangu waku Nkhata Bay West Constituency, Paul Kapangama Chiumia wati wakapelekanga nkhumba ziwi ku wupu wa wampupuka wa chiyembwi Thula.

Makani agha ngakambika po Paul Kapangama Chiumia wenga mulendu wakutumbukika pankhumanu yo wampupuka wamwa chiyembwi Thula ku Lukalazi wenganayu yakukwasana ndi makani ngakukwasa munkhwala wakutimbanyiza wongu

Mukucheza ndi Chirundu Online pa umaliru wa nkhumanu iyi, Chiumia wati iyu wakawonesesanga kuti wamupupuka muchigawa chaki ma umoyu ngawu ngaluta panthazi kweniso anyinafwi nawu wakaovyananga nawu pa milimu yakulitisa panthazi umoyu wawu.

Mkulutiliya wati kukwasana ndi munkhwala wakunanga wongu, ndikhumbiru laki kuti ngeti chigawa chije ndimalangu ngakovye kumazga sugzu ili ukongwa pa kumbulika malu ngakugulisiya mowa ndi munkhwala yo ingananga wongu wa munthu.

Nayu yo waseweza ku St John of God ngeti mulunguchizi, Amosi Chikuni wati makani agha ngakukwasana ndi chamba ndi mowa ndivu wampupuka wanandi vyawatimbanigza mwaviyo watenele kuti wawekani navu.

Wakulemba: Aubrey Kaima

05/09/2026

Nkhwantha pa makani nga masaza zati timu ya Mighty Wanderers itenere kuleka kutole vo vinguchitika sabata yamala po ingukwechulika ndi Ekhaya fc mu ndimi ya umaliru ya Airtel Top 8 ndi vigoli viwi ku chimoza.

Billy Mphande ndi Paly Chinyama watuza mazgu agha po timu ya Mighty Wanderers mawa ilindizika kukumana ndi Simba Sc yaku mbwani (Tanzania) pa liwuwa la Bingu National yo yafika kali muchalu chinu zana.

Billy Mphande wati vakuziwikiya limu kuti masaza nga mawa timu ya Mighty Wanderers ikungaziwa ndikali mwaviyo wangatoliyanga vyo vinguchitika sabata yamala cha kweni waseweze ntchitu mwawi wakutchayiya panyumba ndikuyikuntha Simba chinangauli wanthu watiwapasa mwawi cha.

Po Paly Chinyama wati watenere kuluwa vyo wangutchaya sabata yajumpha ndi Ekhaya ndikuseweze ntchitu mwawi wakutchayiya panyumba ndipu Wanderers ingaziwa kupunda Simba.

Asani matimu anga ngakumana mawa muchigawa chakwamba cha masaza anga, ngalindizika kukumanaso sabata yamawa ku Tanzania.

05/09/2026

Wakuchita masaza ngakutchimbiya, yo wajaliya mu musumba wa Mzuzu kweni kumuzi kwawu nkhu Sanga muboma la Nkhata Bay, Peter Msoliza wati chinthazi chakuchita umampha mumaphala ngakulekanalekana ulipu po wayambaso kupanga vakunozeke.

Msoliza watuza mazgu agha po wakwanisa kutchimbiya kutuwa ku Mzuzu kufika pa Mkwiya (Chintheche turn off) mu boma la Nkhata Bay pama awala ngakukwana ngatatu.

Msoliza wati kutole ndimo watchimbiliya kutuwa pa nyengu yo wanguto rwandi mumaphala nga Mzuzu Half Marathon kukwambiliya kwa chilimika chinu, waona kusintha kukulu kwakuti wangachita umampha mumaphala ngakulungakulu.

Iwu wawonga Achanda Glass and Glazing pakuonesa linweka lakutumphusa masaza ngakutchimbiya kweni wapempha wanthu wakukhumba kwamampha kutopu rwandi kuti wanthu wanandi waje ndi linweka lakuchita masaza agha.

Wakulemba: Owen Vitumbiko Mwanyongo

04/09/2026

Sports committees and associations in the Northern Region have applauded the Malawi National Council of Sports for conducting engagement meetings across the region.

The committees say the meetings have helped them understand how they can work with the council to develop different sporting disciplines.

General Secretary for the Karonga Volleyball Committee, Jerome Mweghama, said this today after meeting officials from the Malawi National Council of Sports in Karonga. He said the engagement had given them an opportunity to learn how they can collaborate with the council and improve the way they operate.

Meanwhile, the council’s Regional Sports and Recreation Officer for the Northern Region, Felix Yola, said stronger collaboration is key to bringing together efforts and accelerating sports development at district level.

Karonga District Sports Officer Duma Ngoma said he was pleased that the engagement had helped different sports committees understand the duties of his office and the support available to them.

The engagements were also held in Nkhata Bay, Chitipa, Mzimba, Rumphi and Likoma.

Written by Owen Vitumbiko Mwanyongo

04/09/2026

Pakutopu rwandi pakunozeke nyengu ya El nino yo ikhazika kuja nyengu yambula vuwa inandi mu vigawa vinyaki, wupu wa Temwa waovya chigawa cha Nkhata Bay North ndi unkhwantha wa ulimi wakudiliya mumalu ngakukwana 10.

Mulongozi wa milimu yakukwasana ndi ulimi kweniso malisuwa, Eleazer Soko wapanikiziya Chirundu Online kuti chovyu ichi nkhuzenga malu ngakusungiyamu maji, kupeleka vakupope maji ndima paipi kufikisa ko wanthu walima munyengu ya chihanya.

Mwakuyana ndi Soko ivi vikaovyanga wanthu kusaniya makopala kweniso kukunthiyapu ukongwa mu nyengu yo ikhazika kuti vuwa ikawanga ya mwesu wakwenele pamwenga imanaku mu vigawa vinyaki.

Kutuziyaku makani ngavya ulimi wupu wa Temwa waja uchiovya wanthu wamuboma la Nkhata Bay ukongwa ku Nkhata Bay North ndi makani nga masambiru, vya umoyu kweniso kuphwele vyachilengiwa.

Wakulemba: Felix Kamanga

04/09/2026

Po timu ya MAFU Stars yati kuphala timu ya Euthini Veterans kwakwenda sabata yamala kwawapasa ngunya kuti wangachita umampha mu Chiwemi Investment NRFA League one, timu ya Chintheche United yati kuleka kuchita umampha mumasaza ngawu ntchifukwa cha masaza ngapa muchenga.

Mukulongolo ndi Chirundu Online po timu ya MAFU Stars ilindizika kukumana ndi Jenda United pa sabata pa liwuwa la Fukamalaza, musambizi wa timu iyi, Omega Mhone wati masaza nga Euthini Veterans nganguonesa kuti timu yakolana ndipu sonu ye umampha.

Chintheche United, yakwechulika ndi matimu ngawi mwakundondolosana, yakunthika 2-1 ndi Chipolopolo Boys pa Chiwaza yechendafyapiki ndi Luviri ndi vigoli vitatu ku kanthu cha sabata yamala.

Kweni mulembi wa timu ya Chintheche United, Richard Mwale wati kuleka kuchita umampha kwa timu yawu ntchifukwa chakuti wakutchaya bola wathawa kuluta kuchitchaya ku masaza ngaku likumba ko kuoneka kuti kusanilika makopala ngaliwiliwi.

Kweni iwu wati wakajalikisanga malangu ngakumalana ndi nkhuta iyi.

Wakulemba: Owen Vitumbiko Mwanyongo

03/09/2026

Pati pajumpha kanyengu kutuliya po wakumba wamu boma la Nkhat Bay, V Boy wakutuziya sumu yaki yakuwoneka, sonu panu wati watuzengi so sumu inyaki.

Mwakuyana ndi V Boy wati kuziya muvyo wakusambira mu ulendu waki wa sumu wanthu walindizi sumu inyaki inyaki ya manyandi.

Sumu yaki yo wapenja kutuza isanilika ku Tiktok mu link yemu mphata umu.

https://vt.tiktok.com/ZSVodf1DV/

03/09/2026

Yumoza mwa wakurwiya wanangwa wampupuka muchalu munu, Clement Banda wati wampupuka ndinyengu yakuti walelesi masu ku ntchitu za lusu la manja pakutole ndinkhuta zo wakumana nazu pa umoyu wawu.

Pakucheza ndi Chirundu Online, Banda wati wampupuka watenele kuchitapu kanthu pakutumphuska umoyu wawu pade pakugomezga alongozi kweniso kundondoloska kugongoweseka ndi ulimi wo walimbikisikanga kuti watopu rwandi.

Iyu wati kulindiza waka alongozi kuti wapelekengi mwawi wa ntchitu kwaja kwambula chandulu mwaviyo ndinyengu yakuti wampupuka watenele kulelesa patali kuti walutisi panthazi umoyu wawu.

Lusu la kuotchele visulu, kuzenga, kusema viboli boku ndi kukhoma, ndinganyaki mwa malusu ngo wampupuka wangapanga kuti wajimiyi pakuwija.

Wakulemba: Felix Kamanga

03/09/2026

Chirundu Online can reveal that Nkhata Bay-based football team Kadona Stars is back on the ground after three years of inactivity.

The team, which is based at Tukombo Trading Centre in Nkhata Bay District, has produced big names in football, including Marko Chiwaya, Nanisoni Mbewe and Blessings Singini, just to mention a few.

Kadona Stars was regarded as one of the giant teams in the Northern Region before taking a break from participating in the Northern Region Football League in 2023, after the team’s Chief Executive Officer, Khrishna Banda, disclosed that he was disappointed with sports administrators.

Speaking to Chirundu Online yesterday, Banda said the team is now undergoing a rebuilding process and will soon participate in major football tournaments in the region. He added that the team’s mission of playing in the elite league is still alive.

Meanwhile, sports analyst Billy Mphande has welcomed the development, describing it as good news for the district, but he has cautioned the team to learn from its past mistakes before taking part in football activities again.

Written by Owen Vitumbiko Mwanyongo

02/09/2026