Create Camp

06/10/2026

05/10/2026

04/10/2026

کچھ عرصہ پہلے میرے خلاف ایک آن لائن مہم چلائی گئی۔

اس میں چند طلبہ شامل تھے، جبکہ میری معلومات کے مطابق بعض دوسرے انفلوئنسرز بھی پسِ پردہ اس مہم کو آگے بڑھا رہے تھے۔

قانونی کارروائی کی تیاری مکمل ہو چکی تھی۔ ہتکِ عزت، پیکا اور سائبر بُلنگ کے حوالے سے تمام دستاویزات جمع تھیں۔ گروپس کی گفتگو، واٹس ایپ اسٹیٹس کے اسکرین شاٹس اور چار افراد کے کردار سے متعلق مواد محفوظ کر لیا گیا تھا۔ کچھ اداروں کے افسروں کی خدمت بھی ہو چکی تھی، میں اچھا خاصہ پیسا لگا کر مکمل گیم ڈالنا شروع کر دی تھی تاکہ اچھے طریقے سے بدلا لیا جا سکے۔ میں باضابطہ قانونی کءس درج کرانے کا فیصلہ کر چکا تھا۔ ذہن میں یہی بات تھی کہ آن لائن کسی کی ساکھ کو نقصان پہنچانے کی بھی جواب دہی ہونی چاہیے۔

اسی دوران عیدالاضحیٰ آ گئی۔

ایک دن میں نے ChatGPT کے سامنے ساری صورتِ حال رکھی۔ بتایا کہ مجھے ان طلبہ سے ذاتی رنجش نہیں، لیکن میرا شکوہ اُن لوگوں سے ہے جنہوں نے، میرے خیال میں، طلبہ کو اپنے مقاصد کے لیے استعمال کیا۔ پھر پوچھا: مجھے کیا کرنا چاہیے؟

اس کے مشورے کا خلاصہ تھا: آپ استاد ہیں۔ اپنی توجہ پڑھانے، اپنا کام آگے بڑھانے اور لوگوں کے لیے فائدہ پیدا کرنے پر رکھیں۔ اس معاملے کو چھوڑ کر آگے بڑھ جائیں۔

میں نے اس مشورے پر عمل کرنے کا فیصلہ کیا۔

آج پیچھے مڑ کر دیکھتا ہوں تو محسوس ہوتا ہے کہ یہ میرے لیے ایک اچھا فیصلہ تھا۔ 30 مئی 2026 کے بعد سے ViewsPanda کے تحت میرا یوٹیوب کا کام تقریباً 10 گنا بڑھ چکا ہے۔ میری ٹیم 16 لوگوں سے بڑھ کر 28 افراد پر مشتمل ہو گئی ہے، اور مزید لوگوں کو شامل کرنے کی تیاری ہے۔

دوسری طرف، پڑھانا ہمیشہ سے میرا شوق رہا ہے۔ تین سال Create Camp کو اسی شوق کے ساتھ چلایا۔ جو لوگ وہاں آئے، ہمارے ساتھ کام کیا یا اپنی خدمات دیں، وہ جانتے ہیں کہ اس منصوبے کے پیچھے میری اصل تحریک پیسہ کمانا نہیں، پڑھانے کا شوق تھا۔

پھر 30 مئی کے بعد Positive Solutions نے مجھے اپنے ہی شہر میں مفت کورسز پڑھانے کے لیے ایک بڑا پلیٹ فارم فراہم کر دیا۔ یوں اپنے علم اور تجربے کو دوسروں تک پہنچانے کا ایک وسیع موقع مل گیا۔

کبھی سوچتا ہوں، اگر میں اس قانونی تنازعے میں الجھا رہتا تو میرا کتنا وقت، ذہنی سکون اور توجہ اسی معاملے میں صرف ہو رہی ہوتی؟ کیا میں اپنے کام، اپنی ٹیم اور اپنے طلبہ کو اتنی توجہ دے پاتا؟

میرے پاس اس سوال کا قطعی جواب نہیں، لیکن آج کی پیش رفت دیکھ کر اپنے فیصلے پر اطمینان ضرور ہوتا ہے۔ اُس موقع پر ChatGPT کا مشورہ میرے لیے مفید ثابت ہوا۔

اپنے اس تجربے سے میں نے ایک بات سیکھی ہے: ہر اشتعال کو اپنی زندگی کی ترجیح بنانا ضروری نہیں۔ ہمارا وقت اور ہماری توجہ قیمتی ہیں۔ انہیں کہاں خرچ کرنا ہے، یہ فیصلہ بھی ہمیں خود کرنا ہوتا ہے۔

میرا آپ کو بھی یہی مشورہ ہے کہ خاموشی سے، مستقل مزاجی کے ساتھ اپنا کام کریں۔ لڑائی، دھونس، انا کی تسکین اور ہر حال میں دوسروں پر برتری ثابت کرنے کی خواہش انسان کو اس کے اصل مقصد سے دور کر دیتی ہے۔ بڑے مقاصد کے لیے وسیع سوچ، تحمل اور مسلسل محنت درکار ہوتی ہے۔

آج میرے لیے زیادہ اطمینان کی بات یہ ہے کہ میری ٹیم میں کتنے لوگوں کو کام ملا، میرے علم سے کتنے طلبہ کو فائدہ پہنچا اور ہم نے مل کر کتنی ترقی کی۔

میں اپنی توانائی اسی کام پر لگانا چاہتا ہوں۔

شاہد رانا

02/10/2026

If You can
Teach - Ai & Youtube
Come to Me Habibi

I will train You
Taxila - Wah Cantt
Comment your interest n profile

Shahid Rana