01/12/2025
❓ လင်းရောင် နှင့် စိုင်းမြတ်မင်းတို့ရဲ့ ဒဏ်ရာအခြေအနေ ဘယ်လိုရှိလဲ?
ချစ်ရတဲ့ မြန်မာ U17 အသင်းကို အားပေးတဲ့ ပရိသတ်တွေအနေနဲ့၊ အခုအချိန်မှာ အအောင်မြင်ဆုံး ရလဒ်တွေအပြင် ကျွန်တော်တို့ ကစားသမားလေးတွေရဲ့ ကျန်းမာရေး ကိုလဲ ပိုပြီး စိတ်ပူနေကြပါတယ်။
📌 အဓိက ကွင်းလယ်လူ လင်းရောင်ရဲ့ ဒဏ်ရာ အခြေအနေ ၊
လင်းရောင်ဟာ မနေ့က ဆီးရီးယားနဲ့ပွဲစဉ်မှာ ပြိုင်ဘက်ကစားသမားရဲ့ ဖျက်ထုတ်ပုံ ကြမ်းတမ်းမှုကြောင့် ခြေချင်းဝတ်ဒဏ်ရာ ပြင်းထန်စွာ ရသွားခဲ့ပြီး ထမ်းစင်နဲ့ပါ ခေါ်ထုတ်သွားရကာ ပွဲဆက်မကစားနိုင်တော့တဲ့အထိ ဖြစ်ခဲ့ပါတယ်!
ပွဲပြီး အင်တာဗျူးတွေမှာ လင်းရောင်က ခြေချင်းဝတ် အနည်းငယ်ခိုက်သွားတာဖြစ်ပြီး စိုးရိမ်စရာမရှိဘူးလို့ ပြောနေပေမယ့်လည်း၊
ရုပ်သံပြကွက်တွေ၊ ထမ်းစင်နဲ့ သယ်ထုတ်သွားတဲ့ အနေအထားတွေအရ ဒဏ်ရာဟာ တော်တော်လေး ကြီးမားမယ့်သဘောရှိနေပါတယ်။
* အာရှဖလားမတိုင်မီ လင်းရောင် အမြန်ဆုံး ပြန်လည်သက်သာလာဖို့အတွက် တာဝန်ရှိသူတွေအနေနဲ့ ဘယ်လို အကောင်းဆုံး ကုသမှုနဲ့ ပြန်လည်ထူထောင်ရေး (Rehabilitation) တွေကို အလျင်အမြန်ဆုံး စီစဉ်ဆောင်ရွက်ပေးနေပါလဲ ခင်ဗျာ?
ပြီးတော့ စိုင်းမြတ်မင်းဟာလဲ U17 အသင်းအတွက် အတိုးအလုပ်ကောင်းပြီး တော်တော်အားကိုးရတဲ့ ကစားသမား တစ်ဦးဖြစ်ပါတယ်။
အာဖဂန်နစ္စတန်နဲ့ နီပေါပွဲစဉ် ၂ ပွဲမှာ အဓိက ကစားသမားအနေနဲ့ ပွဲချိန်ပြည့် ပါဝင်ကစားခွင့်ရခဲ့ပေမယ့်၊ ဒုတိယပွဲစဉ် (နီပေါ) နဲ့ ပွဲစဉ်ပြီးနောက်ပိုင်း အရေးကြီးပွဲစဉ် ၂ ပွဲလုံးမှာ အရံလူစားရင်းမှာ ပါပေမယ့် ဝင်ကစားတာ မတွေ့ရတော့ပါဘူး!
ဒီလို အားကိုးရတဲ့ ကစားသမားတစ်ဦး နောက်ဆုံးပွဲစဉ်တွေမှာ မပါဝင်လာတာဟာ ဒဏ်ရာပြဿနာ ကြီးကြီးမားမား ရင်ဆိုင်နေရလို့သာ ဖြစ်နိုင်ပါတယ်လို့ ကျွန်တော်တို့ ယူဆနေပါတယ်။
ဒါဆို စိုင်းမြတ်မင်း ဘာဖြစ်သွားတာလဲ? ဘာကြောင့် မကစားနိုင်တာလဲ?
တာဝန်ရှိသူတွေအနေနဲ့ ကစားသမားလေးတွေရဲ့ ဒဏ်ရာပြဿနာ အခြေအနေ၊ ဘယ်လိုမျိုး ကုသမှုတွေ လုပ်ပေးနေလဲ/ခံယူနေလဲ၊ ဘယ်လိုဒဏ်ရာအမျိုးအစားလဲ ဆိုတာနဲ့ ပတ်သက်ပြီး ခုထိ တရားဝင် ထုတ်ပြောပြတာ မရှိသေးပါဘူး။
ပရိသတ်တွေဟာ ကလေးတွေရဲ့ ကျန်းမာရေးကို စိတ်ပူနေတာရှိပါတယ်။ ဒါကြောင့် တာဝန်ရှိသူတွေအနေနဲ့ တိကျခိုင်မာတဲ့ ထုတ်ပြန်ချက်စာစောင် (Official Statement) နဲ့ ပရိသတ်တွေကို စိတ်သက်သာရာရအောင် အသိပေးဖို့ လိုအပ်နေပါပြီ လို့ အလေးအနက်ထား မျှော်လင့်တောင်းဆိုလိုက်ရပါတယ်။
