13/02/2025
«សូមចូលរួមសោកស្តាយករណីភ្លើងឆេះចម្ការនៅថ្ងៃនេះ»
ជាធម្មតា ភ្លើងឆេះព្រៃងាយកើតមានឡើងក្នុងរដូវប្រាំងចាប់ពីខែ ធ្នូ ដល់ ខែ មេសា ជារៀងរាល់ឆ្នាំ ហើយអានុភាពភ្លើងឆេះព្រៃបង្កឡើងខ្លាំងក្លានៅឆ្នាំណាដែលមានភាពរាំងស្ងួតខ្លាំង ជាពិសេសនៅតាមតំបន់ព្រៃល្បោះដើមឈើទាំងឡាយបានចាប់ផ្តើមធ្វើការជំរុះស្លឹកមកលើផ្ទៃដី គូបផ្សំនឹងកំរាលស្មៅងាប់បង្កើតបានជាស្រទាប់មួយ ងាយឆេះបំផុត បើសិនជាមានភ្លើង ។
ភ្លើងឆេះព្រៃបានបង្កផលវិបាកធ្ងន់ធ្ងរជាច្រើនដល់ជីវភាពរស់នៅរបស់ប្រជាពលរដ្ឋ សេដ្ឋកិច្ចជាតិ និងបរិស្ថានធម្មជាតិ ដោយភ្លើងបានឆាបឆេះរាលដាល ៖
• បំផ្លាញទ្រព្យសម្បត្តិ ផលដំណាំ និង អាយុជីវិតរបស់ប្រជាពលរដ្ឋ
• ធ្វើឱ្យបាត់បង់ និង បំផ្លិតបំផ្លាញជំរក និង អាយុជីវិតនៃពពួកសត្វព្រៃគ្រប់ប្រភេទដែលរស់នក្នុងព្រៃនោះ
• បំផ្លាញប្រព័ន្ធមជ្ឈដ្ឋានព្រៃឈើ និងគំរបព្រៃឈើដ៏ល្អប្រណីតដែលជា សក្តានុពលរបស់ធម្មជាតិ ។
ស្ថិតក្នុងស្ថានភាពបែបនេះ ដើម្បីរួមចំណែកការពារព្រៃឈើ និង សត្វព្រៃ ទប់ទល់នឹងភ្លើងឆេះព្រៃ ប្រជាពលរដ្ឋដែលរស់នៅក្បែរតំបន់ព្រៃឈើ ឬធ្វើដំណើរឆ្លងកាត់តំបន់ព្រៃឈើ សូមមានការប្រុងប្រយ័ត្ន និងមានវិធានការដូចខាងក្រោម ៖
• ចៀសវាងបោះកន្ទុយបារីដែលពុំទាន់បានពន្លត់ ឬបង្កភ្លើងផ្សេងទៀតតាមជាយព្រៃ ឬក្នុងព្រៃ
• ពេលដណ្តាំបាយក្នុងព្រៃ ត្រូវពន្លត់ភ្លើងកន្ទុយអុសឱ្យអស់សិន មុននឹងចេញដំណើរបន្តទៀត
• ហាមប្រើភ្លើងជាមធ្យាបាយរុករកឃ្មុំ ឬ ចាប់សត្វព្រៃផ្សេងទៀតនៅក្នុងព្រៃ
• ហាមដុតព្រៃសំរាប់ធ្វើចំការ-ចំការពនេចរ
• ហាមដុតព្រៃក្នុងគោលបំណងសំអាតទីធ្លាសម្រាប់សង់លំនៅដ្ឋានថ្មី
• សម្អាតស្មៅធ្វើជាផ្លូវភ្លើង ឬមុខកាត់ផ្តាច់ភ្លើង
• ធ្វើប្រឡាយ ឬ អូរដើម្បីជួយកាត់បន្ថយនៃការរីករាលដាលរបស់អណ្តាតភ្លើង
#ប៉ូវដើមទុរេន #ជីទឹកធម្មជាតិ #ដំណាំធុរេន #បំប៉នចន្ទី #បំប៉នទុរេន #បំប៉នដើម #ប៉ូវដើមចន្ទី #បំប៉នមែក #បំប៉នធុរេន #ដំណាំចន្ទី #កសិកម្មកសិករខ្មែរ #ភ្លើងឆេះព្រៃ #វិធីបង្ការភ្លើងឆេះ
