17/09/2025
ए, हो र परिवर्तन राम्रै आएछ त? नेपालमा यो भन्दा राम्रो परिवर्तन अरु के नै हुन सक्छ र? विदेशी दलालहरूको नेतृत्व बेगर कसरी प्रधानमन्त्री बन्न सफल भइन्?
Gen-Z हरूको आन्दोलन शान्तिपूर्ण तरिकाले गर्ने भनेर निर्णय गरिएको थियो! तर बीचमा चोरी–डकैती, गोलाबारी, ढुङ्गामुढा प्रहार कसले गर्यो? देश कसले जलायो होला? अनि Gen-Z हरूलाई अगाडि बढाएर पछाडिबाट अत्यन्तै निन्दनीय खेल कसले खेल्यो?
अनि प्रधानमन्त्री हुनुभन्दा अगाडि नै कसरी थाहा भयो “म प्रधानमन्त्री हुँदैछु” भनेर? विदेशी मिडियाहरूलाई प्रधानमन्त्री हुनुभन्दा अगाडि नै कसरी थाहा भयो कि “सुशीला कार्की नै प्रधानमन्त्री बन्दै छिन्” भनेर? अनि Gen-Z हरुको नाममा आफूलाई “नेतृत्वकर्ता हुँ भन्दै हिँड्ने व्यक्तिहरू कति उमेरका छन्?
आन्दोलनको क्रममा निर्दोष जनताको छोराछोरी कसले मार्यो? किन मार्यो? सयौँ निर्दोष जनता अहिले पनि अस्पतालको बेडमा मृत्युसँग छटपटाइरहेका छन्। यो सब कसको र केका लागि भयो?
आन्दोलनको क्रममा मृत्यु हुनेहरूलाई १०–१० लाख दिने भनेर घोषणा गरियो! के मानिसको जिन्दगी १० लाखकै मूल्यमा तोलिने हो र? अनि आन्दोलनमा उत्रिएका ती निर्दोष व्यक्तिहरू जसले आफ्नो हात गुमाए, खुट्टा गुमाए—के त्यो सरकारले जिम्मा लिएर तिनीहरूको हातखुट्टा शरीर जस्तोको त्यस्तै बनाइदिन्छ फेरि?
खै, कता आयो नयाँ परिवर्तन? कसले ल्यायो नयाँ परिवर्तन? कता छ नयाँ परिवर्तन?
Harka Sampang A Revolution Meena Singak
