Makkal Kural Media

10/09/2026

10/09/2026

எல்லைகளைக் கடந்து ஒன்றிணைந்த அடிமுறை!

கன்னியாகுமரியில் நடைபெற்ற முதல் உலக அடிமுறை சாம்பியன்ஷிப் 2026 போட்டியில் மலேசியாவிலிருந்து 15 வீரர்கள் பங்கேற்று, 27 தங்கம், 17 வெள்ளி, 3 வெண்கலம் என மொத்தம் 47 பதக்கங்களை வென்று சாதனை படைத்தனர். சீனியர் மற்றும் சூப்பர் சீனியர் பிரிவுகளில் Overall Champions பட்டத்தையும் கைப்பற்றினர். இந்த வெற்றி எங்கள் வீரர்களின் கடின உழைப்பு, தொடர்ச்சியான பயிற்சி மற்றும் எங்கள் மகாகுரு மற்றும் மாஸ்டரின் வழிகாட்டுதலின் வெளிப்பாடாகும். சர்வதேச அளவில் அடிமுறையின் பெருமையை வெளிப்படுத்தியதில் பெருமை கொள்கிறோம், என உமாதேவி மோகன் காந்தி கூறினார். இந்த மாபெரும் வெற்றிக்கு ஆதி மகா வீர தீர சிலம்பம் சத்ரிய மகாகுரு M. தியாகராஜன் மற்றும் வீர தீரா II மாஸ்டர் யகுலேசன் அருமுகம் ஆகியோரின் வழிகாட்டுதல் முக்கிய பங்காற்றியது என்பது குறிப்பிடத்தக்கது.

நம்முள் வேரூன்றி நிற்கும் வீரக்கலை — அடிமுறை!

09/09/2026

காஜாங், மகளிர் மத்தியில்
நல்லிணக்கத்தையும் ஒற்றுமையும் மேம்படுத்தும் சுங்கை சுவா இந்திய மகளிர் சங்கம்

காஜாங் மகளிர் மத்தியில் ஒருமைப்பாட்டை வலுப்படுத்தும் சிறப்பு ஒன்று கூடல் நிகழ்ச்சி நடைபெற்றது. செப்டம்பர் 6ஆம் தேதி காஜாங் சுங்கை சுவா இந்திய மகளிர் சங்கம் அதிகாரப்பூர்வமாக தொடங்கியது
என்று சங்கத்தின் தலைவி திருமதி சாந்தி முத்தன் தெரிவித்தார்.

காஜாங் மகளிர் மத்தியில் இது போன்ற நிகழ்ச்சிகள் சிறந்த எதிர்காலத்தை நோக்கி அறிவு திறன்கள் மற்றும் கல்வி மூலம் மேம்படுத்தும் நோக்கில் தலைமைத்துவம், தன்னம்பிக்கை மற்றும் சமூகப் பங்களிப்பை ஊக்குவித்தல் போன்ற ஆக்கப்பூர்வமான நடவடிக்கைகளுக்கு முக்கியத்துவம் வழங்கப்பட்டதாக அவர் குறிப்பிட்டார்.

இன்றைய காலகட்டத்தில் பெண்கள் தங்களது சமூகம் மற்றும் குடும்பம் மேம்பாட்டு வளர்ச்சியிலும் தொழில் திறன்களையும் வளர்த்துக்
கொள்ள வேண்டும் என்று அவர் அறிவுறுத்தினார். சமூக நலனை மேம்படுத்துவதற்கும் மன உறுதியும் விடாமுயற்சியும் டிஜிட்டல் மற்றும் தொழில்நுட்பத் திறன்களைக் கற்று
அறிந்து சிறந்த வாய்ப்புகளை அதிகரிக்கவும் முனைப்புடன் செயல்பட வேண்டும் என்றார் அவர்.

காஜாங் மகளிர் மத்தியில் கலை, கலாச்சாரம் மற்றும் திறமைகளைப் பேணுவதற்கும் மகளிர் சமூகங்களுக்கு இடையிலான உறவுகளை வலுப்படுத்துவதற்கும் மகளிர் சமூகத்தில் ஒற்றுமை உணர்வை வலுப்படுத்தவும் அவர்களது பன்முகத் தன்மையை மேம்படுத்தவும் சிறந்ததொரு தளமாக
காஜாங் சுங்கை சுவா இந்திய மகளிர் சங்கம் விளங்குகிறது என்று சங்கத்தின் சார்பில் அவர் வலியுறுத்தினார்.

இந்த நிகழ்ச்சியில் மகளிர்களுக்கான சிறப்பு ஜூம்பா போன்ற நடவடிக்கைகள் மேற்கொள்ளப்பட்டன.

இந் நிகழ்ச்சி வெற்றி பெற உறுதுணையாக துணைத் தலைவி திருமதி கௌரி ராமுடூ, செயலாளர் திருமதி பரிமள குமாரி, துணைச் செயலாளர் திருமதி சரஸ்வதி, பொருளாளர் திருமதி பனிமலர், துணைப் பொருளாளர் திருமதி சிவசங்கரி, செயற்குழு உறுப்பினர்கள் திருமதி ஜெயஸ்ரீ, திருமதி சுகுணேஸ் உட்பட பலருக்கு ஏற்பாட்டுக் குழுவினர் சார்பில் திருமதி சாந்தி முத்தன் நன்றி தெரிவித்துக் கொண்டார்.

09/09/2026

டிங்கில் உயர்நிலைப் பள்ளியின் 1993 ஆம் ஆண்டு மாணவர்களின் ஒன்று கூடல்

இங்குள்ள டிங்கில் உயர்நிலைப் பள்ளியின் 1993 ஆம் ஆண்டு மாணவர்களின் ஒன்று கூடல் விழா மிகவும் சிறப்பாக நடைபெற்ற முடிந்தது. கடந்த 33 ஆண்டுகளுக்கு மேலான நட்புகளை கொண்டு
( நண்பேண்டா 80's ) என்ற அடிப்படையில்
மாணவ உறவுகளாக ஒன்றிணைந்து
வருகின்றனர்.

சிப்பாங் மாவட்டத்தில் நன்கு அறிமுகமானவர்கள் நண்பேண்டா குழு பன்னிரெண்டாவது வருடமாக செப்டம்பர் மாதம் 5 ஆம் தேதியன்று கெரித் தீவில் அமைந்துள்ளது பிரபல உணவகத்தில் மிகச் சிறப்பாக இந் நிகழ்ச்சியில் ஏற்பாடு செய்யப்பட்டதாக குழுப் பொறுப்பாளர்கள் சார்பில் DM மூர்த்தி தெரிவித்தார்.

தமிழ்ப்பள்ளி மற்றும் ஆதரவற்ற இல்லங்களுக்கும் தங்களால் இயன்ற தன்னலமற்ற உதவிகளை வழங்கி வருவதாக அவர்கள் கூறினர்.

இந்த நிகழ்ச்சியில் உயிரிழந்த மூன்று நண்பர்களுக்கு மௌன அஞ்சலி செய்யப்பட்டது.

இந்த நிகழ்ச்சியில் சுவையான உணவுகள் மற்றும் ஆடல்,பாடல், பல விளையாட்டுக்கள் இடம்பெற்றன.

இது போன்ற பயன் தரும் நடவடிக்கையாக ஒவ்வொரு வருடமும் தொடர வேண்டும் என்று ஆண்டவனை பிரார்த்தனை செய்கின்றோம் என்று அவர்கள் தெரிவித்தனர்.

இந்த நிகழ்வில் கலந்து கொண்ட தோழர்கள் தோழிகள் அனைவருக்கும் ஏற்பாட்டுக் குழுவினர் சார்பில் நன்றிகளைத் தெரிவித்துக் கொள்கின்றோம்.

07/09/2026

🪔 DEEPAVALI THIRUVIZHA BAZAAR TO LIGHT UP AMPANG WITH EIGHT DAYS OF FESTIVE CELEBRATION 🪔

« Light Up Communities, Brighter Together! Let’s Celebrate Together!”»

AMPANG, 7 SEPTEMBER 2026 — The Press Conference for the Deepavali Thiruvizha Bazaar, touted as the 1st & Biggest Deepavali Bazaar in Ampang, was successfully held today at the Amazing Creation Training Centre, unveiling details of the much-anticipated Deepavali celebration.

Organised by Persatuan Kesejahteraan Komuniti India Ampang in collaboration with Amazing Creation Event Management Sdn. Bhd. the Deepavali Thiruvizha Bazaar will take place from 31 October to 7 November 2026, from 10.00 AM to 10.00 PM, at Dewan Dato’ Ahmad Razali, Ampang.

The eight-day celebration promises a vibrant festive experience for the community, featuring a variety of activities designed for families, children and visitors of all ages. From entertainment and community-based activities to engaging programmes for kids, the bazaar aims to create a lively and memorable Deepavali experience.

Adding to the festive atmosphere, Malaysian artists will also be taking the stage to entertain visitors with live performances, making the celebration an exciting platform that brings together culture, entertainment and community spirit.

The organisers also emphasised the importance of creating an inclusive celebration that allows the public to come together, experience the joy of Deepavali and strengthen bonds within the community.

With its exciting line-up of activities, performances and festive offerings, the Deepavali Thiruvizha Bazaar 2026 is set to be a major celebration in Ampang this Deepavali season.

- Featuring Malaysian Artists & Performances
- Activities for Families & Kids

07/09/2026

தீபாவளி திருவிழா
DEEPAVALI THIRUVIZHA BAZAAR
1st & Biggest Deepavali Bazaar in Ampang

The Persatuan Kesejahteraan Komuniti India Ampang, in collaboration with Amazing Creation Event Management Sdn. Bhd., is pleased to invite members of the media to attend the official Press Conference for the: "1st & Biggest Deepavali Bazaar in Ampang". The press conference will unveil details of this exciting Deepavali celebration, including the bazaar highlights, activities, community participation and opportunities for the public. Your presence and media coverage will be greatly appreciated

in helping us share this meaningful celebration with the wider community.

MEDIA/PR CONTACT - Dr SP Praba / (SP Ideal Event Creation) / 0126261489

Anjuran Bersama:
Joint Organizers: Persatuan Kesejahteraan Komuniti India Ampang & Amazing Creation Event Management Sdn. Bhd.

Let's Celebrate Together!

07/09/2026

அம்பாங்கில் முதல் முறையாக மாபெரும் தீபாவளி திருவிழாவிற்கு உள்ளூர் வணிகர்களுக்கே முன்னுரிமை வழங்கப்படும்.

அம்பாங் இந்திய சமூக நல்வாழ்வு இயக்கத்தின் தலைவர் எம்ஏ ரவின் இதனை கூறினார்.

தீபாவளி பெருநாள் நெருங்கி கொண்டிருக்கும் பட்சத்தில் ஆங்கங்கே தீபாவளி சந்தைகள் ஏற்பாடு செய்யப்படும்.

ஆனால் முதல் முறையாக அம்பாங் வட்டாரத்தில் இந்த தீபாவளி சந்தை நடத்தப்படவுள்ளது.

எதிர்வரும் அக்டோபர் மாதம் 31ஆம் தேதி தொடங்கி தீபாவளி முதல் நாள் இரவு வரை காலை 10 முதல் இரவு 10 மணி வரை அம்பாங் டேவான் டத்தோ அஹ்மத் ரசாலியில் நடைபெறவுள்ளது.

கிட்டத்தட்ட 40 வணிக கூடாரங்கள் அமைக்கப்படவுள்ளது. அனைத்து விதமான வணிக தளங்கலும் இங்கு அமைக்கப்படவுள்ளது.

அம்பாங் தீபாவளி சந்தையில் உள்நாட்டினருக்கு தான் முன்னுரிமையும்
அம்பாங் சுற்று வட்டாரத்தில் உள்ள மக்களும் வணிகர்களும் இந்த தீபாவளி திருவிழாவிற்கு முழு ஆதரவு தர வேண்டும் என்றும் ரவின் கேட்டுக் கொண்டார்.

உள்ளூர் வணிகர்கள் இந்த தீபாவளி சந்தையை முழுமையாக பயன்படுத்திக் கொள்ள வேண்டும் என அவர் கேட்டுக் கொண்டார். தொடர்புக்கு 0163962166

06/09/2026

வாஜா டிரி சிலம்பம் அகாடமியின் சாதனையைப் பாராட்டு வாழ்த்தி மெஸ்பன் கௌரவ உழைப்பாளி திலகம் ஐகோன் விருது வழங்கப்பட்டது.

04/09/2026

சுக்மா சிலம்பப் போட்டியில் பகாங் மாநிலத்திற்கு இரண்டு வெண்கல பதக்கங்கள்

முதல்முறையாக சுக்மா விளையாட்டுப் போட்டி சிலம்பப் பிரிவில் பகாங் மாநிலம் ஒரே போட்டியில் இரண்டு வெண்கல பதக்கங்களை வென்று வரலாற்று சாதனைப் படைத்தது.

சுக்மா சிலாங்கூர் 2026 ஆம் ஆண்டுக்கான சிலம்பப் போட்டியில்
பகாங் மாநிலத்தை பிரதிநிதித்து பெஸ்ட் எம்பையர் சிலம்பம் அகாடமி வீராங்கனைகள் அஸ்வதி சத்யநாதன் கோம்பேட் 50 - 60 கிலோ எடைப்பிரிவில் மற்றும் தர்ஷினி கருணன் கோம்பேட் 60 - 70 கிலோ எடைப்பிரிவில்
சிறப்பாக விளையாடி பகாங் மாநிலத்திற்கு இரண்டு வெண்கலப் பதக்கங்களைப் பெற்று தந்தனர்.

சுக்மா சிலம்ப வரலாற்றில் பகாங் மாநிலம் ஒரே போட்டியில் இரண்டு வெண்கலப் பதக்கங்களைப் பெறுவது இதுவே முதல் முறையாகும். இதன் மூலம் சிலம்பம் பகாங் மாநிலத்தின் சுக்மா பதக்கப் பட்டியலிலும் முக்கிய பங்களிப்பை செய்துள்ளது.

இப்போட்டியில் பகாங் மாநிலத்தின் சார்பில் சரண்யா நாராயணசாமி – கோம்பேட் 50 கிலோ எடைப்பிரிவுக்கு கீழ், ஐங்கரன் சரவணன் – கோம்பேட் 55 கிலோ எடைப்பிரிவுக்கு கீழ், கேசவன் சிவனேஸ்வரன் – கோம்பேட் 55–65 கிலோ எடைப்பிரிவு, சோங் வாய் செக் – கோம்பேட் 65–75 கிலோ எடைப்பிரிவு, வாஷினி குபேந்திரன் பிள்ளை – கோம்பேட் 70 கிலோ எடைப்பிரிவுக்கு மேல், ஸ்ரீனிவாசன் எஸ். சுந்தரம் – கோம்பேட் 75 கிலோ எடைப்பிரிவுக்கு மேல் ஆகியோரும் பங்கேற்றனர்.

தனித்திறமை சிலம்பம் பிரிவில் அமிர்தா தனபாலன் மற்றும் கவிவேல் சரவணன் ஆகியோரும், தனித்திறமை குத்துவரிசை பிரிவில் ஆர்த்தி சத்தியநாதன் மற்றும் புகழேந்தன் சரவணன் ஆகியோரும் பங்கேற்றனர்.

ஆயுதக் குழு விளையாட்டு பிரிவில் யுவன் பூபாலன், ரஞ்சிவ்நாதன் ஜெயநாதன், ஜெயஸ்ரீ வரதன் மற்றும் அனுஷா லோகநாதன் ஆகியோரும், கைக்குழு விளையாட்டுப் பிரிவில் சாரதா ஸ்ரீ சரவணன், தென்றல் அன்பரசன், மற்றும் தமிழ் அரசி லோகநாதன் ஆகியோரும் பகாங் மாநிலத்தை பிரதிநிதித்தனர்.

அணியின் இந்த வரலாற்று சாதனைக்கு குழு நிர்வாகி மாஸ்டர் காளிஸ்வரன் இராஜகோபால், பயிற்சியாளர்கள் மாஸ்டர் திலகவதி பலராம், மாஸ்டர் ஆனந்த கிருஷ்ணன் ராஜேந்திரன், மாஸ்டர் சரவணன் மார்தணன் தேவணா மற்றும் மாஸ்டர் தவமணி மூர்த்தி ஆகியோரின் கடுமையான பயிற்சியும் வழி காட்டுதலும் முக்கிய காரணமாக அமைந்தது.

மேலும், பகாங் மாநிலத்தை பிரதிநிதித்துவப்படுத்தும் வாய்ப்பை எங்களுக்கு வழங்கியதுடன், எங்கள் வீரர்கள் மற்றும் பயிற்சியாளர்கள் மீது நம்பிக்கை வைத்து, தொடர்ந்து வழங்கிய ஆதரவு, ஊக்கம் மற்றும் ஒத்துழைப்பிற்காக, பகாங் மாநில விளையாட்டு மன்றத்திற்கும் (Majlis Sukan Pahang) எங்களது மனமார்ந்த நன்றியைத் தெரிவித்துக் கொள்கிறோம்.

பகாங் மாநில சிலம்ப தேசியத் தலைவர் திரு. தருமசீலன் அவரது வாழ்த்துகளும் ஊக்கமும் வீரர்களுக்கு போட்டிக் களத்தில் மேலும் உற்சாகத்தை அளித்ததாக தெரிவிக்கப்பட்டது.

வீரர்களின் வெற்றி வாகை சூடும்
பயிற்சிகள், போட்டிகளுக்கு பாதுகாப்பான பயணங்கள், மற்றும் பல்வேறு தேவைகளில் தங்களது பிள்ளைகளுக்கு பெற்றோர்கள் வழங்கிய ஆதரவும் தியாகமும் இந்த வெற்றிக்கு முக்கிய பங்களிப்பாக அமைந்ததாக
குழு நிர்வாகி மாஸ்டர் காளிஸ்வரன் இராஜகோபால்
நன்றியை தெரிவித்துக் கொண்டார்.

சுக்மா விளையாட்டு போட்டி போன்ற தேசிய அளவிலான விளையாட்டு அரங்கில் சிலம்ப வீரர்கள் பதக்கம் வெல்வது, இப்பாரம்பரிய கலையின் வளர்ச்சிக்கும் இளம் தலைமுறையினரிடையே அதன் முக்கியத்துவத்தை அதிகரிப்பதற்கும் பெரும் ஊக்கமாக அமைந்துள்ளது.