19/05/2026
EXPIRED DATE KHÔ CHIEHPA DAOH HMO NATA THOHNAZY MEI TA PAHLEIPALÔPA A CHÂ
May 19, 2026
Mara râh chhôh, Lialaipi khihpi liata expired date khô chiehpa Thohna, Niedo theipa chi nano nanopa nata athuthâpa zy Daoh liata mopasiapa ta patupa nata mei ta pahleipalôpa a châ.
He hawhta taona chhâpa cha Mara râh, Lialaipi khihpi tawhta pathaopa ta khi to zydua liata zawpizy ta Thohna nata daoh hmo nano nanopa zy thlalôhpata ama nie thei do thei n'awpa pachâpa ta Maraland Territorial Council, Second Vice President chhithana ry liata paduapa Committee ta Târi 18 Pamih, 2026 pata Lialaipi khih chhôh liata daoh a ypa mia (21) zy tawhta expired date khô chiehpa Thohna, Niedo theipa chi nano nanopa nata athuthâ zy, Tlaw 140 Lakh mâ aphapa cha patu papuapa châ ta, Târi 19 Pamih, 2026 my dawh 07:00 Am pata mei ta pahleipalôna Program cha hlaotlohpata hnei patlôpa châ.
He Program he NB. Sila, Second Vice President chhithana ry liata hmâpa châ ta, MTC Department nano nanopa tawhta ES zy nata hriatuhpa zy, Lialaipi Town Administration Council nata Ward Administration Council mia (4) liata hriatuhpa zy, MTP Branch, Lialaipi zy, MCHP Headquarters nata Branch, Lialaipi liata hriatuhpazy nata Khihpi nôpawzy chhaota hmaohkhata taopa a châ.
He dei adaih leipa ta, Mara râh khi to lia chhaota Expired date khô chiehpa Thohna nata daoh hmo nano nanopa cha zua pasaipa châ khao leipa ta, maohphaona hneituhpazy ta ama vaw mohpasia lymâ bâ aw tahpa thâtih chhao eimâ pahnosa.
Credit
Information and Publicity Department
Maraland Territorial Council
