21/05/2026
လွမ်းတယ်" ဆိုတဲ့ စကားလုံးဟာ...
နှလုံးသားချင်း ထပ်တူကျပြီး
တစ်ယောက်ကမ္ဘာထဲ တစ်ယောက်
လွတ်လပ်စွာ ခြေချခွင့်ရသူတွေပဲ
တင့်တင့်တယ်တယ် သုံးခွင့်ရှိတဲ့ "အခွင့်ထူးခံ
နာမ်စားတစ်ခုပါ....။
ငါ့လို... အဝေးကနေ ငေးကြည့်ရုံသာ
တတ်နိုင်တဲ့သူအတွက်တော့
အဲဒီစကားလုံးဟာ မြင့်မြတ်လွန်းတဲ့
တားမြစ်ချက်တစ်ခုပေါ့....။
ဒါကြောင့်လည်း... နှလုံးသားထဲက တုန်ခါမှုတွေကို
"သတိရတယ်" ဆိုတဲ့ ပိုးသားကန့်လန့်ကာလေးနဲ့
အသာအယာ ဖုံးအုပ်ထားလိုက်ရတယ်....။
မင်းသိလား...
သတိရတယ်" ဆိုတဲ့ စကားလုံးတစ်ခွန်းရဲ့
အောက်မှာ မပြောဖြစ်ခဲ့တဲ့ စာသားတွေနဲ့
အဓိပ္ပာယ်တွေ အထပ်ထပ် အလွှာလွှာ ပါဝင်နေတာ။
ဒါဟာ... မင်းရဲ့ ကမ္ဘာထဲကို
ဝန်ထုပ်ဝန်ပိုး မဖြစ်စေဘဲ ကျူးကျော်ဝင်ရောက်မိတဲ့
ငါ့ရဲ့ အနုပညာဆန်တဲ့ အားနာမှု တစ်မျိုးပေါ့....။
ပိုင်ဆိုင်ခွင့် မရှိတဲ့သူတစ်ယောက်ရဲ့
အနက်ရှိုင်းဆုံး လွမ်းဆွတ်မှုကို
ဒီစကားလုံးလေး တစ်ခွန်းထဲမှာပဲ
အစွမ်းကုန်ထည့်ပြီး
ငါ... ခပ်တိုးတိုးလေး ရေရွတ်လိုက်မယ်။
"ကိုယ်... မင်းကို သတိရတယ်"
ဒီလောက်ပါပဲ...
ဒီထက်ပိုတဲ့ အဓိပ္ပာယ်တွေကိုတော့
ငါ့ရဲ့ တိတ်ဆိတ်ခြင်းတွေထဲမှာပဲ
ထာဝရ မြှုပ်နှံထားပါရစေ....။
