26/03/2025
Markii isbahaysiga caalamiga ah uu ku dhawaaqay dagaalka ka dhanka ah ururka argagixisada ah ee Daacish sannadkii 2014
Waxa weerar qaaday ciidamada Ciraaq, Kurdiska iyo xoogagga kacdoonka Suuriya, iyagoo ku qaaday dagaallo ka dhan ah Daacish, taasoo u suuragelisay inay guulo ka gaaraan dagaalka
Si kastaba ha ahaatee, horaantii sannadkii 2015, Daacish dib ayey isku soo abaabushay
waxayna mar kale la wareegtay dhulkii ay h**ey u luminaysay. Xitaa waxay ku dhowaadeen agaagrarka caasimadda Ciraaq ee Baqdaad iyo Dimishiq
kaddib markii ururka Daacish uu weerar ka soo qaaday magaalada Falluuja, oo markaas go’doonsaneyd, iyagoo qabsaday deegaanka Abu Ghraib ee gobolka Baqdaad, oo dhanka galbeed ka xiga magaalada Baqdaad
Dhinaca Suuriya, waxay la wareegeen waqooyiga fog ee dalka, gaar ahaan magaalada Kobani ee gobolka Xalab
Sidoo kale, waxay qabsadeen deegaano ka tirsan gobolka Xims, kuwaasoo u dhow caasimadda Dimishiq
Sidaa darteed, dad badan ayaa aaminay xiligaas in Daacish weli xoog badan tahay, isla markaana ay awood u leedahay inay xukunto Ciraaq iyo Suuriya, ayna dhammaan la wareegi doonto
Hase ahaatee, si degdeg ah ayaa loo burburiyay, waxayna maalinba maalinta ka dambeysa lumiyeen magaalooyin midba mar
illaa ugu dambeyn la laayey 98% ciidamadoodii, inta soo hartayna lagu qabtay dagaalka iyaga iyo qoysaskoodaba
Dunidu waxay markaas fahantay in weerarkii ay Daacish qaadday horraantii 2015 uu ahaa dadaalkii ugu dambeeyay ee ay awood ku muujinayeen
balse dhab ahaantii ka dhigtay iney ahayeen ruux si dhimanaayo oo rafrafaan, taasoo dad badan ku sirmeen oo u maleeyaan inay weli xoog leeyihiin.
Sidaas darteed, waxa aan uga jeedaa in xaaladda Soomaaliya aysan ka duwaneen taas
Waxa hadda ka dhacaya Shabeellaha Hoose iyo Shabeellaha Dhexe waa in cadowga si dhimanaayo oo waxaan tahay rafrafasho inti nafta ka bixin
waayo awooddiisii wuu waayay, liana wuxuu lumiyay awooddiisii bilowgii dagaalka, wuxuuna isticmaalay dhammaan tamartiisii.
Inta badan hoggaamiyayaashiisa iyo amiirradiisa waa la dilay, sidoo kale kaydkiisii dhaqaale wuxuu bilaabay inuu dhammaado.
Duqeymihii dhawaan ka dhacay dhowr degaan sida Ceel Garas, Kowthar iyo Jilib, wuxuu ku waayay tiro badan oo ka mid ah hoggaamiyayaashiisa iyo askartiisa
Sidaa darteed, dagaalka joogtada ah ee lagula jiro wuxuu keeni doonaa in khawaarijta si buuxda loo jebiyo
Sido kale waa in aan iska ilaalinaa khilaafaadka qabiilka iyo eedeymaha, sidoo kale waa in aan dadaal badan galinaa dhiirigelinta ciidamada Soomaaliya, geesiyaasha Macawiisleyda, ururinta dhaqaalaha, ducooyinka, iyo dhiirigelinta iyaga oo loo marayo warbaahinta.
Sidoo kale, qof kasta oo faafinaya wararka khawaarijta waa in si adag loola dhaqmo, lana xiraa xisaabaadka faafinaya wararkooda, ha ahaato Facebook, barnaamijka X, ama Telegram.
