23/07/2025
Salai Tluangte Simmi Hi Tha Ten Siar Aw...
========================
Khale… CNDF ih rinsan taktak mi pawl in CNA le SAC an tangtlang ti tiang an ti mi hi cu… A mak lo nasa… CNA hman in nanmah sawn si kan lo dingmi a si.
CNDF dinsuah dan ka run rel ke aw MAH in uknak a laak k*m 2021 March thla sung ah Hakha, Thantlang, Falam, Kalay-Kabaw tiin Chin National Front/Army hnen ah kan zaten lungrual ten kan rak feh i kan rak tong hai.
Hitawk ah Hakha aiawh ih sin Ngun San Aung, Aa Uk, Ngun Cung Thang, Duh Lal, Salai Tluangte le in liamsan zomi Salai NG Lian, Thantlang ih sin Salai Kep Chin Thang (ka hminsin lomi a um) KKG ih sin Khampat lam i kan unau pakhat le Salai Van an rak tel. Tui CNDF ih sin Sayagyi Pa Biak le in liamsan zomi Salai David New an rak tel ve.
Ram buainak a thlen pek, sandah piahnak men ih sin a theih nawn lo ruang ah hriamhrai kai in do kan tum thluh hai thlang. Cuti cun Falam, Hakha, Thantlang, Kalay lam ih sin mino 100 luan CNA camp ah thleng in ralkap zirnak (training kan nei). Thlakhat sung CR (Chin Reserve) in kai ding kan si.
Himi sung ah tui CNDF ih VCS Salai David New in, “Kan nih Falam cu kan ready aw zo, hriamhrei tla kan nei kim zo ruang ah ni 14 lawng training kan kai ding a rak ti. Cu lai ah sniper tla kan nei zo a ti (sniper hman ah 306 te khi a rak si i hmu dah lo hrat cu kan rak uar zet).
Cu ti cun, kan pu leh pawl khal in an zum ih zarh hnih lawng training an rak kai ter hai. Cuticun ralram ah cu an rak feh. Cu mi hnu khal ah, tui CNDF ih drone team khal hi CNA thupeknak in keimaib hohatnak in CDF Mindat, CDF Matupi, CDF Zotung, CDF Hakha, CDF
Thantlang le CNA tiin mi ramdang ah training kan rak kai. Cui hnu khal ah, CNA camp rori ah lungrual zetin Drone training tla kan rak pek hai ih Kalay-Hakha Operation ah CNDF Drone kan rualpa pakhat khal nunnak a pek.
Atu ah sim duh bikmi cu, kan rak thawk pek te ahhi SAC ralhraang do ding le cihmit thluh ding kan tum thluh vek cio bangin tu khal ah a si thotho. Asinain, atu ah CNDF hrekkhat in CNA cu SAC thawn an tangtlang cu e kha e ti a suak tik ah a nuam lo nasa.
Hivek thuphan le a dik lomi sim le rel hi kan thin aw pei uh ziangkhal si len… Pumpak huatnak suakter lo ding in thusim tla ralring cio usih. Mai pom dah, ruahdan bang awk lo hman sehla Pu David Ngaisak sim vek in, “Mai miphun le mai miphun that awk nak nakin mai miphun le miphun that awk ding i forhfial tu hi a sual sawn, an mawh sawn,” a ti bangin himi hi thei hram usihlaw.
Note/ Tu ah tla hi CNO/CNDF ih hotu pawl hi ka upat zet hai, ka tihzah zet hai, ka rualpi tla an si nan, ခံယူချက် bang awk lo ruang ah a dangdang ah kan um i a si. Pumpak huatnak zianghman kan nei lo.
Credit salai Tluangte
fans Chin Media Group
