Guiding Star

18/07/2024

Tribal politics/war ah aa telmi le FB ah fimthiam cawnnak langhter in minthatnak kawlmi Pastor cu a rian in aa dinh ah a tha bik!

14/02/2022

Lainu zong hi miphun dang bantukin pangpar an duh ve ko. Pangpar a duh lomi nu hi hmuh an har lai.

01/09/2021

*Victoria Chung LOCKDOWN Sauh Than A Si*

Victoria chung COVID-19 pulrai zawtnak hi a karh ngai rih caah zarh 3 chung cu LOCKDOWN sauh rih a si lai tiah nihin ah Victoria Ramkulh Premier Daniel Andrews nih a chim.

A liamcia sml 24 chungah zawtnak a ngeimi 120 a thar in hmuh an si i atu ah Victoria chungah zawtnak a ngeimi (active case) hi 900 an si. Atu hi a voi 6nak lockdown cu 2 September tiang caah rak tuahmi a si ko nain 23 September tiang khi sauh than a si lai tiah fehter a si.

Hi caan chung ahhin zatuak in Victoria chung minung milu 70 (%) nih a voikhatnak raikhamsii an i chunh dingin timh a si. Cu hnu lawnglawng ah duhsah tein le tlawmpal tlawmpal in phihkhamnak pawl dorh an si lai tiah Andrews nih a chim.

_Thai zaan sml 11: 59 PM thawk in zulh dingmi hna:_

# A ruang (5) - eidin c**k dawr kai, ngandamnak lei i zohkhenh/mi damlo zohkhenh, exercise tuah, riantuan le sianginn kai (permit he), le raikhamsii chunh - lawngin lengchuah khawh a si
# Dawr kai le exercise tuah lengchuah tikah 5km chungah a si lai (Exercise tuah cu ni khat ah sml 2 chung a si lai)
# Melbourne khualipi chung cu zaan sml 9 PM in zinglei sml 5 AM tiang Curfew a si
# Pumpak tonpumhnak/lenkainak tuah a ngah lo (Asinain, amah lawng a ummi/nuhmei/pahmei ti bantuk pawl cu minung pakhat (an i thimmi he) i ton khawh an si)
# Zapi tonpumhnak onh a si lo
# Biaknak lei pumhnak onh a si lo (LIVE in a thlahtu ding minung 5 thiahmi hna lawng biakinn ah kal khawh a si.)
# Thitumhnak tuah a ngah lo, (Thihri nunri ah a ummi le ram in thawl a tongmi ti bantuk cu minung 5 tiangin tuah khawh a si)
# Ruakhumh/hngah cu minung 10 tiangin tuah khawh a si (ngakchia k*m 12 tang relh loin).
# Ngakchai cheukhat pawl caah ti lo, a lang in sianginn kai ding
# Mah inn le k*m 12 tang ngakchia ti dah lo, khawika poah ah hmaihuh i hruk peng ding
# Lentecelhnak hmun, zatlang hmunhma le dinh/damhnak le nuamsaihnak hmun pawl vialte khar dih an si
# Lumehnak, tamhnak ti bantuk dawr pawl khar rih an si

_Thlenmi asiloah a thar in onhmi:_

# Ngakchia lentecelhnak hmun (playgrounds) pawl cu on an si cang lai. Asinain k*m 12 tang ngakchia pawl ca lawng ah a si rih. An i celh tik zong ah a nu/pa pakhat asiloah zohkhenhtu pakhat lawng nih zulh a ngah lai. Cun a zultu cu ti an din ah siseh, pakhatkhat an ei ah siseh, an hmaihuh an i phoih lai lo, cun an hmanmi lentecelhnak thil poah ah QR code check in an tuah lai.

Ref: 7 News & DHHS

02/03/2021

Salai Bawi Lian Mang [CHRO Exercutive Director] he Biaruahnak {FULL INTERVIEW}

Interview: Atu lio Myanmar chung thil cangmi kong, tlangcung hriamtlai phu kong, Dr. Andrew Ngun Cung Lian dirhmun, Dr. Sasa dirhmun le UN palai Kyaw Moe Tun kong kong he pehtlai in biaruahnak a si.

Interview: Atu lio Myanmar chung thil cangmi kong, tlangcung hriamtlai phu kong, Dr. Andrew Ngun Cung Lian dirhmun, Dr. Sasa dirhmun le UN palai Kyaw Moe Tun...

17/02/2021

Thawngtha: Victoria LOCKDOWN A Dih Than Cang

Victoria Ramkulh, ni 5 chung erhkhumhnak (Lockdown) tuahmi cu tu zaan sml 11: 59 PM in a d**g than cang lai. Thaizing thawk in lenkainak, tonnak, le pumhnak pawl tuah khawh a si cang lai i sianginn zong on than a si cang lai.

A liamcia ni 5 chungah minung 212,000 test an si i zawtnak ngeimi hna umkalnak hmunhma le naihniammi minung 3,400 zong hngalh an si i midang he pehtlaihnak tuahter an si lo. Cun, a liamcia sml 24 chungah minung 2 sinah zawtnak hmuh a si i atu ah Victoria Ramkulh chung zawtnak ngeimi hi 25 an si.

Aa thlengmi asiloah zulh ding hna
 Lengchuah khawhnak a ruang 4 a um ti lo – duh tik poah ah lengchuah khawh a si.
 5km chung lawngah umkal ding timi a um ti lo.
 Hmaihuh (Face Mask) cu inn chung/leng zong, hlat deuh in umthut khawh lonak hmun poah i hruk ding, cun pakhat cu zaal chungah i ken peng rih ding.
 Ni 1 ah mileng 5 tiang ngeih khawh a si.
 Khualeng zapi tlonlennak hmun ah minung 20 tiang i hmuhton khawh a si.
 Sianginn on than an si.
 Rawl/thil dawr le khual riah/umthutnak pawl zong on than an si.
 Biakinn pumhnak tuah khawh a si, minung rikhiah a um lo. Asinain mincazin (electronic) he 2 sqm hlat thutnak ding hmunhma a bitkauh zoh in a si lai.
 Thihloh caan ruakhumh/ruakthlahnak le thitumhnak cu minung rikhiah a um lo, asinain mincazin (electronic) he 2 sqm hlat thutnak ding hmunhma a bitkauh zoh in a si lai.
 Sizung/siinn ummi cu chungkhar pakhat nih ni 1 voi 1 in vehvet khawh a si.
 Sammehnak, tamhnak le adangdang dawr phunphun hna zong on an si.

26 February ah thawng thar thanhnak a um than te lai.

Ref: Statement from the Premier, Press conference, SBS, 7News, DHHS

12/02/2021

Victoria LOCKDOWN : Ni 5 Chung Erhkhumh Kan Si Than

Victoria ramkulh chung cu a thar in COVID-19 nih a voi thumnak a den/tlunh sual lai ti phan a si caah tu zaan sml 11: 59 PM thawk in ni 5 chungah lockdown/erhkhumh kan si than cang. Tu zaan zaantim in hmai zarh Cawn Nithumni zaantim tiang khi a si lai tiah Premier Dan Andrews nih a thanh.

Stage 4 - phihkhamnak chung zulh ding hna

*Lengchuah khawhnak a ruang 4 - eidin c**k dawr kal, damlo/chiatni i zohkhenh, inn in tuah/tuan awk a tha lomi rian va tuan le sianginn kai, cun ni 1 khat sml 2 chung exercise tuah
*Mah inn chung ti lo poah ah Hmaihuh (Face Mask) i hruk hrimhrim ding
*Inn i lenkai a ngah lo
*Inn chung/leng midang he i tonpumhnak tuah a ngah lo
*5 km chung lawng umkal khawh a si
*Thitumhnak tuah a ngah lo
*Thihloh ruakthlah/ruakhumh ah minung 10 tang lawng in a ngah
*Biaknak lei pumhnak/puai tuahnak tuah a ngah lo
*Sianginn khar a si lai, nain riantuan lo awk tha lomi riantuanmi nulepa hna i an fale caah on a si lai
*Nau-umhnak/ngakchia chiahnak hmun pawl cu on an si ko lai
*Catang sang sianginn pawl cu khar an si

A liamcia sml 24 chungah zawtnak ngeimi minung a thar 5 an si i, atu ah Victoria chungah zawtnak ngeimi (active cases) dihlak hi 19 a si.

Ref: Press conference, DHHS

27/09/2020

COVID-19 Phihkhamnak: Melbourne Khualipi Chung Thawngpang Thar
********************************************************************
27 September -Tu zaan sml 11: 59 thawk in Melbourne khualipi cu ni 14 chung zawtnak thar hmuhmi 30-50 karlak a si caah erhkhumh chung phihkhamnak zulhphung dot 2nak (Step #2) ah thumh/thlen a si cang lai.

Zaan lengchuah phihnak (curfew) cu thaizing zinglei sml 5: 00 cun a d**g cang lai, a um ti lai lo. Asinain, khualeng tonpumhnak le mileng kong ah zulhphung buar ahcun dantatnak a sang deuh lai. Zulhphung a buarmi cu $5,000 tiang liamter an si lai.

[Dot 2nak Chung] Zulh Ding & Aa Thlengmi Hna
_____________________________________________________

 Lengchuah khawhnak ding a ruang (4) le 5km chung umkalnak-
1. Eidin/inn chung tang thilri c**k
2. Mi damlo/chiat ni i zohkhenh asiloah i thlopbol
3. Exercise (pum cawlcanghnak) tuah
4. Sianginn kai asiloah riantuan (onhmi phunglam ning in)

 Sml 9 PM in 5 Am tiang lengchuah phihnak (curfew) cu thaizing September 28 cun hlonh a si cang.
 Leng chuah tikah hmaihuh (Face mask) i hruk peng ding. (Hmai khamnak phaw (shield) hman lo ding)
 Khualeng ah chungkhar in asiloah chungkhar dawng 2 fonh in minung 5 tiang i hmuhton khawh a si. (Sml 2 chung a si lai i 5km chungah a si lai, thla 12 tang ngakchia rel chih an si lo)
 Minung pakhat amah lawng khuasami asiloah k*m 18 tang ngakchia ngei nuhmei/pahmei cu anmah nih an duhmi minung pakhat i lenkaiter khawh a si.
 Childcare centre (nauumhnak/ngakchia zohkhenhnak hmun) pawl on a si.
 Primary school siangngakchia pawl (Prep in Year 6 tiang) October 12 in sianginn an kai cang lai (a hmun ah ca an cawng cang lai), cun VCE/VCAL siangngakchia pawl cu 05 October in assessment an thawk lai, 12 October in sianginn ah cacawn an thawk lai.
 Dot 2nak ah onhmi riantuannak hmun pawl riantuantu pawl lawng rian hmun ah kal khawh a si.
 Eidin c**k tikah ni 1 ah minung 1 lawng si ti loin chungkhar ning in ni 1 ah voi 1 kal khawh a si.
 Rawldawr (restaurant) cu inn i put ding le a cah (take away/delivery) lawngin on a si.
 Adangdang thil dawr poah cu cah i mah nih va lak (Click & Collect) lawngin a si rih.
 Exercise (pum cawlcanghnak) cu ni 1 ah sml 2 chung 5km chungah tuah khawh a si. (Sml 1 in voi 2 zong tuah khawh a si).
 Thitumhnak cu minung 5 tiang in tuah khawh a si.
 Ruakhmuh/thlah cu minung 10 tiang in tuah khawh a si.
 Biakinn pumhkhawmhnak cu minung 5 tiang in tuah khawh a si (hruaitu/thawngtha chimtu pakhat telh loin).
 Sizung um mizaw cu minung pakhat nih ni 1 ah voi 1 in sml 2 chung zoh khawh a si lai. (ngakchia mizaw caah cun caan rikhiah a um lo)
 Victoria ramkulh chungah khua khat in khua khat ah tlawn/kal khawh a si lo.

Nihin sml 3: 15 PM tiang sml 24 chungah zawtnak thar hmuhmi cu 16 a si i atu lioah Victoria chungah zawtnak in a ngeimi hi 399 an si. Cun, zawtnak ngeih le ngeih lo test cangmi hna hi 2,661,989 an si i a thimi hi 784 an si cang.

Ref: Premier Dan Andrews – statement & media release, Department of Health and Human Services, Premier of Victoria, ABC News, 9 News

21/09/2020

[Rak Ngai Ve]: Biaknak, Zumhnak, Phung Zulhnak

Khamhnak hi zeidah a si? Cheuhra cheukhat pek a hau maw? General Aung Sang hi vanram a kai lai maw?

Chinmi Khrihfa hna karlak ah zumhnak, biaknak le phung zulhnak kong ah biahalnak/alnak a um pah lengmang tawnmi pawl kong pehtlai in biaruahnak rak ngai than ve.

[Subcribe rak tuah ve]

Hi caanhmannak (program) hi Chin Broadcasting Network (CBN) tawlrelnak in tuahmi a si i CBN theihpinak le hnatlaknak in tarlanghmi a si. Hi program ah chimmi...

20/09/2020

INTERVIEW: Pu No Than Kap [Falam Peng in CNLD Candidate 2020] He Biaruahnak

-A zoh/ngai rih lomi nih hi ka hmun ahhin tling/fiang tein zoh/ngaih than khawh a si.

Hi interview hi Australia ram hrambunh -Chin Broadcasting Network (CBN) nih tawlrelnak in tuahmi a si i Salai Robert Ngun Sang nih a tuahmi Online biahalnak ...

30/03/2020

[In English] As of March 28, 2020, the war between the Tatmadaw (Myanmar military)… Robert Ngun Sang needs your support for War Victims in Paletwa, Chin State

18/02/2020

Melbourne um Chinmi nih 14 February 2020 ni ah, Australia Ram meikangh bawmhnak caah an hmuhmi tangka cu Country Fire Authority (CFA) sin ah an rak pek hna. Hi bawmhnak kong he pehtlaiin, nitlaklei Melbourne ah dirhmi [Meikangh Bawmhnak Bu] ah chungtuan a simi: Robert Ngunsang he chikhat biaruahnak....