18/08/2025
موضع کمنگو جو کہہ ضلع کھرمنگ کا مرکز مانا جاتا ہے آبادی کے لحاظ سے بھی اگر دیکھا جائے تو پورے کھرمنگ کے تیسرے نمبر پر آتا ہے اور لگ بھگ نو سو کے قریب چولہے بستے ہیں حال ہی میں چودہ اگست کی شام کو ایک انتہائی اور خوفناک سیلابی ریلے نے میرے دیس کا نقشہ ہی بدل کے رکھ دیا ہے ۔
الحمد للہ اس میں کوئی جانی نقصان نہیں ہوئے البتہ مالی کافی نقصانات ہوئے جیسے گھروں میں پانی گھس کر املاک کو کافی نقصان پہنچایا ہے ، علاؤہ ازیں بھیڑ بکری ، دکانوں, ہزاروں درختان سمیت کھڑی فصلوں کو بھی نا قابل تلافی نقصان پہنچایا ہے ۔۔
ہم حکام بالا کے مجاز افسران ڈی سی ، اے سی ودیگران سے دست بستہ گزارش کرتے ہیں کہہ ہماری املاک کو جو نقصان ہوا ہے اس کا ازالہ کیا جائے اور لوگوں کو جو بنیادی ضروریات ہیں فی الفور فراہم کیا جائے ۔
اس کے علاؤہ ڈسٹرکٹ کھرمنگ کے منتخب نمائندے کو بھی اس اہم نکتے کی طرف باور کرانا چاہتا ہوں خدارا آپ ہمیں اس مصیبت میں تنہا نہ چھوڑا جائے جتنی ممکن مدد ہو اور آگے جتنی آپکی رسائی ہو بر وقت لوگوں کو ریلیف فراہم کرکے شکریہ کہنے کا موقع فراہم کریں ۔
اور جتنے ملبے ندی میں پڑے ہوئے ہیں ان کو سرکاری مشینری کی وساطت سے خالی کرا کر پانی کو دوبارہ اپنا راستہ مہیا کیا جائے۔
عرض گزار ۔
کاچو محمد ہادی
