27/09/2025
मलेसियाको अन्तर्राष्ट्रिय विमानस्थल (KLIA) केयलआईएमा नेपाली श्रमिकहरुले पाउने दु:ख बारे गैर आवासीय नेपाली संघ क्षेत्रीय समिति जोहोर मलेसियाद्वारा सार्वजनिक प्रेस बिज्ञप्ति हेर्नुस् ।
प्रेस बिज्ञेप्ती
लाखौं नेपाली हरुको वैदेशिक रोजगारी को गन्तव्य देश मलेसियामा बर्षौ देखि पसिना बगाउदै दुख गरि छोटो बिदामा वा करार अवधी सकेर नेपाल घर फर्किदै गरेका नेपाली दाजुभाइ हरु लाई क्वालालम्पुर स्थित अन्तरास्ट्रिय विमान स्थल मा एअरपोर्ट कै अधिकारी तथा अन्य स्थानीय व्यक्ति हरु को मिलेमतो मा लुटिएको खबर ले हाम्रो सिङ्गो समिति को गम्भीर ध्यानाकर्षण भएको छ।अन्तर्राष्ट्रिय विमान स्थल जस्तो संबेदनसिल क्षेत्रमा पनि हामी श्रमजीवी हरु सुरक्षित हुन नसक्नु दु:खद छ।हामी ले सुन्दै भोक्दै आएको कुरा हो।लगेजमा फुटाएर महत्त्वपूर्ण सामानहरु चोरी हुनु हामी सबै जना जानकार छौ।विमान स्थल भित्र जाने बाटो को बारेमा राम्रो संग थाहा नहुदा अलमल हुने स्वयं यात्रु को पनि लापरबाही ,अनि आवश्यक ज्ञानको कमि हुदा पीडित हुनु मुख्य कारण रहेको बुझिन्छ ।यसै क्रममा क्वालालम्पुर मलेसिया अन्तर्राष्ट्रिय विमान स्थल को पाचौं तला र बस स्टेसन को लिफ्ट भित्रै पनि हरेक दिन नेपाली हरु घर फर्कदा डर त्रास देखाउने पिट्ने जस्ता विभिन्न बाहाना गरि लुटिएको र चोरी डकैती हुने गरेको हामीलाई सयौ वटा गुनासो हरु आउने गरेको हुदा हाम्रो अभिभावक नेपाली राजदुतावास टिम को यथासिघ्र ध्यानाकर्षण गराउन चाहान्छौ।बिगतमा पनि यस्ता घटना हरु हुने गरेका ले नेपाली दूतावास कै सक्रिय पहल बाट केही हद सम्म रोक्न सफल भएको हामीले महसुस गरेका थियौ ।फेरि पनि सम्बन्धित निकाय हरु संग समुन्यन गरि यहाहरु को उचित र परिणाम मुखी पहल रहोस। भन्ने जोडदार माग गर्दछौ। प्रिय दाजुभाइ दिदिबहिनी हरु हामी हरेक क्षेत्रमा असुरक्षित महसुस हुँदा हुदै पनि हामी रोजगारीको निम्ति पसिना बगाउन बाध्य छौ।तर हामी आफै पनि सचेत भयौं भने धेरै हदसम्म सकारात्मक हुनेछन् ।हामीले घर फर्कदा विमान कम्पनीको नियम अनुसार आवश्यक समाग्रीहरु मात्रै लगेज ब्यागमा राख्नु होला।आफ्नो ब्यक्तिगत मोबाइल मा अनावश्यक अस्लिल तस्बिर हरु भिडियो सामाग्री हरु अनावश्यक अन्लाईन गेम हरु तुरुन्तै डिलेट गर्नुहोला ।सानो गल्ती को परिणाम नमिठो हुन सक्छ।हामी आफै सचेत र सतर्क रहन सिकौ।घर फर्किदा आवश्यक विमान स्थल सम्बन्धि आफ्नोे जाने बुझेका साथीहरू वा आफ्नै कम्पनी HR टिम संग परामर्श लियर यात्रा गर्नुहुन हाम्रो समिति हर्दिक अपिल गर्दछौ। हाम्रो NRNA सिङ्गो कमिटी सधै भरी आवश्यक सहयोग गर्न पनि तयार रहेको प्रतिबद्धता व्यक्त गर्दछौ। हामीले नजिक बाट विकसित घटना क्रम लाई अध्यन गर्ने निरन्तर रुपमा खबर दारी गरिरहेका छौ ।हाम्रो अभिभावक नेपाली राजदुतावास समक्ष विभिन्न मध्यम बाट पत्राचार गरि खबर पुर्याउने प्रयास गरिएका छौ। मलेसियामा वैदेशिक रोजगारी मा रहेको लाखौ श्रमजीवी दाजुभाइ दिदिबहिनी हरुलाई अभिभाबकत्व महसुस गराउन हुन नेपाली राजदुतावास समक्ष विशेष विनम्र अनुरोध सहित प्रेस बिज्ञेप्ति मार्फत सम्बन्धित सबै पक्ष लाई जानकारी गराउन चाहन्छौ।
धन्यवाद ।
बोधार्थ :- गैर आवासीय नेपाली सघ राष्ट्रिय समन्वय परिषद मलेसिया
अध्यक्ष का. सचिव
वेदना श्रेष्ठ बिनय हमाल
गैर आवासीय नेपाली सघ क्षेत्रीय समिति जोहोर, मलेसिया
