PG REACT

PG REACT News

19/04/2026

Sia Mung tungtawn in KST na sepna

18/04/2026

ZNA tawh kisai Pu MosesPau

Kalaymyo thong inn pan thongtate 33 suahtakna ngah uh a, tua lakah gam vai hanga thongkia 23 kihel hi.============= Apir...
17/04/2026

Kalaymyo thong inn pan thongtate 33 suahtakna ngah uh a, tua lakah gam vai hanga thongkia 23 kihel hi.
=============
Apirli kha 17, 2026

Kawl k*mthak pawi phawkna dinga thong suahtakna (amnesty) ah Sagaing gamtheng, Kalaymyo thong inn pan thongtate 33 suahtakna ngah uh hi cih kiza hi.

Tua suahtakna ngah tate lakah gam vai hanga thongkia 23 kihel hi cih thong inn tawh kigamla lo mite in gen uh hi.

"Kalay thong inn pan mi 33 suahtakna ngah a, tua lakah gam vai hanga thongkia numei 2 leh pasal 21 kihel hi. Numei lakah k*m 12 thongkia dinga thukhenna kipia khat zong kihel hi," cih gam vai hanga thongkia lui khat in gen hi.

Gam sung khempeuh thong inn tuamtuam pan thongtate mi 4,335 galkap thuneite in suahtakna pia a, thukhun (Section 401, sub-section 1) tawh kizui-in, thong pan a suahtak khit ciang thukhenna khatpeuh a bawl kik leh a omlai thongkiat hun khempeuh thuak beh ding uh hi cih kigen hi.

Tua suahtakna ngah tate lakah gam vai hanga thongkia mi 165 bek kihel hi cih Political Prisoners Network Myanmar (PPNM) in tangko khia hi.

Gam leh minam a ding nasep zom lai dingin tha kicing mahmah ing, ci-in Gam President U Win Myint in genApirl kha 17Thagu...
17/04/2026

Gam leh minam a ding nasep zom lai dingin tha kicing mahmah ing, ci-in Gam President U Win Myint in gen

Apirl kha 17

Thagum zang galkap te’ thukhenna diklo tawh matna pan a suahtakna a ngah khia Gam President U Win Myint in gam leh minam a ding nasep zom lai dingin tha kicing mahmah ing, ci-in a genna thu NLD thugen Dr. Myo Nyunt in Yangon Khit Thit thuzakna ah gen hi.

Tuni Kawlgam k*m thak ni (K*m thak ni 1-na) ah suahtakna a ngah President U Win Myint pen NLD thugen Dr. Myo Nyunt leh a lawmte in va mu-in va hopih uh hi. Tua banga va kimu uh lai-in, President U Win Myint in amah thukham tawh kikalh nasep bangmah hih lo hi, gam leh minam a ding nasep zom lai dingin tha kicing mahmah hi, ci-in gen hi, ci-in Dr. Myo Nyunt in genkhia hi.

"President pen a ngeina bangin thukham tawh kikalh nasep bangmah hih ngei lo hi. Gam leh minam a ding nasep zom lai dingin tha kicing mahmah hi, ci-in gen thei ing," ci-in Dr. Myo Nyunt in gen hi.

Tu laitak Daw Aung San Suu Kyi tawh kisai thutuamtuamte kiza mah leh, thukip bangmah om nai lo hi. Daw Aung San Suu Kyi koi ah koih uh hiam cih zong kithei lo hi, ci-in Dr. Myo Nyunt in gen hi.

K*mpi U Win Myint Tuni in Suakta cih thuthang a man mah aidiam
17/04/2026

K*mpi U Win Myint Tuni in Suakta cih thuthang a man mah aidiam

Falam kidona ah CDF-Zotung galkap khat si; Kha 5 sung Falam kidona sungah CDF-Zotung pan a si galkap 4 pha ta.15 Apirl k...
15/04/2026

Falam kidona ah CDF-Zotung galkap khat si; Kha 5 sung Falam kidona sungah CDF-Zotung pan a si galkap 4 pha ta.

15 Apirl kha 2026

Chin Gam, Falam Myone sungah tu laitak kidona ah CDF-Zotung pan galkap khat zanni in si hi cih kiza hi.

Zanni 14 Apirl kha 2026 ni-a Falam Myone, Khuanli khua gei kidona ah CDF-Zotung galkap a hi Salai Toe Naing Aung si hi cih CDF-Zotung in suaksak hi.

CDF-Zotung galkap te pen Chin Gam Falam khuapi lak kik nading a hong kuan galkap (Military Council) te dal ding in Chin galkap dangte tawh kithuah in kidona ah kihel uh hi.

Kha 5 sung a sawt ta Falam Myone sung kidona ah CDF-Zotung lam pan galkap 4 si ta hi cih CDF-Zotung thugen theih na anei Salai Danny in gen hi.

09/04/2026

PDF te tungah lam et na aom lai mah diam?

06/04/2026

Zolai Tawh Kisai Pu Vum Nang

05/04/2026

Kawlgam Thu Pu Khatthang

05/04/2026

Zogam Cikha khua a ding Thuhoih Thu manpha
Moses Pau

03/04/2026

Dr.Tungpu in Laitui Khuazang PDF Zoland din kaikhia mang ding

Paletwa ah inn-ciah thei nailo galtai-te' inn phiat ding AA in zawhthawh=================Apirl kha 3, 2026Chin Gam, Pale...
03/04/2026

Paletwa ah inn-ciah thei nailo galtai-te' inn phiat ding AA in zawhthawh
=================

Apirl kha 3, 2026

Chin Gam, Paletwa Khua sung a khua khenkhat ah inn-ciah thei nailo galtai-te' inn phiat ding Arakkha Army (AA) in zawhthawh-na (pressure) pia uh hi ci-in tualsung mite' tung pan kiza hi.

Beisa March kha tawp lam pan kipan Paletwa peng, Hnamada leh Lailha khua-te ah mi-om lohna inn-te phiat ding hi ci-in khua-uk-te tungtawn in theihsakna ong khia uh hi.

"Khua sung a ULA/AA in a sepsak khua-uk-te in khua a om lai a tate leh u-le-nau-te tungtawn in galtai-te ong ciah nading leh, a ciah lo-te' inn kiphia ding hi ci-in zawhthawh-na ong pia uh hi," ci-in tualsung mi khat in gen hi.

Inn phiat ding a kicihna a hang a kician in kigen lo mahleh, inn lam nading a kisam-te tungah hawm kik nading hi ci-in khua-uk-te' genna om hi ci-in kiza hi.

Tu-le-tu in galtai-te Yangon pan Paletwa ciah nading mi khat ah kyats ting 40 bang bei ding banah, lampi tawn a sitna munte ah mat leh dotna thuak ding lauhuai ahih manin ciah thei nailo uh hi.

Tua banah, nasep haksatna, zato leh naupang sangkahna haksatna, leh vanlam pan thau-khah (airstrike) lauhuai lai ahih manin ciah thei nailo uh hi.

"Ciah nading zawhthawh-na om mahleh, a taktak in ciah nading lampi bei leh bitna (security) bangmah kician lo hi," ci-in tualsung mi dang khat in gen hi.

Tu-le-tu in inn-te phiat taktak nailo mahleh, AA in a sepsak khua-uk-te in u-le-nau leh vengte tungtawn in ciah nading thapia den ahih manin galtai-te lung himawh mahmah uh hi.

Lailha leh Hnamada khua-te ah khua 15 val om in khua lianpi-te ahi uh hi.

Paletwa peng ah 2023 k*m tawp lam a kidona hangin tualsung mi tampi Yangon leh Mizoram gam-te ah galtai in om uh hi.

Address

Puchong

Website

Alerts

Be the first to know and let us send you an email when PG REACT posts news and promotions. Your email address will not be used for any other purpose, and you can unsubscribe at any time.

Shortcuts

Share

Category