29/12/2024
ယိုးဒယားသင်္ဘောသီးထောင်း ပြုလုပ်နည်း 😋
""""""""""""""""""""""""""""""""""""""""""""""""""
လတ်တလောခေတ်နောက်ပိုင်းတွေမှာ လူငယ်တွေအကြိုက်များ အစားများလာတဲ့ သင်္ဘောသီးစပ်စပ်လေးထောင်းနည်းလေးနော် 🤤
ပါ၀င်ပစ္စည်းများ
""""""""""""""""""""""""""""""""""""""""""""""
သင်္ဘောသီးစိမ်း - အနေတော် တလုံး
ပုဇွန်ခြောက် - အကောင် ၂၀ခန့်
မြေပဲလှော် - အစေ့၂၀ခန့်
ငရုတ်သီးစိမ်း - ၇တောင့်ခန့် အစပ်ကြိုက်လျှင် ပိုထည့်ပါ
ထန်းလျှက်ခဲ - ကွမ်းသီးဆံအလုံးလောက် ၃ခဲ
ကြက်သွန်ဖြူ - အမွှာကြီးကြီး ၄မွှာ
ငံြပာရည် - လက်ဖက်ရည်ဇွန်း၂ဇွန်း
ပဲတောင့်ရှည် - ၃တောင့်ခန့်
ခရမ်းချဉ်သီး - ခပ်ကြီးကြီး တလုံး
သံပုရာသီး - တခြမ်း
👩🍳 ပြုလုပ်ပြင်ဆင်နည်း 👩🍳
- သင်္ဘောသီးကို အခွံခွာပြီး အမြှောင်းရှည်ရှည်လေးတွေ ရအောင်ခြစ်ထားပါ။ ခြစ်ပြီးသော သင်္ဘောသီးများကို သင်္ဘောသီး အစိမ်းနံ့မနံအောင် ရေများများနဲ့ ဆေးပြီးရေစစ်ထားပါ။
- ခရမ်းချဉ်သီးကို ၈ စိတ်စိတ်ထားပါ။
- မြေပဲလှော်ကို မညက်တညက်ထောင်းပြီး ဖယ်ထားပါ။
- ငရုတ်ဆုံ ခပ်ကြီးကြီးထဲမှာ ပုဇွန်ခြောက်ကို မညက်တညက် ထည့်ထောင်းပါ။
- ငရုတ်သီးစိမ်းကို မညက်တညက် ရောထောင်းပါ။
- ကြက်သွန်ဖြူကို မညက်တညက် ရောထောင်းပါ။
- ထန်းလျှက်ခဲကို ညက်နေအောင်ထောင်းပြီးမှ သင်္ဘောသီးကို ထည့်ထောင်းပါ။
- ထောင်းသော ကျည်ပွေ့ပေါ် မူတည်ပြီး သင်္ဘောသီးကို ကြည့်ထောင်းပါ။ ( ကျောက်ကျည်ပွေ့ဆိုပါက ၁၅ချက် အချက်၂၀လောက် ထောင်းရင်ရပါပြီ။ သစ်သားကျည်ပွေ့ဆိုပါက အချက် ၁၀၀ လောက်ထောင်းပေးမှ အရသာ၀င်ပါတယ်။ )
- ထောင်းနေစဉ် သံပုရာရည် ညှစ်ထည့်ပြီး ငံ ြပာရည် အချိုမှုန့် တို့နည်းနည်းခြင်းဆီ ထည့်ပေးပါ။
- သင်္ဘောသီးထောင်းပြီးပါက ပဲတောင့်ရှည်သီးကို ချိုးထည့်ပြီး ၅ချက်လောက် ထောင်းပေးပါ။
- ခရမ်းချဉ်သီးကိုလဲ ထည့်ပြီး၅ချက်လောက် ထောင်းပေးပြီးရင် ရပါပြီ။
- စားပွဲပြင်ဆင်တဲ့အခါ ပန်းကန်ထဲသို့ အရည်များရောအဖတ်များပါ သွန်ချပြီး မြေပဲထောင်း ဖြူးပေးကာ ပြင်ဆင်ရပါမယ်။ ဒါဆိုရင်တော့ အရသာစပ်စပ်လေးနဲ့ မွှေးမွှေးလေးရှူးရှူးရှဲရှဲစားကောင်းတဲ့ သင်္ဘောသီးထောင်းလေးရပါပြီနော် 🤤😋
