18/07/2026
ရုရှား၏ အကြီးဆုံးအွန်လိုင်းစျေးကွက် Wildberries သိုလှောင်ရုံ ဒရုန်းဖြင့် တိုက်ခိုက်ခံရပြီး မီးလောင်ကျွမ်း
18 July 2026 By KyivPost
ရုရှားနိုင်ငံ မော်စကိုမြို့အပြင်ဘက်ရှိ ရုရှား၏ အကြီးဆုံး အွန်လိုင်းစျေးကွက်လုပ်ငန်းတစ်ခုဖြစ်သည့် Wildberries ၏ အဓိက ထောက်ပံ့ပို့ဆောင်ရေးအချက်အချာ (Logistics Hub) သိုလှောင်ရုံကြီးတစ်ခုကို ယူကရိန်က ဒရုန်းဖြင့် တိုက်ခိုက်ခံခဲ့ရာ မီးလောင်ကျွမ်းမှု ပြင်းထန်နေကြောင်း သိရသည်။
အဆိုပါ ဒရုန်းဖြင့် ဗုံးကြဲတိုက်ခိုက်ခံရမှုကြောင့် သိုလှောင်ရုံကြီးတစ်ခုလုံး မီးဟုန်းဟုန်းတောက်လောင်ခဲ့ပြီး ထွက်ပေါ်လာသော ထူထပ်လှသည့် မီးခိုးနက်ကြီးများသည် ကောင်းကင်ယံသို့ မြင့်တက်ကာ ရုရှားနိုင်ငံ၏ မြို့တော် မော်စကိုအထိပင် ပျံ့နှံ့ရောက်ရှိနေပြီ ဖြစ်သည်။
ယခု တိုက်ခိုက်ခံရသည့် သိုလှောင်ရုံသည် ရုရှားတစ်နိုင်ငံလုံးရှိ Wildberries ကုမ္ပဏီ၏ စုစုပေါင်း ကုန်စည်လည်ပတ်မှု ပမာဏ၏ ၁၀ ရာခိုင်နှုန်းခန့်ကို ကိုင်တွယ်ဆောင်ရွက်နေရသည့် နေရာဖြစ်သောကြောင့် ကုမ္ပဏီအတွက်သာမက ရုရှားစီးပွားရေးအတွက်ပါ မဟာဗျူဟာမြောက်ပြီး စီးပွားရေးအရ အလွန်အရေးပါသော နေရာတစ်ခုဖြစ်ကြောင်း သိရသည်။
အဆိုပါ တိုက်ခိုက်မှုကြောင့် ထိခိုက်ပျက်စီးမှု အသေးစိတ် အခြေအနေများနှင့် လူထိခိုက်ဒဏ်ရာရမှု ရှိမရှိကိုမူ တာဝန်ရှိသူများက ဆက်လက် အတည်ပြုရန် ကြိုးပမ်းနေဆဲ ဖြစ်သည်။
