30/10/2025
အရမ်းကောင်းတဲ့ ပိုစ့်လေးမို့
ဖတ်ကြည့် စေချင်တယ်။
#လမ်းဆုံ
➖➖➖🍂🌹🍂➖➖➖
ဟို တစ်လောက
သူငယ်ချင်းတွေနဲ့အတူ
ပဲခူးဘက်က ဘုန်းတော်ကြီးသင်ပညာရေးကျောင်းတစ်ခုမှာ
ပညာရေးနဲ့ ပတ်သက်တဲ့
အလှူလေး သွားလုပ် ဖြစ်ပါတယ်။
အလှူလာလုပ်တဲ့ အထဲမှာ
ဘာသာခြားတွေလည်း ပါတော့ တရားဟောတာ ထက်
ဘဝ နေနည်း ဘက်၊ ပရဟိတ ဘက် ကို ဘုန်းဘုန်းက ဦးစားပေး
ပြောသွားတာပါ။
အဲဒီထဲမှာ ဘုန်းဘုန်း အတွက်
အင်မတန် အကျိုး ရှိခဲ့တဲ့ စကား ၊
ကျွန်တော်တို့
နားထောင်ရသူတွေ အတွက်လည်း
သိပ်ကို အကျိုး ရှိစေမယ့် အကြောင်းအရာလေး တခုကို
ပြန် ပြောပြချင်ပါတယ်။
♦️ဘုန်းဘုန်း ခပ်ငယ်ငယ်ဘ၀က
မိသားစု တစ်စုဆီမှာ
အခိုက်အတန့် တည်းခိုခဲ့ဖူးပါတယ်တဲ့။
အဲဒီမိသားစုက ပညာတတ်တွေ ဖြစ်ပြီး အင်မတန်လည်း ငြိမ်းချမ်းကြပါတယ်။
တရက်တော့
မနက်စာဘုဉ်းပေးနေတုန်း
ဘုန်းဘုန်းက ဘာရယ် မဟုတ်
မေးလိုက်ပါတယ်။
🔸 ဒကာမကြီးတို့ မိသားစုက
ဘုန်းဘုန်းကို အင်မတန်မှ
ဂရုစိုက်ကြတာပဲနော်၊
ဘာလို့ပါလဲ ❓တဲ့။
အဲဒီမှာ ပြန်ဖြေလိုက်တဲ့
အိမ်ရှင်အန်တီကြီးရဲ့ အဖြေက ❓
ဘုန်းဘုန်း တစ်ဘ၀လုံးစာ အတွက်
အသုံး၀င်မယ့် အတွေးတစ်ခု
ဖြစ်လာခဲ့ပါတယ်။
ဘာလို့လဲ ဆိုတော့••• ❗
🙏 အရှင် ဘုရား တပည့်တော် ဟာ
လူတယောက်ကို ကြည့်လိုက်ရင်
ဒီလူ ဘာဖြစ်လာမယ် ဆိုတာ
အနည်းနဲ့ အများ ခန့်မှန်းနိုင်ပါတယ်။
ဘုန်းဘုန်း ဆိုလည်း
ဘုန်းဘုန်းရဲ့ ကြိုးစားအားထုတ်မှုတွေ၊ စာဖတ်အားတွေကြောင့် •••
တစ်ချိန်မှာ ထင်ရှားလာမယ့်သူ ဆိုတာ တပည့်တော် သိပါတယ်။
🙏 အဲဒီ အချိန်ကျ ခုလို
အိမ်ကို ဆွမ်းစားပင့်ချင်လို့
ကြွပါဦး ဆိုရင်တောင်
ဘုန်းဘုန်းလာနိုင်တော့မယ် မဟုတ်ဘူး။ တပည့်တော်တို့ကရော
အမြဲ ဒီမှာ ရှိနေပါဦးမလား❓
တပည့်တော်တို့ ဟာ
ကိုယ့်လမ်းကိုယ် သွားနေကြတာပါ။
ဘုန်းဘုန်းကလည်း
ဘုန်းဘုန်း လျှောက်မယ့်လမ်း၊
တပည့်တော်တို့မှာလည်း
တပည့်တော်တို့ လျှောက်မယ့်လမ်း
ရှိပြီးသားပဲ။
အဲဒီလို လျှောက်နေတုန်း
လမ်းဆုံမှာ အခိုက်အတန့်
ဆုံတွေ့ကြတာပါ။
ပြီးရင်••• ဘုန်းဘုန်းလည်း
ကိုယ့်လမ်း ကိုယ် ဆက်သွားမယ်၊
တပည့်တော်တို့လည်း
ကိုယ့်လမ်း ကိုယ် ဆက်သွားမှာပါပဲ။
ဒါကြောင့်•••
ခုလို ဆုံရတုန်းမှာ
တပည့်တော် လုပ်ပေးလိုက်လို့
ဘုန်းဘုန်း အဆင်ပြေသွားတာလေး
ကြည့်ပြီး ပီတိဖြစ်ချင်တာပါပဲ။
တခြားအကြောင်းရင်း မရှိပါဘူးတဲ့။
တက်လမ်း ရှိသူမို့ တချိန်မှာ
ကိုယ့်ကို အကျိုးပြန် ပြုအောင်
လုပ်ပေးနေတာ မဟုတ်ဘူး❗။
အခိုက်အတန့် ဆုံတုန်းလေးမှာ
သူအဆင်ပြေသွားတာကို ကြည့်ပြီး
ပီတိ ဖြစ်ချင်တာပါ တဲ့။
အနှောင်အဖွဲ့ ကင်းပြီး
အေးချမ်းလိုက်တဲ့ စိတ်ထားလေး ပါ။
🔸 အဲဒီအချိန်က စပြီး •••
ဘုန်းဘုန်းလည်း တွေ့ရ၊
ကြုံရသမျှ လူတိုင်းကို
လမ်းဆုံမှာ အခိုက်အတန့်ဆုံရသူလို့ သဘောထားပြီး ဒီအချိန်လေးမှာ
ငါ သူ့ကို ဘယ်လို ကူညီပေးရမလဲ❗၊ အဆင်ပြေအောင်
လုပ်ပေးရမလဲ ဆိုတာမျိုးပဲ သဘောထားမိလာခဲ့ပါတယ် တဲ့။
ပတ်၀န်းကျင်မှာလည်း ကြည့်ကြည့်ပါ။
အထက်တန်း ကျောင်းတုန်းက သူငယ်ချင်းတွေ ခုချိန်မှာ ပြန်ဆုံဖို့ တော်တော်ခက်ကုန်ပြီ။
တက္ကသိုလ်တုန်းက
သူငယ်ချင်းတွေ ဆိုလည်း
အကွဲကွဲ အပြားပြား။
အခု ခင်မင်နေရတဲ့
အလုပ်က လုပ်ဖော်
ကိုင်ဖက်တွေရော၊
ဒီလူတွေနဲ့လည်း ခွဲရဦးမှာပဲ။
📕ပညာဆက်သင်တဲ့ သူက သင်မယ်၊ အလုပ်ပြောင်းတဲ့သူက ပြောင်းမယ်။
ဒါဖြင့် အိမ်က မိသားစုနဲ့ရော❓။
တချိန်မှာ ခွဲရမှာပဲ။
သိပ်ချစ်ရတဲ့ ချစ်သူတွေလည်း
တစ်နေ့တော့ ခွဲခွါ ရမှာပဲ။
ကျွန်တော်တို့တွေ ဟာ
ကိုယ့်လမ်းကိုယ် လျှောက်နေကြတုန်း အခိုက်အတန့် သဘော
( #လမ်းဆုံ ) မှာ
တွေ့နေကြရတာသာ ဖြစ်ပါတယ်။
ဒါက
ရွေးချယ်လို့၊ ရှောင်လွှဲလို့ မရတဲ့
အမှန်တရား။
ကျွန်တော်တို့
ရွေးချယ်လို့ ရတာက တော့
အဲ့ဒီလို ဆုံရတုန်း အခိုက်အတန့်မှာ ဘယ်လို သဘောထား၊
ဘယ်လို စိတ်ထားမျိုးတွေနဲ့
ဆက်ဆံကြမလဲ ဆိုတာပါပဲ။
အခွင့်သာတုန်း နှက်လိုက်မဟဲ့၊
အနိုင်ယူ လိုက်မယ်ဟဲ့၊
ပါးပါးလှီး လိုက်မယ်၊
ဂျင်းထည့် လိုက်မယ်၊
အဲ့ဒီလို လုပ်လိုက်ရတဲ့အခါမှာလည်း အောင်နိုင်သူ တစ်ယောက်လို
ပီတိ ဖြစ်နေမယ် ဆိုတာမျိုး
ရွေးလို့ ရသလို•••၊
ကြုံဆုံ ရတုန်းလေးမှာ
ငါ သူ့ကို အဆင်ပြေအောင်
လုပ်ပေးလိုက်မယ်၊
စိတ်ချမ်းသာအောင် ပြောပေးလိုက်မယ် ဆိုတာကလည်း ကိုယ့်ရွေးချယ်မှုပဲ
ဖြစ်ပါတယ်။
ကိုယ်က
တက္ကစီ Taxi သမား တယောက်
ဖြစ်နေသလား❓
ကိုယ့်ကားပေါ်ကို
ခရီးသည် တစ်ယောက်က
နှစ်ခါ စီးဖြစ်တယ် ဆိုတာတောင်
ခပ်ရှားရှားပါ။
ဒီတော့ သူနဲ့ ကိုယ်နဲ့
လမ်းဆုံမှာ ဆုံတုန်းလေး
အဆင်ပြေအောင် ကူညီပေးလိုက်ပါ။
လိပ်စာ သေချာ မသိဘူး ဆိုရင်
ကူပြီး ရှာပေးလိုက်၊
တွေ့တဲ့နေရာ ချမသွားပါနဲ့၊
နည်းနည်းလေး ပိုမောင်းပေးရတာကို
ငွေမတန်တဆ ထပ် မယူနဲ့။
ကိုယ်က ဆရာ၀န်တယောက်
ဖြစ်နေသလား❓။
ဘယ်လူနာမှ ဆေးရုံ ဆေးခန်းဆိုတာကို ခဏခဏ မလာချင်ပါဘူး။
ဒီတော့ ကိုယ့်ဆေးခန်းကို
ရောက်လာတဲ့ လူနာတွေကို
ရောဂါသက်သာရုံတင် မကဘဲ စိတ်ကျေနပ်မှု ရှိအောင်
ငါ ဘယ်လိုလုပ်ပေးလိုက်မယ်၊
ဘယ်လို ဆက်ဆံ ပေးလိုက်မယ် ဆိုတာမျိုး တွေးကြည့်ပါ။
ကိုယ်က စျေး၀ယ် စင်တာရဲ့
အရောင်းသမား တယောက်
ဖြစ်နေသလား၊❓၊
ကိုယ့်ဆီ ရောက်လာသမျှ
လူအားလုံးကို စိတ်ရှည် လက်ရှည်
ပြည့်ပြည့်စုံစုံ ရှင်းပြပေးပါ။
ကိုယ့်ဆီမှာ မရနိုင်တာတွေ အတွက်လည်း သိသလောက်
လမ်းညွှန် ပေးလိုက်ပါ။
ကိုယ်က ၀န်ဆောင်မှု ပေးရသူ
တစ်ယောက် ဖြစ်နေသလား❓။
ကိုယ့်ဆီလာသမျှ Customer တိုင်းကို ကိုယ့်လိုပဲ သဘောထား၊
ကိုယ်ချင်းစာပေးပြီး
အကောင်းဆုံး၀န်ဆောင်မှု ပေးလိုက်ပါ။
အဲဒီလိုသာ
လူသား အားလုံး သဘောထား နိုင်ခဲ့ရင်
ကမ္ဘာကြီး အတော်အေးချမ်းမယ် ဆိုတာမျိုးတော့ မပြောလိုပါဘူး။
ဒါပေမယ့် သေချာတာက
ကိုယ့်ဘဝလေးကတော့
အင်မတန် အေးချမ်းပါလိမ့်မယ်။
နေ့စဉ် နေ့တိုင်းဟာ
အဓိပ္ပါယ် ရှိနေပါလိမ့်မယ်။
ငါ အဲဒီတုန်းက
သူ့ကို ဒီလိုပြောခဲ့မိလိုက်တယ်၊
လုပ်ခဲ့ မိလိုက်တယ်၊
ကျေးဇူးတင် စကားလေးတောင်
မပြောလိုက်ရဘူး❗၊
ဒါလေးတွေ မလုပ်ပေးလိုက်ရဘူး ❗
စသဖြင့် နောင်တ ရမနေချင်ဘူး ဆိုရင်
ဒီနေ့က စပြီး
( လမ်းဆုံ )မှာ ဆုံတွေ့ ရသမျှ
လူတိုင်းကို
အကောင်းဆုံး ဆက်ဆံ ပေးလိုက်ပါ။
တကယ်တော့ •••
အောင်မြင်တဲ့ ဘ၀ ဆိုတာ
နောင်တ ရစရာ မရှိတဲ့ ဘ၀ကို
ခေါ်တာပါ။
🎇🎇🎇🎇🎇🎇🎇🎇🎇🎇🎇🎇
#အရှင်တိက္ခ ( U.S.A )
🙏 🙏 🙏
💘 .
