Ja Ko Chi Lisu

14/10/2026

စင်္ကာပူနိုင်ငံမှာ အလုပ်လုပ်နေတဲ့ မြန်မာအမျိုးသမီးတစ်ဦး နှလုံးရပ်ပြီး ကွယ်လွန်သွားလို့ မိသားစုဝင်များ သိရှိစေရန် 😰

စင်္ကာပူနိုင်ငံတွင် အလုပ်လုပ်ကိုင်နေသည့် ပဲခူးတိုင်းဒေသကြီး၊ ညောင်လေးပင်မြို့နယ်၊ ဆာဆေးကျေးရွာမှ ဖြစ်ပြီး မြန်မာအမျိုးသမီးတစ်ဦး အိပ်ယာထက်တွင် နှလုံးရပ်ကာ ကွယ်လွန်သွားခဲ့ကြောင်း သိရသည်။

ဖြစ်စဉ်မှာ အဆိုပါကောင်မလေးသည် အိမ်ရှင်ထံတွင် ၁၁ လကျော်ကြာ နေထိုင်အလုပ်လုပ်ကိုင်ခဲ့သူဖြစ်ပြီး နာမည်ပျက်မရှိဘဲ မိသားစုအတွက် ကြိုးစားလုပ်ကိုင်နေသူတစ်ဦးဖြစ်သည်။

ယင်းနေ့တွင် အိပ်ယာမှ မနိုးလာသဖြင့် အိမ်ရှင်/သူဌေးများက အခန်းတွင်းသို့ ဝင်ရောက်စစ်ဆေးကြည့်ရှုခဲ့ရာတွင် ကွယ်လွန်နေသည်ကို တွေ့ရှိခဲ့ရခြင်းဖြစ်ပြီး ဆေးစစ်ချက်အရ နှလုံးရပ်ကာ ကွယ်လွန်ခဲ့ခြင်းဖြစ်ကြောင်း အတည်ပြုထားသည်။

ကွယ်လွန်သူ၏ မိသားစုနှင့် ရပ်ရွာမိဘများအတွက် ရင်နှင့်မညီ ဝမ်းနည်းကြေကွဲရပါကြောင်းနှင့် ပြည်ပနိုင်ငံများတွင် အလုပ်လုပ်ကိုင်နေကြသော မြန်မာနိုင်ငံသားများအနေဖြင့် ကျန်းမာရေးနှင့်ပတ်သက်၍ အထူးဂရုစိုက်ကြရန်၊ ကျန်းမာရေး မကောင်းပါက သက်ဆိုင်ရာ အိမ်ရှင် သို့မဟုတ် အလုပ်ရှင်များကို ပွင့်ပွင့်လင်းလင်း ပြောပြတိုင်ပင်ကြရန် တို.က်တွန်းနှိုးဆော်ထားပါသည်။

#စက်ာပူ
#မြန်မာ

Ja Ko Chi Lisu

10/10/2026

Happy birthday to you! 🥳🥳

#ကမ္ဘာ့ချန်ပီယံ
ပရိတ်သတ်တွေရဲ့အချစ်ကို ပူပူနွေးနွေးခံထားရတဲ့ Van လေး
နောက်ပွဲတွေမှာလည်း
ခါးပတ်ကိုအမြဲထိန်းနိုင်ပါစေ
လို့ ဆုတောင်းပေးပါတယ်။
Ja Ko Chi Lisu

08/10/2026

❎"ကိုယ်မနက် ၄ နာရီအထိ မအိပ်ဘဲ ထောင်မကျဘဲ ကိုယ့်ဇနီးကို သတ်နိုင်မယ့် နည်းလမ်းတွေကို ထိုင်စဉ်းစားနေခဲ့တာ..." ဆိုတဲ့ Message က Caleb Flynn နဲ့ သူ့ရဲ့ တိတ်တိတ်ပုန်းချစ်သူ Alleigha တို့ နှစ်ဉီးကြား ပို့ခဲ့ကြတဲ့ Message ပေါင်း ၁ သိန်းကျော်ထဲက တစ်ခုဖြစ်ပါတယ်။

အမေရိကန်နိုင်ငံ၊ အိုဟိုင်းယိုးပြည်နယ်ရဲ့ Tipp City မြို့လေးမှာ အပြင်ပန်းကြည့်ရင် လုံးဝ ပြီးပြည့်စုံလွန်းတဲ့ မိသားစုတစ်ခု ရှိခဲ့ပါတယ်။ အသက် ၃၇ နှစ်အရွယ် Ashley Flynn ဟာ မြို့ခံလူထုကော ကျောင်းသူကျောင်းသားတွေပါ အလွန် ချစ်ခင်ကြတဲ့ မူလတန်းပြဆရာမ၊ ဘော်လီဘော နည်းပြနဲ့ သမီးလေးနှစ်ယောက်ကို အရမ်းချစ်တဲ့ သူတို့ရဲ့ စံပြမိခင်တစ်ယောက်ပါ။

✅သူရဲ့ ခင်ပွန်း Caleb Flynn ကလည်း ၂၀၁၃ တုန်းက 'American Idol' ပြိုင်ပွဲမှာ "ကျွန်တော် ကျွန်တော့်ဇနီးကို ကမ္ဘာပေါ်မှာ အချစ်ဆုံးပါ" လို့ တိုင်းပြည်တစ်ခုလုံးရှေ့ မျက်ရည်ကျပြရင်း ကြွေးကြော်ခဲ့ဖူးသူ ဖြစ်ပါတယ်။ ဒါ့ပြင် ဘုရားကျောင်းမှာ ဓမ္မတေး ဦးဆောင်ဆိုတဲ့ သင်းအုပ်ဆရာ တစ်ယောက် ဖြစ်သလို၊ ယောက္ခမပိုင်တဲ့ ကုမ္ပဏီမှာ ဒုတိယဥက္ကဋ္ဌ ရာထူးနဲ့ တစ်နှစ်ကို ဒေါ်လာ ၂ သိန်းနီးပါး ရရှိထားတဲ့ ဂုဏ်သရေရှိ လူကြီးမင်းတစ်ယောက်လဲ ဖြစ်ပါတယ်။ ယောက္ခမက ဘယ်လောက်ကောင်းလဲဆိုတော့ သူ့ကို သားအရင်းလို သဘောထားပြီးတော့ သူ့ကုပ္မဏီမှာ လစာကြီးကြီး ရာထူးကြီးကြီးပေးထားတဲ့အပြင်၊ ကျန်းမာရေး အာမခံတွေနဲ့ တစ်လကို မိသားစု သုံးစွဲဖို့အတွက် ဒေါ်လာ ၁၀၀၀ အလှူငွေပုံမှန် ပေးနေခဲ့ပါတယ်။

ဒါပေမဲ့ ဒီလို သာယာလှတဲ့ အိမ်ထောင်ရဲ့ နောက်ကွယ်မှာတော့ ဘယ်သူမှ မထင်ထားတဲ့ အဖြစ်အပျက်တစ်ခု ဖြစ်နေခဲ့ပါတယ်။ Caleb ဟာ ၂၀၂၂ ခုနှစ်ကစလို့ ဘုရားကျောင်းကို အလုပ်သင်အဖြစ် ရောက်လာတဲ့ အသက် ၂၀ အရွယ် Alleigha Botner ဆိုတဲ့ သင်တန်းသူနဲ့ ၁၈ လနီးပါးကြာ တရားမဝင် ဖောက်ပြန်နေခဲ့တာပါ။ သူတို့အချင်းချင်း အပြန်အလှန်ပို့ခဲ့ကြတဲ့ Message တွေထဲမှာ Caleb နဲ့ တိတ်တိတ်ပုန်း ချစ်သူ/မယားငယ်တို့ဟာ မယားကြီးဖြစ်တဲ့ Ashley ကို သူ့ရဲ့ နာမည်ရင်းကိုတောင် မခေါ်ကြဘဲ 'douche'၊ 'စုန်းမ' စတဲ့ ရိုင်းစိုင်းတဲ့ အမည်ဆိုးတွေနဲ့ နှိမ့်ချ ခေါ်ဆိုခဲ့ကြပါတယ်။

၂၀၂၅ ခုနှစ် ဩဂုတ်လထဲမှာ Caleb နဲ့ Ashley တို့ဟာ ၁၅ နှစ်မြောက် မင်္ဂလာနှစ်ပတ်လည်အဖြစ် မက္ကဆီကိုနိုင်ငံ၊ Cabo (Cabo San Lucas) ကို သင်္ဘောခရီးစဉ် (Riviera Cruise) ထွက်ခဲ့ကြတာ ဖြစ်ပါတယ်။ အဲဒီအချိန်မှာ မယားငယ် Alleigha က အလွန်အမင်း ဒေါသထွက်ပြီး မနာလို ဖြစ်ခဲ့ပါတယ်။ ၂၀၂၅ ခုနှစ် ဩဂုတ်လ ၄ ရက်နေ့မှာ Alleigha က Caleb ဆီကို - "မင်းရဲ့ ၁၅ နှစ်မြောက် မင်္ဂလာနှစ်ပတ်လည် ခရီးစဉ်မှာ ပျော်ရွှင်ပါစေဦး... မင်းတို့ရဲ့ ၁၅ နှစ်ဆိုတဲ့ သမိုင်းကြောင်းနဲ့ ငါတို့ရဲ့ ၁၇ လဆိုတာ နှိုင်းယှဉ်လို့တောင် မရပါဘူး၊ သူပဲ အမြဲတမ်း အနိုင်ရတာပါပဲ... လေယာဉ်ပေါ်မှာ၊ ဟိုတယ်မှာ၊ Cabo မှာ သူ့နဲ့အတူ အချိန်ဖြုန်းလိုက်ပါ" ဆိုပြီး သရော်တဲ့ Message တွေ ပေးပို့ခဲ့ပါတယ်။ ဒါ့ပြင် ဒီခရီးစဉ်အကြောင်း တွေးမိရုံနဲ့ စိတ်ပျက်အန်ချင်သလို ခံစားရပြီး သေချင်စိတ်တောင် ပေါက်တယ်လို့ ရေးသားခဲ့တာပါ။

Caleb က မယားငယ် စိတ်ကျေနပ်အောင် ခရီးစဉ် မသွားခင်မှာပဲ - "ငါ အဲဒီ ခရီးမှာ လုံးဝ ပျော်မှာ မဟုတ်ပါဘူး... ငါ့ရဲ့ နှလုံးသားနဲ့ စိတ်က မင်းဆီမှာပဲ ရှိနေမှာပါ။ ငါ သူ့ကို လုံးဝ ထိမှာ မဟုတ်ဘူး၊ ငါ သူ့ကို မုန်းတယ်၊ အမြဲတမ်းလည်း မုန်းနေမှာပါ" ဆိုပြီး မယားငယ်ဆီ Message တွေ ပေးပို့ခဲ့ပါတယ်။

သင်္ဘောခရီးစဉ်ကနေ ပြန်လာပြီးနောက် ၂၀၂၅ ခုနှစ် ဩဂုတ်လ ၂၂ ရက်နေ့မှာ Alleigha က Caleb ကို စကားမပြောဘဲ ရှောင်ထွက်နေခဲ့ပါတယ်။ အဲဒီအခါ Caleb ဟာ မယားငယ်ကို လက်လွှတ်လိုက်ရမှာ အလွန်တရာ အထိတ်တလန့် ဖြစ်သွားခဲ့ပြီး - "ဒီ သင်္ဘောခရီးစဉ် ရောက်သွားတာဟာ ငါ့ဘဝမှာ အဆိုးရွားဆုံးပါပဲ... ငါ မင်းကို မနာကျင်စေချင်ပါဘူး... ငါ ညက မနက် ၄ နာရီအထိ ထိုင်ပြီး ထောင်မကျဘဲ သူ့ကို သတ်နိုင်မယ့် နည်းလမ်းတွေကို ထိုင်စဉ်းစားနေခဲ့တာ" ဆိုတဲ့ တုန်လှုပ်ဖွယ်ရာ Message ကို မယားငယ်ဆီ ပေးပို့ခဲ့တာ ဖြစ်ပါတယ်။

ဒီ ၁၅ နှစ်မြောက် မင်္ဂလာနှစ်ပတ်လည် သင်္ဘောခရီးစဉ်ဟာ Caleb နဲ့ မယားငယ်ကြား တင်းမာမှုကို အထွဋ်အထိပ် ရောက်စေခဲ့ပြီး၊ မယားငယ်ကို မဆုံးရှုံးရစေဖို့အတွက် ဇနီးဖြစ်သူ Ashley ကို သတ်ဖြတ်ဖို့ လူမဆန်တဲ့ အစီအစဉ်တွေကို ပိုမို အရှိန်မြှင့် စတင်လာစေခဲ့တဲ့ အဓိက အကြောင်းအရင်းတစ်ခု ဖြစ်ခဲ့ပါတယ်။

ဒါ့ပြင် မယားငယ်ကလည်း အိမ်ထောင်ဖက်နဲ့ အမြန်ကွာရှင်းပစ်ဖို့အတွက် Caleb ကို ရာဇသံတွေ တောက်လျှောက်ပေးနေခဲ့ပါတယ်။ ကျေးဇူးတော်ချီးမွမ်း မတိုင်ခင် ကွဲပစ်ရမယ်၊ နောက်တော့ ခရစ်စမတ်၊ နောက်တော့ ၂၀၂၆ ဇန်နဝါရီလ ၁၁ ရက်နေ့တွေကို နောက်ဆုံး Deadline ထားပြီး ကွဲပစ်ရမယ် မဟုတ်ရင် သူနဲ့ ဘယ်တော့မှ ထပ်မတွေ့တော့ဘူး စသည်ဖြင့် အကျပ်ကိုင် ဖိအားပေးခဲ့တာပါ။

ဒီလိုမျိုး Deadline တွေအောက်မှာ Caleb ဟာ မယားငယ်ကို လက်မလွှတ်ရစေဖို့နဲ့ ဘုရားကျောင်းမှာ ဂုဏ်သိက္ခာ မပျက်စေဖို့ အစွန်းရောက် အတ္တဆန္ဒတွေ ဝင်လာခဲ့ပြီး နောက်ဆုံးမှာတော့ ဇနီးဖြစ်သူ Ashley ကို ရက်ရက်စက်စက် သတ်ဖြတ်ဖို့အထိ ရွေးချယ်ခဲ့တာပဲ ဖြစ်ပါတယ်ရှင့်။

သူက မိန်းမကို မချစ်တော့ဘူးဆိုရင် ကွာရှင်းလိုက်ရင် ရတာဘဲ ဘာဖြစ်လို့ ကွာရှင်းတဲ့လမ်းကို မရွေးဘဲ သတ်ပစ်ချင်ရတာလဲဆိုတော့ သူက ဘုရားကျောင်းက သူ့အလုပ်နဲ့ ယောက္ခမပေးထားတဲ့ တစ်နှစ် ဒေါ်လာ ၂ သိန်းလောက်တန်တဲ့အလုပ်ကို မစွန့်လွတ်ချင်လို့ဖြစ်ပါတယ်။ သူ့မိန်းမ Ashley ကို မယားငယ်အတွက် ကွာရှင်းခဲ့မယ်ဆိုရင် ဒီ ၂ ခုစလုံးကို လက်လွတ်လိုက်ရမှာဖြစ်တယ်။ ဒါကြောင့် မိန်းမ သေသွားမှသာ သူက ဘုရားကျောင်းနဲ့ ယောက္ခမတွေရဲ့ ပံ့ပိုးကူညီမှုကို ဆက်ရနေမှာ ဖြစ်တဲ့အတွက် သတ်ပစ်ဖို့ ရက်ရက်စက်စက် ဆုံးဖြတ်ရဲခဲ့တာ ဖြစ်ပါတယ်။

၂၀၂၆ ခုနှစ် ဖေဖော်ဝါရီလ ၁၆ ရက်နေ့ နံနက်အစောပိုင်း ၂ နာရီ ၃၁ မိနစ်မှာတော့ Tipp City ရဲ့ 911 အရေးပေါ်ဌာနဆီကို သနားစရာအသံလေးနဲ့ ငိုယိုပြီး ဖုန်းဆက်သံတစ်ခု ရောက်ရှိလာခဲ့ပါတယ်။ ဖုန်းဆက်သူကတော့ Caleb Flynn ပါပဲ။ သူက 'ဒုက္ခပါပဲ... တစ်ယောက်ယောက် ငါ့အိမ်ထဲကို ဝင်လာတယ်... ငါ့ဇနီးကို ပစ်သတ်သွားပြီ... အိမ်ထဲမှာ သွေးတွေချည်းပဲ... ကူညီကြပါဦး' ဆိုပြီး သဲသဲမဲမဲ အော်ဟစ်အကူအညီတောင်းခဲ့ပါတယ်။

၇ မိနစ်ကြာတဲ့ အဲဒီ 911 ဖုန်းကောလ်အတွင်းမှာ Caleb က သူဟာ အခင်းဖြစ်ချိန်မှာ သမီးလေးနှစ်ယောက်ရဲ့ အခန်းထဲမှာ ရောက်နေခဲ့တာဖြစ်ပြီး၊ အိမ်ရှေ့ဂိုဒေါင် (Garage) ရဲ့ ဘေးတံခါး ပွင့်နေတာကို တွေ့ရကြောင်း၊ လူစိမ်းတစ်ယောက်ဝင်လာပြီး အိပ်ခန်းထဲမှာ အိပ်ပျော်နေတဲ့ ဇနီးဖြစ်သူ Ashley ရဲ့ ခေါင်းကို သေနတ်နဲ့ နှစ်ချက် ပစ်ခတ်သွားတာပါဆိုပြီး ပြောဆိုခဲ့ပါတယ်။

ရဲတပ်ဖွဲ့နဲ့ အရေးပေါ်ကယ်ဆယ်ရေးအဖွဲ့တွေ ရောက်ရှိလာချိန်မှာတော့ အသက် ၃၇ နှစ်အရွယ် Ashley ဟာ အိပ်ခန်းထဲက ကုတင်ပေါ်မှာတင် ခေါင်းကို သေနတ်နှစ်ချက် ထိမှန်ပြီး သေဆုံးနေတာကို တွေ့ရှိခဲ့ရပါတယ်။ ဒါပေမဲ့ ရဲတပ်ဖွဲ့ဝင်တွေ အခင်းဖြစ်ပွားရာနေရာကို စတင်စစ်ဆေးချိန်မှာတင် မသင်္ကာစရာ အချက်အလက်များစွာကို စတင်တွေ့ရှိခဲ့ရပါတယ်။

ပထမဆုံးအချက်အနေနဲ့ Caleb ရဲ့ Ford ပစ်ကပ်ကားရဲ့ အလယ်လက်တင်ပုံး ပွင့်နေတာကို ရဲတွေ သတိထားမိခဲ့ကြပါတယ်။ အဲဒီလက်တင်ပုံးဟာ Caleb ရဲ့ 9mm လက်နက်ကို သိမ်းဆည်းထားတဲ့နေရာဖြစ်ပြီး Caleb က လူစိမ်းက ကားထဲက သေနတ်ကို ခိုးယူပြီး ဇနီးကို ပစ်သတ်သွားတာပါလို့ ရဲတွေကို ထွက်ဆိုခဲ့ပါတယ်။ ဒါပေမဲ့ အဲဒီဇာတ်လမ်းမှာ လုံးဝ ဖြစ်နိုင်ခြေမရှိတဲ့ ဟာကွက်ကြီးတွေ ရှိနေခဲ့ပါတယ်။

ဂိုဒေါင်ရဲ့ ဘေးတံခါးဟာ ပွင့်နေတယ်ဆိုပေမဲ့ အဲဒီတံခါးရဲ့ အတွင်းဘက်မှာ ရေခဲသေတ္တာအကြီးကြီးတစ်လုံးက ပိတ်ဆို့ထားတာပါ။ အပြင်ကလူတစ်ယောက်က အတင်းတွန်းဖွင့်ရင်တောင် အဲဒီရေခဲသေတ္တာကြီးကို တွန်းရွှေ့ဖို့ မလွယ်ကူသလို၊ အဲဒီလိုလုပ်ခဲ့ရင် အသံအကျယ်ကြီး ထွက်လာမှာ ဖြစ်ပါတယ်။

ဒါ့ပြင် Flynn မိသားစုမှာ မသင်္ကာဖွယ်ရာ လူစိမ်းတွေ့ရင် တဟောင်ဟောင်နဲ့ အသံကုန်ဟောင်တတ်တဲ့ ရွှေဝါရောင် ဂိုဒင်ဒူးဒဲလ် (Golden Doodle) ခွေးကြီးနှစ်ကောင် ရှိနေတာပါ။ အဲဒီညက ခွေးတွေတစ်ချက်မှ မဟောင်ခဲ့သလို အိမ်ထဲကို လူစိမ်းဝင်လာတဲ့ ခြေရာ၊ လက်ဗွေရာ၊ DNA နဲ့ အတင်းအဓမ္မ ဝင်ရောက်ထားတဲ့ သဲလွန်စ ဘာတစ်ခုမှ မတွေ့ရပါဘူး။

ဒါ့အပြင် အခင်းဖြစ်ချိန်မှာ Caleb ရဲ့ ဖုန်းနဲ့ ဒီဂျစ်တယ် စက်ပစ္စည်းတွေက အိမ်ထဲမှာ လှုပ်ရှားနေခဲ့တဲ့ အထောက်အထားတွေကို စုဆောင်းအပြီး... အခင်းဖြစ်ပွားပြီး ၈၂ နာရီအကြာ၊ ၂၀၂၆ ခုနှစ် ဖေဖော်ဝါရီလ ၁၉ ရက်နေ့မှာတော့ Tipp City ရဲတပ်ဖွဲ့က Caleb Flynn ကို ဇနီးဖြစ်သူ Ashley ကို သတ်ဖြတ်မှုနဲ့ တရားဝင် လာရောက် ဖမ်းဆီးထိန်းသိမ်းလိုက်ပါတယ်။

ဒီအမှုမှာ မထူးဆန်းပေမယ့် Caleb လိုသစ္စာဖောက်အတွက် ရင်နင့်စရာအကောင်းဆုံး အလှည့်အပြောင်းကတော့ သူ့ကို မခွဲနိုင်အောင် ချစ်ပါတယ်ဆိုတဲ့ မယားငယ် Alleigha ရဲ့ လုပ်ရပ်ပါပဲ။ အစပိုင်းမှာ ဖောက်ပြန်မှုကို ဖုံးကွယ်ခဲ့ပေမဲ့ FBI က သံသယရှိလာတဲ့အခါ သူပါ ကြံရာပါအနေနဲ့ ဆွဲစိခံရမှာ စိုးရိမ်လာတဲ့အတွက်ကြောင့် Alleigha ဟာ ရှေ့နေနဲ့အတူ FBI ထံ သွားရောက်ပြီး ၁၈ လတာအတွင်း ပေးပို့ခဲ့တဲ့ စာတို ၁ သိန်းကျော် အပါအဝင် အမှန်တရားအားလုံးကို အကုန်အစင် ထုတ်ဖော် ထွက်ဆိုခဲ့ပါတယ်။

သူကအခင်းဖြစ်ချိန်မှာ အခြားမြို့မှာ ရောက်နေကြောင်း Geolocation နဲ့ သက်သေပြနိုင်ခဲ့လို့ လူသတ်မှုမှာ ကိုယ်ထိလက်ရောက် ပါဝင်ခြင်း မရှိတဲ့ မယားငယ်ဟာ တရားစွဲဆိုခြင်းမှ ကင်းလွတ်ခွင့် ရရှိခဲ့ပြီး တရားခွင်မှာ Caleb ကို ဆန့်ကျင်ဘက် သက်သေအဖြစ် ထွက်ဆိုကာ "အခုတော့ Caleb ကို ငါ အလွန် စက်ဆုပ်မုန်းတီးပါတယ်" လို့ ထွက်ဆိုခဲ့တာ ဖြစ်ပါတယ်။

၂၀၂၆ ခုနှစ် အောက်တိုဘာလ ၅ ရက်နေ့မှာတော့ တရားသူကြီး Jeannine Pratt က Caleb Flynn ကို ခံဝန်လျှောက်ထားခွင့် မရှိတဲ့ ထောင်ဒဏ် တစ်သက်တစ်ကျွန်း အပြင် အပိုထောင်ဒဏ် ၁၆ နှစ် ချမှတ်ခဲ့ပါတယ်။ Caleb က အဆုံးထိ ငြင်းဆိုခဲ့ပေမဲ့၊ အသက် ၁၂ နှစ်အရွယ် သမီးကြီး Alyssa ကတော့ "ဖေဖေဟာ ကိုယ့်ကိုယ်ကိုကလွဲလို့ ဘယ်သူ့ကိုမှ မချစ်တတ်သူပါ။ ထောင်ထဲကို ဖေဖေ့ဆီ သမီး ဘယ်တော့မှ လာတွေ့မှာ မဟုတ်ဘူး" လို့ ရဲရဲဝံ့ဝံ့ ပြတ်သားစွာ ထွက်ဆိုခဲ့ပါတယ်။

ကိုယ့်ရဲ့ ဇနီးအရင်းကို သတ်ပစ်ခဲ့တဲ့အထိ မိုက်မှားခဲ့တဲ့ Caleb ဟာ အရာအားလုံးကို ဆုံးရှုံးခဲ့ရပြီး၊ သူ လိုချင်ခဲ့တဲ့ မယားငယ်ကိုယ်တိုင်ကပါ တရားခွင်မှာ ကိုယ်လွတ်ရုံးကာ သူ့ကို စက်ဆုပ်ကြောင်း ထွက်ဆိုသွားခဲ့တဲ့ ဒီအဖြစ်ဆိုးကြီးကို ကြည့်ရင် တဏှာနဲ့ အတ္တဆန္ဒတွေရဲ့ အဆုံးသတ်ဟာ ဘယ်လောက်အထိ ရင်နင့်စရာကောင်းသလဲဆိုတာ ဝမ်းနည်းဖွယ် တွေ့ရပါတယ်။

မိတ်ဆွေတို့ကော ဒီလို မကောင်းဆိုးဝါးဆန်တဲ့ ဟန်ဆောင်မှုတွေနဲ့ မယားငယ်ရဲ့ နောက်ဆုံး အလှည့်အပြောင်းအပေါ် ဘယ်လို မြင်ကြပါသလဲ။ မိတ်ဆွေတို့ရဲ့ အတွေးအမြင်တွေကိုလည်း အောက်မှာ ဆွေးနွေးသွားကြပါဦးနော်...။


#ဖြစ်ရပ်မှန် #လူသတ်မှု

07/10/2026

နိုင်ငံတော်အဆင့် မဟုတ်လို့ မလေးရှားဝန်ကြီးလည်း သွားမကြိုသလို အခြား နိုင်ငံတော်အဆင့်
ဒုဝန်ကြီး၊ နိုင်ငံခြားရေးဝန်ကြီးနဲ့ အခြား အရေးပါသော န်ုင်ငံတော်အဆင့် ပုဂ္ဂိုလ်တွေ တယောက်မှ မကြိုဆိုပါဘူး။ ပန်းစည်းကိုတောင် သံရုံးက တာဝန်ခံတွေ ကိုယ်တိုင်စီစဉ်ပြီး ကိုယ့်လူနဲ့ကို ပန်းစည်းပေးတာပါ။

ဒီထက်သိအောင် ပြောပြရရင် .
ယခုလေးပဲ အာဏာပိုင်တွေ ကျနော့ကို ရှင်းပြတာက
ဂုဏ်ပြုတပ်ဖွဲ့ဆိုတာ နိူင်ငံတော် ဧည့်သမ္မတတွေလာရင် ကြိုဆိုအလေးပြုသလို ကျော်သွားရင် လက်နက်နဲ့ သတိအနေထား ပြန်ဆွဲရပါတယ်။ အခုက ဒိတိုင်းပဲ ရပ်နေတယ်ဆိုတာ သူ့ကို လက်ခံတဲ့ အဆင့်ပါ။ လေးစားမှု့ မပြပါဘူး။

ထပ်ရှင်းပြတာက..
လက်ရှိ အာဆီယံမှာ မြန်မာန်ုင်ငံက စာရင်းဝင်နေသေးတဲ့ အပေါ်မှာ ဆက်ဆံနေရတာဖြစ်ပြီး လက်ရှိတွေ့ဆုံခြင်းကလည်း မြန်မာရွေ့ပြောင်းဒုက္ခသည်အလုပ်သမားအရေး နဲ့ အခြားကိစ္စ လေယာဉ်နဲ့ အကြမ်းဖက်တဲ့ ကိစ္စ
ဒါတွေကို ဆွေးနွေးကြမှာ ဖြစိတယ်လို့ ပြောပါတယ်။

နောက်တခုက ..
လုံခြုံရေးကြီးကြီးမားမား မပေးထားပါဘူး။
မအလ ကိုယ်တိုင် သူ့စရိတ်နဲ့ သူ လုံခြုံရေး စီစဉ်တာပါ။
လုံခြူဲရေးနဲ့ ကားအစီအစဥ်၊ အယောက် ၈၀ လို့ သိရပါတယ်။ တည်းခိုတာကအစ မအလ တို့ စီစဉ်ရွေးချယ်တာပါ။ ကိုယ့်စရိတ်နဲ့ ကိုယ်ပါ။ ဒါကြောင့် Jln Ampang မြန်မာ သံရုံးနားမှာ လာတည်းရခြင်းပါ။

လာမယ့် ၉၊ ၁၀ မလေးရှားကို အီဂျစ်သမ္မတ နိုင်ငံတော်အဆင့် ချစ်ကြည်ရေး လာရောက်မှာဖြစ်ပါတယ်။
ယခုတည်းက ကြိုဆိုတာတွေ ပြင်ဆင်တာတွေ ရှိပါတယ်။ ယှဉ်ကြည့်လို့ရပါတယ်။

မြန်မာအလံကို ညကမှ ကဗျာကရာ တည်းတဲ့ ဟိုတည်နားတဝိုက် ထောင်တာပါ။

လောလောဆယ် ကိုယ့်ထက် ၁၀နှစ်နောက်ကျပြီးမှ လွတ်လပ်ရေးရပြီး ဘာသံယံဇာတမှ မထွက်တဲ့ မလေးရှားလို မီးမရှား ရေမရှား
ဘယ်လိုစီစဉ်ထားလည်းဆိုတာကိုပဲ မအလတို့အနေနဲ့ အတုယူ သင်ယူသွားပါလို့ အကြံပြုပါရစေ။
to

မရှိခဏ
မုဆိုး

#မအလ

07/10/2026

တချိန်က ကော်နာနဲ့ထိုးချင်လို့ လူတိုင်းပြောကြသလို
အခုတော့ JoshuaVan နဲ့ထိုးချင်လို့ လူတိုင်းပြောနေပြီ

UFC မှာ Joshua Van ရဲ့ အရှိန်အဝါနဲ့
နာမည်ကြီးမှုက တစ်ရက်ထပ်တစ်ရက် ပိုလာတယ်။

သူတို့ပါစပ်ကနေ သူတို့နိုင်ငံအလံကိုခြုံပြီး
ချန်ပီယံ JoshuaVan နာမည်ကိုထုပ်ပြောတော့
ပိုပြီးတော့တောင် နာမည်ကြီးတာပေါ့ဗျာ
(ကောင်းတဲ့ဘက်ကတွေးရမှာပဲ)👏🔥

သို့သော် / မင်းတို့အနေနဲ့

ချန်ပီယံ Joshua Van ဆီ ရောက်ချင်ရင်…
ဒီဖိုက်တာတွေကို ကျော်ဖြတ်ရပါမယ်👏🔥

UFC မှာ တစ်ပွဲ၊ နှစ်ပွဲလောက် ထိုးပြီးတာနဲ့
ချန်ပီယံကို စိန်ခေါ်လို့ရပြီလို့ ထင်နေတာလား?

ဒါက ကစားကွင်းမဟုတ်ဘူး။
UFC ဆိုတာ ကိုယ့်အရည်အချင်းကို အဆင့်ဆင့် သက်သေပြရတဲ့ နေရာပါ။

Joshua Van ရဲ့ ခါးပတ်ကို လိုချင်တယ်ဆိုရင်
အရင်ဆုံး ဒီပုံထဲက အဆင့်တန်းရှိတဲ့ ဖိုက်တာတွေကို
ကျော်ဖြတ်နိုင်ကြောင်း သက်သေပြပါ။

တစ်ပွဲနိုင်ရုံနဲ့ မလုံလောက်ဘူး။
စကားနဲ့ စိန်ခေါ်နေရုံနဲ့လည်း မရဘူး။

ကိုယ့်ထက်အဆင့်မြင့်တဲ့ ဖိုက်တာတွေကို
တစ်ယောက်ပြီးတစ်ယောက် အနိုင်ယူပါ။
အဆင့်တက်ပါ ကိုယ့်အရည်အချင်းကို သက်သေပြပါ။

Joshua Van ကိုယ်တိုင်လည်း ချန်ပီယံခါးပတ်ကို အလွယ်တကူ ရခဲ့တာမဟုတ်ဘူး။
ဘယ်သူမှမလုပ်နိုင်တာတွေကို သူကလုပ်ပြခဲ့တာပါ🔥
Brandon Royval နဲ့ပွဲကိုကြည့်ရင်တောင်
JoshuaVan က ဘယ်လောက်အသည်းကောင်းပြီး
Fight IQ ကောင်းတဲ့ ဖိုက်တာလည်း သိကြမှာပါ

Tatsuro Taira၊ Alexandre Pantoja
တို့လို ထိပ်တန်းပြိုင်ဘက်တွေကို ရင်ဆိုင်ပြီးမှ
ဒီနေရာမှာ ခါးပတ်ကြီးနဲ့ ထိုက်ထိုက်တန်တန်
ဆက်လက်မင်းမူနေတာပါ။

ဒါကြောင့် ချန်ပီယံကို စိန်ခေါ်ချင်ရင်
အရင်ဆုံး ချန်ပီယံဖြစ်ထိုက်တဲ့ အရည်အချင်းရှိကြောင်း
သက်သေပြပါ
ပိုက်ဆံမပေးရတိုင်း နာမည်မခေါ်ပါနဲ့
ကိုယ်နာမည်ကြီးချင်တိုင်း နာမည်မခေါ်ပါနဲ့

ချန်ပီယံ Joshua Van ရဲ့ ခါးပတ်က
တောင်းယူလို့ရတဲ့ ခါးပတ်မဟုတ်ဘူး။
ကျော်ဖြတ်နိုင်မှ ရယူနိုင်မယ့် ခါးပတ်ပါ သားပေါက်တို့။
Ja Ko Chi Lisu

07/10/2026

⛔ယုံကြည်သူတွေကြားတုန်လူပ်စရာဖြစ်ရပ်❌

💔နောက်မိန်းမ ယူချင်တာနဲ့များ Tတ်စရာလား 😡
💔သူ့သမီး အဖေဆီရေးတဲ့စာ ဖတ်ပြီ ရင်ကွဲရပါတယ် 😭
💔ဘုရားကျောင်းမှာပျော်မွေ့
ဘုရားအကြောင်းပြောနေပေမယ့် နှလုံသားမှာမရှိဘဲ
ဘုရားနဲ့ အဝေးဆုံးမှာ ရှိနေသူတွေ💔

👉Caleb Flynn ဆိုတာ အိမ်ထောင်သည်ဖြစ်လျက်နဲ့ ဖောက်ပြန်နေတဲ့ သာမန်လူတစ်ယောက် မဟုတ်ပါဘူး။

👉သူဟာ ဘုရားကျောင်းနဲ့ နီးစပ်သူတစ်ဦးပါ။
ဂီတပိုင်းဆိုင်ရာ သင်းအုပ်ဆရာ (music pastor) တစ်ဦးပါ။
ဝတ်ပြုကိုးကွယ်ခြင်းဆိုင်ရာ ဦးဆောင်သူ
(worship leader) တစ်ဦးပါ။
👉ယုံကြည်ခြင်း၊ ဘုရားသခင်အမှုတော်ဆောင်ခြင်းနဲ့ ခရစ်ယာန်တန်ဖိုးထားမှုတွေနဲ့ လူသိရှင်ကြား ဆက်နွှယ်နေသူတစ်ဦး ဖြစ်ပါတယ်။

🤬Alleigha Botner ဆိုတဲ့ အမျိုးသမီးကလည်း အဲဒီလောကနဲ့ လုံးဝကင်းကွာနေသူ မဟုတ်ပါဘူး။

သူမဟာလည်း အဲဒီဘုရားကျောင်းမှာပဲ ဝတ်ပြုကိုးကွယ်ခြင်းဆိုင်ရာ ဦးဆောင်သူတစ်ဦး ဖြစ်ပါတယ်။

သူမဟာ ဘုရားကျောင်းရဲ့ ဝတ်ပြုကိုးကွယ်ခြင်းဆိုင်ရာ
အမှုတော်ဆောင်လုပ်ငန်းမှာ လုပ်ကိုင်ခဲ့ပြီး
Caleb ကလည်း အဲဒီလုပ်ငန်းနဲ့ တွဲဖက်လုပ်ကိုင်ခဲ့သူပါ။ သူတို့ဟာ ဘုရားကျောင်းကနေတစ်ဆင့် သိကျွမ်းခဲ့ကြပြီး၊

သူမရဲ့ ထွက်ဆိုချက်အရ Ashley Flynn အသတ်မခံရခင် တစ်နှစ်ခွဲလောက်အလိုမှာ သူတို့ရဲ့ဆက်ဆံရေးဟာ ရင်းနှီးတဲ့အချစ်ဇာတ်လမ်းတစ်ခု ဖြစ်လာခဲ့ပါတယ်။

ဒီအချက်ကို စဉ်းစားကြည့်ပါ။
ဘုရားကျောင်းထဲမှာ ရှိနေတဲ့ လူနှစ်ယောက်။
ဝတ်ပြုကိုးကွယ်ခြင်းကိစ္စတွေမှာ ပါဝင်ပတ်သက်နေတဲ့ လူနှစ်ယောက်။
အိမ်ထောင်ရေး၊ သစ္စာစောင့်သိမှု၊ အပြစ်၊ ခွင့်လွှတ်ခြင်းနဲ့ မှန်ကန်တဲ့အရာကို လုပ်ဆောင်ခြင်းဆိုင်ရာ တရားဒေသနာတွေကြားမှာ ရှိနေတဲ့ လူနှစ်ယောက်။

ဒါပေမဲ့ ကွယ်ရာမှာတော့ သူတို့ဟာ လျှို့ဝှက်ဖောက်ပြန်တဲ့ ဆက်ဆံရေးတစ်ခုကို တည်ဆောက်ထားခဲ့တယ်။

သူတို့ဟာ မက်ဆေ့ချ်ပေါင်း ၁၀၀,၀၀၀ ကျော် အပြန်အလှန် ပေးပို့ခဲ့ကြပါတယ်။
သူတို့ရဲ့ဆက်ဆံရေးကို လျှို့ဝှက်ထားခဲ့ကြပါတယ်။
အချစ်သီချင်းတွေကို အပြန်အလှန် မျှဝေခဲ့ကြပါတယ်။
တူညီတဲ့ ပုံစံတူ တက်တူးတွေကို ထိုးခဲ့ကြပါတယ်။

ပြီးတော့ Botner က Caleb ကို သူ့ဇနီးသည်နဲ့ လမ်းခွဲဖို့ အကြိမ်ကြိမ် တောင်းဆိုခဲ့ပါတယ်။
တစ်ချိန်တုန်းကဆိုရင် သူမက "သူမ (ဇနီးသည်) မရှိတော့တဲ့အထိ ငါလည်း မရှိတော့ဘူး (ထွက်သွားမယ်)" လို့ ပြောခဲ့ဖူးပါတယ်။
တရားရုံးမှာတော့ သူမက အဲဒီစကားလုံးရဲ့အဓိပ္ပာယ်ဟာ ကွာရှင်းပြတ်စဲခြင်းကို ဆိုလိုတာဖြစ်ပြီး လူသတ်မှုကျူးလွန်ခြင်းကို ဆိုလိုတာမဟုတ်ဘူးလို့ ပြောဆိုခဲ့ပါတယ်။

ဒါပေမဲ့ သူတို့ရဲ့ ပြောဆိုဆွေးနွေးမှုတွေဟာ ဖောက်ပြန်တဲ့အချစ်ဇာတ်လမ်းတစ်ခုထက် ပိုမိုနက်ရှိုင်းတဲ့အရာတွေ ပါဝင်နေခဲ့ပါတယ်။

တရားခွင်မှာ တင်ပြခဲ့တဲ့ သက်သေအထောက်အထားတွေအရ Caleb ဟာ Ashley ကို မုန်းတီးကြောင်း ပြောဆိုခဲ့သလို၊ သူမကို သတ်ဖြတ်ဖို့ ဖြစ်နိုင်ခြေရှိတဲ့အကြောင်းအရာတွေကိုလည်း အကြိမ်ကြိမ် ဆွေးနွေးခဲ့ပါတယ်။

မက်ဆေ့ချ်တစ်ခုမှာဆိုရင် သူဟာ သူ့ဇနီးသည်ကို ထောင်မကျဘဲ ဘယ်လိုနည်းလမ်းနဲ့ သတ်ဖြတ်ရမလဲဆိုတာ စဉ်းစားရင်း မနက် ၄ နာရီအထိ မအိပ်ဘဲ စဉ်းစားနေခဲ့ကြောင်း Botner ကို ပြောကြားခဲ့တယ်လို့ ဆိုပါတယ်။….


#အိမ်ထောင်ရေး
#ဖောက်ပြန်ခြင်း
#သတိ #ယုံကြည်သူအပေါင်းတို့

07/10/2026

အောင်မြင်မှုဆိုတာ ဂုဏ်ပုဒ်တွေနဲ့ ဆုတံဆိပ်တွေထက် ပိုမိုနက်ရှိုင်းတဲ့ အဓိပ္ပာယ်ရှိကြောင်း မင်းသမီး ယာယာ အူရတ်ဆယာ (Yaya Urassaya) က လက်တွေ့လုပ်ရပ်နဲ့ ထပ်မံသက်သေပြလိုက်ပါတယ်။
ထိုင်းနိုင်ငံ၊ မဲဟောင်ဆောင်ပြည်နယ်ရဲ့ ခေါင်ဖျားလှတဲ့ တောင်ပေါ်ဒေသတွေမှာ နေထိုင်ကြတဲ့ ကရင်ကလေးငယ်တွေဟာ ပညာသင်ကြားဖို့အတွက် လုံလောက်တဲ့ အခွင့်အရေးနဲ့ ကျောင်းဆောင်သစ်တွေ အမှန်တကယ် လိုအပ်နေတာပါ။ ဒါကို သိရှိခဲ့တဲ့ ယာယာက ကလေးတွေရဲ့ အနာဂတ်အတွက် ကိုယ်တိုင် ဘတ် ၅ သိန်း မတည်ကာ စာသင်ကျောင်းဆောင်သစ် ဆောက်လုပ်ရေးကို ဦးဆောင်လှူဒါန်းခဲ့ပါတယ်။
ဒါ့အပြင် သူမရဲ့ နှိုးဆော်မှုနဲ့အတူ အလှူဒါန်းပါဝင်ခဲ့ကြတဲ့ ပရိသတ်တွေရဲ့ စေတနာငွေများ ပေါင်းစပ်လိုက်တဲ့အခါမှာတော့ စုစုပေါင်း အလှူငွေ ဘတ် ၁ သန်းအထိ ရရှိခဲ့ပြီး ကလေးငယ်တွေ အေးချမ်းစွာ ပညာသင်ယူနိုင်မယ့် စာသင်ကျောင်းဆောင်သစ်တစ်ခုကို အောင်မြင်စွာ အကောင်အထည်ဖော် ပေးနိုင်ခဲ့ပါတယ်။
တောင်ပေါ်ဒေသ ကလေးငယ်တစ်ယောက်အတွက် စာသင်ခန်းတစ်ခန်း ရရှိလာတာဟာ ရိုးရှင်းတဲ့ အဆောက်အအုံတစ်ခု ရတာထက် ပိုပါတယ်။ စာအုပ်တစ်အုပ်ကို စိတ်အေးချမ်းစွာ ဖတ်ခွင့်ရဖို့၊ ဆရာမရဲ့ သင်ကြားမှုကို စနစ်တကျ သင်ယူခွင့်ရဖို့နဲ့ မိမိတို့ရဲ့ မနက်ဖြန် အိပ်မက်တွေကို ပိုမိုနီးကပ်စွာ ပုံဖော်ခွင့်ရစေမယ့် ဘဝရဲ့ အရေးပါလှတဲ့ အလှည့်အပြောင်းတစ်ခု ဖြစ်ပါတယ်။
အနုပညာလောကမှာ ထိပ်တန်းရောက်လာတာက အောင်မြင်မှုတစ်ခု ဖြစ်ပေမဲ့ မိမိရရှိထားတဲ့ နာမည်ကျော်ကြားမှုနဲ့ အခွင့်အရေးတွေကို အခြားသူတွေရဲ့ ဘဝအနာဂတ် အလင်းရောင်အတွက် ပြန်လည်မျှဝေပေးတာကမှ ပိုပြီး လေးနက်လှတဲ့ အောင်မြင်မှုစစ်စစ်ပါ။
ယာယာကတော့ သူမရဲ့ နာမည်ကျော်ကြားမှုကို လူမှုအကျိုးပြု ပညာရေးကဏ္ဍမှာ အကျိုးရှိရှိ အသုံးချရင်း "အောင်မြင်မှုဆိုတာ ကိုယ်တစ်ယောက်တည်းအတွက် မဟုတ်ဘူး" ဆိုတဲ့ လှပတဲ့ သဝဏ်လွှာကို ပရိသတ်တွေရင်ထဲရောက်အောင် ထပ်မံပါဝင်ပုံဖော်ပေးသွားခဲ့ပါတယ်။
Ja Ko Chi Lisu

07/10/2026

ကလေးကိုဖက်လိုက်သေးတယ်
အရမ်းချစ်တတ်တယ်တို့ဘာတို့ပေါ့။😂😂😂
#မအလ

07/10/2026

06/10/2026

“ကားတစ်စီးက ထိန်းချုပ်မှုလွတ်ပြီး ကော်ဖီဆိုင်ထဲကို ထပ်မံဝင်တိုက်မှု ဖြစ်ပွား!”
ဒီနေ့မနက် ၆ နာရီခန့်က Selangor ပြည်နယ်၊ 沙巴亚? (ပုံထဲကနေရာအမည်) မှာရှိတဲ့ ကော်ဖီဆိုင်တစ်ဆိုင်မှာ မတော်တဆမှုဖြစ်ပွားခဲ့ပါတယ်။
Kancil ကားတစ်စီးဟာ အကြောင်းမသိဘဲ ထိန်းချုပ်မှုလွတ်ပြီး ကော်ဖီဆိုင်အတွင်းကို ဝင်တိုက်ခဲ့ပြီး အမျိုးသမီးတစ်ဦးကိုလည်း တိုက်မိခဲ့ပါတယ်။
“အဆိုပါအမျိုးသမီး ဘေးကင်းပြီး အန္တရာယ်မရှိပါစေလို့ မျှော်လင့်ပါတယ်... လို့ မူရင်းပို့စ်တင်သူက ရေးထားပါတယ်။