11/12/2025
Aayendi yokolupadhi yeli yaali (2), oya kanitha oomwenyo miiponga yomoondjila ya yooloka mosh*topolwa shaKavango West, nopolisi oya indile aahingi yiiyuthe komilandu dhomoondjila noku londodha wo aalongithi yoondjila ayehe ya kale yena oshinakugwanithwa uuna taya taa taguluka nenge taya longitha oondjila dhaayehe.
Oshingwanima shotango osha holoka Omaandaha kongulohi lopotundi 20h00 mondjila yo B10 komukunda Rupara, sho okambesa ko Quantum konomola yaShakati ka pumu omweendi kolupadhi ngoka kwa lopotwa a li a lala mondjila.
Shikwatelela ku Chief Inspector Raimbert Muronga, Etiyali, osheenditho oshali shuuka koShakati tashizi ko Rundu pethimbo lyoshiponga.
Nakusa, oka tongololwa oye Julius Kamakende Nzaro, omulumentu omukalimo momukunda Rupara, nokwa hulithile poshiningwanima.
Muronga okwa gwedhapo kutya oshiponga osh*tayali osha holoka pomukunda Karangana Etiyali, sho osheenditho sho Toyota 7-seater shonomola ya Nkurenkuru sha pumu omweendi kolupadhi, lopotundi 11h10.
Otaku hokololwa kutya omuhingi, ngoka a li moshenditho oye awike, okwali tashuna kegumbo komukunda Mukekete tazi ko Nkurenkuru.
Nakusa okamatyona komivo 8, nokwa tongololwa oye Alex Mangundu, a za komukunda Karangana, nokwa hulithile poshiningwanima.
Aahingi aayehe go Quantum gomivo 25 nogo 7-seater gomivo 27, oya taalela iipotha yomadhipaago gaaheshi goshiningila wina.
Omalutu goonakusa oga falwa kokila yopolisi ko Nkurenkuru, naapambele oya tseyithilwa, omakonaakono gopolisi moshinima otaga tsikile.
Onzo Nampa
