Agriforum Namibian Agriculture Magazine

20/12/2025

19/12/2025

𝗞𝗮𝗺𝗮𝗻𝗷𝗮𝗯 𝘀𝗲 𝗹𝗲𝗻𝘁𝗲𝗳𝗲𝗲𝘀 𝗹𝗼𝗸 𝗺𝗲𝗻𝘀𝗲 𝘃𝗮𝗻 𝘃𝗲𝗿
Boere van die omgewing, omliggende dorpe en selfs mense van so ver as Windhoek en Grootfontein het opgedaag vir die Kamanjab-boerevereniging se lentefees op 4 Oktober – ’n dag gevul met tradisie, pret en gemeenskapsgees.

Deelnemers het hul slag in verskeie items gewys, selfs in vindingryke nuwe toevoegings soos hoe lank hulle die wilde ysterbul kon trotseer of hoe hoog hulle ’n mieliemeelsak deur die lug kon slinger. Afgesien van die gewilde en gebruiklike olifantdrolrol, was boomstomp saag, bierbekers en bakstene optel en skyfskiet op die program. Vir die jongspan was die inkleurkompetisie ’n treffer.

Die hoogtepunt was die ribbraaikompetisie – spesifiek daarop gemik om die noordelike boeregemeenskappe nader aan mekaar te bring. Spanne van Otjikondo, Excelsior, Abenab, Windhoek (twee spanne), Cymot Otjiwarongo en Kaoko Bush Lodge het deelgeneem. Die braai is “blind” beoordeel deur drie onafhanklike beoordelaars. Otjikondo was die wenspan en Kamanjab die naaswenner. Die Kaoko Bush Lodge het die prys vir die beste stalletjie losgeslaan.

16/12/2025

15/12/2025

𝗠𝗼𝗻𝗱𝗮𝘆 𝗠𝗼𝘁𝗶𝘃𝗮𝘁𝗶𝗼𝗻

12/12/2025

𝗞𝗮𝗿𝗮𝘀𝗯𝗲𝗿𝗴𝗲 𝗕𝗼𝗲𝗿𝗲𝘃𝗲𝗿𝗲𝗻𝗶𝗴𝗶𝗻𝗴 𝘀𝘁𝗮𝗽 𝘁𝗲𝗿𝘂𝗴 𝗼𝗽 𝘀𝗽𝗼𝗿𝗲 𝘃𝗮𝗻 𝟳𝟱 𝗴𝗲𝗻𝗮𝗱𝗲𝗷𝗮𝗿𝗲
In September 2025 stap boerevereniginglede, oud-lede en eregaste saam terug op 75 jaar se spore van saamstaan in swaar tye, saamjuig in geseënde jare, lief, leed, onder begin en vorentoe beur as teëspoed ons tref, maar ook ligvoets draf met voorspoedwinde tussen ons blaaie as dit goed gaan.

Bertie Smith open met skriflesing en gebed. Hy lees uit Prediker 7: “Moenie sê in die ou dae was dit beter as nou nie ... Kennis en wysheid verryk die lewe van hom wat dit besit.” Ons het die Here se wysheid nodig vir die neem van boerderybesluite. Ons is geskape vir ’n tyd soos hierdie. Vir die Almagtige se visie vir Namibië, vir voedselproduksie vir Afrika en die wêreld – ’n godgegewe geleentheid waarvoor ons nooit dankbaar genoeg kan wees nie.

Retief von Wielligh (voorsitter van 1994 – 1997 en 2013 – 2015) behartig die onthulling van die gedenkplaat. Voorsitter Brian Coetzee kom aan die b***t met sy verwelkomingsboodskap en maak spesiale vermelding van die eregaste. Onder hulle is Amelia van Rooyen, ’n voormalige sekretaresse wat in dieselfde posisie in die Keetmanshoop Streeklandbou Unie gedien het en pas as die president van
die Namibië Vrouevereniging (NVV) verkies is – die eerste vrou van die suide wat in hierdie amp dien. NVV-lede het ook reggestaan vir die feesmaal. Johan “Bergland” Esterhuyse, wat as driejarige seun saam met sy ouers in 1959 op plaas Kotzekous kom woon het, doen die tafelgebed.

Retief von Wielligh van die plaas Doringdraai gee ’n geskiedkundige terugblik op die 75 jaar van die Karasberge Boerevereniging se bestaan: Hoe Chris Lotter (stigtingsvoorsitter) en ander boere besef het ’n boerevereniging is onontbeerlik. Vir die eerste paar jaar vind vergaderings in boere se woonhuise plaas. In 1965 stel Hannes Esterhuyzen ’n stukkie grond, bekend as Dieppoort, op sy plaas Môrewag
beskikbaar. Hier rig Piet Esterhuyse van plaas Gurus en Attie van Niekerk van Warmfontein in 1965 ’n sinkskuurtjie op. Die saaltjie is ook deur die NG-kerk se Aroab-gemeente gebruik vir buitedienste en Pinksterbidure.

FOTO 1: Feesgangers tree aan vir ’n foto.

FOTO 2: Retief von Wielligh, jarelange en toegewyde lid van die Karasberge Boerevereniging, onthul die gedenkteken.