16/05/2025
“No be every time you go talk ,sometimes, silence dey slap pass shouting.”
There are times when Heaven go tell you to speak fire! And there are times when God Himself go be like, “My dear, zip it. This one no deserve your voice.”
Not every wahala needs your response. Not every nonsense deserves your energy. Sometimes, keeping quiet no mean you be mumu ,it means you get sense from above. Strategy. Holy Ghost IQ.
Even Jesus look Pilate and just dey observe.
Let me gist you. Back when I dey my former neighborhood, one of our neighbors just switch mode like NEPA light. One morning, the guy park him car gbam! right in the middle of the garage we dey share that garage wey fit two cars.
Omo, I reach house and see say I no fit park. E pain me! My blood wan boil like Banga soup.
I wan go knock make I talk sense into him, but something for my spirit just say, “Chioma, no waste your anointing on garage wahala. Park your car, carry your cross, and face front.”
So I bone. Park somewhere else. No word, no drama.
Three days later, na the same man come meet me with face like puff-puff wey no rise. He begin apologize say life dey show am shege, and he just dey take it out on people. Imagine!
Na there I learn: silence dey speak. Sometimes, e even dey preach louder than microphone. If I talk that day, e for turn quarrel. But my silence shame am pass.
So my people, discern the moment o! No go pour your voice where dem no fit carry the weight of your destiny. No cast your pearls give swine.
Guard your oil. Maintain your lane. And let your silence dey loud like generator for night.
Happy weekend o! Make una like, follow and share before I vex.
Love and light!
