23/06/2026
🏴 Cikakkun bayanai kan bukukuwan bankwana, jana’iza da binne Shahidin Jagora Imam Mujahid Shahid Ayatullah Sayyid Ali Khamene'i a Iran da Iraki
◾️ Iman Attarzadeh, mai magana da yawun Kwamitin “Tunawa da shahadar Imam Mujahid Shahidi Mai Girma Ayatullah al-Uzma Khamene'i (Allah Ya tsarkake ruhinsa mai albarka)”, ya bayyana cewa:
●Za a gudanar da bukukuwan bankwana, jana’iza da binne marigayin ne a ƙarƙashin taken “Shahidin Iran”, tare da taken kira “Dole ne a tashi tsaye”.
●Alamar wannan biki ita ce dunƙulallen hannu, wadda aka samo daga saƙon jagoran juyin juya halin Musulunci, Ayatullah Sayyid Mujtaba Husaini Khamene'i. An ruwaito cewa ya bayyana cewa lokacin da ya ziyarci gawar Imam Mujahid Shahidi mai tsarki, hannunsa na hagu yana dunƙule.
●An bayyana cewa wannan biki ba na al’ummar Iran kaɗai ba ne; daga ƙasashen jabhar muƙawama har zuwa sassa daban-daban na Duniya, masu neman ’yanci da ’yantattu za su ɗaga taken maganar Allah “Qūmū lillāh” (Ku tashi saboda Allah) tare da yin koyi da wannan makaranta ta fikira.
●Haka kuma za a gudanar da bukukuwan girmamawa daga shugabanni da jami’an ƙasashe daban-daban, fitattun ’yan siyasa, masana da manyan malaman addinai da kuma shugabannin ƙungiyoyi da masu gwagwarmaya daga sassa daban-daban na Duniya. Ma’aikatar Harkokin Wajen Iran ce za ta sanar da cikakkun bayanan waɗannan shirye-shirye.
●Za a fara jana’izar jagoran shahidin a ranar Asabar, 4 ga Yuli, a Tehran. Bayan kwana biyu na bukukuwan bankwana da kwana guda na jana’iza a Tehran, za a yi jana’izar gawarsa mai tsarki a birnin Qum mai tsarki a ranar Talata, 7 ga Yuli. Sannan a ranar Alhamis, 9 ga Yuli, daidai da daren tunawa da shahadar kakansa Imam Sajjad (A.S.), bayan jana’iza a Mashhad mai tsarki, za a binne shi a kusa da haramin Imam Ridha (A.S.). Haka kuma za a yi sallar jana’iza a kansa a dukkan waɗannan birane.
●Bisa ga yawan buƙatun jama’ar Iraki, shugabannin kabilu, masana, malamai da fitattun ’yan siyasa, al’adu da addinai na ƙasar, za a gudanar.
