Shuhada Channel Tv

Shuhada Channel Tv "Kar kuyi. Tsammanin Wadanda Aka Kashe A Tafarkin Allah Matattu ne, Rayayyu ne" - ALLAH(SWT).

TARIHIN SHAHID MUHAMMAD HABIBU ZAKARIYYA BICHI.Sunan mahaifinsa Malam Zakariyya, mahaifiyarsa kuma sunanta Fatima Shi da...
03/07/2026

TARIHIN SHAHID MUHAMMAD HABIBU ZAKARIYYA BICHI.

Sunan mahaifinsa Malam Zakariyya, mahaifiyarsa kuma sunanta Fatima Shi dan asalin garin Daddauda ne a Karamar Hukumar Bichi ta jihar Kano. Ya yi makarantar LEA Primary School Rigasa da ke Kaduna. Shahid Habibu mutum ne mai natsuwa. Kuma yana da wuya ka ga hushinsa, koyaushe za ka gan shi cikin kyawawan dabi'u.

Mun sami labarin cewa wata rana suna zaune da mahaifinsa, sai ya ce shi ne zai gaji kakansa. Sai mahaifinsa ya ce "Yaya za a yi ka gaje shi?" Sai shi kuma ya ce "Bari ka gani in Allah ya yarda." To dama kakan nasa ya dade da rasuwa. Wata rana da aiki ya zo makabarta aka tono shi, sai ga shi cikin likkafani k**ar yanzun aka rufe shi, face suma da ta rufe duk ilahirin jikinsa. Kuma ran da Shahid Habibu zai yi shahada ya fada wa wasu 'yan uwa cewa "Lalle yau ga dukkan alamu za a samu shahidi," kuma yana jin a kansa rabon zai fada. Sai wani abokinsa ya ce ba abin da zai faru. Shi kuma sai ya ce "To bari ka gani zuwa yamma." Sai kuwa abin da ya faru ya faru. Kuma a gidan da yake, saboda alamta addini da kuma yawan nasihohin da yake musu har kiran sa suke da 'Zakzaky'. Kuma wani lokaci in yana zaune da 'yan uwa yakan ce shi yana jin ba dadewa zai yi shahada.

Hakika ko ga al'umman gari ya sami kyakkyawan shaida. Hakika akwai wata baiwar Allah da yake yi musu aikin kwado da linzami (dama sana'arsa kenan) ta ce a je a nuría mata wadanda s**a kashe shi ta dauko masa fansa, saboda kyakkyawar shaida da ta yi masa. Wasu matasan gari ma saboda sanin da s**a yi masa, har muzahara s**a yi suna cewa in dai abin da yake na halin kwarai shi'a ne su ma a kashe su 'yan shi'a ne. Wasu ma har rubuta wa Malam Zakzaky takardar ta'aziyya s**a yi.

Aminci ya tabbata Gun Shuhada🥀

*Shuhada Channel Tv

SHAHIDIN FARKO BAYAN FUNTUA DECLARATION:- Tarihin Shaheed Abubakar Shehu Madomawa Sokoto. An haifii shaheed Abubakar ne ...
01/07/2026

SHAHIDIN FARKO BAYAN FUNTUA DECLARATION:- Tarihin Shaheed Abubakar Shehu Madomawa Sokoto.

An haifii shaheed Abubakar ne a Madomawa cikin jihar Sakkwato a cikin shekara ta 1374 bayan Hijira, wato a shekarar 1955 Miladiyya. Kamar yadda muka sami labari, Shaheed Abubakar mutum ne mai natsuwa da kuma hazaqa kwarai da gaske. Ya soma karatun Addini ne a Madomawa, daga nan ya ci gaba da karatunsa a hannun malamai da bam-daban. Cikinsu har da Malam Sulaiman da Malam Abubakar Bafillace. Haka nan kuma yakan tafi Sakkwato lokacin bazara neman ilimi.

Malam Abubakar Madomawa mutun ne da aka san shi da yin wa'azi na fadin gaskiya gwargwadon fahimtar sa. Wasu miyagun malamai da masu garin Madomawa sun yi qoqarin hana shi wa'azin amma ina! Ba su ci nasara ba.

Haka kuma Shaheed Abubakar Madomawa ya kafa makaranta domin yara da matan aure a garin Madomawa. Wataqila saboda matsin lambar da ake masa ne ya tafi talatar Mafara domin ya amshi takardar shaidar yin wa'azi tare da malamin sa Malam Abubakar Bafillace. Allah cikin rahamar sa ya sada shi da Shaikh Ibrahim Zakzaky (H) kuma tun daga wannan lokacin ne ya qara tsayawa kyam har qarshen rayuwarsa, inda ya yi Shahada a hannun 'yan sanda.

Baya ga haka, Shaheed Abubakar Madomawa ya kafa Ta'alim na tunatar da 'yan uwan sa Musulmi na Madomawa a kowacce ranar Laraba. Kan haka ne aka kai qarar sa wajan yan sanda. Da wani sati ya zagayo 'yan sanda s**a kai hari gidansa da misalin qarfe daya na rana, amma basu same shi ba, sai s**a k**a qanin sa Usman. Lokacin da ya dawo sai ya kai kansa ga yan sandan, kuma daga baya s**a sake shi.

An daure Shaheed Abubakar Madomawa sau biyar sabida da qin zalinci. Sau biyu a Bodinga, sau daya a Sakkwato. Daya kuma akan qin biyan haraji, sannan kuma dayan don ya kai wa 'yan uwansa Musulmi ziyara a Adabka.

A dai ranar litinin 1-7-1412 dai-dai da 6-1-1992 ne ya sami nasarar samun Shahada sak**akon dukan da 'yan sanda s**a yi masa a Katsina. 'Yan sanda sun rinqa yin tsalle suna taka qirjin sa, bayan sun doke shi da kulakai, da kuma gidin bindiga da rodi, lokacin da suke kai farmaki akan 'yan uwa Musulmi a ranar lahadi 30/6/12 (5/1/92), lokacin da yan uwa Musulmi ke shirin tarbar 'yan uwansu da s**a fito daga kurkuku. Wannan al'amari ya auku ne a lokacin Gwamna John madaki a zamanin mulkin Babangida. Kuma kwamishinan yan sanda na lokacin shi ne Alh. Hamisu Ali Jos.

Kafin dai ya bar Madomawa zuwa katsina ya yi wa 'yan uwa Musulmi wasiyya game da shahada da kuma gwagwarmaya a tafarkin Allah. Ya ce "Tana iya yuwuwa ba zan dawoba amma 'yan uwa masu kishin Musulumci su ci gaba da gwagwarmaya ba ja da baya." Allahu Akbar!

Lokacin da ya yi shahada ya bar mahaifiyar sa mai suna Hauwa da mata biyu Hawwa da A'isha. Daga cikin su daya na da juna biyu a lokacin. Kuma ya bar 'ya'ya biyar . Daga cikin su an yiwa daya aure. 'ya'yan kuwa su ne (1) Sabira Abubakar (2) Atiku Abubakar (3) Umaima Abubakar (4) Nusaiba Abubakar (5) Ibrahim Abubakar.

Aminci ya Tabbbata Gun shuhada🥀
Muyi salati ga ruhinsu🌹

-Shuhada Channel Tv

01/07/2026

Albishirin Ku !!!
Wannan Shafi Zai dawo aiki gadan-gadan dangane da abunda ya shafi Shahidan mu.

Yau Shekaru 37 Da Rasuwar Ayatullah Ruhollah Musavi Khomeini A ranar 3 ga watan Yuni 1989 wacce tayi dai-dai da 28 ga w...
03/06/2026

Yau Shekaru 37 Da Rasuwar Ayatullah Ruhollah Musavi Khomeini

A ranar 3 ga watan Yuni 1989 wacce tayi dai-dai da 28 ga watan Shawwal shekaru 1409 bayan hijra, Allah ya karbi rayuwar Imam Khomeini.

Gwamnatin Sarki Pahlavi ta k**a shi har sau biyu kuma ta tilasta masa Yin hijira ta har abada. Ya dade yana zaune a kasar Turkiyya sannan ya koma Birnin Najaf Na Kasar Iraki. Ya zauna a Najaf na tsawon shekaru 13 yana koyarwa da rubuce-rubuce da jagorantar masu juyin juya hali a Iran.

A cikin 1979, an tilasta masa barin Iraki; don haka ya tafi Birnin Paris na kasar faransa. Bayan wani lokaci ya koma Iran ya jagoranci juyin juya halin Musulunci zuwa ga nasara. Ya kasance jagoran Jamhuriyar Musulunci ta Iran har zuwa rasuwarsa a shekara ta 1989.

Musulmi, musamman ‘yan Shi’a, suna girmama shi. Jana'izar sa Ta sami halartar kusan mutane miliyan 10, ita ce jana'izar da ta fi yawan jama'a a duniya har ya zuwa yanzu.

Baya ga ilimin fikihu da ka'idojin fikihu wadanda su ne abubuwan gama gari a makarantun hauza, ya na da ilmin tunani a falsafar Musulunci da sufanci.

Ya rasu a asibitin zuciya Shahid Raja'i dake Tehran. An yi jana'izarsa a ranar 1 ga watan Zul-qa'da 1409 Wanda yazo 5 ga Yuni 1989 a babban Musalla na Tehran.

Ayatullah Sayyid Muhammad Rida Gulpaygani ya yi masa sallar jana'izarsa. An binne shi a Bihisht Zahra (wani makabarta a wajen Tehran) a gaban mutane miliyan 10 da s**a zo s**a zo da kafa daga garuruwa daban-daban na Iran don zaman makoki.

Innalillahi Wa'inna ilaihirraji'un 😭
01/03/2026

Innalillahi Wa'inna ilaihirraji'un 😭

Address

Abuja

Website

Alerts

Be the first to know and let us send you an email when Shuhada Channel Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category