Freedom Fighters Ng Hausa

05/06/2025

Wani sashe na wasiyyar shahid Mohsin Vazvai

Bama tsoron shahada kuma wannan shine kawai burinmu.

Muna ganin alamarin Allah a wannan fagen fama da yadda yake gaggawar taimakon sojojin Musulunci da taimakonsu.

Ya k**ata wannan al'umma ta sani cewa babban hatsarin da ke barazana ga juyin juya halin Musulunci shi ne kutsawa cikin layukan juyin juya halin Musulunci, ma'ana layukan juyin da Imam Khumaini (r.a) ya shimfida.
Don haka ku bi shi, kada ku bar shi, k**ar yadda al'ummar musulmin Iran abin koyi ne a tarihin duniya.

20/05/2025

Shekara Guda da Shahadar Sayyid Ra’isi da Amir-Abdollahian: Darussa Daga Gwagwarmayarsu

—Freedom Fighters Nigeria
20 ga Mayu, 2025

A wannan ranar ne, 19 Mayu, 2024, shekara guda da ta gabata, Iran ta sanar da shahadar Shugaba Ebrahim Ra’isi da Ministan Harkokin Wajen ƙasar, Hossein Amir-Abdollahian, tare da wasu manyan jami’an gwamnati, bayan haɗarin jirgin sama mai saukar ungulu da ya faru a yankin tsaunuka na arewa maso yammacin ƙasar.

Lamarin ya faru ne a ranar 19 ga Mayu, 2024, lokacin da ayarin jirginsu ke dawowa daga wata ziyarar da s**a kai iyakar ƙasar da Azerbaijan. Bayan sa’o’i na rashin tabbas da bincike mai cike da fargaba cikin dare a cikin haɗari mai yawa da kuma hadurran hanya, hukumomin Iran s**a tabbatar da aukuwar haɗarin da kuma mutuwarsu a safiyar ranar 20 ga Mayu.

Shugaba Ra'isi, wanda ya yi kusan shekaru uku a kan mulki, ya bar tarihi mai cike da biyayya, tsayayyen matsayi kan batun nukiliya, da kuma mara baya ga gwagwarmayar juriya a yankin Yammacin Asiya — daga Lebanon zuwa Yemen. Mulkinsa ya fi karkata ne zuwa hadin kai na cikin gida, ƴancin tafiyar da ƙasa ba tare da dogaro da ƙasashen waje ba, da kuma abin da aka fi kira “tsayin daka (cikin gwagwarmaya) tare da sanya hikima” – wata manufa ce da ta haɗa tsarewa (ga muradun cikin gida) da kuma diflomasiyya. Raisi kuma shi ne ya jagoranci manufar “duban gabas” da ta kusantar da Iran da Rasha da China, lamarin da ya ƙara daidaita matsayin Tehran a ƙungiyoyi k**ar BRICS, SCO da kuma Eurasian Economic Union, a wani hangen nesa na duniya mai ginshikai da dama.

Ministan Harkokin Waje, Hossein Amir-Abdollahian, wanda ake ɗauka a matsayin ɗaya daga cikin fitattun jakadun diflomasiyyar Iran na zamani, ya shahara a duniya a matsayin muryar masu rauni da talakawa. Ya kware sosai a harshen diflomasiyya da na ƙin amincewa da zalunci, inda ya sake fasalta manufofin harkokin waje na Iran ta hanyar farfado da dangantaka da manyan ƙasashen yankin ba tare da ya saba wa ka’idojin Jamhuriyar Musulunci ba. A wani nau'in matsayi na tsayin daka wajen kare al’amarin Falasɗinu da kuma “Ƙungiyar Gwagwarmayar Juriya”, hakan yasa ya samu yabo sosai bayan shahadarsa k**ar yadda ake kiransa da “Shahidin juriya”. Zamanin mulkinsa ya zame wa gwagwarmayar Falasɗinu wani tsarin haɗin gwiwa na shiyya, yayin da diflomasiyyarsa ta koma wani shiri na moriyar ɗabi’a wajen yaki da zaluncin mulkin mallaka.

Shekara guda bayan rasuwarsu, shahadarsu na ci gaba da kasancewa cikin zukatan mutane – ba don girman wannan masifa kawai ba, sai don irin gadon juriya da diflomasiyyar da s**a rike har zuwa numfashinsu na ƙarshe.

Mu karanta Salatin Annabi (S) da Suratul Fatiha hadaya zuwa ga ruhinsu masu tsarki📿🤲🏾

15/05/2025

🎬: Shaikh Zakzaky Ya Gana Da Wasu Almajiransa Da Aka Sako Daga Gidan Yari

–Freedom Fighters Nigeria🎙️
14 ga Mayu, 2025

Jagoran Harkar Musulunci a Najeriya, Shaikh Ibraheem Zakzaky ya gana da wasu daga cikin almajiransa mutum 25 daga cikin sittin (60) da kotun tarayya a Abuja ta saki daga gidan yarin Kuje da ke Abuja a jiya Laraba, 13 ga watan Mayun 2025.

Domin samun cikakken rahoton, ku shiga ta wannan mahaɗin:
https://www.facebook.com/share/p/16PH9bDKLi/

15/05/2025

🎬: Wani bidiyo da ke bayyana yadda wani babbar abin fashewa da Isra'ila ta harba daga wajen kofar shiga wani asibiti da ake kira Asibitin Turai a Gaza yayin da masoya ke zirga-zirgan kula da marasa lafiya.

–Freedom Fighters Nigeria🎙️
15 Mayu, 2025

Send a message to learn more

09/05/2025

TAƘAITATCEN TARIHIN ABUL HASSAN IMAM ALI AR- RIDHA (BABUL IJABA) AS.

An haifi Imam Ali Ar-ridha ranar Alhamis 11 ga watan Thul-qada, shekara ta 148A.H, wanda yai daidai da 766 miladiyya,a cikin garin birnin Madina

Ya kasance shine Imami na takwas (8) a cikin jerin kalifofin Annabi guda goma sha biyu (12).

NASABARSA:

Sunan mahaifinsa Imam Musal Kazeem (AS) ɗan Imam Jafar As-sadiq ɗan Imam Baqir ɗan Imam Sajjad ɗan Imam Hussain ɗan uwa ga Imam Hassan Ƴaƴan Imam Aliyu da Sayyidah Faɗeema ɗiyar Manzon Allah

Mahaifiyyar sa kuma sunan ta Dahira wasu kuma s**ace ana cema ta Najma (S.A)

ALKUNYARSA:

Ana mana alkunya da Abul Hassan

LAƘUBBANSA:

Yana da laƙubba da yawa daga ciki akwai:
Ar-ridha
Babul hawa'ij
Babul Ijaba
Ƙa'id
Zakiyyu da sauran su.

Imam Ridha (A.S) yayi rayuwa tsawon shekara 55 a duniya kafin ya koma ga Allah a matsayin shahidi

yayi rayiwa tare da mahaifinsa tsawon shekara 35.

Sannan yayi muddar Imamancinsa shekara 20,bayan wafatin mahaifinsa, yayi shekara 10 lokacin Haruna Rasheed sanna yayi shekara 5 lokacin mulkin muhammad Al-ameen, sannan yayi shekara 5 ta karshe lokacin mulkin Abdullahi ma-amun.

ƊABI'UNSA:

Yakasance shi ne wanda yafi kowa zuhudu alokacin imamancinsa.

An rawaito imam Ridha ya kasance yana da yawan infaki musamman ranar Arfa,

Daga cikin kyawawan dabi'unsa yana da juriya,da taka tsantsan sannan gashi da yawan kyauta.

SHAHADARSA:

Imam Ali Ar-ridha (A.S) yayi shahada 30 ga watan safar 203 hijriyya, a wata ruwayar kuma 23 a watan Thul-qada a garin Mashhad (Iraqi) kuma yanzu haka ƙabarin sa na can

Ya Imam muna tawwasuli da irin wannan rana ta haihuwar ka,a ƙarawa Abbammu (H) lafiya da kariya ta musamman tare da Zmmah Zeenah (R),a ƙarbi Shahadar Shahidan mu
Ya Imam muna tawwasuli da kai a fito mana da wanda suke tsare a wajen azzalumai bihaƙƙi ka ya Imam.

Barka Da Sauka Ya Babul Hawa'ij (Imam Aliyu Bin Musa Ar-ridha A.s)

11/11/1446.
09/06/2025.

© Freedom Fighters Ng.

08/05/2025

🎬SABON SHIRIN GWAMNATI: Sheikh Zakzaky Ya Bayyana Yadda Gwamnatin Najeriya Ke Ƙulla Makirci Kan Harkar Musulunci

—Freedom Fighters Nigeria🎙️
8 ga Mayu, 2025

Jagoran Harkar Musulunci a Najeriya, Sheikh Ibraheem Zakzaky, ya bayyana a cikin jawabinsa jiya Laraba, 7 ga watan Mayu, 2025, cewa, akwai wani babban shiri da gwamnatin Najeriya tare da haɗin guiwar wasu ƙasashen yamma k**ar Amurka da Birtaniya ke yi domin murkushe Harkar Musulunci da kuma hallaka mabiyanta.

A taron cikar kwanaki 40 na waɗanda aka kashe a Abuja ranar 28 ga watan Maris, 2025, yayin gudanar da Muzaharar Quds, a zaman da ya shirya a gidansa da ke Abuja tare da iyalan shahidan, Sheikh Zakzaky ya tona asiri cewa, tun a bara wani babban hafsan soja ya sanar da su cewa, gwamnati na yunƙurin kitsa makirci da nufin tsokano ƴan uwa domin samun dalilin kai musu hari, ya kuma bayyana cewa sun shirya sake dira gidansa a Abuja tun Yaumul Arba’een ɗin bara, bayan cin zarafin almajiran nasa, sai dai basu yi nasara ba sak**akon tafiyarsa don taron Arba'in ɗin a Iraqi.

Sheikh Zakzaky ya ce, wannan maƙircin na daga cikin dalilan da yasa s**a je har gidajen almajiransa s**a k**a mata da yara s**a tafi dasu tare da cire musu hijabi, da kuma yaɗa hotunansu a kafafen sada zumunta, inda har ya zuwa yanzu suke ci gaba da tsare ƴan’uwa mutum 33 a gidan yarin Keffi tun waƙi’ar ta Yaumul Arba'in na bara, abin da ke ƙara nuni da ƙoƙarin tayar da tarzoma da gangan, musamman lamarin Hijabi tunda sun fahimci illar cire wa mace hijabi ga Musulmi. Shehin ya kuma yabawa almajiran nasa sosai bisa matakan hankali da hikima da s**a ɗauka ta hanyar muzaharorin nuna rashin amincewa da lamarin.

Sheikh Zakzaky ya ci gaba da jaddada cewa muzaharar Quds ta bana an gudanar da ita cikin lumana a jihohi 35, sai dai a Abuja ne kawai sojoji s**a kai hari, inda dakarun da ke gadin shugaban ƙasa s**a bude wuta ga masu Muzaharan. Ya bayyana cewa sojoji sun aikata keta haddi da cin zarafin mata, ciki har da cire hijabin mace ɗaya da aka hangi dakaru bakwai suna yi a lokaci guda.

A cikin jawabin na Sheikh Zakzaky, ya bayyana cewa, bayan an samu labari cewa gwamnati na shirin kai farmaki gida-gida, sai sojoji s**a fito da wani bayani cewa wai an harbi soja guda ɗaya domin fakewa da hakan a matsayin hujjar gudanar da bincike. Daga baya kuma dai gwamnati da kanta ta musanta hakan, kuma babu wani ƙarin bayani daga hukumomin tsaro.

Jagoran ya bayyana cewa akwai wani shiri da gwamnati ke yi na harzuka mabiyansa (ƴan uwa Musulmi) ta hanyar tsokano su ta hanyar farmaki, domin su sami hujjar kai hari gidan Sheikh Zakzaky. Ya kuma bayyana cewa, takardar da mai baiwa shugaban ƙasa shawara kan tsaro ya rubuta kafin Muhazarar ta Quds ba shi ya rubuta ba, inda ya fallasa cewa, wani jami’in tsaro ya bayyana cewa wata Ba’amurkiya ce da ke aiki a ofishin nasa (Malam Nuhu Ribaɗu) ce ta rubuta takardar.

Jagoran ya ƙara da cewa, ƙasashen yamma musamman Amurka da Birtaniya na tsoma baki kai tsaye a cikin wannan al’amari, yana cewa suna amfani da jami’an tsaron Najeriya a matsayin kayan aiki don cimma muradunsu a nan gida.

Daga ƙarshe, Sheikh Zakzaky ya ja hankalin gwamnatin Najeriya, yana mai gargadin cewa, duk wanda ya aikata kisan kai koda bai yi imani da Lahira ba, to zai tozarta, ga kuma masu ikirarin musulmi, to lallai za su fuskanci hukuncin Allah, tun a duniya kafin Lahira. Ya kuma yi addu’a ga shahidan da s**a rasa rayukansu tare da jaddada cewa jinin da aka zubar ba zai tafi a banza ba.

Domin samun sauran bayanai dangane da jawabin na Sheikh Zakzaky, ku shiga wannan madadin: https://www.facebook.com/100069545017600/posts/1008996384761853/?app=fbl

07/05/2025

🎬: Boko Haram “Ƙirƙirar Amurka” ne da Taimakon Gwamnatin Najeriya – Cewar Sheikh Zakzaky

Shekaru 12 da s**a wuce, Jagoran Harka Musulunci a Najeriya, Sheikh Ibraheem Zakzaky, ya bayyana a bainar jama’a cewa wasu ƙasashen yamma, musamman Amurka da Faransa, suna da hannu wajen ɓullo da rikice-rikicen da s**a addabi yankin arewacin Najeriya. A cewarsa, hakan na da nasaba da burinsu na mallakar albarkatun ƙasa da ke yankin — musamman a jihar Zamfara da ke da yalwar ma’adinai irin su zinariya.

Sheikh Zakzaky ya yi zargin cewa Amurka na amfani da ƙungiyoyin ta’addanci irin su Boko Haram don haifar da tashin hankali, tare da samar da hujjar kafa sansanonin soja da zuba hannun jari kan albarkatun ƙasa bayan rushe tsarin rayuwar jama’a. Ya kwatanta wannan dabarar da irin wadda aka yi amfani da ita a Iraƙi ta hanyar ISIS.

•Zargin Hadin Gwiwar Cikin Gida da Waje

A bangaren wasu ƴan siyasa, tsohon Ministan Sufurin Jiragen Sama, Femi Fani-Kayode, ya sha bayyana zargin cewa wasu manyan jami'an gwamnati a cikin gida da na ƙasashen waje na da alaƙa da Boko Haram. A wata hira da aka yi da shi a 2014, ya bayyana cewa akwai wasu ƴan siyasa da ke da alaƙa kai tsaye da wannan ƙungiyar ta’addanci.

Baya ga haka, wani ɗan majalisar wakilan Amurka, Scott Perry, ya bayyana cewa, tsofaffin shugabannin Amurka — Barack Obama da Joe Biden, sun tallafa wa ƙungiyoyin ta’addanci a duniya, ciki har da Boko Haram.

•Harin 2015 ya Ƙara Tabbatar da Batun Shehin Malamin

Daya daga cikin al’amuran da s**a sake fito da wannan zargi fili shine harin da sojoji s**a kai wa Sheikh Zakzaky da mabiyansa a Zaria a watan Disamba 2015. Rahotanni sun bayyana cewa sama da mabiya 1000 ne s**a rasa rayukansu, ciki har da ƴaƴansa uku. Sheikh Zakzaky da matarsa sun jikkata kuma aka tsare su na tsawon shekaru shida duk da umarnin kotu da ke neman a sake su ba tare da sharaɗi ba.

Sheikh Zakzaky ya bayyana cewa wannan hari na da alaƙa da jawabin da ya gabatar a wancan lokaci, inda ya musanta wanzuwar Boko Haram a matsayin ƙungiyar kishin Islama. A cewarsa: “Wannan wata dabara ce da gwamnati ke amfani da ita don haifar da ruɗani da halaka al’umma don wawushe dukiyoyinsu.”

•Sabon Salo: Daga Boko Haram zuwa Lakurawa

Daga cikin wasu saƙinninsa bayan samun ƴanci, Sheikh Zakzaky ya bayyana cewa maƙiya sun sauya salo daga amfani da sunan Boko Haram zuwa ƙungiyoyi da ake kira ƴan bindiga, masu garkuwa da mutane da sauran sunaye k**ar 'Lakurawa', amma da manufa ɗaya: kawo rudani da hana jama’a amfana da albarkatunsu.

•Kiran ta Musamman ga Al’umma

A ƙarshe, Jagoran Harka Musulunci ya yi kira ga ƴan Najeriya da su tashi tsaye su fuskanci wannan ƙalubale. Ya ce shiru ko tsoro na nufin amincewa da makircin da ke yi wa ƙasar illa.

Har wa yau, tambayoyin da al’umma ke ci gaba da yi suna ƙaruwa tare da gaskata bayanan da Shehin Malamin ya shafe shekaru yana faɗakarwa akai: Me ya kawo Sojojin Amurka Najeriya? Su waye s**a gayyace su? Me ya sa ake ganinsu tare da jami’an gwamnati? A cewar masu fashin baki, waɗannan abubuwa da ke ci gaba da gudana na ƙarfafa ikirarin da Sheikh Ibraheem Zakzaky ya shafe shekaru yana faɗakar da al’umma akai.

©Freedom Fighters Nigeria🎙️
7 ga Mayu, 2025

04/05/2025

🎬| SHUGABANNIN KIRISTA SUN YABA WA SHEIKH ZAKZAKY KAN HADIN KAI TSAKANIN ADDINAI

—Freedom Fighters Hausa🎙️
4 ga Mayu, 2025

Shugabannin Kirista daga Lafia, Jihar Nasarawa, sun bayyana gamsuwarsu matuƙa da irin ƙoƙarin Sheikh Ibraheem Zakzaky (H) wajen inganta zaman lafiya da fahimtar juna tsakanin mabambantan addinai a Najeriya.

Wannan yabawa ya fito ne yayin wata ziyarar girmamawa da s**a kai wa Sheikh Zakzaky a gidansa da ke Abuja a ranar Asabar, wato jiya, 3 ga Mayu, 2025. A yayin ziyaran, shugabannin Kiristocin sun bayyana gamsuwa tare da godiya ga jajircewarsa wajen tabbatar da zaman lafiya da haɗin kai a tsakanin mabiya bangarori daban-daban a kasar nan.

Sheikh Zakzaky ya sadaukar da rayuwarsa na tsawon shekaru wajen ganin an samu tattaunawa mai ma’ana, girmama juna da kuma haɗin kai tsakanin Kiristoci da Musulmai—lamarin da ya zama fitaccen alama ta jagoranci na gaskiya da hikima, tausayi da hangen nesa da kuma dorewar zaman lafiya a Najeriya.

Wannan gagarumin ƙoƙari da Sheikh Zakzaky yake yi ya cancanci yabawa kwarai da kuma koyi daga dukkan shugabanni a fadin Najeriya domin gina al’umma mai adalci, zaman lafiya da haɗin kai ya rataya ne bisa irin wannan tsari na fahimtar juna da adalci tsakanin addinai.

02/05/2025

To amma me ya kawo Sojojin Amurka Najeriya? Su wanene s**a gayyace su? kuma da wane dalili?

Loading...🖋️

02/05/2025

Gobaran Isra’ila Alama Ne Cewa Duniya Ta Gaji da Mamayar Sahayunawa

—Freedom Fighters Nigeria🎙️
2 May, 2025

Fitaccen masanin nan kuma mai sharhi kan harkokin ƙasa da ƙasa, Shamsuddeen Hasan, ya bayyana cewa gobarar da ta tashi a haramtacciyar ƙasar Sahayunawa tana isar da babban saƙo ga duniya, inda ya ce duniya ta gaji da ƙasar kuma ta fara bijirewa ayyukanta.

A cewarsa, “Babban saƙon da wannan wutar gobara ke isarwa shine, duniya gabaki ɗaya ta gaji da Sahayunawa, ta dawo rakiyarsu, tana tir da lamarinsu.” Ya kara da cewa, “Abin mamaki ne yadda bala’i k**ar haka ya afkawa wata ƙasa amma babu abinda ake yi a duniya sai murna da farin ciki.”

Masani Shamsuddeen ya ci gaba da cewa, har ma a ƙasashen Yammacin Duniya, mafi yawan jama’a suna bayyana jin daɗinsu kan faruwar lamarin. “Wannan ya nuna lallai tabbas babban ginshiƙin da akansa ne aka kafa wannan ƙasar na mamaya ya karye – shine tausayin da ake musu tun bayan ƙaryar Holocaust,” in ji shi.

Ya kuma jaddada cewa, “Ɗufanul Aqsa ya tafi da wannan ƙarya har abada,” yana mai nuni da yadda goyon bayan duniya ga Isra’ila ke raguwa sosai musamman biyo bayan yakin Gaza da Isra'ilan ta kaddamar.

Shamsuddeen Hasan ya kwatanta martanin duniya da aka gani bayan fashewar sinadarai a tashar jirgin ruwa a Iran da yadda ake nuna farin ciki a yanzu da gobarar, yana mai cewa hakan na nuna karara cewa “Nasara ta bayyana ƙarara a tsagin ƴan gwagwarmaya (raunana waɗanda ake zalunta).”

A ƙarshe, ya ɗora alhakin wani muhimmin zargi kan Sahayunawa cewa: “Idan har su ne s**a yi sanadiyyar fashewar chemicals a Iran, to a lalubo musabbabin wannan gobarar a Tehran.”

Wannan muhimmin saƙo daga Shamsuddeen Hasan na zuwa ne a lokacin da ake ci gaba da tantance musabbabin gobarar da ta auku, yayin da ra’ayoyi daban-daban ke bayyana a fadin duniya.

30/04/2025

Tsohon Fursuna a Gaza Ya Yabi Dakarun Falasɗinu (Hamas) a Wani Jawabi da Ya Girgiza Isra’ila

–Freedom Fighters Nigeria🎙️
30 Afrilu, 2025

Alexander Trufanov, wani ɗan Isra’ila-Rasha da aka sako kwanaki bayan shafe kwana 498 a hannun ƴan gwagwarmayar Falasɗinu, ya fitar da wani muhimmin jawabi da ba'a yi zato ba, inda ya yaba ma masu garkuwa da shi — jawabin da rahotanni ke cewa ya girgiza gwamnatin Isra’ila, magoya bayanta da kuma kafafen yaɗa labaranta.

A cikin jawabin nasa, Trufanov ya bayyana lokacin da ya yi a matsayin wani lokaci mai mahimmanci, yana mai ƙalubalantar labarun da ake yaɗawa game da gwagwarmayar Falasɗinu cewa:

“Jinƙanku (Hamπs) ya zame mun tarihi a zuciyata,” ya fara da cewa. “A cikin kwana 498 da na rayu tare da ku, duk da zalunci da laifukan da ake aikata muku, na koyi ma’anar mazantaka na gaskiya, jarumta ta gaskiya, mutunta ɗan adam, tare da darajtawa.”

Saɓanin yadda mutane da dama ke zato, Trufanov ya jaddada yadda aka kula da shi cikin tausayi da soyayya. Ya ci gaba da bayani cewa, “Ku ne ƴantattun da ke ƙarƙashin takurawa, alhalin ni kuma fursuna ne — kun kasance masu kare rayuwata. Kun kula da ni k**ar yadda uba mai ƙauna ke kula da ƴaƴansa. Kun kiyaye lafiyata, mutuncina, da jin daɗina.”

Ya ci gaba da bayyana yadda ya fusata da halayen gwamnatinsa na Isra'ila yana mai cewa: “Ko da yake na kasance a hannun mutanen da ke fafutukar neman ƙasarsu da haƙƙinsu — yayin da gwamnatinmu ke aikata kisan ƙare dangi mafi muni a kan wata al’umma da aka killace — ku ba ku taɓa barina cikin yunwa ko kunyatarwa ba.”

“Ban san ainihin ma’anar mazantaka ba har sai da na gani a cikin idanunku,” ya ƙara da cewa, “kuma ban fahimci darajar sadaukarwa ba har sai da na rayu a cikinku. Na gan ku kuna murmushi duk da cewa mutuwa kuke fuskanta, amma kuna masu ƙin amincewa da maƙiya masu mak**ai masu linzami, yayin da ku ba ku da komai sai jikin ku.”

A ƙarshe, Trufanov ya bayyana girmamawa ga waɗannan dakarun na Falasɗinu, cewa: “Ko da na so in kasance mai iya fadi, ba zan iya bayyana cikakken darajarku ba ko kuma girman mamakina da girmamawata a gare ku. Shin addininku ya koyar da ku ku kula da fursunoni k**ar haka ne Wannan addini ya cancanci girmamawa.”

Wannan saƙo da Alexander Trufanov isar ya tayar da muhawara a dandamalolin kafafen sada zumunta, jawabin ya haifar da tambayoyi game da yadda ake munana zato ko fassarar da ake yi ma ƴan gwagwarmayar Falasɗinu (Hamπs) a kafafen yaɗa labarai da kuma ainihin rayuwar fursunoni a dukkanin bangarorin biyu tsakanin Falasɗinu da Isra'ila.

29/04/2025

Amurka Na Cigaba Da Kisan Gilla A Yemen: Harin Jiragen Sama Na Amurka Ya Kashe Daruruwan Fursunoni a Wani Gidan Yari A Yemen

Aƙalla fursunoni 70 ƴan Afirka dake tsare a wani gidan yarin kasar Yemen ne s**a rasa rayukansu tare da aƙalla mutum 50 da s**a tsira da raunuka, sak**akon wani mummunan hari da Jiragen yaƙin Amurka s**a kai a wani gidan yari dake yankin Saada k**ar yadda kafafen yaɗa labarai s**a labarto.

Kafar yaɗa labarai ta Almasirah ta wallafa a jiya Litinin cewa Amurka ta kai harin ne a wani wurin tsare ƴan gudun hijira da s**a fito daga ƙasashen Afirka, wanda ke ɗauke da aƙalla fursunoni 115.

Jami'an hukumar agaji ta Civil defense sunyi aiki ba ƙaƙƙautawa domin kashe wutar da ta turnuƙe sak**akon harin tare da ceto rayukan waɗanda ke cikin gidan yarin tare da kai su cibiyoyin kula da lafiya.

Wani faifan bidiyo da ya karaɗe kafafen sada zumunta ya nuna yadda wurin ya turnuƙe ana iya ganin jikkunan mutane da s**a tarwatse.

Hukumomin cikin gida sun bayyana cewa akwai wani daga cikin missiles ɗin da jiragen na Amurka s**a harba ya faɗo ba tare da ya tarwatse ba a kusa da gidan yarin.

Ministan harkokin cikin gida na ƙasar ta Yemen yayi Allah wadai da wannan hari inda ya bayyana shi a matsayin "Cikakken laifin yaƙi" da kuma saɓa ma dokokin ƙasa da ƙasa.

Ministan ya bayyana cewa wannan gidan yari da Amurka ta kaima hari yana ƙarƙashin kulawar hukumar ƴan gudun hijira ta ƙasa da ƙasa 'International Organization For Migration ' da kuma hukumar agaji ta duniya 'International Federation Of Red Cross And Red Crescent Societies '

Kafar yaɗa labarai ta Almasirah ta bayyana cewa an tabbatar da rasa rayukan fursunoni 68 kuma ana tsammanin adadin zai iya wuce haka domin ana cigaba da zaƙulo jikkunan mutane a muhallin.

Hedkwatar tsaron Amurka ta Afirka da ake kira US Central... cikakken labarin 👉https://freedomfightersng.blogspot.com/2025/04/amurka-na-cigaba-da-kisan-gilla-yemen.html